ಮಂಗಳವಾರ, ಮಾರ್ಚ್ 31, 2020

Simple nimbe hannu saaru recipe in Kannada | ನಿಂಬೆಹಣ್ಣಿನ ಸಾರು ಮಾಡುವ ವಿಧಾನ

Simple nimbe hannu saaru recipe in Kannada

Simple nimbe hannu saaru recipe in Kannada | ನಿಂಬೆಹಣ್ಣಿನ ಸಾರು ಮಾಡುವ ವಿಧಾನ 



ಬೇಕಾಗುವ ಪದಾರ್ಥಗಳು: ( ಅಳತೆ ಕಪ್ = 240 ಎಂಎಲ್ )

  1. 2 ಕಪ್ ನೀರು
  2. 1 ಮಧ್ಯಮ ಗಾತ್ರದ ಲಿಂಬೆಹಣ್ಣು
  3. 1 ಚಮಚ ಉಪ್ಪು (ಅಥವಾ ರುಚಿಗೆ ತಕ್ಕಷ್ಟು)
  4. 4 ಚಮಚ ಬೆಲ್ಲ (ಅಥವಾ ರುಚಿಗೆ ತಕ್ಕಷ್ಟು)

ಒಗ್ಗರಣೆಗೆ ಬೇಕಾಗುವ ಪದಾರ್ಥಗಳು:

  1. 1/2 ಟೀಸ್ಪೂನ್ ಸಾಸಿವೆ
  2. 1/2 ಟೀಸ್ಪೂನ್ ಜೀರಿಗೆ 
  3. 1/4 ಟೀಸ್ಪೂನ್ ಮೆಂತೆ
  4. 1 ಒಣ ಮೆಣಸಿನ ಕಾಯಿ
  5. 1 - 2 ಹಸಿರು ಮೆಣಸಿನ ಕಾಯಿ (ನಿಮ್ಮ ಖಾರಕ್ಕೆ ತಕ್ಕಂತೆ)
  6. ದೊಡ್ಡ ಚಿಟಿಕೆ ಇಂಗು
  7. 7 - 8 ಕರಿಬೇವಿನ ಎಲೆ
  8. 1 ಟೇಬಲ್ ಚಮಚ ಅಡುಗೆ ಎಣ್ಣೆ

ನಿಂಬೆಹಣ್ಣಿನ ಸಾರು ಮಾಡುವ ವಿಧಾನ:

  1. ಒಂದು ಪಾತ್ರೆಯಲ್ಲಿ ಎರಡು ಕಪ್ ನೀರು ಕುದಿಯಲು ಇಡಿ. 
  2. ಅದಕ್ಕೆ ಉಪ್ಪು ಮತ್ತು ಬೆಲ್ಲ ಸೇರಿಸಿ, ಚೆನ್ನಾಗಿ ಕುದಿಸಿ. 
  3. ಕುದಿಸಿದ ಮೇಲೆ ಸ್ಟವ್ ಆಫ್ ಮಾಡಿ, ನಿಂಬೆ ಹಣ್ಣಿನ ರಸ ಸೇರಿಸಿ. 
  4. ಎಣ್ಣೆ, ಸಾಸಿವೆ, ಜೀರಿಗೆ, ಮೆಂತೆ, ಒಣಮೆಣಸಿನಕಾಯಿ, ಹಸಿ ಮೆಣಸಿನಕಾಯಿ (ಬೇಕಾದಲ್ಲಿ), ಕರಿಬೇವು ಮತ್ತು ಇಂಗಿನ ಒಗ್ಗರಣೆ ಕೊಡಿ.
  5. ಬಿಸಿ ಅನ್ನದೊಂದಿಗೆ ಬಡಿಸಿ ಅಥವಾ ಹಾಗೆ ಕುಡಿಯಲು ನೀಡಿ. 

