Gobi palya recipe in Kannada | ಹೂಕೋಸು ಪಲ್ಯ ಮಾಡುವ ವಿಧಾನ

 

Gobi palya recipe in Kannada | ಹೂಕೋಸು ಪಲ್ಯ ಮಾಡುವ ವಿಧಾನ

ಹೂಕೋಸು ಪಲ್ಯ ವಿಡಿಯೋ

ಬೇಕಾಗುವ ಪದಾರ್ಥಗಳು (ಅಳತೆ ಕಪ್ 240 ಎಂ ಎಲ್ ):

1. 1 ಹೂಕೋಸು
2. 1 ದೊಡ್ಡ ಈರುಳ್ಳಿ
3. 2 ಟೊಮೇಟೊ
4. ಸ್ವಲ್ಪ ಕರಿಬೇವು
5. 1/2 ಟೀಸ್ಪೂನ್ ಸಾಸಿವೆ
6. 1/2 ಟೀಸ್ಪೂನ್ ಜೀರಿಗೆ
7. 1/4 ಟೀಸ್ಪೂನ್ ಅರಿಶಿನ ಪುಡಿ
8. ಒಂದು ದೊಡ್ಡ ಚಿಟಿಕೆ ಇಂಗು
9. 1 ಟೀಸ್ಪೂನ್ ಅಚ್ಚಖಾರದ ಪುಡಿ
10. 1 ಟೀಸ್ಪೂನ್ ಧನಿಯಾ ಪುಡಿ
11. 1/2 ಟೀಸ್ಪೂನ್ ಗರಂ ಮಸಾಲಾ
12. 1/4 ಟೀಸ್ಪೂನ್ ಜೀರಿಗೆ ಪುಡಿ
13. 2 ಟೇಬಲ್ ಚಮಚ ಕೊತ್ತಂಬರಿ ಸೊಪ್ಪು
14. ನಿಮ್ಮ ರುಚಿ ಪ್ರಕಾರ ಉಪ್ಪು
15. 1 ಟೇಬಲ್ ಚಮಚ ಅಡುಗೆ ಎಣ್ಣೆ

 ಹೂಕೋಸು ಪಲ್ಯ ಮಾಡುವ ವಿಧಾನ:

1. ಮೊದಲಿಗೆ ಹೂಕೋಸನ್ನುಬಿಡಿಸಿ, ತೊಳೆದು, ಒಂದು ಪಾತ್ರೆಯಲ್ಲಿ ತೆಗೆದುಕೊಳ್ಳಿ.
2. ಅರ್ಧ ಚಮಚ ಉಪ್ಪು ಮತ್ತು ಅಗತ್ಯವಿದ್ದಷ್ಟು ನೀರು ಸೇರಿಸಿ, ಎರಡು ನಿಮಿಷ ಬೇಯಿಸಿ. 
3. ನಂತರ ನೀರು ಬಗ್ಗಿಸಿ ತೆಗೆದಿಟ್ಟುಕೊಳ್ಳಿ. 
4. ಬಾಣಲೆಯಲ್ಲಿ ಎಣ್ಣೆ ಬಿಸಿ ಮಾಡಿ. ಸಾಸಿವೆ ಮತ್ತು ಜೀರಿಗೆಯ ಒಗ್ಗರಣೆ ಮಾಡಿಕೊಳ್ಳಿ. 
5. ಸಾಸಿವೆ ಸಿಡಿದ ಮೇಲೆ ಕತ್ತರಿಸಿದ ಈರುಳ್ಳಿ ಮತ್ತು ಕರಿಬೇವು ಸೇರಿಸಿ. ಈರುಳ್ಳಿ ಮೆತ್ತಗಾಗುವವರೆಗೆ ಹುರಿಯಿರಿ. 
6. ಅರಿಶಿನ ಮತ್ತು ಇಂಗು ಸೇರಿಸಿ. 
7. ಕತ್ತರಿಸಿದ ಟೊಮೇಟೊ ಸೇರಿಸಿ, ಟೊಮೇಟೊ ಮೆತ್ತಗಾಗುವವರೆಗೆ ಹುರಿಯಿರಿ. 
8. ಅಚ್ಚಖಾರದ ಪುಡಿ, ಧನಿಯಾ ಪುಡಿ, ಗರಂ ಮಸಾಲಾ ಮತ್ತು ಜೀರಿಗೆ ಪುಡಿ ಸೇರಿಸಿ ಮಗುಚಿ. 
9. ಸ್ವಲ್ಪ ನೀರನ್ನು ಸೇರಿಸಿ, ಕುದಿಸಿ, ಗೊಜ್ಜು ತಯಾರಿಸಿಕೊಳ್ಳಿ. 
10. ಅದಕ್ಕೆ ಬೇಯಿಸಿದ ಹೂಕೋಸು ಸೇರಿಸಿ. 
11. ಕೊತ್ತಂಬರಿ ಸೊಪ್ಪನ್ನು ಸೇರಿಸಿ. 
12. ಮಗುಚಿ, ಮುಚ್ಚಳ ಮುಚ್ಚಿ ಹೂಕೋಸು ಮೆತ್ತಗಾಗುವವರೆಗೆ ಬೇಯಿಸಿ.  
13. ಕೊನೆಯಲ್ಲಿ ಬೇಕಾದಲ್ಲಿ ಸ್ವಲ್ಪ ಕೊತ್ತಂಬರಿ ಸೊಪ್ಪನ್ನು ಸೇರಿಸಿ, ಸ್ಟವ್ ಆಫ್ ಮಾಡಿ. 
14. ಚಪಾತಿ ಅಥವಾ ಅನ್ನದೊಂದಿಗೆ ಬಡಿಸಿ.

