Paneer tawa fry recipe in Kannada | ಪನೀರ್ ತವಾ ಫ್ರೈ ಮಾಡುವ ವಿಧಾನ

 

Paneer tawa fry recipe in Kannada | ಪನೀರ್ ತವಾ ಫ್ರೈ ಮಾಡುವ ವಿಧಾನ

ಪನೀರ್ ತವಾ ಫ್ರೈ ವಿಡಿಯೋ

ಹಿಟ್ಟಿಗೆ ಬೇಕಾಗುವ ಪದಾರ್ಥಗಳು: ( ಅಳತೆ ಕಪ್ = 240 ಎಂಎಲ್ )

1. 200gm ಪನೀರ್
2. 2 ಟೇಬಲ್ ಸ್ಪೂನ್ ಕಡ್ಲೆಹಿಟ್ಟು
3. 1 ಟೇಬಲ್ ಸ್ಪೂನ್ ಬಿಸಿ ಎಣ್ಣೆ
4. 1.5 ಟೀಸ್ಪೂನ್ ಅಚ್ಚಖಾರದ ಪುಡಿ
5. 1 ಟೀಸ್ಪೂನ್ ಧನಿಯಾ ಪುಡಿ
6. 1/2 ಟೀಸ್ಪೂನ್ ಜೀರಿಗೆ ಪುಡಿ
7. 1/2 ಟೀಸ್ಪೂನ್ ಗರಂ ಮಸಾಲಾ
8. 1/4 ಟೀಸ್ಪೂನ್ ಚಾಟ್ ಮಸಾಲಾ
9. ದೊಡ್ಡ ಚಿಟಿಕೆ ಅರಿಶಿನ
10. 1 ಟೀಸ್ಪೂನ್ ಶುಂಠಿ ಬೆಳ್ಳುಳ್ಳಿ ಪೇಸ್ಟ್
11. 2 ಟೇಬಲ್ ಸ್ಪೂನ್ ಗಟ್ಟಿ ಮೊಸರು
12. 1 ಟೇಬಲ್ ಸ್ಪೂನ್ ಕಸೂರಿ ಮೇಥಿ
13. ಉಪ್ಪು ರುಚಿಗೆ ತಕ್ಕಂತೆ

ಹಸಿರು ಚಟ್ನಿಗೆ ಬೇಕಾಗುವ ಪದಾರ್ಥಗಳು: ( ಅಳತೆ ಕಪ್ = 240 ಎಂಎಲ್ )

1. ಸಣ್ಣ ಹಿಡಿ ಪುದೀನಾ ಸೊಪ್ಪು
2. ಸಣ್ಣ ಹಿಡಿ ಕೊತ್ತಂಬರಿ ಸೊಪ್ಪು
3. 1 - 2 ಹಸಿಮೆಣಸಿನಕಾಯಿ
4. 1cm ಉದ್ದದ ಶುಂಠಿ
5. 2 ಟೇಬಲ್ ಚಮಚ ಗಟ್ಟಿ ಮೊಸರು
6. 1/4 ಟೀಸ್ಪೂನ್ ಜೀರಿಗೆ ಪುಡಿ
7. 1/4 ಟೀಸ್ಪೂನ್ ಚಾಟ್ ಮಸಾಲಾ
8. ಉಪ್ಪು ರುಚಿಗೆ ತಕ್ಕಷ್ಟು
9. ಸಕ್ಕರೆ ರುಚಿಗೆ ತಕ್ಕಷ್ಟು

ಪನೀರ್ ತವಾ ಫ್ರೈ ಮಾಡುವ ವಿಧಾನ:

1. ಕಡ್ಲೆಹಿಟ್ಟನ್ನು ಒಂದು ಪಾತ್ರೆಯಲ್ಲಿ ತೆಗೆದುಕೊಳ್ಳಿ.
2. ಬಿಸಿ ಬಿಸಿ ಎಣ್ಣೆ ಹಾಕಿ ಕಲಸಿ.
3. ಅದಕ್ಕೆ ಅಚ್ಚಖಾರದ ಪುಡಿ, ಧನಿಯಾ ಪುಡಿ, ಜೀರಿಗೆ ಪುಡಿ, ಗರಂ ಮಸಾಲಾ ಪುಡಿ ಮತ್ತು ಚಾಟ್ ಮಸಾಲಾ ಸೇರಿಸಿ.
4. ಅರಿಶಿನ ಸೇರಿಸಿ ಮತ್ತು ಉಪ್ಪು ಸೇರಿಸಿ.
5. ಶುಂಠಿ ಬೆಳ್ಳುಳ್ಳಿ ಪೇಸ್ಟ್ ಸೇರಿಸಿ.
6. ಮೊಸರು ಮತ್ತು ಕಸೂರಿ ಮೇಥಿ ಸೇರಿಸಿ ಮಗುಚಿ.
7. ಅದಕ್ಕೆ ಪನೀರ್ ಚೂರುಗಳನ್ನು ಹಾಕಿ ಕಲಸಿ, ಮೂವತ್ತು ನಿಮಿಷ ನೆನೆಯಲು ಬಿಡಿ.
8. ತವ ಅಥವಾ ಬಾಣಲೆಯಲ್ಲಿ ಎಣ್ಣೆ ಬಿಸಿ ಮಾಡಿ.
9. ಮಸಾಲೆ ಹಚ್ಚಿದ ಪನೀರ್ ಚೂರುಗಳನ್ನು ಖಾಯಿಸಿ.
10. ಹಸಿರು ಚಟ್ನಿ ಯೊಂದಿಗೆ ಬಡಿಸಿ. ಹಾಗೆಯೂ ತಿನ್ನಬಹುದು.

ಹಸಿರು ಚಟ್ನಿ ಮಾಡುವ ವಿಧಾನ:

1. ಮಿಕ್ಸಿ ಜಾರಿನಲ್ಲಿ ಪುದೀನಾ, ಕೊತ್ತಂಬರಿ ಸೊಪ್ಪು, ಮೊಸರು, ಹಸಿಮೆಣಸಿನಕಾಯಿ ಮತ್ತು ಶುಂಠಿ ತೆಗೆದುಕೊಳ್ಳಿ .
2. ಅದಕ್ಕೆ ಜೀರಿಗೆ ಪುಡಿ, ಚಾಟ್ ಮಸಾಲಾ ಉಪ್ಪು ಮತ್ತು ಸಕ್ಕರೆ ಸೇರಿಸಿ.
3. ನುಣ್ಣಗೆ ರುಬ್ಬಿ.
4. ಪನೀರ್ ತವ ಫ್ರೈ ಅಥವಾ ಯಾವುದೇ ಸ್ನಾಕ್ಸ್ ಜೊತೆ ಬಡಿಸಿ.

To see step by step pictures click here (ಹಂತ ಹಂತವಾದ ಚಿತ್ರ ವೀಕ್ಷಿಸಲು ಇಲ್ಲಿ ಕ್ಲಿಕ್ಕಿಸಿ)

Chigali recipe in Kannada | ಚಿಗಳಿ ಮಾಡುವ ವಿಧಾನ

 

Chigali recipe in Kannada | ಚಿಗಳಿ  ಮಾಡುವ ವಿಧಾನ

ಚಿಗಳಿ ವಿಡಿಯೋ

ಬೇಕಾಗುವ ಪದಾರ್ಥಗಳು (ಅಳತೆ ಕಪ್ = 240 ಎಂಎಲ್ ):

1. 1/4 ಕಪ್ ಹುಣಿಸೇಹಣ್ಣು
2. 1 ಟೀಸ್ಪೂನ್ ಜೀರಿಗೆ
3. 1 ಟೀಸ್ಪೂನ್ ಉಪ್ಪು (ಅಥವಾ ರುಚಿಗೆ ತಕ್ಕಷ್ಟು)
4. 1/2 - 1 ಟೀಸ್ಪೂನ್ ಅಚ್ಚಖಾರದ ಪುಡಿ
5. 1 ಟೇಬಲ್ ಚಮಚ ಬೆಲ್ಲ
6. 1/2 ಟೀಸ್ಪೂನ್ ಎಣ್ಣೆ (ಬೇಕಾದಲ್ಲಿ)

ಚಿಗಳಿ ಮಾಡುವ ವಿಧಾನ:

1.  ಉಪ್ಪು ಮತ್ತು ಜೀರಿಗೆಯನ್ನು ಚೆನ್ನಾಗಿ ಗುದ್ದಿ ಪುಡಿಮಾಡಿಕೊಳ್ಳಿ. ಜೀರಿಗೆ ಬದಲು ಜೀರಿಗೆ ಪುಡಿಯನ್ನು ಬಳಸಬಹುದು.  
2. ಬೆಲ್ಲ, ಅಚ್ಚಖಾರದ ಪುಡಿ ಮತ್ತು ಹುಣಿಸೆಹಣ್ಣಿನ ಚೂರುಗಳನ್ನು ಹಾಕಿ ಚೆನ್ನಾಗಿ ಜಜ್ಜಿ.
3. ಬೇಕಾದಲ್ಲಿ ಮಿಕ್ಸಿ ಜಾರಿಗೆ ಹಾಕಿ ಪುಡಿ ಮಾಡಿಕೊಳ್ಳಬಹುದು. 
4. ಚೆನ್ನಾಗಿ ಜಜ್ಜಿ ಮುದ್ದೆ ಆದ ನಂತರ, ಎಣ್ಣೆ ಹಾಕಿ ಸ್ವಲ್ಪ ಹೊತ್ತು ಗುದ್ದಿ. 
5. ಉಂಡೆಗಳನ್ನು ಮಾಡಿ ಕಡ್ಡಿಯನ್ನು ಚುಚ್ಚಿ. 
6. ಅಥವಾ ಸಣ್ಣ ಉಂಡೆ ಮಾಡಿ ಸಕ್ಕರೆ ಪುಡಿಯಲ್ಲಿ ಹೊರಳಾಡಿಸಿ, ಎತ್ತಿಡಿ. 
7. ಮಿಠಾಯಿಯಂತೆ ಸವಿದು ಆನಂದಿಸಿ. 

To see step by step pictures click here (ಹಂತ ಹಂತವಾದ ಚಿತ್ರ ವೀಕ್ಷಿಸಲು ಇಲ್ಲಿ ಕ್ಲಿಕ್ಕಿಸಿ)

Choco bar recipe in Kannada | ಬಿಸ್ಕೆಟ್ ಚಾಕೋ ಬಾರ್ ಮಾಡುವ ವಿಧಾನ

 

Choco bar recipe in Kannada | ಬಿಸ್ಕೆಟ್ ಚಾಕೋ ಬಾರ್ ಮಾಡುವ ವಿಧಾನ 

ಚಾಕೋ ಬಾರ್ ವಿಡಿಯೋ

ಬೇಕಾಗುವ ಪದಾರ್ಥಗಳು: ( ಅಳತೆ ಕಪ್ = 240 ಎಂಎಲ್ 

1. 2 ಸಣ್ಣ ಪ್ಯಾಕೆಟ್ ಚಾಕೋಚಿಪ್ ಬಿಸ್ಕತ್ (5ರೂ. ನ ಹ್ಯಾಪಿ ಹ್ಯಾಪಿ)
2. 1/4 - 1/2 ಕಪ್ ಹಾಲು
3. 1- 2 ಟೀಸ್ಪೂನ್ ಸಕ್ಕರೆ (ಅಥವಾ ನಿಮ್ಮ ರುಚಿಗೆ ತಕ್ಕಷ್ಟು)

ಬಿಸ್ಕೆಟ್ ಚಾಕೋ ಬಾರ್ ಮಾಡುವ ವಿಧಾನ:

1. ಹಾಲನ್ನು ಕುದಿಸಿ ಆರಿಸಿಕೊಳ್ಳಿ. 
2. ಬಿಸ್ಕತ್ ಪ್ಯಾಕ್ ತೆರೆದು ಬಿಸ್ಕತ್ ಅನ್ನು ಮಿಕ್ಸಿ ಜಾರಿಗೆ ಹಾಕಿಕೊಳ್ಳಿ. 
3. ರುಚಿಗೆ ತಕ್ಕಂತೆ ಸಕ್ಕರೆ ಸೇರಿಸಿ. ಸಕ್ಕರೆ ಹಾಕದೆಯೂ ಮಾಡಬಹುದು. 
4. ಬಿಸ್ಕತ್ಕು ಅನ್ನು ಪುಡಿಮಾಡಿಕೊಳ್ಳಿ. 
5. ಹಾಲು ಹಾಕಿ ಪುನಃ ಅರೆಯಿರಿ. ದಪ್ಪ ಮಿಲ್ಕ್ ಶೇಕ್ ನಂತಾಗಲಿ.  
6. ಈಗ ಲೋಟ ತೆಗೆದುಕೊಂಡು ಅದರಲ್ಲಿ ಖಾಲಿ ಬಿಸ್ಕತ್ ಕವರ್ ಇಡಿ. 
7. ಅದಕ್ಕೆ ಅರೆದ ಮಿಶ್ರಣವನ್ನು ಸುರಿಯಿರಿ.  ಪೇಪರ್ ಕಪ್ ಬೇಕಾದರೂ ಬಳಸಬಹುದು. 
8. ಒಂದು ಚಮಚ ಅಥವಾ ಕಡ್ಡಿ ಇಟ್ಟು ಫ್ರೀಜರ್ ನಲ್ಲಿಟ್ಟು ಗಟ್ಟಿಯಾಗಲು ಬಿಡಿ. ಸುಮಾರು ೪ - ೫ ಘಂಟೆ ಬೇಕಾಗಬಹುದು.ನಾನು ರಾತ್ರೆಯಿಡೀ ಇಟ್ಟಿದ್ದೆ.
9. ಗಟ್ಟಿಯಾದ ನಂತರ, ಬಿಸ್ಕತ್ ಕವರ್ ಅನ್ನು ಹರಿದು ತೆಗೆಯಿರಿ. 
10. ರುಚಿಯಾದ ಚಾಕೋ ಬಾರ್ ನ್ನು ಸವಿಯಿರಿ. 