ಗುರುವಾರ, ಮಾರ್ಚ್ 19, 2020

Kadlekai or shenga chat recipe in Kannada | ಕಡ್ಲೇಕಾಯಿ ಅಥವಾ ಶೇಂಗಾ ಚಾಟ್ ಮಾಡುವ ವಿಧಾನ

Kadlekai or shenga chat recipe in Kannada

Kadlekai or shenga chat recipe in Kannada | ಕಡ್ಲೇಕಾಯಿ ಅಥವಾ ಶೇಂಗಾ ಚಾಟ್ ಮಾಡುವ ವಿಧಾನ 


ಕಡ್ಲೇಕಾಯಿ ಅಥವಾ ಶೇಂಗಾ ಚಾಟ್ ವಿಡಿಯೋ

ಬೇಕಾಗುವ ಪದಾರ್ಥಗಳು: ( ಅಳತೆ ಕಪ್ = 240 ಎಂಎಲ್ )

  1. 1 ಕಪ್  ನೆಲಗಡಲೆ ಅಥವಾ ಕಡ್ಲೆಕಾಯಿ
  2. 1 ಸಣ್ಣದಾಗಿ ಹೆಚ್ಚಿದ ಈರುಳ್ಳಿ
  3. 1 ಸಣ್ಣದಾಗಿ ಹೆಚ್ಚಿದ ಟೊಮೆಟೊ
  4. 1 ತುರಿದ ಸಣ್ಣ ಗಾತ್ರದ ಕ್ಯಾರೆಟ್
  5. 2 ಟೇಬಲ್ ಚಮಚ ಹೆಚ್ಚಿದ ಕೊತ್ತಂಬರಿ ಸೊಪ್ಪು
  6. 1 ಸಣ್ಣದಾಗಿ ಹೆಚ್ಚಿದ ಹಸಿರು ಮೆಣಸಿನಕಾಯಿ
  7. 1/2 - 1 ಟೀಸ್ಪೂನ್ ಅಚ್ಚ ಖಾರದ ಪುಡಿ
  8. 1/2 ಟೀಸ್ಪೂನ್ ಚಾಟ್ ಮಸಾಲಾ
  9. 1/4 ಟೀಸ್ಪೂನ್ ಜೀರಿಗೆ ಪುಡಿ
  10. 1 - 2 ಟೀಸ್ಪೂನ್ ನಿಂಬೆರಸ
  11. ಉಪ್ಪು ರುಚಿಗೆ ತಕ್ಕಷ್ಟು

ಬೇಯಿಸಿದ ಕಡ್ಲೇಕಾಯಿ ಚಾಟ್ ಮಾಡುವ ವಿಧಾನ:

  1. ಒಂದು ಕುಕ್ಕರ್ ನಲ್ಲಿ ಶೇಂಗಾ ಅಥವಾ ಕಡ್ಲೆಕಾಯಿಯನ್ನು ತೆಗೆದುಕೊಳ್ಳಿ.
  2. ಸುಮಾರು ಒಂದೂವರೆ ಕಪ್ ನೀರು, ಒಂದು ಚಮಚ ಉಪ್ಪು ಮತ್ತು ಚಿಟಿಕೆ ಅರಿಶಿನ ಹಾಕಿ. 
  3. 5 - 6 ವಿಷಲ್ ಮಾಡಿ ಮೆತ್ತಗೆ ಬೇಯಿಸಿಕೊಳ್ಳಿ. 
  4. ಶೇಂಗಾ ಎರಡು ಘಂಟೆ ನೆನೆಸಿಟ್ಟರೆ ಬೇಗ ಬೇಯುತ್ತದೆ. ಇಲ್ಲವಾದಲ್ಲಿ ಸ್ವಲ್ಪ ಜಾಸ್ತಿ ಹೊತ್ತು ಬೇಯಿಸಬೇಕಾಗುತ್ತದೆ.   
  5. ಮೆತ್ತಗೆ ಬೇಯಿಸಿದ ನಂತ್ರ ನೀರು ಬಸಿದು ಒಂದು ಬಟ್ಟಲಿನಲ್ಲಿ ತೆಗೆದುಕೊಳ್ಳಿ. 
  6. ಹೆಚ್ಚಿದ ಈರುಳ್ಳಿ, ಹೆಚ್ಚಿದ ಟೊಮೆಟೊ ಮತ್ತು ತುರಿದ ಕ್ಯಾರೆಟ್ ಸೇರಿಸಿ.
  7. ಅದಕ್ಕೆ ಸಣ್ಣಗೆ ಹೆಚ್ಚಿದ ಹಸಿಮೆಣಸಿನಕಾಯಿ ಮತ್ತು ಅಚ್ಚಖಾರದ ಪುಡಿಯನ್ನು ನಿಮ್ಮ ಖಾರಕ್ಕೆ ತಕ್ಕಂತೆ ತಕ್ಕಂತೆ ಸೇರಿಸಿ. 
  8. ಆಮೇಲೆ ಚಾಟ್ ಮಸಾಲಾ, ಜೀರಿಗೆ ಪುಡಿ ಮತ್ತು ರುಚಿಗೆ ತಕ್ಕಂತೆ ಉಪ್ಪು ಸೇರಿಸಿ. 
  9. ನಿಂಬೆರಸವನ್ನು ಸೇರಿಸಿ. 
  10. ಕೊನೆಯಲ್ಲಿ ಹೆಚ್ಚಿದ ಕೊತ್ತಂಬರಿ ಸೊಪ್ಪು ಸೇರಿಸಿ ಕಲಸಿ. 
  11. ಸವಿದು ಆನಂದಿಸಿ. ಇದನ್ನು ಕೂಡಲೇ ಅಥವಾ ಸ್ವಲ್ಪ ಹೊತ್ತು ಬಿಟ್ಟು ತಿನ್ನಬಹುದು. 