To see step by step pictures click here (ಹಂತ ಹಂತವಾದ ಚಿತ್ರ ವೀಕ್ಷಿಸಲು ಇಲ್ಲಿ ಕ್ಲಿಕ್ಕಿಸಿ)

Onion rasam recipe in Kannada | ಈರುಳ್ಳಿ ಸಾರು ಮಾಡುವ ವಿಧಾನ

 

Onion rasam recipe in Kannada | ಈರುಳ್ಳಿ ಸಾರು ಮಾಡುವ ವಿಧಾನ

ಈರುಳ್ಳಿ ಸಾರು ವಿಡಿಯೋ

ಬೇಕಾಗುವ ಪದಾರ್ಥಗಳು: (ಅಳತೆ ಕಪ್ = 240 ಎಂ ಎಲ್)

1. 1 ಈರುಳ್ಳಿ ತೆಳ್ಳಗೆ ಕತ್ತರಿಸಿದ್ದು
2. 7 - 8 ಎಸಳು ಬೆಳ್ಳುಳ್ಳಿ ಕತ್ತರಿಸಿದ್ದು
3. 3 - 5 ಒಣಮೆಣಸಿನಕಾಯಿ
4. 2 ಟೀಸ್ಪೂನ್ ಧನಿಯಾ ಅಥವಾ ಕೊತ್ತಂಬರಿ ಬೀಜ
5. 1 ಟೀಸ್ಪೂನ್ ಜೀರಿಗೆ
6. 7 - 8 ಕರಿಬೇವು
7. 1/4 ಕಪ್ ತೆಂಗಿನಕಾಯಿ
8. 1/4 ಟೀಸ್ಪೂನ್ ಅರಿಶಿನ
9. ನೆಲ್ಲಿಕಾಯಿ ಗಾತ್ರದ ಹುಣಿಸೇಹಣ್ಣು
10. ಬೆಲ್ಲ ರುಚಿಗೆ ತಕ್ಕಷ್ಟು
11. 1 ಟೇಬಲ್ ಚಮಚ ಹೆಚ್ಚಿದ ಕೊತ್ತಂಬರಿ ಸೊಪ್ಪು
12. ಉಪ್ಪು ರುಚಿಗೆ ತಕ್ಕಷ್ಟು
13. 1 ಟೀಸ್ಪೂನ್ ಎಣ್ಣೆ

ಒಗ್ಗರಣೆಗೆ ಬೇಕಾಗುವ ಪದಾರ್ಥಗಳು:

1. 1/2 ಚಮಚ ಸಾಸಿವೆ
2. 1 ಒಣಮೆಣಸಿನಕಾಯಿ
3. 5 - 6 ಕರಿಬೇವಿನ ಎಲೆ
4. 1 ಟೇಬಲ್ ಚಮಚ ಎಣ್ಣೆ

 ಈರುಳ್ಳಿ ಸಾರು ಮಾಡುವ ವಿಧಾನ:

1. ಮೊದಲಿಗೆ ಒಂದು ಬಾಣಲೆಯಲ್ಲಿ ಎಣ್ಣೆ ಬಿಸಿ ಮಾಡಿ.
2. ಒಣಮೆಣಸಿನಕಾಯಿ, ಕೊತ್ತಂಬರಿ ಮತ್ತು  ಜೀರಿಗೆಯನ್ನು ಹಾಕಿ ಹುರಿಯಿರಿ. 
3. ನಂತರ ಕತ್ತರಿಸಿದ ಈರುಳ್ಳಿ, ಬೆಳ್ಳುಳ್ಳಿ ಮತ್ತು ಕರಿಬೇವನ್ನು ಸೇರಿಸಿ.
4. ಈರುಳ್ಳಿ ಮೆತ್ತಗಾಗುವವರೆಗೆ ಹುರಿಯಿರಿ. 
5. ಬಿಸಿ ಅರಿದಮೇಲೆ ಮಿಕ್ಸಿ ಜಾರಿಗೆ ಹಾಕಿ.
6. ತೆಂಗಿನಕಾಯಿಯನ್ನು ಸೇರಿಸಿ. 
7. ಅಗತ್ಯವಿದ್ದಷ್ಟು ನೀರು ಸೇರಿಸಿ ನುಣ್ಣಗೆ ಅರೆಯಿರಿ. ಮಸಾಲೆ ಪೇಸ್ಟ್ ತಯಾರಾಯಿತು. 
8. ಅದನ್ನು ಒಂದು ಪಾತ್ರೆಗೆ ಹಾಕಿ, ಅರಿಶಿನ ಸೇರಿಸಿ. 
9. ರುಚಿಗೆ ತಕ್ಕಂತೆ ಉಪ್ಪು, ಹುಳಿ ಮತ್ತು ಬೆಲ್ಲ ಸೇರಿಸಿ. 
10. ಅಗತ್ಯವಿದ್ದಷ್ಟು ನೀರು ಸೇರಿಸಿ. 
11. ಒಂದು ನಿಮಿಷ ಚೆನ್ನಾಗಿ ಕುದಿಸಿ. 
12. ಕೊತ್ತಂಬರಿ ಸೊಪ್ಪು ಸೇರಿಸಿ, ಸ್ಟವ್ ಆಫ್ ಮಾಡಿ.
13. ಎಣ್ಣೆ, ಸಾಸಿವೆ, ಒಣಮೆಣಸಿನಕಾಯಿ ಮತ್ತು ಕರಿಬೇವಿನ ಒಗ್ಗರಣೆ ಮಾಡಿ.
14. ಸಾರಿಗೆ ಒಗ್ಗರಣೆ ಹಾಕಿ, ಒಮ್ಮೆ ಕಲಸಿ, ಬಿಸಿ ಅನ್ನದೊಂದಿಗೆ ಬಡಿಸಿ.

To see step by step pictures click here (ಹಂತ ಹಂತವಾದ ಚಿತ್ರ ವೀಕ್ಷಿಸಲು ಇಲ್ಲಿ ಕ್ಲಿಕ್ಕಿಸಿ)

Navane khichdi recipe in Kannada | ನವಣೆ ಖಿಚಡಿ ಮಾಡುವ ವಿಧಾನ

 

Navane khichdi recipe in Kannada | ನವಣೆ ಖಿಚಡಿ ಮಾಡುವ ವಿಧಾನ 

ನವಣೆ ಖಿಚಡಿ ವಿಡಿಯೋ

ಬೇಕಾಗುವ ಪದಾರ್ಥಗಳು: (ಅಳತೆ ಕಪ್ = 240 ಎಂ ಎಲ್)