To see step by step pictures click here (ಹಂತ ಹಂತವಾದ ಚಿತ್ರ ವೀಕ್ಷಿಸಲು ಇಲ್ಲಿ ಕ್ಲಿಕ್ಕಿಸಿ)

Haalina ice candy recipe in Kannada | ಹಾಲಿನ ಐಸ್ ಕ್ಯಾಂಡಿ ಮಾಡುವ ವಿಧಾನ

 

Haalina ice candy recipe in Kannada | ಹಾಲಿನ ಐಸ್ ಕ್ಯಾಂಡಿ ಮಾಡುವ ವಿಧಾನ 

ಹಾಲಿನ ಐಸ್ ಕ್ಯಾಂಡಿ ವಿಡಿಯೋ

ಬೇಕಾಗುವ ಪದಾರ್ಥಗಳು: ( ಅಳತೆ ಕಪ್ = 240 ಎಂಎಲ್ 

1. 2.5 ಕಪ್ ಹಾಲು 
2. 2 ಟೇಬಲ್ ಚಮಚ ಗೋಧಿಹಿಟ್ಟು
3. 1/4 ಕಪ್ ಸಕ್ಕರೆ (ಅಥವಾ ನಿಮ್ಮ ರುಚಿಗೆ ತಕ್ಕಷ್ಟು)
4. ಐಸ್ ಕ್ಯಾಂಡಿ ಅಚ್ಚು ಅಥವಾ ಲೋಟ

ಹಾಲಿನ ಐಸ್ ಕ್ಯಾಂಡಿ ಐಸ್ ಕ್ಯಾಂಡಿ ಮಾಡುವ ವಿಧಾನ:

1. ಹಾಲನ್ನು ಕುದಿಸಿ ಕೆನೆ ಎತ್ತಿಟ್ಟುಕೊಳ್ಳಿ. 
2. ಅರ್ಧ ಲೋಟ ಹಾಲಿಗೆ ಗೋಧಿ ಹಿಟ್ಟು ಹಾಕಿ ಕಲಸಿಟ್ಟುಕೊಳ್ಳಿ. 
3. ಒಂದು ಕಪ್ ಹಾಲನ್ನುಕುದಿಯಲು ಇಡಿ. 
4. ಕುದಿಯಲು ಶುರು ಆದ ಕೂಡಲೇ  ಸಕ್ಕರೆ ಮತ್ತು ಗೋಧಿಹಿಟ್ಟು ಕಲಸಿದ ಹಾಲು ಸೇರಿಸಿ. 
5. ಒಂದೈದು ನಿಮಿಷ ಸಣ್ಣ ಉರಿಯಲ್ಲಿ ಮಗುಚುತ್ತಾ ಕುದಿಸಿ. 
6. ಬಿಸಿ ಆರಿದ ಮೇಲೆ ಮಿಕ್ಸಿಜಾರಿಗೆ ಹಾಕಿ. ಇನ್ನೊಂದು ಕಪ್ ಹಾಲು, ಎತ್ತಿಟ್ಟ ಕೆನೆ ಸೇರಿಸಿ. ಬೇಕಾದಲ್ಲಿ ಜಾಸ್ತಿ ಕೆನೆ ಅಥವಾ ಫ್ರೆಶ್ ಕ್ರೀಮ್ ಇದ್ದಲ್ಲಿ ಸ್ವಲ್ಪ ಸೇರಿಸಬಹುದು.  
7. ಸ್ವಲ್ಪ ಹೊತ್ತು ಮಿಕ್ಸಿ ಮಾಡಿ, ಕುಲ್ಫಿ ಅಥವಾ ಐಸ್ ಕ್ಯಾಂಡಿ ಮೌಲ್ಡ್ ಗೆ ಹಾಕಿ ಫ್ರೀಜರ್ ನಲ್ಲಿಟ್ಟು ಗಟ್ಟಿಯಾಗಲು ಬಿಡಿ. ಸುಮಾರು ೪ - ೫ ಘಂಟೆ ಬೇಕಾಗಬಹುದು.ನಾನು ರಾತ್ರೆಯಿಡೀ ಇಟ್ಟಿದ್ದೆ.
8. ಐಸ್ ಕ್ಯಾಂಡಿ ಅಚ್ಚು ಇಲ್ಲದಿದ್ದಲ್ಲಿ ಸಣ್ಣ ಪೇಪರ್ ಕಪ್ ಅಥವಾ ಸ್ಟೀಲ್ ಲೋಟಕ್ಕೆ ಹಾಕಿ, ಐಸ್ ಕ್ಯಾಂಡಿ ಕಡ್ಡಿಯನ್ನು ಇಟ್ಟು, ನಂತರ ಫ್ರೀಜರ್ ನಲ್ಲಿಟ್ಟು ಗಟ್ಟಿಯಾಗಲು ಬಿಡಿ. 
9. ಗಟ್ಟಿಯಾದ ನಂತರ, ಅಚ್ಚು ಅಥವಾ ಲೋಟವನ್ನು ಕೆಲವು  ಸೆಕೆಂಡ್ ಗಳ ಕಾಲ ನೀರಿನಲ್ಲಿಡಿ ಅಥವಾ ನಲ್ಲಿ(ಟ್ಯಾಪ್) ನೀರಿನಡಿ ಹಿಡಿಯಿರಿ. ಆಮೇಲೆ ಐಸ್ ಕ್ಯಾಂಡಿಯನ್ನು ಜಾಗ್ರತೆಯಿಂದ ಹೊರ ತೆಗೆದು ಸವಿಯಿರಿ. 

To see step by step pictures click here (ಹಂತ ಹಂತವಾದ ಚಿತ್ರ ವೀಕ್ಷಿಸಲು ಇಲ್ಲಿ ಕ್ಲಿಕ್ಕಿಸಿ)

Benne biscuit recipe using wheat flour in Kannada | ಗೋಧಿಹಿಟ್ಟಿನ ಬೆಣ್ಣೆ ಬಿಸ್ಕತ್ ಮಾಡುವ ವಿಧಾನ

 

Benne biscuit recipe using wheat flour in Kannada | ಗೋಧಿಹಿಟ್ಟಿನ ಬೆಣ್ಣೆ ಬಿಸ್ಕತ್ ಮಾಡುವ ವಿಧಾನ

ಬೆಣ್ಣೆ ಬಿಸ್ಕತ್ ವಿಡಿಯೋ

ಬೇಕಾಗುವ ಪದಾರ್ಥಗಳು: ( ಅಳತೆ ಕಪ್ = 240 ಎಂಎಲ್ )

1. 1/2 ಕಪ್ ಗೋಧಿ ಹಿಟ್ಟು
2. 1/4 ಕಪ್ ಸಕ್ಕರೆ 
3. 1/8 ಕಪ್ ತುಪ್ಪ ಅಥವಾ ಎಣ್ಣೆ

ಗೋಧಿಹಿಟ್ಟಿನ ಬೆಣ್ಣೆ ಬಿಸ್ಕತ್ ಮಾಡುವ ವಿಧಾನ:

1. ಸಕ್ಕರೆಯನ್ನು ಮಿಕ್ಸಿಯಲ್ಲಿ ಪುಡಿ ಮಾಡಿಟ್ಟುಕೊಳ್ಳಿ. ಉಳಿದ ಪದಾರ್ಥಗಳನ್ನು ಅಳತೆ ಪ್ರಕಾರ ತೆಗೆದುಕೊಳ್ಳಿ. 
2. ಒಂದು ಬಟ್ಟಲಿನಲ್ಲಿ ಸಕ್ಕರೆ ಪುಡಿ ಮತ್ತು ತುಪ್ಪ (ಅಥವಾ ಎಣ್ಣೆ) ಹಾಕಿ ಚೆನ್ನಾಗಿ ಕಲಸಿಕೊಳ್ಳಿ.
3. ಆಮೇಲೆ ಸ್ವಲ್ಪ ಸ್ವಲ್ಪ ಗೋಧಿ ಹಿಟ್ಟು ಸೇರಿಸುತ್ತ ಮೃದುವಾದ ಹಿಟ್ಟನ್ನು ಕಲಸಿಕೊಳ್ಳಿ.  
4. ಸಣ್ಣ ನೆಲ್ಲಿಕಾಯಿ ಗಾತ್ರದ ಚಪ್ಪಟೆ ಉಂಡೆಗಳನ್ನು ಮಾಡಿ. 
5. ಬಿಸ್ಕೆಟ್ನ ಮೇಲೆ ಮ್ಮಿಷ್ಟದ ಡಿಸೈನ್ ಮಾಡಬಹುದು. 
6. ಒಂದು ಪ್ಲೇಟ್ ಅಥವಾ ಟ್ರೇ ಗೆ ತುಪ್ಪ ಸವರಿ. ನಾನು ಮಿನಿ ಇಡ್ಲಿ ಪ್ಲೇಟ್ ಬಳಸಿದ್ದೇನೆ. 
7. ತುಪ್ಪ ಸವರಿದ ಪ್ಲೇಟ್ ಮೇಲೆ ಮಾಡಿದ ಬಿಸ್ಕೆಟ್ಸ್ ಇಡಿ. 
8. ಒಂದು ದಪ್ಪ ತಳದ ಬಾಣಲೆ ಒಳಗೆ ಒಂದು ಸ್ಟಾಂಡ್ ಇಟ್ಟು, ಒಂದೆರಡು ನಿಮಿಷ ಬಿಸಿಮಾಡಿಕೊಳ್ಳಿ. 
9. ಆಮೇಲೆ ಬಿಸ್ಕೆಟ್ಸ್ ಇರುವ ಪ್ಲೇಟ್ ಇಟ್ಟು ಮುಚ್ಚಳ ಮುಚ್ಚಿ, 12 - 15 ನಿಮಿಷ ಬೇಯಿಸಿ. 
10. ಸುಮಾರು ಹತ್ತು ನಿಮಿಷದ ನಂತ್ರ ನಿಮಿಷಕ್ಕೊಮ್ಮೆ ಬಿಸ್ಕೆಟ್ನ ಕೆಳಭಾಗ ನೋಡಿ. ಒಳ್ಳೆಯ ಘಮ ಮತ್ತು ಕೆಳಭಾಗ ಸ್ವಲ್ಪ ಕಂದು ಬಣ್ಣಕ್ಕೆ ತಿರುಗಿದರೆ ಸಾಕು. 
11. ಸ್ಟವ್ ಆಫ್ ಮಾಡಿ, ಬಿಸಿ ಆರಿದ ಮೇಲೆ ಬಿಸ್ಕೆಟ್ಸ್ ತೆಗೆಯಿರಿ. ಸವಿದು ಆನಂದಿಸಿ. ಜಾಸ್ತಿ ಮಾಡುವುದಾದಲ್ಲಿ ಇನ್ನೊಂದು ಬಿಸ್ಕೆಟ್ ಇರುವ ಪ್ಲೇಟ್ ಇಟ್ಟು ಬೇಯಿಸುವುದನ್ನು ಮುಂದುವರೆಸಿ. 
12. ಮೈಕ್ರೋವೇವ್ ಓವೆನ್ ನಲ್ಲಿ (200W)  2- 3 ನಿಮಿಷ. ಮಾಮೂಲಿ ಓವೆನ್ ನಲ್ಲಿ (180deg) 10 - 12 ನಿಮಿಷ ಬೇಯಿಸಿ ಮಾಡಬಹುದು. ಸಮಯ ಓವೆನ್ ನಿಂದ ಓವೆನ್ ಗೆ ಬದಲಾಗಬಹುದು. 

To see step by step pictures click here (ಹಂತ ಹಂತವಾದ ಚಿತ್ರ ವೀಕ್ಷಿಸಲು ಇಲ್ಲಿ ಕ್ಲಿಕ್ಕಿಸಿ)

Pani puri recipe in Kannada | ಪಾನಿ ಪುರಿ ಮಾಡುವ ವಿಧಾನ

Pani puri recipe in Kannada | ಪಾನಿ ಪುರಿ ಮಾಡುವ ವಿಧಾನ 

ಪಾನೀ ಪುರಿ ವಿಡಿಯೋ

ಪೂರಿ ಮಾಡಲು ಬೇಕಾಗುವ ಪದಾರ್ಥಗಳು: ( ಅಳತೆ ಕಪ್ = 240 ಎಂಎಲ್ )

1. 1 ಕಪ್ ಸಣ್ಣ ರವೇ ಅಥವಾ ಚಿರೋಟಿ ರವೇ 
2. 1 ಟೇಬಲ್ ಚಮಚ ಮೈದಾ ಹಿಟ್ಟು
3. 1/2 ಟೀಸ್ಪೂನ್ ಉಪ್ಪು 
4. 1/4 ಟೀಸ್ಪೂನ್ ಅಡುಗೆ ಸೋಡಾ
5. 1 ಟೀಸ್ಪೂನ್  ಅಡುಗೆ ಎಣ್ಣೆ
6. ಸುಮಾರು ಅರ್ಧ ಕಪ್ ನೀರು 
7. ಎಣ್ಣೆ ಪೂರಿ ಕಾಯಿಸಲು

ಆಲೂ ಮಸಾಲೆ ಮಾಡಲು ಬೇಕಾಗುವ ಪದಾರ್ಥಗಳು: ( ಅಳತೆ ಕಪ್ = 240 ಎಂಎಲ್ )

1. 2 ದೊಡ್ಡ ಆಲೂಗಡ್ಡೆ
2. 1/4 ಟೀಸ್ಪೂನ್ ಉಪ್ಪು 
3. 1/4 ಟೀಸ್ಪೂನ್ ಅಚ್ಚಖಾರದ ಪುಡಿ
4. 1/2 ಟೀಸ್ಪೂನ್ ಚಾಟ್ ಮಸಾಲಾ 