ಶನಿವಾರ, ಮಾರ್ಚ್ 14, 2020

Avalakki oggarane ready mix recipe in Kannada | ಅವಲಕ್ಕಿ ಒಗ್ಗರಣೆ ರೆಡಿ ಮಿಕ್ಸ್ ಮಾಡುವ ವಿಧಾನ

Avalakki oggarane ready mix recipe in Kannada

Avalakki oggarane ready mix recipe in Kannada | ಅವಲಕ್ಕಿ ಒಗ್ಗರಣೆ ರೆಡಿ ಮಿಕ್ಸ್ ಮಾಡುವ ವಿಧಾನ 


ಅವಲಕ್ಕಿ ಒಗ್ಗರಣೆ ರೆಡಿ ಮಿಕ್ಸ್ ವಿಡಿಯೋ

ಬೇಕಾಗುವ ಪದಾರ್ಥಗಳು:( ಅಳತೆ ಕಪ್ = 240 ಎಂಎಲ್)

  1. 2 ಕಪ್ ಮೀಡಿಯಂ ಅವಲಕ್ಕಿ
  2. 2 ಟೇಬಲ್ ಸ್ಪೂನ್ ಕಡ್ಲೆಕಾಯಿ ಅಥವಾ ಶೇಂಗಾ
  3. 1/2 ಟೀಸ್ಪೂನ್ ಸಾಸಿವೆ
  4. 1 ಟೀಸ್ಪೂನ್ ಉದ್ದಿನಬೇಳೆ
  5. 1 ಟೀಸ್ಪೂನ್ ಕಡ್ಲೆಬೇಳೆ
  6. 5 - 6 ಗೋಡಂಬಿ
  7. 1 ಟೀಸ್ಪೂನ್ ಸಣ್ಣಗೆ ಕತ್ತರಿಸಿದ ಶುಂಠಿ
  8. 1 ಈರುಳ್ಳಿ
  9. 1-2 ಹಸಿರು ಮೆಣಸಿನಕಾಯಿ
  10. 7 - 8 ಕರಿ ಬೇವಿನ ಎಲೆ
  11. 1/4 ಟೀಸ್ಪೂನ್ ಅರಶಿನ ಪುಡಿ
  12. ಚಿಟಿಕೆ ಇಂಗು
  13. 2 ಟೇಬಲ್ ಚಮಚ ಒಣ ಕೊಬ್ಬರಿ ಪುಡಿ ಅಥವಾ ತುರಿ
  14. 2 ಟೇಬಲ್ ಚಮಚ ಅಡುಗೆ ಎಣ್ಣೆ
  15. ಉಪ್ಪು ನಿಮ್ಮ ರುಚಿಗೆ ತಕ್ಕಷ್ಟು
  16. 1/2 ಟೀಸ್ಪೂನ್ ಸಕ್ಕರೆ
  17. 2 ಟೀಸ್ಪೂನ್ ಸಣ್ಣಗೆ ಹೆಚ್ಚಿದ ಕೊತ್ತಂಬರಿ ಸೊಪ್ಪು
  18. 1 ಟೀಸ್ಪೂನ್ ನಿಂಬೆರಸ