1. 1 ಕಪ್ ನವಣೆ
2. 1/2 ಕಪ್ ಹೆಸರುಬೇಳೆ
3. 1 ಪುಲಾವ್ ಎಲೆ
4. 1/2 ಟೀಸ್ಪೂನ್ ಸಾಸಿವೆ
5. 1/2 ಟೀಸ್ಪೂನ್ ಜೀರಿಗೆ
6. 1 ಟೀಸ್ಪೂನ್ ಶುಂಠಿ
7. ಸ್ವಲ್ಪ ಕರಿಬೇವು
8. 1 - 2 ಹಸಿಮೆಣಸಿನಕಾಯಿ
9. 1 ಈರುಳ್ಳಿ
10. 1 ಸಣ್ಣ ಗಾತ್ರದ ದಪ್ಪಮೆಣಸು
11. 2 ಕಪ್ ಬೆರಕೆ ತರಕಾರಿ
12. ದೊಡ್ಡ ಚಿಟಿಕೆ ಅರಿಶಿನ ಪುಡಿ
13. ದೊಡ್ಡ ಚಿಟಿಕೆ ಇಂಗು
14. 1 ಟೊಮೇಟೊ
15. 1 ಟೀಸ್ಪೂನ್ ಉಪ್ಪು (ಅಥವಾ ನಿಮ್ಮ ರುಚಿ ಪ್ರಕಾರ)
16. 3 ಟೀಸ್ಪೂನ್ ತುಪ್ಪ
17. ಸ್ವಲ್ಪ ಕೊತ್ತಂಬರಿ ಸೊಪ್ಪು

ಖಿಚಡಿ ಮಾಡುವ ವಿಧಾನ:

1. ನವಣೆಯನ್ನು ಚೆನ್ನಾಗಿ ತೊಳೆದು, ಎರಡು ಘಂಟೆ ನೆನೆಸಿಡಿ. 
2. ಹೆಸರುಬೇಳೆಯನ್ನು 20 ನಿಮಿಷ ನೆನೆಸಿ.
3. ಒಂದು ಕುಕ್ಕರ್ ನಲ್ಲಿ ತುಪ್ಪ ಬಿಸಿ ಮಾಡಿ. 
4. ಪುಲಾವ್ ಎಲೆ, ಸಾಸಿವೆ ಮತ್ತು ಜೀರಿಗೆ ಹಾಕಿ ಒಗ್ಗರಣೆ ಮಾಡಿ. 
5. ಶುಂಠಿ, ಕರಿಬೇವು ಮತ್ತು ಸೀಳಿದ ಹಸಿಮೆಣಸಿನಕಾಯಿ ಹಾಕಿ ಹುರಿಯಿರಿ. 
6. ಕತ್ತರಿಸಿದ ಈರುಳ್ಳಿ ಮತ್ತು ದಪ್ಪಮೆಣಸು ಹಾಕಿ ಹುರಿಯಿರಿ. 
7. ನಂತರ ಅರಿಶಿನ ಮತ್ತು ಇಂಗು ಸೇರಿಸಿ ಮಗುಚಿ. 
8. ಕತ್ತರಿಸಿದ ಬೆರಕೆ ತರಕಾರಿಗಳನ್ನು ಹಾಕಿ ಹುರಿಯಿರಿ.  
9. ಟೊಮೇಟೊ ಸೇರಿಸಿ ಹುರಿಯಿರಿ. 
10. ನೆನೆಸಿದ ಹೆಸರುಬೇಳೆ ಮತ್ತು ಅಕ್ಕಿ ಹಾಕಿ ಮಗುಚಿ.
11. ಸುಮಾರು 4 ಕಪ್ ನೀರು ಸೇರಿಸಿ.
12. ರುಚಿಗೆ ತಕ್ಕಷ್ಟು ಉಪ್ಪು ಸೇರಿಸಿ.  
13. ಕತ್ತರಿಸಿದ ಕೊತ್ತಂಬರಿ ಸೊಪ್ಪು ಸೇರಿಸಿ. 
14. ಮುಚ್ಚಳ ಮುಚ್ಚಿ 2 - 3 ವಿಷಲ್ ಮಾಡಿ. 
15. ಬಿಸಿ-ಬಿಸಿ ಯಾಗಿರುವಾಗಲೇ ಬಡಿಸಿ. ಬೆಳಿಗ್ಗಿನ ತಿಂಡಿಗೆ ಅಥವಾ ರಾತ್ರಿ ಊಟಕ್ಕೆ ಬಹಳ ಚೆನ್ನಾಗಿರುತ್ತದೆ. 