ಪಾನಿ ಮಾಡಲು ಬೇಕಾಗುವ ಪದಾರ್ಥಗಳು: ( ಅಳತೆ ಕಪ್ = 240 ಎಂಎಲ್ )

1. 1 ಹಿಡಿ ಪುದಿನ ಸೊಪ್ಪು 
2. 1 ಹಿಡಿ ಕೊತ್ತಂಬರಿ ಸೊಪ್ಪು
3. 2 - 4 ಹಸಿರುಮೆಣಸಿನಕಾಯಿ
4. 1/2 ಟೀಸ್ಪೂನ್ ಬ್ಲಾಕ್ ಸಾಲ್ಟ್ ಅಥವಾ ಸೈನ್ದವ ಲವಣ
5. 1 ಟೀಸ್ಪೂನ್ ಚಾಟ್ ಮಸಾಲಾ
6. ನೆಲ್ಲಿಕಾಯಿ ಗಾತ್ರದ ಹುಣಿಸೆಹಣ್ಣು
7. ರುಚಿಗೆ ತಕ್ಕಷ್ಟು ಬೆಲ್ಲ
8. 1/2 ಟೀಸ್ಪೂನ್ ನಿಂಬೆಹಣ್ಣಿನ ರಸ ಅಥವಾ ಆಮಚೂರ್ ಪುಡಿ
9. ಉಪ್ಪು ರುಚಿಗೆ ತಕ್ಕಷ್ಟು
10. 1 ದೊಡ್ಡ ಈರುಳ್ಳಿ ಕತ್ತರಿಸಿದ್ದು (ಸರ್ವ್ ಮಾಡಲು ಅಥವಾ ಬಡಿಸಲು)

ಪಾನಿ ಪುರಿ ಮಾಡುವ ವಿಧಾನ:

1. ಮೊದಲಿಗೆ ಪೂರಿ ಮಾಡಿಕೊಳ್ಳೋಣ. ಒಂದು ಪಾತ್ರೆಯಲ್ಲಿ  ಚಿರೋಟಿ ರವೇ, ಮೈದಾ ಹಿಟ್ಟು, ಉಪ್ಪು ಮತ್ತು ಸೋಡಾ ತೆಗೆದುಕೊಳ್ಳಿ. 
2. ಒಂದು ಚಮಚ ಎಣ್ಣೆ ಹಾಕಿ ಚೆನ್ನಾಗಿ ತಿಕ್ಕಿ ಕಲಸಿ. 
3. ಸ್ವಲ್ಪ ಸ್ವಲ್ಪ ನೀರು ಸೇರಿಸುತ್ತ ಚಪಾತಿ ಹಿಟ್ಟಿಗಿಂತ ಸ್ವಲ್ಪ ಗಟ್ಟಿಯಾದ ಹಿಟ್ಟನ್ನು ತಯಾರಿಸಿಕೊಳ್ಳಿ. 
4. ಒದ್ದೆಬಟ್ಟೆಯನ್ನು ಮುಚ್ಚಿ ಮೂವತ್ತು ನಿಮಿಷ ನೆನೆಯಲು ಬಿಡಿ. 
5. ನಂತ್ರ ಅಗತ್ಯವಿದ್ದಲ್ಲಿ ಸ್ವಲ್ಪ ನೀರು ಅಥವಾ ಸ್ವಲ್ಪ ರವೇ ಸೇರಿಸಿ, ಚೆನ್ನಾಗಿ ನಾದಿ (ಸುಮಾರು ಐದು ನಿಮಿಷ) ಮೃದು ಆದರೆ ಗಟ್ಟಿಯಾದ ಹಿಟ್ಟನ್ನು ತಯಾರಿಸಿಕೊಳ್ಳಿ. ಹಿಟ್ಟು ಚಪಾತಿ ಹಿಟ್ಟಿಗಿಂತ ಸ್ವಲ್ಪ ಗಟ್ಟಿ ಇರಲಿ. 
6. ದೊಡ್ಡ ನಿಂಬೆ ಗಾತ್ರದ ಹಿಟ್ಟನ್ನು ತೆಗೆದುಕೊಂಡು, ತೆಳ್ಳನೆ ಚಪಾತಿ ಲಟ್ಟಿಸಿ. ಮಾಮೂಲಿ ಚಪಾತಿಗಿಂತ ಸ್ವಲ್ಪ ತೆಳ್ಳಗಿರಲಿ. 
7. ಒಂದು ಲೋಟ ಅಥವಾ ಮುಚ್ಚಳದಿಂದ ಸಣ್ಣ ಸಣ್ಣ ಪೂರಿಗಳನ್ನು ಒತ್ತಿ ತೆಗೆದು, ಬಿಸಿಯಾದ ಎಣ್ಣೆಯಲ್ಲಿ ಕಾಯಿಸಿ. ಗುಳ್ಳೆಗಳು ನಿಂತ ಮೇಲೆ ಸಣ್ಣ ಉರಿಯಲ್ಲಿ ಹತ್ತು ಹದಿನೈದು ಸೆಕೆಂಡ್ ಕಾಯಿಸುವುದರಿಂದ ಪೂರಿ ಗರಿ ಗರಿ ಆಗುವುದು. 
8. ಆಲೂ ಮಸಾಲೆ ಮಾಡಲು ಬೇಯಿಸಿ ಸಿಪ್ಪೆ ತೆಗೆದ ಆಲೂಗಡ್ಡೆಯನ್ನು ಒಂದು ಪಾತ್ರೆಯಲ್ಲಿ ತೆಗೆದುಕೊಂಡು ಚೆನ್ನಾಗಿ ಹಿಸುಕಿ ಅಥವಾ ಮ್ಯಾಶ್ ಮಾಡಿ. 
9. ಉಪ್ಪು, ಅಚ್ಚಖಾರದ ಪುಡಿ ಮತ್ತು ಚಾಟ್ ಮಸಾಲಾ ಸೇರಿಸಿ, ಕಲಸಿ ಪಕ್ಕಕ್ಕಿಡಿ. 
10. ಪಾನಿ ಮಾಡಲು ಪುದಿನ ಸೊಪ್ಪು, ಕೊತ್ತಂಬರಿ ಸೊಪ್ಪು ಮತ್ತು ಹಸಿರುಮೆಣಸನ್ನು ಮಿಕ್ಸಿಯಲ್ಲಿ ಅಗತ್ಯವಿದ್ದಷ್ಟು ನೀರು ಸೇರಿಸಿ ನುಣ್ಣನೆ ಅರೆಯಿರಿ. 
11. ಅರೆದ ನಂತ್ರ ಸೋಸಿ, ಸೈನ್ದವ ಲವಣ, ಚಾಟ್ ಮಸಾಲಾ, ಹುಣಿಸೆಹಣ್ಣಿನ ರಸ, ಬೆಲ್ಲ ಮತ್ತು ನಿಂಬೆರಸ ಸೇರಿಸಿ. ರುಚಿಗೆ ತಕ್ಕಂತೆ ಉಪ್ಪು-ಹುಳಿ-ಸಿಹಿ-ಖಾರ ಹೊಂದಿಸಿ. ಅಗತ್ಯವಿದ್ದಷ್ಟು ನೀರು ಸೇರಿಸಿ ಕಲಕಿ. 
12. ಆಮೇಲೆ ಸಣ್ಣಗೆ ಕತ್ತರಿಸಿದ ಈರುಳ್ಳಿ ಜೊತೆಯಲ್ಲಿ ಪೂರಿ, ಆಲೂಮಸಾಲೆ ಮತ್ತು ಪಾನಿಯನ್ನು ಬಡಿಸಿ. 
13. ಪೂರಿಯ ತೆಳುವಾದ ಭಾಗವನ್ನು ತೂತು ಮಾಡಿ, ಆಲೂ ಮಸಾಲೆ, ಈರುಳ್ಳಿ ತುಂಬಿಸಿ, ಪಾನಿಯನ್ನೂ ತುಂಬಿಸಿ, ಸವಿದು ಆನಂದಿಸಿ. 

To see step by step pictures click here (ಹಂತ ಹಂತವಾದ ಚಿತ್ರ ವೀಕ್ಷಿಸಲು ಇಲ್ಲಿ ಕ್ಲಿಕ್ಕಿಸಿ)

Tomlette recipe in Kannada | ಟಾಮ್ಲೆಟ್ ಮಾಡುವ ವಿಧಾನ

Tomlette recipe in Kannada | ಟಾಮ್ಲೆಟ್ ಮಾಡುವ ವಿಧಾನ 

ಟಾಮ್ಲೆಟ್ ವಿಡಿಯೋ

ಬೇಕಾಗುವ ಪದಾರ್ಥಗಳು:( ಅಳತೆ ಕಪ್ = 240 ಎಂಎಲ್ )

1. 1/4 ಕಪ್ ಕಡ್ಲೆಹಿಟ್ಟು
2. 2 ಟೇಬಲ್ ಚಮಚ ಅಕ್ಕಿಹಿಟ್ಟು
3. ಚಿಟಿಕೆ ಓಮ 
4. ಚಿಟಿಕೆ ಜೀರಿಗೆ
5. 1/4 ಟೀಸ್ಪೂನ್ ಅಚ್ಚಖಾರದ ಪುಡಿ
6. 1/4 ಟೀಸ್ಪೂನ್ ಉಪ್ಪು ಅಥವಾ ರುಚಿಗೆ ತಕ್ಕಷ್ಟು
7. 2 ಟೇಬಲ್ ಚಮಚ ಈರುಳ್ಳಿ
8. ಹಸಿರುಮೆಣಸಿನಕಾಯಿ ಸಣ್ಣಗೆ ಹೆಚ್ಚಿದ್ದು (ನಿಮ್ಮ ಖಾರಕ್ಕೆ ತಕ್ಕಂತೆ)
9. 1 ಟೇಬಲ್ ಚಮಚ ದೊಣ್ಣೆಮೆಣಸು
10. 1/2 ಟೊಮೇಟೊ ಸಣ್ಣಗೆ ಹೆಚ್ಚಿದ್ದು
11. 1 ಟೇಬಲ್ ಚಮಚ ಹೆಚ್ಚಿದ ಕೊತ್ತಂಬರಿ ಸೊಪ್ಪು 
12. ಎಣ್ಣೆ ಕಾಯಿಸಲು

ಟಾಮ್ಲೆಟ್ ಮಾಡುವ ವಿಧಾನ:

1. ಒಂದು ಪಾತ್ರೆಯಲ್ಲಿ ಕಡ್ಲೆಹಿಟ್ಟು ಮತ್ತು ಅಕ್ಕಿ ಹಿಟ್ಟು ತೆಗೆದುಕೊಳ್ಳಿ.
2. ಅದಕ್ಕೆ ಓಮ, ಜೀರಿಗೆ, ಅಚ್ಚಖಾರದ ಪುಡಿ ಮತ್ತು ಉಪ್ಪು ಸೇರಿಸಿ. ಚೆನ್ನಾಗಿ ಕಲಸಿ. 
3. ಆಮೇಲೆ ಸಣ್ಣಗೆ ಹೆಚ್ಚಿದ ಈರುಳ್ಳಿ, ದೊಣ್ಣೆಮೆಣಸು, ಟೊಮೇಟೊ, ಕೊತ್ತಂಬರಿ ಸೊಪ್ಪು ಮತ್ತು ಹಸಿರುಮೆಣಸು ಸೇರಿಸಿ.
4. ಸ್ವಲ್ಪ ನೀರು ಸೇರಿಸಿ. ಮಿಲ್ಕ್ ಶೇಕ್ ನ ಹದಕ್ಕೆ ಹಿಟ್ಟನ್ನು ಕಲಸಿಕೊಳ್ಳಿ. 
5.  ತವಾ ಬಿಸಿ ಮಾಡಿ. ಕಲಸಿದ ಹಿಟ್ಟನ್ನು ಸುರಿದು, ದೋಸೆಯಂತೆ ಹರಡಿ. 
6. ಎರಡು ಬದಿ ಎಣ್ಣೆ ಹಾಕಿ ಕಾಯಿಸಿ. ಸವಿದು ಆನಂದಿಸಿ. 

