Bele tovve recipe in Kannada | ಬೇಳೆ ತೊವ್ವೆ ಮಾಡುವ ವಿಧಾನ

 

Bele tovve recipe in Kannada | ಬೇಳೆ ತೊವ್ವೆ ಮಾಡುವ ವಿಧಾನ 

ಬೇಳೆ ತೊವ್ವೆ ವಿಡಿಯೋ

ಬೇಕಾಗುವ ಪದಾರ್ಥಗಳು: ( ಅಳತೆ ಕಪ್ = 240 ಎಂಎಲ್ )

1. 1/2 ಕಪ್ ತೊಗರಿಬೇಳೆ
2. 1 ಟೀಸ್ಪೂನ್ ಸಾಸಿವೆ
3. ಒಂದು ಒಣಮೆಣಸಿನಕಾಯಿ
4. 7 - 8 ಕರಿಬೇವಿನ ಎಲೆ
5. 1 - 2 ಹಸಿರು ಮೆಣಸಿನ ಕಾಯಿ (ನಿಮ್ಮ ಖಾರಕ್ಕೆ ತಕ್ಕಂತೆ)
6. 1 ಟೀಸ್ಪೂನ್ ಶುಂಠಿ
7. 1 ಟೊಮೇಟೊ
8. 1/4 ಟೀಸ್ಪೂನ್ ಅರಶಿನ ಪುಡಿ
9. ದೊಡ್ಡ ಚಿಟಿಕೆ ಇಂಗು
10. 1 ಟೇಬಲ್ ಚಮಚ ಕೊತ್ತಂಬರಿ ಸೊಪ್ಪು
11. ಉಪ್ಪು ರುಚಿಗೆ ತಕ್ಕಷ್ಟು
12. 1 ಟೇಬಲ್ ಚಮಚ ಅಡುಗೆ ಎಣ್ಣೆ

ಬೇಳೆ ತೊವ್ವೆ ಮಾಡುವ ವಿಧಾನ:

1. ತೊಗರಿಬೇಳೆಯನ್ನು ತೊಳೆದು, ಚಿಟಿಕೆ ಅರಿಶಿನ ಮತ್ತು ನಾಲ್ಕೈದು ಹನಿ ಎಣ್ಣೆ ಹಾಕಿ ಮೆತ್ತಗೆ ಬೇಯಿಸಿಕೊಳ್ಳಿ.
2. ಬಾಣಲೆಯಲ್ಲಿ ಎಣ್ಣೆ ಬಿಸಿ ಮಾಡಿ. ಒಣಮೆಣಸಿನಕಾಯಿ ಮತ್ತು ಸಾಸಿವೆ ಒಗ್ಗರಣೆ ಮಾಡಿ.
3.  ಕತ್ತರಿಸಿದ ಶುಂಠಿ, ಹಸಿಮೆಣಸಿನಕಾಯಿ ಮತ್ತು ಕರಿಬೇವು ಸೇರಿಸಿ.
4. ಇಂಗು ಮತ್ತು ಅರಿಶಿನ ಸೇರಿಸಿ.
5. ಟೊಮೇಟೊ ಸೇರಿಸಿ, ಮೆತ್ತಗಾಗುವವರೆಗೆ ಹುರಿಯಿರಿ.
6. ಮಸಿದ ಬೇಳೆ ಮತ್ತು ಅಗತ್ಯವಿದ್ದಷ್ಟು ನೀರು ಸೇರಿಸಿ.
7. ರುಚಿಗೆ ತಕ್ಕಷ್ಟು ಉಪ್ಪು ಹಾಕಿ ಕುದಿಸಿ.
8. ಕೊನೆಯಲ್ಲಿ ಕೊತ್ತಂಬರಿ ಸೊಪ್ಪು ಸೇರಿಸಿ.
9. ಸ್ಟವ್ ಆಫ್ ಮಾಡಿ. ಬಿಸಿ ಅನ್ನದೊಂದಿಗೆ ಬಡಿಸಿ.