To see step by step pictures click here (ಹಂತ ಹಂತವಾದ ಚಿತ್ರ ವೀಕ್ಷಿಸಲು ಇಲ್ಲಿ ಕ್ಲಿಕ್ಕಿಸಿ)

Paneer tawa fry recipe in Kannada | ಪನೀರ್ ತವಾ ಫ್ರೈ ಮಾಡುವ ವಿಧಾನ

 

Paneer tawa fry recipe in Kannada | ಪನೀರ್ ತವಾ ಫ್ರೈ ಮಾಡುವ ವಿಧಾನ

ಪನೀರ್ ತವಾ ಫ್ರೈ ವಿಡಿಯೋ

ಹಿಟ್ಟಿಗೆ ಬೇಕಾಗುವ ಪದಾರ್ಥಗಳು: ( ಅಳತೆ ಕಪ್ = 240 ಎಂಎಲ್ )

1. 200gm ಪನೀರ್
2. 2 ಟೇಬಲ್ ಸ್ಪೂನ್ ಕಡ್ಲೆಹಿಟ್ಟು
3. 1 ಟೇಬಲ್ ಸ್ಪೂನ್ ಬಿಸಿ ಎಣ್ಣೆ
4. 1.5 ಟೀಸ್ಪೂನ್ ಅಚ್ಚಖಾರದ ಪುಡಿ
5. 1 ಟೀಸ್ಪೂನ್ ಧನಿಯಾ ಪುಡಿ
6. 1/2 ಟೀಸ್ಪೂನ್ ಜೀರಿಗೆ ಪುಡಿ
7. 1/2 ಟೀಸ್ಪೂನ್ ಗರಂ ಮಸಾಲಾ
8. 1/4 ಟೀಸ್ಪೂನ್ ಚಾಟ್ ಮಸಾಲಾ
9. ದೊಡ್ಡ ಚಿಟಿಕೆ ಅರಿಶಿನ
10. 1 ಟೀಸ್ಪೂನ್ ಶುಂಠಿ ಬೆಳ್ಳುಳ್ಳಿ ಪೇಸ್ಟ್
11. 2 ಟೇಬಲ್ ಸ್ಪೂನ್ ಗಟ್ಟಿ ಮೊಸರು
12. 1 ಟೇಬಲ್ ಸ್ಪೂನ್ ಕಸೂರಿ ಮೇಥಿ
13. ಉಪ್ಪು ರುಚಿಗೆ ತಕ್ಕಂತೆ

ಹಸಿರು ಚಟ್ನಿಗೆ ಬೇಕಾಗುವ ಪದಾರ್ಥಗಳು: ( ಅಳತೆ ಕಪ್ = 240 ಎಂಎಲ್ )

1. ಸಣ್ಣ ಹಿಡಿ ಪುದೀನಾ ಸೊಪ್ಪು
2. ಸಣ್ಣ ಹಿಡಿ ಕೊತ್ತಂಬರಿ ಸೊಪ್ಪು
3. 1 - 2 ಹಸಿಮೆಣಸಿನಕಾಯಿ
4. 1cm ಉದ್ದದ ಶುಂಠಿ
5. 2 ಟೇಬಲ್ ಚಮಚ ಗಟ್ಟಿ ಮೊಸರು
6. 1/4 ಟೀಸ್ಪೂನ್ ಜೀರಿಗೆ ಪುಡಿ
7. 1/4 ಟೀಸ್ಪೂನ್ ಚಾಟ್ ಮಸಾಲಾ
8. ಉಪ್ಪು ರುಚಿಗೆ ತಕ್ಕಷ್ಟು
9. ಸಕ್ಕರೆ ರುಚಿಗೆ ತಕ್ಕಷ್ಟು

ಪನೀರ್ ತವಾ ಫ್ರೈ ಮಾಡುವ ವಿಧಾನ:

1. ಕಡ್ಲೆಹಿಟ್ಟನ್ನು ಒಂದು ಪಾತ್ರೆಯಲ್ಲಿ ತೆಗೆದುಕೊಳ್ಳಿ.
2. ಬಿಸಿ ಬಿಸಿ ಎಣ್ಣೆ ಹಾಕಿ ಕಲಸಿ.
3. ಅದಕ್ಕೆ ಅಚ್ಚಖಾರದ ಪುಡಿ, ಧನಿಯಾ ಪುಡಿ, ಜೀರಿಗೆ ಪುಡಿ, ಗರಂ ಮಸಾಲಾ ಪುಡಿ ಮತ್ತು ಚಾಟ್ ಮಸಾಲಾ ಸೇರಿಸಿ.
4. ಅರಿಶಿನ ಸೇರಿಸಿ ಮತ್ತು ಉಪ್ಪು ಸೇರಿಸಿ.
5. ಶುಂಠಿ ಬೆಳ್ಳುಳ್ಳಿ ಪೇಸ್ಟ್ ಸೇರಿಸಿ.
6. ಮೊಸರು ಮತ್ತು ಕಸೂರಿ ಮೇಥಿ ಸೇರಿಸಿ ಮಗುಚಿ.
7. ಅದಕ್ಕೆ ಪನೀರ್ ಚೂರುಗಳನ್ನು ಹಾಕಿ ಕಲಸಿ, ಮೂವತ್ತು ನಿಮಿಷ ನೆನೆಯಲು ಬಿಡಿ.
8. ತವ ಅಥವಾ ಬಾಣಲೆಯಲ್ಲಿ ಎಣ್ಣೆ ಬಿಸಿ ಮಾಡಿ.
9. ಮಸಾಲೆ ಹಚ್ಚಿದ ಪನೀರ್ ಚೂರುಗಳನ್ನು ಖಾಯಿಸಿ.
10. ಹಸಿರು ಚಟ್ನಿ ಯೊಂದಿಗೆ ಬಡಿಸಿ. ಹಾಗೆಯೂ ತಿನ್ನಬಹುದು.