To see step by step pictures click here (ಹಂತ ಹಂತವಾದ ಚಿತ್ರ ವೀಕ್ಷಿಸಲು ಇಲ್ಲಿ ಕ್ಲಿಕ್ಕಿಸಿ)

Corn cutlet recipe in Kannada | ಕಾರ್ನ್ ಕಟ್ಲೆಟ್ ಮಾಡುವ ವಿಧಾನ

Corn cutlet recipe in Kannada | ಕಾರ್ನ್ ಕಟ್ಲೆಟ್ ಮಾಡುವ ವಿಧಾನ 

ಕಾರ್ನ್ ಕಟ್ಲೆಟ್ ವಿಡಿಯೋ

ಬೇಕಾಗುವ ಪದಾರ್ಥಗಳು: ( ಅಳತೆ ಕಪ್ = 240 ಎಂಎಲ್ )

1. 1 ಆಲೂಗಡ್ಡೆ
2. 1 ಕಪ್ ಸಿಹಿಜೋಳ ಅಥವಾ ಸ್ವೀಟ್ ಕಾರ್ನ್
3. 1/2 ಕಪ್ ಗಟ್ಟಿ ಅವಲಕ್ಕಿ
4. 1/2 ಟೀಸ್ಪೂನ್ ಸಣ್ಣದಾಗಿ ಕೊಚ್ಚಿದ ಶುಂಠಿ 
5. 1 ಟೇಬಲ್ ಚಮಚ ಸಣ್ಣದಾಗಿ ಕೊಚ್ಚಿದ ಕೊತ್ತಂಬರಿ ಸೊಪ್ಪು 
6. 1 ಟೇಬಲ್ ಚಮಚ ಸಣ್ಣದಾಗಿ ಕೊಚ್ಚಿದ ಕರಿಬೇವು
7. 1/2 - 1 ಟೀಸ್ಪೂನ್ ಅಚ್ಚಖಾರದ ಪುಡಿ 
8. 1/2 - 1 ಟೀಸ್ಪೂನ್ ಚಾಟ್ ಮಸಾಲಾ 
9. 1/2 ಟೀಸ್ಪೂನ್ ಗರಂ ಮಸಾಲಾ 
10. 1/2 ಟೀಸ್ಪೂನ್ ಮಾವಿನಕಾಯಿ ಪುಡಿ ಅಥವಾ ನಿಂಬೆ ರಸ
11. ಉಪ್ಪು ರುಚಿಗೆ ತಕ್ಕಷ್ಟು 
12. ಎಣ್ಣೆ ಕಾಯಿಸಲು

ಕಾರ್ನ್ ಕಟ್ಲೆಟ್ ಮಾಡುವ ವಿಧಾನ:

1. ಆಲೂಗಡ್ಡೆಯನ್ನು ಬೇಯಿಸಿ, ಸಿಪ್ಪೆ ತೆಗೆಯಿರಿ. ನಂತರ ಮ್ಯಾಶ್ ಮಾಡಿ ಅಥವಾ ಹಿಸುಕಿ.  
2.  ಅವಲಕ್ಕಿ ಯನ್ನು ತರಿತರಿಯಾಗಿ ಪುಡಿಮಾಡಿಟ್ಟುಕೊಳ್ಳಿ. 
3. ಜೋಳವನ್ನು ಒಂದೆರಡು ಸುತ್ತು ಅರೆದಿಟ್ಟುಕೊಳ್ಳಿ. 
4. ಮ್ಯಾಶ್ ಮಾಡಿದ ಆಲೂಗಡ್ಡೆಯನ್ನು ಒಂದು ಪಾತ್ರೆಯಲ್ಲಿ ತೆಗೆದುಕೊಳ್ಳಿ. 
5. ಅದಕ್ಕೆ ಅರೆದ ಜೋಳ ಸೇರಿಸಿ. 
6. ಸಣ್ಣಗೆ ಕತ್ತರಿಸಿದ ಶುಂಠಿ, ಕೊತ್ತಂಬರಿ ಸೊಪ್ಪು ಮತ್ತು ಕರಿಬೇವು ಸೇರಿಸಿ. 
7. ನಂತರ ಅಚ್ಚ ಖಾರದ ಪುಡಿ, ಉಪ್ಪು, ಚಾಟ್ ಮಸಾಲಾ, ಮಾವಿನಕಾಯಿ ಪುಡಿ ಮತ್ತು ಗರಂ ಮಸಾಲಾ ಸೇರಿಸಿ ಕಲಸಿ. ಮಾವಿನಕಾಯಿ ಪುಡಿ ಬದಲಾಗಿ ನಿಂಬೆರಸ ಹಾಕ ಬಹುದು. 
8. ಅಗತ್ಯವಿದ್ದಷ್ಟು ಅವಲಕ್ಕಿ ಪುಡಿ ಸೇರಿಸಿ, ಸ್ವಲ್ಪ ಗಟ್ಟಿಯಾದ ಮಿಶ್ರಣ ತಯಾರಿಸಿಕೊಳ್ಳಿ. ನಾನು 1/4 ಕಪ್ ನಷ್ಟು ಸೇರಿಸಿದ್ದೇನೆ. 
9. ಮಿಶ್ರಣದಿಂದ ಚಪ್ಪಟೆಯಾದ ಕಟ್ಲೇಟ್ ಗಳನ್ನೂ ಮಾಡಿಕೊಳ್ಳಿ. 
10. ಬೇಕಾದಲ್ಲಿ ಅವಲಕ್ಕಿ ಅಥವಾ ಬ್ರೆಡ್ ಪುಡಿಯಲ್ಲಿ ಹೊರಳಾಡಿಸಿ. ಹೀಗೆ ಎಲ್ಲ ಕಟ್ಲೇಟ್ ಗಳನ್ನೂ ಸಿದ್ದ ಪಡಿಸಿಕೊಳ್ಳಿ. 
11. ದೋಸೆ ಕಾವಲಿ ಬಿಸಿ ಮಾಡಿ, ಸ್ವಲ್ಪ ಎಣ್ಣೆ ಚಿಮುಕಿಸಿ. 
12. ತಯಾರಿಸದ ಕಟ್ಲೇಟ್ ನ್ನು ಅಗತ್ಯವಿದ್ದಷ್ಟು ಎಣ್ಣೆ ಚಿಮುಕಿಸಿ ಎರಡು ಬದಿ ಕಾಯಿಸಿ. ಟೊಮೇಟೊ ಸಾಸ್ನೊಂದಿಗೆ ಬಡಿಸಿ. 

To see step by step pictures click here (ಹಂತ ಹಂತವಾದ ಚಿತ್ರ ವೀಕ್ಷಿಸಲು ಇಲ್ಲಿ ಕ್ಲಿಕ್ಕಿಸಿ)

French fries recipe in Kannada | ಫ್ರೆಂಚ್ ಫ್ರೈಸ್ ಮಾಡುವ ವಿಧಾನ

French fries recipe in Kannada | ಫ್ರೆಂಚ್ ಫ್ರೈಸ್ ಮಾಡುವ ವಿಧಾನ

ಬೇಕಾಗುವ ಪದಾರ್ಥಗಳು: ( ಅಳತೆ ಕಪ್ = 240 ಎಂಎಲ್ )

1. 2 ದೊಡ್ಡ ತಾಜಾ ಆಲೂಗಡ್ಡೆ 
2. ಉಪ್ಪು ನಿಮ್ಮ ರುಚಿ ಪ್ರಕಾರ
3. ಎಣ್ಣೆ ಕಾಯಿಸಲು

ಫ್ರೆಂಚ್ ಫ್ರೈಸ್ ಮಾಡುವ ವಿಧಾನ:

1. ಆಲೂಗಡ್ಡೆಯನ್ನು ಸಿಪ್ಪೆ ತೆಗೆದು ಚೆನ್ನಾಗಿ ತೊಳೆಯಿರಿ. 
2. ನಂತರ ಉದ್ದುದ್ದನಾಗಿ ಒಂದೇ ಅಳತೆಗೆ ಕತ್ತರಿಸಿ. 
3. ಕತ್ತರಿಸಿದ ನಂತ್ರ ತಾಜಾ ಆಲೂಗಡ್ಡೆ ಅಲ್ಲವಾದಲ್ಲಿ, ಸ್ವಲ್ಪ ಸಮಯ ನೀರಿನಲ್ಲಿ ನೆನೆಸಿಡಿ. ಅಥವಾ ಎರಡರಿಂದ ಮೂರು ಬಾರಿ ನೀರು ಬದಲಾಯಿಸಿ ತೊಳೆಯಿರಿ. 
4. ಆಮೇಲೆ ಒಂದು ಪಾತ್ರೆಯಲ್ಲಿ ನೀರು ಮತ್ತು ಸ್ವಲ್ಪ ಉಪ್ಪು (ಎರಡು ಆಲೂಗಡ್ಡೆಗೆ ಸುಮಾರು ಒಂದು ಚಮಚ ಉಪ್ಪು) ಹಾಕಿ ಕುದಿಯಲು ಇಡಿ. 
5. ಕುದಿಯುವ ನೀರಿಗೆ, ಕತ್ತರಿಸಿದ ಆಲೂಗಡ್ಡೆ ಹಾಕಿ ಎರಡು ನಿಮಿಷ ಕುದಿಸಿ. 
6. ಸ್ಟವ್ ಆಫ್ ಮಾಡಿ, ನೀರನ್ನು ಬಸಿಯಿರಿ. 
7. ನಂತ್ರ ಬಟ್ಟೆಯ ಮೇಲೆ ಹರಡಿ. 
8. ನೀರಾರಿದ ಮೇಲೆ (ಸುಮಾರು ೧೫ ನಿಮಿಷ) ಎಣ್ಣೆಯಲ್ಲಿ ಖಾಯಿಸಬಹುದು. ಹೆಚ್ಚು ಗರಿಗರಿಯಾಗಲು, ಒಂದು ಜಿಪ್ ಲಾಕ್ ಕವರ್ ಗೆ ಹಾಕಿ ಫ್ರೀಜರ್ ನಲ್ಲಿ ಇಪ್ಪತ್ತು ನಿಮಿಷ ಇಟ್ಟು ನಂತರ ಖಾಯಿಸಿ. ಫ್ರೀಜರ್ ನಲ್ಲಿ ಕೆಲವು ದಿನಗಳ ಕಾಲ ಇಟ್ಟು ಯಾವಾಗ ಬೇಕೋ ಅವಾಗ ಖಾಯಿಸಬಹುದು. 
9. ಬಾಣಲೆಯಲ್ಲಿ ಎಣ್ಣೆ ಬಿಸಿ ಮಾಡಿ. ಬಿಸಿ ಎಣ್ಣೆಗೆ ಫ್ರೀಜರ್ ನಲ್ಲಿ ಇಟ್ಟ ಆಲೂಗಡ್ಡೆ ಹಾಕಿ ಕಾಯಿಸಿ.
10. ಗುಳ್ಳೆಗಳು ಕಡಿಮೆ ಆದಮೇಲೆ, ಸಣ್ಣ ಉರಿಯಲ್ಲಿ ಸ್ವಲ್ಪ ಹೊತ್ತು ಕಾಯಿಸಿ, ತೆಗೆಯಿರಿ. 
11. ಟೊಮೇಟೊ ಸಾಸ್ ನೊಂದಿಗೆ ಬಡಿಸಿ. ಅಥವಾ ಒಂದು ಸಣ್ಣ ಬಟ್ಟಲಿನಲ್ಲಿ ಅಚ್ಚಖಾರದ ಪುಡಿ, ಉಪ್ಪು ಮತ್ತು ಇಂಗು ಹಾಕಿ ಕಲಸಿ ಮಸಾಲೆ ಪುಡಿ ಸಿದ್ಧ ಮಾಡಿ, ಕಾಯಿಸಿದ ಫ್ರೆಂಚ್ ಫ್ರೈಸ್ ಗೆ, ಮೇಲಿನಿಂದ ಮಸಾಲೆ ಹುಡಿ ಉದುರಿಸಿ. ಚಹಾ ಅಥವಾ ಕಾಫಿಯೊಂದಿಗೆ ಸವಿದು ಆನಂದಿಸಿ.

To see step by step pictures click here (ಹಂತ ಹಂತವಾದ ಚಿತ್ರ ವೀಕ್ಷಿಸಲು ಇಲ್ಲಿ ಕ್ಲಿಕ್ಕಿಸಿ)

Jelly recipe in Kannada | ಜೆಲ್ಲಿ ಮಾಡುವ ವಿಧಾನ

Jelly recipe in Kannada | ಜೆಲ್ಲಿ ಮಾಡುವ ವಿಧಾನ 

ಜೆಲ್ಲಿ ವಿಡಿಯೋ

ಬೇಕಾಗುವ ಪದಾರ್ಥಗಳು:( ಅಳತೆ ಕಪ್ = 240 ಎಂಎಲ್ )

1. 1 ಪ್ಯಾಕ್ ಜೆಲ್ಲಿ ಪೌಡರ್
2. 1/2 ಲೀ ನೀರು (ಅಥವಾ ಪ್ಯಾಕ್ ಮೇಲೆ ನಮೂದಿಸಿದಷ್ಟು) 

ಜೆಲ್ಲಿ ಮಾಡುವ ವಿಧಾನ:

1. ಪಾಕ್ನಲ್ಲಿರುವ ಎರಡೂ ಬಗೆಯ ಪುಡಿಗಳನ್ನು ಒಂದು ಪಾತ್ರೆಯಲ್ಲಿ ಹಾಕಿ.  ಚೆನ್ನಾಗಿ ಕಲಸಿ. 
2. ನಂತ್ರ ಇನ್ನೊಂದು ಪಾತ್ರೆಯಲ್ಲಿ ಅರ್ಧ ಲೀ ನೀರು ಕುದಿಸಿ. ಸ್ಟವ್ ಆಫ್ ಮಾಡಿ. 
3. ಒಂದು ನಿಮಿಷದ ನಂತರ, ಕುದಿಸಿದ ನೀರನ್ನು ಪೌಡರ್ ಇರುವ ಪಾತ್ರೆಗೆ ಹಾಕಿ, ಚೆನ್ನಾಗಿ ಕಲಡಿಸಿ. 
4. ಬಿಸಿ ಕಡಿಮೆ ಆದ ಮೇಲೆ ನಿಮ್ಮಿಷ್ಟದ ಅಚ್ಚು ಅಥವಾ ಪಾತ್ರೆಗೆ ಹಾಕಿ, ಜೆಲ್ಲಿ ಆಗಲು ಬಿಡಿ. ಫ್ರಿಡ್ಜ್ನಲ್ಲಿಟ್ಟರೆ, ಬೇಗ ಮತ್ತು ಚೆನ್ನಾಗಿ ಆಗುವುದು.  