To see step by step pictures click here (ಹಂತ ಹಂತವಾದ ಚಿತ್ರ ವೀಕ್ಷಿಸಲು ಇಲ್ಲಿ ಕ್ಲಿಕ್ಕಿಸಿ)

Thuppada avalakki recipe in Kannada | ತುಪ್ಪದ ಅವಲಕ್ಕಿ ಮಾಡುವ ವಿಧಾನ

 

Thuppada avalakki recipe in Kannada | ತುಪ್ಪದ ಅವಲಕ್ಕಿ ಮಾಡುವ ವಿಧಾನ

ತುಪ್ಪದ ಅವಲಕ್ಕಿ ವಿಡಿಯೋ

ಬೇಕಾಗುವ ಪದಾರ್ಥಗಳು:( ಅಳತೆ ಕಪ್ = 240 ಎಂಎಲ್)

1. 3 ಕಪ್ ತೆಳು ಅವಲಕ್ಕಿ
2. 2 ಟೇಬಲ್ ಸ್ಪೂನ್ ಕಡ್ಲೆಕಾಯಿ ಅಥವಾ ಶೇಂಗಾ
3. 2 ಟೇಬಲ್ ಸ್ಪೂನ್ ಗೋಡಂಬಿ
4. 1/2 ಕಪ್ ತೆಂಗಿನತುರಿ
5. ಸ್ವಲ್ಪ ಸಣ್ಣಗೆ ಹೆಚ್ಚಿದ ಕೊತ್ತಂಬರಿ ಸೊಪ್ಪು
6. 1 - 2 ಟೀಸ್ಪೂನ್ ನಿಂಬೆಹಣ್ಣಿನ ರಸ
7. 1 ಟೀಸ್ಪೂನ್ ತುಪ್ಪ

ಒಗ್ಗರಣೆಗೆ ಬೇಕಾಗುವ ಪದಾರ್ಥಗಳು

1. 2 ಟೀಸ್ಪೂನ್ ತುಪ್ಪ
2. 1/2 ಟೀಸ್ಪೂನ್ ಸಾಸಿವೆ
3. 1/2 ಟೀಸ್ಪೂನ್ ಜೀರಿಗೆ
4. 1 ಈರುಳ್ಳಿ
5. 2 - 3 ಹಸಿರು ಮೆಣಸಿನಕಾಯಿ
6. 4 - 5 ಕರಿ ಬೇವಿನ ಎಲೆ
7. 3/4 ಟೀಸ್ಪೂನ್ ಸಕ್ಕರೆ ಅಥವಾ ನಿಮ್ಮ ರುಚಿಗೆ ತಕ್ಕಷ್ಟು
8. 3/4 ಟೀಸ್ಪೂನ್ ಉಪ್ಪು ಅಥವಾ ನಿಮ್ಮ ರುಚಿಗೆ ತಕ್ಕಷ್ಟು

ತುಪ್ಪದ ಅವಲಕ್ಕಿ ಮಾಡುವ ವಿಧಾನ:

1. ಒಂದು ಬಾಣಲೆಯಲ್ಲಿ ಒಂದು ಟೀಸ್ಪೂನ್ ತುಪ್ಪ ಬಿಸಿ ಮಾಡಿ. 
2. ಶೇಂಗಾವನ್ನು ಹುರಿಯಿರಿ.
3. ನಂತರ ಗೋಡಂಬಿಯನ್ನು ಹಾಕಿ ಹುರಿಯಿರಿ. ಎರಡನ್ನು ತೆಗೆದು ಪಕ್ಕಕ್ಕಿಡಿ. 
4. ಪುನಃ  ಎರಡು ಟೀಸ್ಪೂನ್ ತುಪ್ಪ ಬಿಸಿ ಮಾಡಿ, ಸಾಸಿವೆ ಮತ್ತು ಜೀರಿಗೆ ಒಗ್ಗರಣೆ ಮಾಡಿ. 
5. ಸಣ್ಣಗೆ ಕತ್ತರಿಸಿದ ಈರುಳ್ಳಿ, ಹಸಿಮೆಣಸಿನಕಾಯಿ ಮತ್ತು ಕರಿಬೇವು ಸೇರಿಸಿ, ಈರುಳ್ಳಿ ಮೆತ್ತಗಾಗುವವರೆಗೆ ಹುರಿಯಿರಿ. 
6. ಉಪ್ಪು ಮತ್ತು ಸಕ್ಕರೆ ಸೇರಿಸಿ ಮಗುಚಿ ಸ್ಟವ್ ಆಫ್ ಮಾಡಿ. 
7. ಅದಕ್ಕೆ ಅವಲಕ್ಕಿ ಸೇರಿಸಿ.
8.  ಕೊತ್ತಂಬರಿ ಸೊಪ್ಪು, ತೆಂಗಿನ ತುರಿ ಮತ್ತು ನಿಂಬೆರಸ ಸೇರಿಸಿ. 
9. ಚೆನ್ನಾಗಿ ಹಿಸುಕಿ ಕಲಸಿ. 
10. ಆಮೇಲೆ ಅದಕ್ಕೆ ಹುರಿದಿಟ್ಟ ಶೇಂಗಾ ಅಥವಾ ಗೋಡಂಬಿ ಹಾಕಿ ಕಲಸಿ. 
11. ಬೆಳಗ್ಗಿನ ತಿಂಡಿಗೆ ಅಥವಾ ಸಂಜೆ ಟೀ ಯೊಂದಿಗೆ ಸವಿದು ಆನಂದಿಸಿ.

To see step by step pictures and to read more click here (ಹಂತ ಹಂತವಾದ ಚಿತ್ರ ವೀಕ್ಷಿಸಲು ಮತ್ತು ಹೆಚ್ಚಿನ ವಿವರಣೆಗೆ ಇಲ್ಲಿ ಕ್ಲಿಕ್ಕಿಸಿ)

Dideer bele saaru recipe in Kannada | ದಿಢೀರ್ ಬೇಳೆ ಸಾರು ಮಾಡುವ ವಿಧಾನ

 

Dideer bele saaru recipe in Kannada | ದಿಢೀರ್ ಬೇಳೆ ಸಾರು ಮಾಡುವ ವಿಧಾನ 

Dideer bele saaru video

ಬೇಕಾಗುವ ಪದಾರ್ಥಗಳು: ( ಅಳತೆ ಕಪ್ = 240 ಎಂಎಲ್ )

1. 1/4 ಕಪ್ ತೊಗರಿಬೇಳೆ (ಅಥವಾ ಹೆಸರುಬೇಳೆ)
2. 1 - 2 ಹಸಿರು ಮೆಣಸಿನ ಕಾಯಿ (ನಿಮ್ಮ ಖಾರಕ್ಕೆ ತಕ್ಕಂತೆ)
3. 1 ಟೀಸ್ಪೂನ್ ಶುಂಠಿ
4. 1 ಟೊಮೇಟೊ
5. ನೆಲ್ಲಿಕಾಯಿ ಗಾತ್ರದ ಹುಣಿಸೇಹಣ್ಣು
6. 1/4 ಟೀಸ್ಪೂನ್ ಅರಶಿನ ಪುಡಿ
7. 1 ಟೇಬಲ್ ಚಮಚ ಕೊತ್ತಂಬರಿ ಸೊಪ್ಪು
8. ಉಪ್ಪು ರುಚಿಗೆ ತಕ್ಕಷ್ಟು

ಒಗ್ಗರಣೆಗೆ ಬೇಕಾಗುವ ಪದಾರ್ಥಗಳು:

1. 1 ಟೀಸ್ಪೂನ್ ಸಾಸಿವೆ
2. 1 ಟೀಸ್ಪೂನ್ ಜೀರಿಗೆ 
3. ಒಂದು ಒಣಮೆಣಸಿನಕಾಯಿ
4. 4 - 5 ಜಜ್ಜಿದ ಬೆಳ್ಳುಳ್ಳಿ
5. 7 - 8 ಕರಿಬೇವಿನ ಎಲೆ
6. 1 ಟೇಬಲ್ ಚಮಚ ತುಪ್ಪ ಅಥವಾ ಅಡುಗೆ ಎಣ್ಣೆ

ದಿಢೀರ್ ಬೇಳೆ ಸಾರು ಮಾಡುವ ವಿಧಾನ:

1. ತೊಗರಿಬೇಳೆಯನ್ನು ತೊಳೆದು ಮೂವತ್ತು ನಿಮಿಷ ನೆನೆಸಿ. 
2. ನಂತರ ಕತ್ತರಿಸಿದ ಹಸಿಮೆಣಸಿನಕಾಯಿ, ಶುಂಠಿ ಮತ್ತು ಟೊಮೇಟೊ ಸೇರಿಸಿ. 
3. ಅರಶಿನ, ಹುಣಿಸೆರಸ, ಉಪ್ಪು ಮತ್ತು ಅರ್ಧ ಕಪ್ ನೀರು ಹಾಕಿ ಮೆತ್ತಗೆ ಬೇಯಿಸಿಕೊಳ್ಳಿ. 
4. ಬೇಯಿಸಿದ ಬೇಳೆಯನ್ನು ಸೌಟಿನ ಹಿಂಭಾಗದಿಂದ ಚೆನ್ನಾಗಿ ಮಸಿದುಕೊಳ್ಳಿ. 
5. ಒಂದು ಬಾಣಲೆಯಲ್ಲಿ ತುಪ್ಪ,  ಸಾಸಿವೆ ಮತ್ತು ಜೀರಿಗೆ ಹಾಕಿ ಒಗ್ಗರಣೆ ಮಾಡಿ. 
6. ಒಣ ಮೆಣಸಿನಕಾಯಿ, ಕರಿಬೇವು ಮತ್ತು ಜಜ್ಜಿದ ಬೆಳ್ಳುಳ್ಳಿ ಹಾಕಿ ಹುರಿಯಿರಿ. 
7. ಮಸಿದ ಬೇಳೆ ಮತ್ತು ಅಗತ್ಯವಿದ್ದಷ್ಟು ನೀರು ಸೇರಿಸಿ. 
8. ರುಚಿಗೆ ತಕ್ಕಷ್ಟು ಉಪ್ಪು ಮತ್ತು ಬೆಲ್ಲ ಹಾಕಿ ಕುದಿಸಿ.
9. ಕೊನೆಯಲ್ಲಿ ಕೊತ್ತಂಬರಿ ಸೊಪ್ಪು ಸೇರಿಸಿ. 
10. ಚೆನ್ನಾಗಿ ಕುದಿಸಿ ಸ್ಟವ್ ಆಫ್ ಮಾಡಿ. ಬಿಸಿ ಅನ್ನದೊಂದಿಗೆ ಬಡಿಸಿ. 

To see step by step pictures click here (ಹಂತ ಹಂತವಾದ ಚಿತ್ರ ವೀಕ್ಷಿಸಲು ಇಲ್ಲಿ ಕ್ಲಿಕ್ಕಿಸಿ)

Nellikai leha recipe in Kannada | ನೆಲ್ಲಿಕಾಯಿ ಲೇಹ ಮಾಡುವ ವಿಧಾನ

 

Nellikai leha recipe in Kannada | ನೆಲ್ಲಿಕಾಯಿ ಲೇಹ ಮಾಡುವ ವಿಧಾನ

ನೆಲ್ಲಿಕಾಯಿ ಲೇಹ ವಿಡಿಯೋ

ಬೇಕಾಗುವ ಪದಾರ್ಥಗಳು:( ಅಳತೆ ಕಪ್ = 240 ಎಂಎಲ್)