ಹಸಿರು ಚಟ್ನಿ ಮಾಡುವ ವಿಧಾನ:

1. ಮಿಕ್ಸಿ ಜಾರಿನಲ್ಲಿ ಪುದೀನಾ, ಕೊತ್ತಂಬರಿ ಸೊಪ್ಪು, ಮೊಸರು, ಹಸಿಮೆಣಸಿನಕಾಯಿ ಮತ್ತು ಶುಂಠಿ ತೆಗೆದುಕೊಳ್ಳಿ .
2. ಅದಕ್ಕೆ ಜೀರಿಗೆ ಪುಡಿ, ಚಾಟ್ ಮಸಾಲಾ ಉಪ್ಪು ಮತ್ತು ಸಕ್ಕರೆ ಸೇರಿಸಿ.
3. ನುಣ್ಣಗೆ ರುಬ್ಬಿ.
4. ಪನೀರ್ ತವ ಫ್ರೈ ಅಥವಾ ಯಾವುದೇ ಸ್ನಾಕ್ಸ್ ಜೊತೆ ಬಡಿಸಿ.

To see step by step pictures click here (ಹಂತ ಹಂತವಾದ ಚಿತ್ರ ವೀಕ್ಷಿಸಲು ಇಲ್ಲಿ ಕ್ಲಿಕ್ಕಿಸಿ)

Jeerige chitranna recipe in Kannada | ಜೀರಿಗೆ ಚಿತ್ರಾನ್ನ ಮಾಡುವ ವಿಧಾನ

 

Jeerige chitranna recipe in Kannada | ಜೀರಿಗೆ ಚಿತ್ರಾನ್ನ ಮಾಡುವ ವಿಧಾನ

ಜೀರಿಗೆ ಚಿತ್ರಾನ್ನ ವಿಡಿಯೋ

ಬೇಕಾಗುವ ಪದಾರ್ಥಗಳು: ( ಅಳತೆ ಕಪ್ = 240 ಎಂಎಲ್ )

1. 1 ಕಪ್ ಅಕ್ಕಿ (ಸೋನಾಮಸೂರಿ)
2. 1/2 ಕಪ್ ತೆಂಗಿನ ತುರಿ
3. 3 - 5 ಕೆಂಪು ಮೆಣಸಿನಕಾಯಿ
4. 2 ಟೀಸ್ಪೂನ್ ಜೀರಿಗೆ
5. 1 ನೆಲ್ಲಿಕಾಯಿ ಗಾತ್ರದ ಬೆಲ್ಲ
6. 1 ನೆಲ್ಲಿಕಾಯಿ ಗಾತ್ರದ ಹುಣಸೆ ಹಣ್ಣು
7. ಉಪ್ಪು ರುಚಿಗೆ ತಕ್ಕಷ್ಟು.

