Kannada Aduge | Recipes in Kannada: Masale vade recipe in Kannada | ಮಸಾಲೆ ವಡೆ ಅಥವಾ ಚಟ್ಟಂಬಡೆ ಅಥವಾ ಆಂಬೊಡೆ ಮಾಡುವ ವಿಧಾನ

ಬುಧವಾರ, ನವೆಂಬರ್ 2, 2016

Masale vade or chattambade recipe in Kannada | ಮಸಾಲೆ ವಡೆ (ಚಟ್ಟಂಬಡೆ ಅಥವಾ ಆಂಬೊಡೆ) ಮಾಡುವ ವಿಧಾನ

ಕಡ್ಲೆಬೇಳೆಯನ್ನು ತೊಳೆದು 4 ಘಂಟೆಗಳ ಕಾಲ ನೆನೆಸಿಡಿ.
ನೆನೆದ ನಂತರ ನೀರು ಬಗ್ಗಿಸಿ, ನೀರು ಹಾಕದೆ ತರಿ ತರಿಯಾಗಿ ರುಬ್ಬಿ ಕೊಳ್ಳಿ.
ಅದಕ್ಕೆ ಹೆಚ್ಚಿದ ಹಸಿರುಮೆಣಸಿನಕಾಯಿ, ಕರಿಬೇವಿನ ಸೊಪ್ಪು, ಕೊತ್ತಂಬರಿ ಸೊಪ್ಪು, ಸಬ್ಬಸಿಗೆ ಸೊಪ್ಪು, ಇಂಗು ಮತ್ತು ಉಪ್ಪು ಹಾಕಿ ಕಲಸಿ.
ಈಗ ಮೆತ್ತಗಿನ ವಡೆ ಬೇಕಾದಲ್ಲಿ ಹೆಚ್ಚಿದ ಈರುಳ್ಳಿ ಅಥವಾ ಸ್ವಲ್ಪ ಎಲೆಕೋಸನ್ನು ಸೇರಿಸಿ.
ನಿಂಬೆಹಣ್ಣಿನ ಗಾತ್ರದ ಹಿಟ್ಟನ್ನು ತೆಗೆದುಕೊಂಡು ಅಂಗೈನಿಂದ ಒತ್ತಿ ವಡೆಗಳನ್ನು ಮಾಡಿ, ಬಿಸಿ ಎಣ್ಣೆಯಲ್ಲಿ ಮಧ್ಯಮ ಉರಿಯಲ್ಲಿ ಕಾಯಿಸಿ.
ಜಾಸ್ತಿ ಹೊತ್ತು ಕಾಯಿಸಿದರೆ ವಡೆ ಗರಿ ಗರಿಯಾಗುವುದು. ನಾನು ಸ್ವಲ್ಪ ಗರಿ ಗರಿ ಅಂದರೆ ಸ್ವಲ್ಪ ಹೊಂಬಣ್ಣ ಬರುವವರೆಗೆ ಕಾಯಿಸುತ್ತೇನೆ. ಚಹಾ ಅಥವಾ ಕಾಫಿಯೊಂದಿಗೆ ಸವಿದು ಆನಂದಿಸಿ.

ಕಡ್ಲೆಬೇಳೆಯನ್ನು ತೊಳೆದು 4 ಘಂಟೆಗಳ ಕಾಲ ನೆನೆಸಿಡಿ.
ನೆನೆದ ನಂತರ ನೀರು ಬಗ್ಗಿಸಿ ಮಿಕ್ಸಿ ಜಾರಿನಲ್ಲಿ ತೆಗೆದುಕೊಳ್ಳಿ.
ಸಣ್ಣಗೆ ಕತ್ತರಿಸಿದ ಶುಂಠಿ, ಒಣ ಮೆಣಸಿನಕಾಯಿ ಮತ್ತು ಉಪ್ಪು ಹಾಕಿ ತರಿ ತರಿಯಾಗಿ ರುಬ್ಬಿ ಕೊಳ್ಳಿ. ನೀರು ಹಾಕುವುದು ಬೇಡ.
ಅದಕ್ಕೆ ಹೆಚ್ಚಿದ ಕರಿಬೇವಿನ ಸೊಪ್ಪು, ಇಂಗು ಮತ್ತು ಹೆಚ್ಚಿದ ತೆಂಗಿನಕಾಯಿ ಚೂರು ಹಾಕಿ ಕಲಸಿ.
ನಿಂಬೆಹಣ್ಣಿನ ಗಾತ್ರದ ಹಿಟ್ಟನ್ನು ತೆಗೆದುಕೊಂಡು ಅಂಗೈನಿಂದ ಒತ್ತಿ ವಡೆಗಳನ್ನು ಮಾಡಿ.
ಬಿಸಿ ಎಣ್ಣೆಯಲ್ಲಿ ಮಧ್ಯಮ ಉರಿಯಲ್ಲಿ ಕಾಯಿಸಿ.
ಹೊಂಬಣ್ಣ ಬರುವವರೆಗೆ ಮತ್ತು ಗುಳ್ಳೆಗಳು ಸ್ವಲ್ಪ ಕಡಿಮೆ ಆಗುವವರೆಗೆ ಕಾಯಿಸಿ. ಜಾಸ್ತಿ ಹೊತ್ತು ಕಾಯಿಸಿದರೆ ವಡೆ ಗರಿ ಗರಿಯಾಗುವುದು. ಚಹಾ ಅಥವಾ ಕಾಫಿಯೊಂದಿಗೆ ಸವಿದು ಆನಂದಿಸಿ.