1. 1/4ಕೆಜಿ ನೆಲ್ಲಿಕಾಯಿ (8 - 10 ದೊಡ್ಡ ನೆಲ್ಲಿಕಾಯಿ)
2. 1 - 2 ಕಪ್ ಸಕ್ಕರೆ (ರುಚಿಗೆ ತಕ್ಕಂತೆ ಹೊಂದಿಸಿ)
3. 2 - 3 ಏಲಕ್ಕಿ 
4. 1/4 ಟೀಸ್ಪೂನ್ ಉಪ್ಪು

ನೆಲ್ಲಿಕಾಯಿ ಲೇಹ ಮಾಡುವ ವಿಧಾನ:

1. ನೆಲ್ಲಿಕಾಯಿಯನ್ನು ತೊಳೆದು, ತುರಿದುಕೊಳ್ಳಿ. 
2. ತುರಿಯನ್ನು ಅಳತೆ ಮಾಡಿ. ನನಗೆ ಎರಡು ಕಪ್ ತುರಿ ಸಿಕ್ಕಿತು.  
3. ಒಂದು ಬಾಣಲೆಯಲ್ಲಿ ನೆಲ್ಲಿಕಾಯಿ ತುರಿ ಹಾಕಿ. 
4. 1/4 ಕಪ್ ನೀರು ಹಾಕಿ. ಮೆತ್ತಗಾಗುವವರೆಗೆ ಹುರಿದು ಬೇಯಿಸಿ ಕೊಳ್ಳಿ. 
5. ನಂತರ ಸಕ್ಕರೆ ಸೇರಿಸಿ. ಎರಡು ಕಪ್ ತುರಿಗೆ ಎರಡು ಕಪ್ ಸಕ್ಕರೆ ಬೇಕಾಗುವುದು. ನಾನು ಸ್ವಲ್ಪ ಕಡಿಮೆ ಅಂದರೆ ಒಂದು ಕಪ್ ಸೇರಿಸಿದ್ದೇನೆ. 
6. ಮಧ್ಯಮ ಉರಿಯಲ್ಲಿ ಮಗುಚಿ. ಮೊದಲಿಗೆ ಸಕ್ಕರೆ ಕರಗಿ ನೀರಾಗುವುದು. 
7. ಜಜ್ಜಿದ ಏಲಕ್ಕಿ ಸೇರಿಸಿ ಮಗುಚಿ. 
8. ನೀರಾರುವವರೆಗೆ ಅಥವಾ ಒಂದೆಳೆ ಪಾಕ ಬರುವವರೆಗೆ ಮಗುಚಿ. (ಪಾಕ ಬಂದ ಮೇಲೂ ನೀರು ನೀರಾಗಿರುವುದು) 
9. ತಣ್ಣಗಾದ ಮೇಲೆ ಗಾಳಿಯಾಡದ ಡಬ್ಬದಲ್ಲಿ ಹಾಕಿ ಎತ್ತಿಡಿ. ತಣ್ಣಗಾದ ಮೇಲೆ ಸ್ವಲ್ಪ ಗಟ್ಟಿಯಾಗುವುದು.  
10. ನೆಲ್ಲಿಕಾಯಿ ಲೇಹ ಸವಿಯಲು ಸಿದ್ಧ. ಚಪಾತಿ, ದೋಸೆ, ರೊಟ್ಟಿ ಮತ್ತು ಬ್ರೆಡ್ ನೊಂದಿಗೆ ಬಡಿಸಿ. ಫ್ರಿಡ್ಜ್ ನಲ್ಲಿ ಸುಮಾರು  ದಿನ ಇಡಬಹುದು. 

To see step by step pictures click here (ಹಂತ ಹಂತವಾದ ಚಿತ್ರ ವೀಕ್ಷಿಸಲು ಇಲ್ಲಿ ಕ್ಲಿಕ್ಕಿಸಿ)