To see step by step pictures click here (ಹಂತ ಹಂತವಾದ ಚಿತ್ರ ವೀಕ್ಷಿಸಲು ಇಲ್ಲಿ ಕ್ಲಿಕ್ಕಿಸಿ)

Jola recipe in Kannada | ಬೆಣ್ಣೆ ಜೋಳ ಮಾಡುವ ವಿಧಾನ

Jola recipe in Kannada | ಬೆಣ್ಣೆ ಜೋಳ ಮಾಡುವ ವಿಧಾನ 

ಬೇಕಾಗುವ ಪದಾರ್ಥಗಳು: (ಅಳತೆ ಕಪ್ = 240 ಎಂ ಎಲ್)

1. 1 ಜೋಳ 
2. 1 ಟೇಬಲ್ ಚಮಚ ಬೆಣ್ಣೆ
3. 1/4 ಟೀಸ್ಪೂನ್ ಚಾಟ್ ಮಸಾಲಾ 
4. ದೊಡ್ಡ ಚಿಟಿಕೆ ಕಾಳು ಮೆಣಸಿನ ಪುಡಿ (ನಿಮ್ಮ ಖಾರಕ್ಕೆ ತಕ್ಕಂತೆ ಬದಲಾಯಿಸಿ) 
5. 1/4 ಟೀಸ್ಪೂನ್ ಉಪ್ಪು ಅಥವಾ ರುಚಿಗೆ ತಕ್ಕಂತೆ

ಬೆಣ್ಣೆ ಜೋಳ ಮಾಡುವ ವಿಧಾನ:

1. ಜೋಳದ ಸಿಪ್ಪೆ ಸುಲಿದು ತೊಳೆಯಿರಿ. 
2. ಆಮೇಲೆ ಒಂದು ಚಾಕುವಿನ ಸಹಾಯದಿಂದ ಜೋಳದ ಕಾಳುಗಳನ್ನು ಹೆರೆದು ತೆಗೆಯಿರಿ. 
3. ಈಗ ಜೋಳವನ್ನು ಆವಿಯಲ್ಲಿ ಅಥವಾ ಕುಕ್ಕರ್ ನಲ್ಲಿ ಅಥವಾ ಓವೆನ್ ನಲ್ಲಿ ಬೇಯಿಸಿ. ಕುಕ್ಕರ್ನಲ್ಲಿ ಬೇಯಿಸಿದರೆ, ನೀರನ್ನು ಸಂಪೂರ್ಣ ಬಸಿದು ತೆಗೆಯಿರಿ.  
4. ನಂತ್ರ ಬೇಯಿಸಿದ ಜೋಳಕ್ಕೆ ಬಿಸಿ ಇರುವಾಗಲೇ ಬೆಣ್ಣೆ, ಉಪ್ಪು, ಕಾಳುಮೆಣಸಿನ ಪುಡಿ ಮತ್ತು ಚಾಟ್ ಮಸಾಲಾ ಸೇರಿಸಿ. 
5. ಚೆನ್ನಾಗಿ ಕಲಸಿ, ಬಿಸಿ ಇರುವಾಗಲೇ ಸವಿದು ಆನಂದಿಸಿ. 

To see step by step pictures click here (ಹಂತ ಹಂತವಾದ ಚಿತ್ರ ವೀಕ್ಷಿಸಲು ಇಲ್ಲಿ ಕ್ಲಿಕ್ಕಿಸಿ)

Veg lollipop recipe in Kannada | ವೆಜ್ ಲಾಲಿಪಾಪ್ ಮಾಡುವ ವಿಧಾನ

Veg lollipop recipe in Kannada | ವೆಜ್ ಲಾಲಿಪಾಪ್ ಮಾಡುವ ವಿಧಾನ 

ವೆಜ್ ಲಾಲಿಪಾಪ್ ವಿಡಿಯೋ

ಬೇಕಾಗುವ ಪದಾರ್ಥಗಳು: ( ಅಳತೆ ಕಪ್ = 240 ಎಂಎಲ್ )

1. 1 ದೊಡ್ಡ ಆಲೂಗಡ್ಡೆ
2. 1 ಸಣ್ಣ ಕ್ಯಾರಟ್ ತುರಿದಿದ್ದು
3. 1/2 ದೊಣ್ಣೆಮೆಣಸು ಸಣ್ಣಗೆ ಹೆಚ್ಚಿದ್ದು
4. 1/2 ಟೀಸ್ಪೂನ್ ಜೀರಿಗೆ 
5. 1/2 ಈರುಳ್ಳಿ 
6. 1 ಟೀಸ್ಪೂನ್ ಸಣ್ಣದಾಗಿ ಕೊಚ್ಚಿದ ಶುಂಠಿ ಮತ್ತು ಬೆಳ್ಳುಳ್ಳಿ
7. 1 ಟೇಬಲ್ ಚಮಚ ಸಣ್ಣದಾಗಿ ಕೊಚ್ಚಿದ ಕೊತ್ತಂಬರಿ ಸೊಪ್ಪು 
8. 1/2 - 1 ಟೀಸ್ಪೂನ್ ಅಚ್ಚಖಾರದ ಪುಡಿ 
9. 1/2 ಟೀಸ್ಪೂನ್ ಕೊತ್ತಂಬರಿ ಪುಡಿ 
10. 1/4 ಟೀಸ್ಪೂನ್ ಜೀರಿಗೆ ಪುಡಿ
11. 1/4 ಟೀಸ್ಪೂನ್ ಗರಂ ಮಸಾಲಾ 
12. ದೊಡ್ಡ ಚಿಟಿಕೆ ಮಾವಿನಕಾಯಿ ಪುಡಿ  ಅಥವಾ ಸ್ವಲ್ಪ ನಿಂಬೆ ರಸ
13. ದೊಡ್ಡ ಚಿಟಿಕೆ ಅರಿಶಿನ 
14. ದೊಡ್ಡ ಚಿಟಿಕೆ ಚಾಟ್ ಮಸಾಲಾ
15. 3 ಬ್ರೆಡ್
16. ಉಪ್ಪು ರುಚಿಗೆ ತಕ್ಕಷ್ಟು 
17. ಎಣ್ಣೆ ಕಾಯಿಸಲು

ವೆಜ್ ಲಾಲಿಪಾಪ್ ಮಾಡುವ ವಿಧಾನ:

1. ಆಲೂಗಡ್ಡೆಯನ್ನು ಬೇಯಿಸಿ, ಸಿಪ್ಪೆ ತೆಗೆಯಿರಿ. 
2.  2 ಟೀಸ್ಪೂನ್ ಎಣ್ಣೆಯನ್ನು ಒಂದು ಬಾಣಲೆಯಲ್ಲಿ ಬಿಸಿ ಮಾಡಿ ಜೀರಿಗೆ ಹಾಕಿ. 
3. ಜೀರಿಗೆ ಸಿಡಿದ ಮೇಲೆ ನುಣ್ಣಗೆ ಕತ್ತರಿಸಿದ ಶುಂಠಿ-ಬೆಳ್ಳುಳ್ಳಿ ಸೇರಿಸಿ. 
4. ಕೂಡಲೇ ಈರುಳ್ಳಿ ಸೇರಿಸಿ ಮೆತ್ತಗಾಗುವವರೆಗೆ ಹುರಿಯಿರಿ. 
5. ತುರಿದ ಕ್ಯಾರಟ್ ಮತ್ತು ಸಣ್ಣಗೆ ಹೆಚ್ಚಿದ ದೊಣ್ಣೆಮೆಣಸು ಸೇರಿಸಿ ಹುರಿಯಿರಿ. 
6. ನಂತ್ರ ಮಸಾಲೆ ಪುಡಿಗಳನ್ನು ಸೇರಿಸಿ. ನಾನು ಇಲ್ಲಿ ಅಚ್ಚಖಾರದ ಪುಡಿ, ಕೊತ್ತಂಬರಿ ಪುಡಿ, ಜೀರಿಗೆ ಪುಡಿ, ಗರಂ ಮಸಾಲಾ, ಮಾವಿನಕಾಯಿ ಪುಡಿ, ಅರಿಶಿನ, ಚಾಟ್ ಮಸಾಲಾ ಮತ್ತು ಉಪ್ಪು ಸೇರಿಸಿದ್ದೇನೆ. ಸ್ಟವ್ ಆಫ್ ಮಾಡಿ. 
7. ಅದಕ್ಕೆ ಬೇಯಿಸಿದ ಆಲೂಗಡ್ಡೆ, ಕೊತ್ತಂಬರಿ ಸೊಪ್ಪು ಸೇರಿಸಿ.
8. ಒಂದು ಬ್ರೆಡ್ ನ್ನು ನೀರಿನಲ್ಲಿ ಹಾಕಿ, ಹಿಂಡಿ ತೆಗೆದು ಸೇರಿಸಿ ಚೆನ್ನಾಗಿ ಕಲಸಿ. 
9. ಸಣ್ಣ ನಿಂಬೆಗಾತ್ರದ ಉಂಡೆ ಮಾಡಿಟ್ಟುಕೊಳ್ಳಿ. 
10. ಉಳಿದ ಎರಡು ಬ್ರೆಡ್ ನ್ನು ಮಿಕ್ಸಿಗೆ ಹಾಕಿ ಪುಡಿ ಮಾಡಿಟ್ಟು ಕೊಳ್ಳಿ. 
11. ವೆಜ್ ಲಾಲಿಪಾಪ್ ಉಂಡೆಗಳನ್ನು ಆ ಬ್ರೆಡ್ ಪುಡಿಯಲ್ಲಿ ಹೊರಳಾಡಿಸಿ. 
12. ಗುಳಿಯಪ್ಪ ಅಥವಾ ಪಡ್ಡು ಪಾನ್ ನ್ನು ಬಿಸಿಮಾಡಿ, ಗುಳಿಗಳಿಗೆ ಸ್ವಲ್ಪ ಎಣ್ಣೆ ಹಾಕಿ. 
13. ತಯಾರಿಸದ ವೆಜ್ ಲಾಲಿಪಾಪ್ ಉಂಡೆಗಳನ್ನು ಹಾಕಿ ಸಣ್ಣ ಉರಿಯಲ್ಲಿ ತಿರುವಿ ಹಾಕುತ್ತ ಬೇಯಿಸಿ. ಅಗತ್ಯವಿದ್ದಷ್ಟು ಎಣ್ಣೆ ಹಾಕಿ ಕಾಯಿಸಿ. 
14. ಟೂತ್ ಪಿಕ್ ಚುಚ್ಚಿ. ಬಿಸಿ ಇರುವಾಗಲೇ ಟೊಮೇಟೊ ಸಾಸ್ ನೊಂದಿಗೆ ಬಡಿಸಿ. 

To see step by step pictures click here (ಹಂತ ಹಂತವಾದ ಚಿತ್ರ ವೀಕ್ಷಿಸಲು ಇಲ್ಲಿ ಕ್ಲಿಕ್ಕಿಸಿ)

Iyengar bread toast recipe in Kannada | ಐಯಂಗಾರ್ ಬ್ರೆಡ್ ಟೋಸ್ಟ್ ಮಾಡುವ ವಿಧಾನ

Iyengar bread toast recipe in Kannada | ಐಯಂಗಾರ್ ಬ್ರೆಡ್ ಟೋಸ್ಟ್ ಮಾಡುವ ವಿಧಾನ 

ಮಸಾಲಾ ಬ್ರೆಡ್ ಟೋಸ್ಟ್ ವಿಡಿಯೋ

ಬೇಕಾಗುವ ಪದಾರ್ಥಗಳು:( ಅಳತೆ ಕಪ್ = 240 ಎಂಎಲ್ )

1. 6 ಬ್ರೆಡ್ 
2. ಎರಡು ಟೇಬಲ್ ಚಮಚ ಬೆಣ್ಣೆ 
3. ಒಂದು ಟೇಬಲ್ ಚಮಚ ಎಣ್ಣೆ
4. 1/2 ಟೀಸ್ಪೂನ್ ಸಾಸಿವೆ 
5. 1/2 ಟೀಸ್ಪೂನ್ ಜೀರಿಗೆ
6. 1 ಹಸಿರುಮೆಣಸಿನಕಾಯಿ
7. 1 ಈರುಳ್ಳಿ 
8. 1 ಕ್ಯಾರೆಟ್ 
9. 1/2 ದೊಣ್ಣೆಮೆಣಸು
10. 1 ಟೊಮೇಟೊ
11. 2 ಟೇಬಲ್ ಚಮಚ ಹೆಚ್ಚಿದ ಕೊತ್ತಂಬರಿ ಸೊಪ್ಪು 
12. 1/2 ಟೀಸ್ಪೂನ್ ಅಚ್ಚ ಖಾರದ ಪುಡಿ
13. 1/4 ಟೀಸ್ಪೂನ್ ಚಾಟ್ ಮಸಾಲಾ
14. 1/4 ಟೀಸ್ಪೂನ್ ಗರಂ ಮಸಾಲಾ
15. ಚಿಟಿಕೆ ಅರಿಶಿನ
16. ಉಪ್ಪು ರುಚಿಗೆ ತಕ್ಕಷ್ಟು.