ಅವಲಕ್ಕಿ ಒಗ್ಗರಣೆ ರೆಡಿ ಮಿಕ್ಸ್ ಮಾಡುವ ವಿಧಾನ:

  1. ಒಂದು ಬಾಣಲೆಯಲ್ಲಿ ಎಣ್ಣೆ ಬಿಸಿಮಾಡಿ ಮೊದಲಿಗೆ ಶೇಂಗಾ ಅಥವಾ ಕಡ್ಲೆಕಾಯಿಯನ್ನು ಹುರಿಯಿರಿ. 
  2. ಅದಕ್ಕೆ ಸಾಸಿವೆ, ಉದ್ದಿನಬೇಳೆ, ಕಡ್ಲೆಬೇಳೆ ಮತ್ತು ಗೋಡಂಬಿ ಹಾಕಿ. 
  3. ಸಾಸಿವೆ ಸಿಡಿದ ಕೂಡಲೇ  ಸಣ್ಣಗೆ ಹೆಚ್ಚಿದ ಶುಂಠಿ, ಕರಿಬೇವು, ಸಣ್ಣಗೆ ಹೆಚ್ಚಿದ ಈರುಳ್ಳಿ ಮತ್ತು ಹೆಚ್ಚಿದ ಹಸಿರು ಮೆಣಸಿನಕಾಯಿ ಸೇರಿಸಿ. ಈರುಳ್ಳಿ ಮೆತ್ತಗಾಗುವವರೆಗೆ ಮಧ್ಯಮ ಉರಿಯಲ್ಲಿ ಹುರಿಯಿರಿ.
  4. ಈರುಳ್ಳಿ ಮೆತ್ತಗಾದ ಮೇಲೆ ಕೊಬ್ಬರಿ ಪುಡಿ, ಉಪ್ಪು, ಸಕ್ಕರೆ, ಅರಶಿನ ಪುಡಿ ಮತ್ತು ಇಂಗು ಸೇರಿಸಿ. ಸ್ವಲ್ಪ ಹೊತ್ತು ಹುರಿಯಿರಿ.
  5. ನಂತರ  ಅವಲಕ್ಕಿ ಸೇರಿಸಿ ಚೆನ್ನಾಗಿ ೫ ನಿಮಿಷ ಸಣ್ಣ ಉರಿಯಲ್ಲಿ ಕೈಯಾಡಿಸಿ. 
  6. ನಂತರ ಕೊತ್ತಂಬರಿ ಸೊಪ್ಪು ಮತ್ತು ನಿಂಬೆ ರಸವನ್ನು ಸೇರಿಸಿ. 
  7. ಪುನಃ ಸ್ವಲ್ಪ ಹೊತ್ತು ಮಗುಚಿ ಸ್ಟವ್ ಆಫ್ ಮಾಡಿ. ಬಿಸಿ ಆರಿದ ಮೇಲೆ ಡಬ್ಬದಲ್ಲಿ ಹಾಕಿಡಿ.
  8. ಅವಲಕ್ಕಿ ಒಗ್ಗರಣೆ ಮಾಡಲು, ಅಗತ್ಯವಿದ್ದಷ್ಟು ರೆಡಿ ಮಿಕ್ಸ್ ತೆಗೆದು ಕೊಳ್ಳಿ. 
  9. ಅವಲಕ್ಕಿ ಮುಚ್ಚುವಷ್ಟು ಕುದಿಯುವ ನೀರು ಸುರಿದು, ಮುಚ್ಚಳ ಮುಚ್ಚಿ ಎರಡು ನಿಮಿಷ ಬಿಡಿ. 
  10. ರುಚಿಕರ ಬಿಸಿ-ಬಿಸಿ ಅವಲಕ್ಕಿ ಒಗ್ಗರಣೆ ಸವಿಯಿರಿ. 

Related Posts Plugin for WordPress, Blogger...