ಒಗ್ಗರಣೆಗೆ ಬೇಕಾಗುವ ಪದಾರ್ಥಗಳು:

1. 2 ಟೇಬಲ್ ಚಮಚ ಕಡಲೇಕಾಯಿ ಅಥವಾ ಶೇಂಗಾ
2. 1 ಟೀಸ್ಪೂನ್ ಸಾಸಿವೆ
3. 1 ಟೀಸ್ಪೂನ್ ಉದ್ದಿನ ಬೇಳೆ
4. 1 ಟೀಸ್ಪೂನ್ ಕಡಲೆಬೇಳೆ
5. 4 - 6 ಕರಿಬೇವಿನ ಎಲೆ
6. 1/4 ಟೀಸ್ಪೂನ್ ಅರಿಶಿನ ಪುಡಿ
7. 2 ಟೇಬಲ್ ಚಮಚ ಅಡುಗೆ ಎಣ್ಣೆ

ಜೀರಿಗೆ ಚಿತ್ರಾನ್ನ ಮಾಡುವ ವಿಧಾನ:

1. ಉದುರುದುರಾಗಿ ಅನ್ನ ಮಾಡಿಟ್ಟುಕೊಳ್ಳಿ. 
2. ಮಿಕ್ಸಿ ಜಾರಿಗೆ ತೆಂಗಿನಕಾಯಿ, ಕೆಂಪು ಮೆಣಸಿನಕಾಯಿ ಮತ್ತು ಜೀರಿಗೆಯನ್ನು ಹಾಕಿ.
3. ಉಪ್ಪು, ಬೆಲ್ಲ ಮತ್ತು ಹುಣಸೆ ರಸ ಸೇರಿಸಿ.
4. ಅಗತ್ಯವಿದ್ದಷ್ಟು ನೀರು ಬಳಸಿ ನುಣ್ಣನೆ ಅರೆದು ಪಕ್ಕಕ್ಕಿಡಿ. 
5. ಒಂದು ಬಾಣಲೆಯಲ್ಲಿ ಎಣ್ಣೆ ಬಿಸಿಮಾಡಿ. ಕಡಲೆಕಾಯಿ (ಶೇಂಗಾ) ಯನ್ನು ಹಾಕಿ ಹುರಿಯಿರಿ. 
6. ಸಾಸಿವೆ , ಉದ್ದಿನ ಬೇಳೆ ಮತ್ತು ಕಡಲೆಬೇಳೆ ಸೇರಿಸಿ ಒಗ್ಗರಣೆ  ಮಾಡಿ. 
7. ನಂತರ ಅರಿಶಿನ ಪುಡಿ ಮತ್ತು ಕರಿಬೇವು ಸೇರಿಸಿ. ಉರಿ ಕಡಿಮೆ ಮಾಡಿ.
8. ಅರೆದ ಮಸಾಲಾ ಪೇಸ್ಟ್ ಸೇರಿಸಿ.
9. ಹೆಚ್ಚಿನ ನೀರು ಆರುವವರೆಗೆ ಚೆನ್ನಾಗಿ ಮಗುಚಿ. ಸ್ಟವ್ ಆಫ್ ಮಾಡಿ. 
10. ಅನ್ನ ಹಾಕಿ ಕಲಸಿ. 
11. ಬೇಕಾದಲ್ಲಿ ಸ್ವಲ್ಪ ಕೊತ್ತಂಬರಿ ಸೊಪ್ಪು ಮೇಲಿನಿಂದ ಹಾಕಿ ಬಡಿಸಿ. 

To see step by step pictures click here (ಹಂತ ಹಂತವಾದ ಚಿತ್ರ ವೀಕ್ಷಿಸಲು ಇಲ್ಲಿ ಕ್ಲಿಕ್ಕಿಸಿ)

Khaproli dose recipe in Kannada | ಖಾಪ್ರೊಳಿ ದೋಸೆ ಮಾಡುವ ವಿಧಾನ

 

Khaproli dose recipe in Kannada | ಖಾಪ್ರೊಳಿ ದೋಸೆ ಮಾಡುವ ವಿಧಾನ

ಖಾಪ್ರೊಳಿ ದೋಸೆ ವಿಡಿಯೋ

ಬೇಕಾಗುವ ಪದಾರ್ಥಗಳು (ಅಳತೆ ಕಪ್ = 240 ಎಂಎಲ್ ):

1. 1.5 ಕಪ್ ದೋಸೆ ಅಕ್ಕಿ
2. 1/2 ಕಪ್ ಉದ್ದಿನಬೇಳೆ
3. 1/4 ಕಪ್ ಕಡ್ಲೆಬೇಳೆ
4. 1 ಟೀಸ್ಪೂನ್ ಮೆಂತ್ಯ
5. 1/2 ಕಪ್ ಗಟ್ಟಿ ಅವಲಕ್ಕಿ
6. ಉಪ್ಪು ರುಚಿಗೆ ತಕ್ಕಷ್ಟು.