ಐಯಂಗಾರ್ ಬ್ರೆಡ್ ಟೋಸ್ಟ್ ಮಾಡುವ ವಿಧಾನ:

1. ಮೊದಲಿಗೆ ಎಲ್ಲ ತರಕಾರಿಯನ್ನು ಸಣ್ಣಗೆ ಹೆಚ್ಚಿಟ್ಟುಕೊಳ್ಳಿ. ಕ್ಯಾರಟ್ ನ್ನು ತುರಿದಿಟ್ಟುಕೊಳ್ಳಿ. 
2. ನಂತ್ರ ಒಂದು ಬಾಣಲೆಯಲ್ಲಿ ಎಣ್ಣೆ ಬಿಸಿ ಮಾಡಿ, ಸಾಸಿವೆ ಮತ್ತು ಜೀರಿಗೆಯ ಒಗ್ಗರಣೆ ಮಾಡಿಕೊಳ್ಳಿ. 
3. ಸಣ್ಣಗೆ ಕತ್ತರಿಸಿದ ಹಸಿರುಮೆಣಸಿನಕಾಯಿ ಮತ್ತು ಈರುಳ್ಳಿ ಸೇರಿಸಿ ಹುರಿಯಿರಿ. 
4. ಆಮೇಲೆ ಸಣ್ಣಗೆ ಕತ್ತರಿಸಿದ ದೊಣ್ಣೆಮೆಣಸು ಮತ್ತು ತುರಿದ ಕ್ಯಾರಟ್ ಹಾಕಿ ಹುರಿಯಿರಿ. 
5. ಆಮೇಲೆ ಸಣ್ಣಗೆ ಕತ್ತರಿಸಿದ ಟೊಮೇಟೊ, ಅರಿಶಿನ ಪುಡಿ ಮತ್ತು ಉಪ್ಪು ಹಾಕಿ. ಟೊಮೇಟೊ ಮೆತ್ತಗಾಗುವವರೆಗೆ ಬೇಯಿಸಿ. ನೀರು ಸೇರಿಸಬೇಡಿ. 
6. ಕೊನೆಯಲ್ಲಿ ಅಚ್ಚಖಾರದ ಪುಡಿ, ಚಾಟ್ ಮಸಾಲಾ ಮತ್ತು ಗರಂ ಮಸಾಲಾ ಸೇರಿಸಿ, ಮಗುಚಿ. 
7. ನಂತ್ರ ಕೊತ್ತಂಬರಿ ಸೊಪ್ಪು ಉದುರಿಸಿ ಸ್ಟವ್ ಆಫ್ ಮಾಡಿ. ಮಸಾಲೆ ತಯಾರಾಯಿತು. 
8. ಬ್ರೆಡ್ ನ್ನು, ಬೆಣ್ಣೆ ಹಚ್ಚಿ, ಕಾವಲಿ ಅಥವಾ ತವಾದಲ್ಲಿ ಕಾಯಿಸಿ. 
9. ನಂತರ ತಯಾರಿಸಿದ ಮಸಾಲೆಯನ್ನು ಮೇಲಿನಿಂದ ಹಚ್ಚಿ, ಮಸಾಲೆ ಬ್ರೆಡ್ ಟೋಸ್ಟ್ ತಯಾರಿಸಿ. ಸವಿದು ಆನಂದಿಸಿ. 

To see step by step pictures click here (ಹಂತ ಹಂತವಾದ ಚಿತ್ರ ವೀಕ್ಷಿಸಲು ಇಲ್ಲಿ ಕ್ಲಿಕ್ಕಿಸಿ)

Cutlet recipe in Kannada | ಕಟ್ಲೆಟ್ ಮಾಡುವ ವಿಧಾನ

Cutlet recipe in Kannada | ಕಟ್ಲೆಟ್ ಮಾಡುವ ವಿಧಾನ 

ಬೇಕಾಗುವ ಪದಾರ್ಥಗಳು: ( ಅಳತೆ ಕಪ್ = 240 ಎಂಎಲ್ )

1. 2 ಆಲೂಗಡ್ಡೆ
2. 1/2 ಕಪ್ ಹಸಿ ಬಟಾಣಿ 
3. 1/2 ಟೀಸ್ಪೂನ್ ಜೀರಿಗೆ 
4. 1 ಈರುಳ್ಳಿ 
5. 1 ಟೀಸ್ಪೂನ್ ಸಣ್ಣದಾಗಿ ಕೊಚ್ಚಿದ ಶುಂಠಿ 
6. 1 ಟೇಬಲ್ ಚಮಚ ಸಣ್ಣದಾಗಿ ಕೊಚ್ಚಿದ ಕೊತ್ತಂಬರಿ ಸೊಪ್ಪು 
7. 1 ಟೇಬಲ್ ಚಮಚ ನುಣ್ಣಗೆ ಕತ್ತರಿಸಿದ ಪುದಿನ (ಬೇಕಾದಲ್ಲಿ) 
8. 1/2 - 1 ಟೀಸ್ಪೂನ್ ಅಚ್ಚಖಾರದ ಪುಡಿ 
9. 1/2 ಟೀಸ್ಪೂನ್ ಗರಂ ಮಸಾಲಾ 
10. 1 ಟೀಸ್ಪೂನ್ ನಿಂಬೆ ರಸ (ಬೇಕಾದಲ್ಲಿ) 
11. 4 ಬ್ರೆಡ್
12. 2 ಟೇಬಲ್ ಚಮಚ ಜೋಳದ ಹಿಟ್ಟು
13. ಉಪ್ಪು ರುಚಿಗೆ ತಕ್ಕಷ್ಟು 
14. ಎಣ್ಣೆ ಕಾಯಿಸಲು

ಕಟ್ಲೆಟ್ ಮಾಡುವ ವಿಧಾನ:

1. ಆಲೂಗಡ್ಡೆ ಮತ್ತು ಹಸಿಬಟಾಣಿಯನ್ನು ಬೇಯಿಸಿಕೊಳ್ಳಿ. ಆಲೂಗಡ್ಡೆ ಸಿಪ್ಪೆ ತೆಗೆಯಿರಿ. ಎರಡನ್ನು ಮ್ಯಾಶ್ ಮಾಡಿ ಅಥವಾ ಹಿಸುಕಿ.  
2.  2 ಟೀಸ್ಪೂನ್ ಎಣ್ಣೆಯನ್ನು ಒಂದು ಬಾಣಲೆಯಲ್ಲಿ ಬಿಸಿ ಮಾಡಿ ಜೀರಿಗೆ ಹಾಕಿ. 
3. ಜೀರಿಗೆ ಸಿಡಿದ ಮೇಲೆ ನುಣ್ಣಗೆ ಕತ್ತರಿಸಿದ ಶುಂಠಿ ಮತ್ತು ಈರುಳ್ಳಿ ಸೇರಿಸಿ ಮೆತ್ತಗಾಗುವವರೆಗೆ ಹುರಿಯಿರಿ. 
4. ಸಣ್ಣಗೆ ಕತ್ತರಿಸಿದ ಕೊತ್ತಂಬರಿ ಸೊಪ್ಪು ಮತ್ತು ಪುದಿನ ಸೇರಿಸಿ ಹುರಿಯಿರಿ. 
5. ಬೇಯಿಸಿ, ಹಿಸುಕಿದ ಆಲೂಗಡ್ಡೆ ಮತ್ತು ಹಸಿಬಟಾಣಿ ಹಾಕಿ ಕಲಸಿ. 
6. ನಂತರ ಅಚ್ಚ ಖಾರದ ಪುಡಿ, ಉಪ್ಪು ಮತ್ತು ಗರಂ ಮಸಾಲಾ ಸೇರಿಸಿ ಕಲಸಿ. ಬೇಕಾದಲ್ಲಿ ನಿಂಬೆರಸ ಹಾಕಿ. ಸ್ಟವ್ ಆಫ್ ಮಾಡಿ. 
7. ಎರಡು ಬ್ರೆಡ್ ನ್ನು ನೀರಿನಲ್ಲಿ ಹಾಕಿ, ಹಿಂಡಿ ತೆಗೆದು ಸೇರಿಸಿ ಕಲಸಿ.  
8. ನಂತ್ರ ಒಂದು ಬಟ್ಟಲಿನಲ್ಲಿ ಜೋಳದ ಹಿಟ್ಟು ಮತ್ತು ನೀರು ಹಾಕಿ ತೆಳುವಾದ ದೋಸೆ ಹಿಟ್ಟಿನಂತೆ ಮಾಡಿಕೊಳ್ಳಿ. 
9. ಉಳಿದ ಎರಡು ಬ್ರೆಡ್ ನ್ನು ಮಿಕ್ಸಿಗೆ ಹಾಕಿ ಪುಡಿ ಮಾಡಿಟ್ಟು ಕೊಳ್ಳಿ. 
10. ಮಸಾಲೆ ಹಾಕಿ ಸಿದ್ದ ಪಡಿಸಿದ ಆಲೂಗಡ್ಡೆ ಮಿಶ್ರಣದಿಂದ ಚಪ್ಪಟೆಯಾದ ಕಟ್ಲೇಟ್ ಗಳನ್ನೂ ಮಾಡಿಕೊಳ್ಳಿ. 
11. ಅದನ್ನು ಮೊದಲು ಜೋಳದ ಹಿಟ್ಟಿನಲ್ಲಿ ಅದ್ದಿ ತೆಗೆದು, ನಂತ್ರ ಬ್ರೆಡ್ ಪುಡಿಯಲ್ಲಿ ಹೊರಳಾಡಿಸಿ. ಹೀಗೆ ಎಲ್ಲ ಕಟ್ಲೇಟ್ ಗಳನ್ನೂ ಸಿದ್ದ ಪಡಿಸಿಕೊಳ್ಳಿ. 
12. ದೋಸೆ ಕಾವಲಿಯಲ್ಲಿ ಸ್ವಲ್ಪ ಎಣ್ಣೆ ಚಿಮುಕಿಸಿ ಬಿಸಿ ಮಾಡಿ. 
13. ತಯಾರಿಸದ ಕಟ್ಲೇಟ್ ನ್ನು ಅಗತ್ಯವಿದ್ದಷ್ಟು ಎಣ್ಣೆ ಚಿಮುಕಿಸಿ ಎರಡು ಬದಿ ಕಾಯಿಸಿ. ಬಿಸಿ ಬಿಸಿಯಾಗಿ ಬಡಿಸಿ. 

To see step by step pictures click here (ಹಂತ ಹಂತವಾದ ಚಿತ್ರ ವೀಕ್ಷಿಸಲು ಇಲ್ಲಿ ಕ್ಲಿಕ್ಕಿಸಿ)

coconut and milk powder ladoo recipe in Kannada | ಕೊಬ್ಬರಿ ಮತ್ತು ಹಾಲಿನಪುಡಿಯ ಲಾಡೂ ಮಾಡುವ ವಿಧಾನ

Coconut and milk powder ladoo recipe in Kannada | ಕೊಬ್ಬರಿ ಮತ್ತು ಹಾಲಿನಪುಡಿಯ ಲಾಡೂ ಮಾಡುವ ವಿಧಾನ 

ಬೇಕಾಗುವ ಪದಾರ್ಥಗಳು: ( ಅಳತೆ ಕಪ್ = 240 ಎಂಎಲ್ )

1. 1 ಕಪ್ ಹಾಲಿನ ಪುಡಿ
2. 3/4 ಕಪ್ ಕೊಬ್ಬರಿ ಪುಡಿ ಅಥವಾ ತೆಂಗಿನತುರಿ 
3. 1/4 ಕಪ್ ಕೊಬ್ಬರಿ ಪುಡಿ ಉದುರಿಸಲು
4. 1/2 - 1/3 ಕಪ್ ಸಕ್ಕರೆ
5. 1/3 ಕಪ್ ಹಾಲು
6. 1 ಟೇಬಲ್ ಚಮಚ ತುಪ್ಪ
7. 1 ಟೇಬಲ್ ಚಮಚ ಕತ್ತರಿಸಿದ ಗೋಡಂಬಿ
8. ಒಂದು ದೊಡ್ಡ ಚಿಟಿಕೆ ಏಲಕ್ಕಿ ಪುಡಿ

ಕೊಬ್ಬರಿ ಮತ್ತು ಹಾಲಿನಪುಡಿಯ ಲಾಡೂ ಮಾಡುವ ವಿಧಾನ:

1. ಒಂದು ನಾನ್ ಸ್ಟಿಕ್ ಕಡಾಯಿಯಲ್ಲಿ ತುಪ್ಪ, ಹಾಲು ಮತ್ತು ಸಕ್ಕರೆ ತೆಗೆದುಕೊಂಡು ಬಿಸಿ ಮಾಡಲು ಇಡಿ. ಒಮ್ಮೆ ಮಗುಚಿ. 
2. ಕೂಡಲೇ ಹಾಲಿನಪುಡಿ ಸೇರಿಸಿ ಮಂದ ಉರಿಯಲ್ಲಿ ಮಗುಚುತ್ತಾ ಇರಿ.
3. ಹಾಲಿನಪುಡಿ ಗಂಟಿಲ್ಲದಂತೆ ಕರಗಿ ಮಿಶ್ರಣ ಸ್ವಲ್ಪ ಗಟ್ಟಿಯಾದ ನಂತರ ಕೊಬ್ಬರಿ ಪುಡಿ ಹಾಕಿ. ತೆಂಗಿನತುರಿ ಹಾಕುವುದಾದಲ್ಲಿ ಮಿಕ್ಸಿಯಲ್ಲಿ ಪುಡಿ ಮಾಡಿ ಹಾಕಿ. 
4. ಸಣ್ಣ ಉರಿಯಲ್ಲಿ ಮಗುಚುವುದನ್ನು ಮುಂದುವರೆಸಿ.
5. ಸ್ವಲ್ಪ ಸಮಯದಲ್ಲಿ ಮೆತ್ತಗಿನ ಮುದ್ದೆಯಾಗುತ್ತದೆ. 
6. ಗೋಡಂಬಿ ಮತ್ತು ಏಲಕ್ಕಿ ಪುಡಿ ಹಾಕಿ  ಚೆನ್ನಾಗಿ ಮಗುಚಿ ಸ್ಟವ್ ಆಫ್ ಮಾಡಿ. 
7. ಬಿಸಿ ಆರಿದ ಮೇಲೆ ಸ್ವಲ್ಪ ಮಿಶ್ರಣವನ್ನು ತೆಗೆದು ಉಂಡೆ ಮಾಡಿ. ನಂತ್ರ ಕೊಬ್ಬರಿ ಪುಡಿಯಲ್ಲಿ ಹೊರಳಾಡಿಸಿ. ಬಿಸಿ ಆರಿದ ಮೇಲೆ ಸವಿದು ಆನಂದಿಸಿ. 
8. ಹೆಚ್ಚು ದಿನ ಇಡಬೇಕಾದಲ್ಲಿ ಫ್ರಿಡ್ಜ್ ನಲ್ಲಿಡಿ. 

To see step by step pictures click here (ಹಂತ ಹಂತವಾದ ಚಿತ್ರ ವೀಕ್ಷಿಸಲು ಇಲ್ಲಿ ಕ್ಲಿಕ್ಕಿಸಿ)

Bakery style peda recipe in Kannada | ಬೇಕರಿ ಶೈಲಿಯ ಪೇಡ ಮಾಡುವ ವಿಧಾನ

Bakery style peda recipe in Kannada | ಬೇಕರಿ ಶೈಲಿಯ ಪೇಡ ಮಾಡುವ ವಿಧಾನ 

ಬೇಕಾಗುವ ಪದಾರ್ಥಗಳು: ( ಅಳತೆ ಕಪ್ = 240 ಎಂಎಲ್ )

1. 1 ಕಪ್ ಹಾಲಿನ ಪುಡಿ
2. 1 ಕಪ್ ಹಾಲು
3. 0.25 ಕಪ್ ಮೈದಾ 
4. 1/3 ಕಪ್ ಸಕ್ಕರೆ
5. 2 ಟೇಬಲ್ ಚಮಚ ತುಪ್ಪ
6. ಒಂದು ದೊಡ್ಡ ಚಿಟಿಕೆ ಏಲಕ್ಕಿ ಪುಡಿ
7. ಒಂದು ದೊಡ್ಡ ಚಿಟಿಕೆ ಕೇಸರಿ (ಬೇಕಾದಲ್ಲಿ)
8.  ಒಂದು ಚಿಟಿಕೆ ಜಾಯಿಕಾಯಿ ಪುಡಿ (ಬೇಕಾದಲ್ಲಿ)

ಬೇಕರಿ ಶೈಲಿಯ ಪೇಡ ಮಾಡುವ ವಿಧಾನ:

1. ಒಂದು ನಾನ್ ಸ್ಟಿಕ್ ಕಡಾಯಿಯಲ್ಲಿ ಹಾಲಿನಪುಡಿ, ಸಕ್ಕರೆ, ಏಲಕ್ಕಿ ಪುಡಿ, ಜಾಯಿಕಾಯಿ ಪುಡಿ (ಬೇಕಾದಲ್ಲಿ) ಮತ್ತು ಕೇಸರಿಯನ್ನು (ಬೇಕಾದಲ್ಲಿ)ತೆಗೆದುಕೊಳ್ಳಿ.
2. ಅದಕ್ಕೆ ಹಾಲು ಹಾಕಿ ಗಂಟಿಲ್ಲದಂತೆ ಕಲಸಿ. 
3. ನಂತರ ಕಡಾಯಿಯನ್ನು ಸ್ಟವ್ ಮೇಲಿರಿಸಿ, ಮಗುಚುತ್ತಾ ಮೈದಾ ಹಿಟ್ಟನ್ನು ಸ್ವಲ್ಪ ಸ್ವಲ್ಪವಾಗಿ ಸೇರಿಸಿ. ಗಂಟಿಲ್ಲದಂತೆ ಮಗುಚಿ. 
4. ನಂತರ ನಿರಂತರವಾಗಿ ಮಧ್ಯಮ ಉರಿಯಲ್ಲಿ ಮಗುಚಲು ಪ್ರಾರಂಭಿಸಿ. 
5. ಸ್ವಲ್ಪ ಗಟ್ಟಿಯಾದ ನಂತರ ತುಪ್ಪ ಹಾಕಿ ಮಗುಚುವುದನ್ನು ಮುಂದುವರೆಸಿ.
6. ಸ್ವಲ್ಪ ಸಮಯದಲ್ಲಿ ತಳ ಬಿಡಲು ಪ್ರಾರಂಭವಾಗುತ್ತದೆ.  ಮೆತ್ತಗಿನ ಮುದ್ದೆಯಾಗುವವರೆಗೆ ಮಗುಚುವುದನ್ನು ಮುಂದುವರೆಸಿ. ಆಗ ಸ್ಟವ್ ಆಫ್ ಮಾಡಿ. ಸ್ವಲ್ಪ ಮಿಶ್ರಣವನ್ನು ತೆಗೆದು ಉಂಡೆ ಮಾಡಿದಾಗ ಕೈಗೆ ಅಂಟಬಾರದು. 
7. ಬಿಸಿ ಆರಿದ ಮೇಲೆ ಪೇಡ ಗಳನ್ನು ತಯಾರಿಸಿ. ಪೇಡ ಮಾಡುವಾಗ ಕೈಗೆ ಅಂಟುತ್ತಿದ್ದರೆ ಪುನಃ ಒಲೆಯ ಮೇಲಿಟ್ಟು ಒಂದೆರಡು ನಿಮಿಷ ಮಗುಚಿ. ಬಿಸಿ ಆರಿದ ಮೇಲೆ ಪೇಡ ತಯಾರಿಸಿ. 
8. ಬಿಸಿ ಸಂಪೂರ್ಣ ಆರಿದ ಮೇಲೆ ಸವಿದು ಆನಂದಿಸಿ. 

To see step by step pictures click here (ಹಂತ ಹಂತವಾದ ಚಿತ್ರ ವೀಕ್ಷಿಸಲು ಇಲ್ಲಿ ಕ್ಲಿಕ್ಕಿಸಿ)

Gobi manchurian recipe in Kannada | ಗೋಬಿ ಮಂಚೂರಿ ಮಾಡುವ ವಿಧಾನ

Gobi manchurian recipe in Kannada | ಗೋಬಿ ಮಂಚೂರಿ ಮಾಡುವ ವಿಧಾನ 

ಬೇಕಾಗುವ ಪದಾರ್ಥಗಳು: ( ಅಳತೆ ಕಪ್ = 240 ಎಂಎಲ್ )

1. 1/2 ಭಾಗದಷ್ಟು ಹೂಕೋಸು
2. 4 ಟೇಬಲ್ ಚಮಚ ಮೈದಾ ಹಿಟ್ಟು
3. 2 ಟೇಬಲ್ ಚಮಚ ಜೋಳದ ಹಿಟ್ಟು
4. 1 ಟೇಬಲ್ ಚಮಚ ಅಕ್ಕಿ ಹಿಟ್ಟು
5. 1/2 - 1 ಟೀಸ್ಪೂನ್ ಅಚ್ಚ ಖಾರದ ಪುಡಿ
6. 1 ಟೀಸ್ಪೂನ್ ಶುಂಠಿ ಬೆಳ್ಳುಳ್ಳಿ ಪೇಸ್ಟ್ 
7. ಉಪ್ಪು ರುಚಿಗೆ ತಕ್ಕಷ್ಟು 
8. ಎಣ್ಣೆ ಕಾಯಿಸಲು

ಸಾಸ್ ತಯಾರಿಸಲು ಬೇಕಾಗುವ ಪದಾರ್ಥಗಳು:

1. 1 ಕತ್ತರಿಸಿದ ಈರುಳ್ಳಿ 
2. 1/2 ಕತ್ತರಿಸಿದ ಕ್ಯಾಪ್ಸಿಕಂ 
3. 1 ಟೀಸ್ಪೂನ್ ಸಣ್ಣದಾಗಿ ಕೊಚ್ಚಿದ ಬೆಳ್ಳುಳ್ಳಿ 
4. 1 ಟೀಸ್ಪೂನ್ ನುಣ್ಣಗೆ ಕತ್ತರಿಸಿದ ಶುಂಠಿ 
5. 2 ಈರುಳ್ಳಿ ಗಿಡ 
6. 1/2 - 1 ಟೀಸ್ಪೂನ್ ಅಚ್ಚ ಖಾರದ ಪುಡಿ 
7. 1/4 ಚಮಚ ಕಾಳುಮೆಣಸಿನ ಪುಡಿ 
8. 1 ನುಣ್ಣಗೆ ಕತ್ತರಿಸಿದ ಹಸಿರು ಮೆಣಸಿನಕಾಯಿ (ಬೇಕಾದಲ್ಲಿ) 
9. 4 ಟೇಬಲ್ ಚಮಚ ಟೊಮೆಟೊ ಸಾಸ್ 
10. 1 ಟೀಸ್ಪೂನ್ ಸೋಯಾ ಸಾಸ್ 
11. ಉಪ್ಪು ರುಚಿಗೆ ತಕ್ಕಷ್ಟು 
12. 2 ಟೀಸ್ಪೂನ್ ಅಡುಗೆ ಎಣ್ಣೆ 
13. 1/2 ಕಪ್ ನೀರು

ಗೋಬಿ ಮಂಚೂರಿ ಮಾಡುವ ವಿಧಾನ:

1. ಹೂಕೋಸನ್ನು ಬಿಡಿಸಿ, ಆಯ್ದು, ೨ ನಿಮಿಷ ಕುದಿಯುವ ಉಪ್ಪು ನೀರಿನಲ್ಲಿ ಬೇಯಿಸಿ. 
2. ೨ ನಿಮಿಷದ ನಂತರ ನೀರು ಬಗ್ಗಿಸಿ ಪಕ್ಕಕ್ಕಿಡಿ. 
3. ಈಗ ಸಾಸ್ ತಯಾರಿಸಲು 2 ಟೀಸ್ಪೂನ್ ಎಣ್ಣೆಯನ್ನು ಒಂದು ಬಾಣಲೆಯಲ್ಲಿ ಬಿಸಿ ಮಾಡಿ ನುಣ್ಣಗೆ ಕತ್ತರಿಸಿದ ಶುಂಠಿ ಮತ್ತು ಬೆಳ್ಳುಳ್ಳಿ ಸೇರಿಸಿ ಹುರಿಯಿರಿ. 
4. ನಂತರ ಕತ್ತರಿಸಿದ ಈರುಳ್ಳಿ, ಈರುಳ್ಳಿ ಗಿಡದ ಬಿಳಿ ಭಾಗ, ಹಸಿರು ಮೆಣಸು ಮತ್ತು ಕ್ಯಾಪ್ಸಿಕಂ ಸೇರಿಸಿ ಹುರಿಯಿರಿ.
5. ನಂತರ ಅಚ್ಚ ಖಾರದ ಪುಡಿ ಮತ್ತು ಕರಿ ಮೆಣಸಿನ ಪುಡಿ ಸೇರಿಸಿ ಕಲಸಿ. 
6. ಟೊಮೆಟೊ ಸಾಸ್ ಮತ್ತು ಸೋಯಾ ಸಾಸ್ ಸೇರಿಸಿ. 
7. ಈಗ 1/2 ಚಮಚ ಜೋಳದ ಹಿಟ್ಟನ್ನು 1/2 ಕಪ್ ನೀರಿನಲ್ಲಿ ಕಲಕಿ ಸೇರಿಸಿ. ಸ್ವಲ್ಪ ಮಂದವಾಗುವವರೆಗೆ ಮಗುಚಿ. 
8. ಉಪ್ಪು ಸೇರಿಸಿ ಮತ್ತೆ ಚೆನ್ನಾಗಿ ಕಲಸಿ. ಸಾಸ್ ತಯಾರಾಯಿತು. 
9. ನಂತ್ರ ಒಂದು ಬಟ್ಟಲಿನಲ್ಲಿ ಮೈದಾ, ಜೋಳದ ಹಿಟ್ಟು, ಅಕ್ಕಿ ಹಿಟ್ಟು, ಕೆಂಪು ಮೆಣಸಿನಕಾಯಿ ಪುಡಿ, ಉಪ್ಪು ಮತ್ತು ಶುಂಠಿ ಬೆಳ್ಳುಳ್ಳಿ ಪೇಸ್ಟ್ ತೆಗೆದುಕೊಳ್ಳಿ. 
10. ನೀರು ಸೇರಿಸಿ ಬಜ್ಜಿ ಅಥವಾ ಬೋಂಡಾದ ಹಿಟ್ಟಿಗಿಂತ ಕೊಂಚ ತೆಳುವಾಗಿ ಕಲಸಿಕೊಳ್ಳಿ. 
11. ಒಂದು ಬಾಣಲೆಯಲ್ಲಿ ಎಣ್ಣೆ ಬಿಸಿ ಮಾಡಿ. ಹಿಟ್ಟಿನಲ್ಲಿ ಹೂಕೋಸಿನ ಚೂರುಗಳನ್ನು ಅದ್ದಿ, ಬಿಸಿಯಾದ ಎಣ್ಣೆಯಲ್ಲಿ ಗರಿ ಗರಿಯಾಗುವವರೆಗೆ ಮತ್ತು ಹೊಂಬಣ್ಣ ಬರುವವರೆಗೆ ಕಾಯಿಸಿ. 
12. ನಂತರ ಮೇಲೆ ತಯಾರಿಸಿದ ಸಾಸ್ ಗೆ ಕರಿದ ಹೂಕೋಸನ್ನು ಸೇರಿಸಿ, ದೊಡ್ಡ ಉರಿಯಲ್ಲಿ ಚೆನ್ನಾಗಿ ಕಲಸಿ. ಕತ್ತರಿಸಿದ ಈರುಳ್ಳಿ ಗಿಡಗಳಿಂದ ಅಲಂಕರಿಸಿ  ತಕ್ಷಣವೇ ಬಡಿಸಿ.

To see step by step pictures click here (ಹಂತ ಹಂತವಾದ ಚಿತ್ರ ವೀಕ್ಷಿಸಲು ಇಲ್ಲಿ ಕ್ಲಿಕ್ಕಿಸಿ)

Mavina hannu - kayi haalu ice candy in Kannada | ಮಾವಿನ ಹಣ್ಣು- ಕಾಯಿ ಹಾಲು ಐಸ್ ಕ್ಯಾಂಡಿ ಮಾಡುವ ವಿಧಾನ

Mavina hannu - kayi haalu ice candy in Kannada | ಮಾವಿನ ಹಣ್ಣು- ಕಾಯಿ ಹಾಲು ಐಸ್ ಕ್ಯಾಂಡಿ ಮಾಡುವ ವಿಧಾನ 

ಬೇಕಾಗುವ ಪದಾರ್ಥಗಳು: ( ಅಳತೆ ಕಪ್ = 240 ಎಂಎಲ್ )

1. 1 ಕಪ್ ಕತ್ತರಿಸಿದ ಮಾವಿನ ಹಣ್ಣು 
2. 1 ಕಪ್ ಕಾಯಿ ಹಾಲು 
3. 5 ಚಮಚ ಸಕ್ಕರೆ (ಅಥವಾ ರುಚಿಗೆ ತಕ್ಕಷ್ಟು)
4. ಐಸ್ ಕ್ಯಾಂಡಿ ಅಚ್ಚು ಅಥವಾ ಲೋಟ

ಮಾವಿನ ಹಣ್ಣು- ಕಾಯಿ ಹಾಲು ಐಸ್ ಕ್ಯಾಂಡಿ ಮಾಡುವ ವಿಧಾನ:

1. ಮಾವಿನ ಹಣ್ಣನ್ನು ಸಿಪ್ಪೆ ತೆಗೆದು ಕತ್ತರಿಸಿಕೊಳ್ಳಿ. ಒಂದು ಕಪ್ ತೆಂಗಿನ ತುರಿ ಉಪಯೋಗಿಸಿ ಕಾಯಿ ಹಾಲು ತೆಗೆದಿಟ್ಟುಕೊಳ್ಳಿ. 
2. ಕತ್ತರಿಸಿದ ಮಾವಿನ ಹಣ್ಣಿಗೆ ೪ - ೫ ಚಮಚ ಕಾಯಿಹಾಲು ಹಾಕಿ, ರುಚಿಗೆ ತಕ್ಕಷ್ಟು ಸಕ್ಕರೆ ಸೇರಿಸಿ ಅರೆಯಿರಿ. 
3. ಕಾಯಿಹಾಲಿಗೂ ರುಚಿಗೆ ತಕ್ಕಷ್ಟು ಸಕ್ಕರೆ ಸೇರಿಸಿಟ್ಟುಕೊಳ್ಳಿ. 
4. ಈಗ ಐಸ್ ಕ್ಯಾಂಡಿ ಅಚ್ಚಿಗೆ ಮೊದಲು ಸ್ವಲ್ಪ ಸ್ವಲ್ಪ ಮಾವಿನ ಹಣ್ಣಿನ ಪೇಸ್ಟ್ ಹಾಕಿ ೧೫ ನಿಮಿಷ ಫ್ರೀಜರ್ ನಲ್ಲಿಡಿ. 
5. ನಂತರ ಮುಕ್ಕಾಲು ಭಾಗದಷ್ಟು ಕಾಯಿಹಾಲು ಹಾಕಿ ೩೦ ನಿಮಿಷ ಫ್ರೀಜರ್ ನಲ್ಲಿಡಿ. 
6. ನಂತರ ಉಳಿದ ಮಾವಿನಹಣ್ಣಿನ ಪೇಸ್ಟ್ ಹಾಕಿ ಫ್ರೀಜರ್ ನಲ್ಲಿಟ್ಟು ಗಟ್ಟಿಯಾಗಲು ಬಿಡಿ. ಸುಮಾರು ೪ - ೫ ಘಂಟೆ ಬೇಕಾಗಬಹುದು. ನನ್ನ ರಾತ್ರೆಯಿಡೀ ಇಟ್ಟಿದ್ದೆ.
7. ಐಸ್ ಕ್ಯಾಂಡಿ ಅಚ್ಚು ಇಲ್ಲದಿದ್ದಲ್ಲಿ ಸಣ್ಣ ಪೇಪರ್ ಕಪ್ ಅಥವಾ ಸ್ಟೀಲ್ ಲೋಟಕ್ಕೆ ಹಾಕಿ, ಐಸ್ ಕ್ಯಾಂಡಿ ಕಡ್ಡಿಯನ್ನು ಇಟ್ಟು, ನಂತರ ಫ್ರೀಜರ್ ನಲ್ಲಿಟ್ಟು ಗಟ್ಟಿಯಾಗಲು ಬಿಡಿ. 
8. ಗಟ್ಟಿಯಾದ ನಂತರ, ಅಚ್ಚು ಅಥವಾ ಲೋಟವನ್ನು ಕೆಲವು  ಸೆಕೆಂಡ್ ಗಳ ಕಾಲ ನೀರಿನಲ್ಲಿಡಿ ಅಥವಾ ನಲ್ಲಿ(ಟ್ಯಾಪ್) ನೀರಿನಡಿ ಹಿಡಿಯಿರಿ. ಆಮೇಲೆ ಐಸ್ ಕ್ಯಾಂಡಿಯನ್ನು ಜಾಗ್ರತೆಯಿಂದ ಹೊರ ತೆಗೆದು ಸವಿಯಿರಿ. 

To see step by step pictures click here (ಹಂತ ಹಂತವಾದ ಚಿತ್ರ ವೀಕ್ಷಿಸಲು ಇಲ್ಲಿ ಕ್ಲಿಕ್ಕಿಸಿ)

Ragi manni pudi recipe in Kannada | ರಾಗಿ ಮಣ್ಣಿ ಪುಡಿ ಮಾಡುವ ವಿಧಾನ

Ragi manni pudi recipe in Kannada | ರಾಗಿ ಮಣ್ಣಿ ಪುಡಿ ಮಾಡುವ ವಿಧಾನ 

ಬೇಕಾಗುವ ಪದಾರ್ಥಗಳು: ( ಅಳತೆ ಕಪ್ = 240 ಎಂಎಲ್ )

1. 1/2 ಕಪ್ ಅಕ್ಕಿ
2. 1/2 ಕಪ್ ಗೋಧಿ
3. 1/2 ಕಪ್ ರಾಗಿ
4. 1/2 ಕಪ್ ಹೆಸರುಕಾಳು
5. 1/2 ಕಪ್ ಬಾರ್ಲಿ 

ರಾಗಿ ಮಣ್ಣಿ ಪುಡಿ ಮಾಡುವ ವಿಧಾನ:

1. ಎಲ್ಲ ಪದಾರ್ಥಗಳನ್ನು ಅಳತೆ ಪ್ರಕಾರ ತೆಗೆದುಕೊಂಡು ಆರಿಸಿ. 
2. ಒಂದೊಂದೇ ಪದಾರ್ಥವನ್ನು ಒಳ್ಳೆಯ ನೀರಿನಲ್ಲಿ ೨ - ೩ ಬಾರಿ ತೊಳೆಯಿರಿ. ನೀರನ್ನು ಸಂಪೂರ್ಣವಾಗಿ ಬಗ್ಗಿಸಿ.  
3. ನಂತರ ಶುದ್ಧವಾದ ಬಟ್ಟೆ ಮೇಲೆ ಅಥವಾ ಅಗಲವಾದ ತಟ್ಟೆಯ ಮೇಲೆ ಹರಡಿ ನೀರಾರಲು ಬಿಡಿ. 
4. ನೀರಾರಿದ ಮೇಲೆ ಒಂದೊಂದಾಗಿ ಮಧ್ಯಮ ಉರಿಯಲ್ಲಿ ಹುರಿಯಿರಿ. ಗಮನಿಸಿ, ಸ್ವಲ್ಪ ಬಣ್ಣ ಬದಲಾಗುವವರೆಗೆ ಹುರಿದರೆ ಸಾಕು.  ಅಕ್ಕಿ, ಬಾರ್ಲಿ ಬಿಳಿ ಆದರೆ ಸಾಕು. ಉಳಿದದ್ದು ಸ್ವಲ್ಪ ಕಂದು ಬಣ್ಣಕ್ಕೆ ತಿರುಗಿದರೆ ಸಾಕು. 
5. ಬಿಸಿ ಆರಿದ ಮೇಲೆ ಮಿಕ್ಸಿಯಲ್ಲಿ ಪುಡಿ ಮಾಡಿ. 
6. ಸಾರಣಿಸಿ ಅಥವಾ ಜರಡಿ ಹಿಡಿದು ಮಣ್ಣಿ ಪುಡಿಯನ್ನು ಸಿದ್ಧ ಮಾಡಿಕೊಳ್ಳಿ. ಗಮನಿಸಿ, ಉಪಯೋಗಿಸುವ ಎಲ್ಲ ಪಾತ್ರೆಗಳು ಸ್ವಚ್ಛವಾಗಿರಬೇಕು ಮತ್ತು ನೀರಿನ ಪಸೆ ಇರಬಾರದು. 
7. ಒಂದು ಚಮಚ ಪುಡಿ ಮತ್ತು ಒಂದು ಚಮಚ ಬೆಲ್ಲವನ್ನು ಹಾಲಿನಲ್ಲಿ ಕರಗಿಸಿ, ಓಲೆ ಮೇಲಿಟ್ಟು ನಿರಂತರವಾಗಿ ಮಗುಚುತ್ತಾ ಕುದಿಸಿ. ಇದನ್ನು ನಾಲ್ಕನೇ ತಿಂಗಳಿನಿಂದ ಕೊಡಬಹುದು. 

To see step by step pictures click here (ಹಂತ ಹಂತವಾದ ಚಿತ್ರ ವೀಕ್ಷಿಸಲು ಇಲ್ಲಿ ಕ್ಲಿಕ್ಕಿಸಿ)

Curd sandwich recipe in Kannada | ಮೊಸರಿನ ಸ್ಯಾಂಡ್ ವಿಚ್ ಮಾಡುವ ವಿಧಾನ

Curd sandwich recipe in Kannada | ಮೊಸರಿನ ಸ್ಯಾಂಡ್ ವಿಚ್ ಮಾಡುವ ವಿಧಾನ 

ಬೇಕಾಗುವ ಪದಾರ್ಥಗಳು:( ಅಳತೆ ಕಪ್ = 240 ಎಂಎಲ್ )

1. 1 ಕಪ್ ಮೊಸರು 
2. 8 - 10 ಬ್ರೆಡ್ 
3. 1 ಸಣ್ಣ ಕ್ಯಾರೆಟ್ 
4. 1 ಈರುಳ್ಳಿ 
5. ಎಲೆಕೋಸು ಸಣ್ಣ ತುಂಡು 
6. 4 ಟೇಬಲ್ ಚಮಚ ಹೆಚ್ಚಿದ ಕೊತ್ತಂಬರಿ ಸೊಪ್ಪು 
7. 1/4 - 1/2 ಟೀಸ್ಪೂನ್ ಅಚ್ಚ ಖಾರದ ಪುಡಿ ಅಥವಾ ಕರಿ ಮೆಣಸು ಪುಡಿ
8. 1/4 ಟೀಸ್ಪೂನ್ ಚಾಟ್ ಮಸಾಲಾ (ಬೇಕಾದಲ್ಲಿ; ಅಥವಾ ಯಾವುದೇ ಇತರ ಮಸಾಲೆ ಪುಡಿ ಬಳಸಬಹುದು)
9. ಉಪ್ಪು ರುಚಿಗೆ ತಕ್ಕಷ್ಟು.

ಮೊಸರಿನ ಸ್ಯಾಂಡ್ ವಿಚ್ ಮಾಡುವ ವಿಧಾನ:

1. ಒಂದು ಪಾತ್ರೆಯ ಮೇಲೆ ಜರಡಿ ಇಟ್ಟು, ಅದರ ಮೇಲೆ ಬಟ್ಟೆ ಹಾಕಿ, ಮೊಸರನ್ನು ಬಟ್ಟೆಯ ಮೂಲಕ 30 ನಿಮಿಷಗಳ ಕಾಲ ಶೋಧಿಸಲು ಇಡಿ. ಇದರಿಂದ ನಮಗೆ ಗಟ್ಟಿ ಮೊಸರು ದೊರಕುತ್ತದೆ. 
2. ಎಲ್ಲ ತರಕಾರಿಗಳನ್ನು ಸಣ್ಣಗೆ ಕತ್ತರಿಸಿ. ಕ್ಯಾರೆಟ್ ನ್ನು ತುರಿಯಿರಿ. ನಿಮ್ಮಿಷ್ಟದ ಯಾವುದೇ ತರಕಾರಿಯನ್ನು ಉಪಯೋಗಿಸಬಹುದು. 
3. ಕತ್ತರಿಸಿದ ತರಕಾರಿಗೆ ಉಪ್ಪು, ಖಾರ ಮತ್ತು ಮಸಾಲೆ ಪುಡಿ ಹಾಕಿ ಕಲಸಿ. ಬೇಕಾದಲ್ಲಿ ಸಕ್ಕರೆಯನ್ನು ಹಾಕಬಹುದು.  
4. ಕೊನೆಯಲ್ಲಿ ಶೋಧಿಸಿದ ಗಟ್ಟಿ ಮೊಸರನ್ನು ಹಾಕಿ ಕಲಸಿ, ಪಕ್ಕಕ್ಕಿಡಿ. 
5. ಬ್ರೆಡ್ ನ್ನು, ಅಂಚು ಕತ್ತರಿಸಿ, ಬೆಣ್ಣೆ ಹಚ್ಚಿ, ಕಾವಲಿ ಅಥವಾ ತವಾದಲ್ಲಿ ಕಾಯಿಸಿ. 
6. ನಂತರ ಕಲಸಿಟ್ಟ ತರಕಾರಿ ಮತ್ತು ಮೊಸರಿನ ಮಿಶ್ರಣವನ್ನು ಮಧ್ಯದಲ್ಲಿಟ್ಟು ಸ್ಯಾಂಡ್ ವಿಚ್ ತಯಾರಿಸಿ. ಸವಿದು ಆನಂದಿಸಿ. 

To see step by step pictures click here (ಹಂತ ಹಂತವಾದ ಚಿತ್ರ ವೀಕ್ಷಿಸಲು ಇಲ್ಲಿ ಕ್ಲಿಕ್ಕಿಸಿ)