ಕಾಯಿ ಹಾಲಿಗೆ ಬೇಕಾಗುವ ಪದಾರ್ಥಗಳು (ಅಳತೆ ಕಪ್ = 240 ಎಂಎಲ್ ):

1. 2 ಕಪ್ ತೆಂಗಿನಕಾಯಿ ಹಾಲು
2. 1/4 ಕಪ್ ಪುಡಿ ಮಾಡಿದ ಬೆಲ್ಲ
3. ದೊಡ್ಡ ಚಿಟಿಕೆ ಏಲಕ್ಕಿ
4. ದೊಡ್ಡ ಚಿಟಿಕೆ ಉಪ್ಪು

ಖಾಪ್ರೊಳಿ ದೋಸೆ ಮಾಡುವ ವಿಧಾನ:

1. ಒಂದು ಪಾತ್ರೆಯಲ್ಲಿ ಅಕ್ಕಿಯನ್ನು ತೊಳೆದು 4 - 5 ಗಂಟೆಗಳ ಕಾಲ ನೆನೆಯಲು ಬಿಡಿ.
2. ಇನ್ನೊಂದು ಪಾತ್ರೆಯಲ್ಲಿ ಉದ್ದಿನಬೇಳೆ, ಕಡ್ಲೆಬೇಳೆ ಮತ್ತು ಮೆಂತೆಯನ್ನು ತೊಳೆದು 4 - 5 ಗಂಟೆಗಳ ಕಾಲ ನೆನೆಯಲು ಬಿಡಿ.
3. ಅವಲಕ್ಕಿಯನ್ನು ಹಿಟ್ಟು ರುಬ್ಬುವ ೧೦ ನಿಮಿಷ ಮೊದಲು ನೆನೆಸಿ. 
4. ನೆನೆಸಿದ ನಂತರ ಎಲ್ಲವನ್ನು ನುಣ್ಣನೆ ಅರೆದು ಒಂದು ಪಾತ್ರೆಗೆ ಹಾಕಿ.
5. ಚಿಟಿಕೆ ಅರಿಶಿನ ಹಾಕಿ, ಹಿಟ್ಟನ್ನು ಚೆನ್ನಾಗಿ ಕಲಸಿ. 
6. ಮುಚ್ಚಳವನ್ನು ಮುಚ್ಚಿ, 8-10 ಘಂಟೆ ಕಾಲ ಹಿಟ್ಟು ಹುದುಗಲು ಬಿಡಿ.
7. ಹುದುಗಿದ ನಂತರ ಹಿಟ್ಟಿಗೆ ರುಚಿಗೆ ತಕ್ಕಷ್ಟು ಉಪ್ಪು ಸೇರಿಸಿ ಚೆನ್ನಾಗಿ ಕಲಸಿ. ಹಿಟ್ಟು ಉದ್ದಿನ ದೋಸೆ ಹಿಟ್ಟಿನಂತಿರಲಿ. 
8. ಕಾಯಿ ಹಾಲು, ಬೆಲ್ಲ, ಏಲಕ್ಕಿ ಮತ್ತು ಚಿಟಿಕೆ ಉಪ್ಪು ಸೇರಿಸಿ, ಸಿಹಿ ಕಾಯಿಹಾಲನ್ನು ತಯಾರಿಸಿಟ್ಟುಕೊಳ್ಳಿ. 
9. ದೋಸೆ ಹೆಂಚನ್ನು ಬಿಸಿಮಾಡಿ. ಹಿಟ್ಟು ಸುರಿದು, ಸೆಟ್ ದೋಸೆಯಂತೆ ದಪ್ಪ ದೋಸೆ ಮಾಡಿ.
10. ಮುಚ್ಚಳವನ್ನು ಮುಚ್ಚಿ ಮಧ್ಯಮ ಉರಿಯಲ್ಲಿ ಬೇಯಿಸಿ.
11. ಮುಚ್ಚಳವನ್ನು ತೆಗೆದು, ದೋಸೆ ತೆಗೆಯಿರಿ. ದೋಸೆ ಒಂದು ಬದಿ ಕಾಯಿಸಿದರೆ ಸಾಕು. ಸಿಹಿ ಕಾಯಿಹಾಲು ಅಥವಾ ತೆಂಗಿನಕಾಯಿ ಚಟ್ನಿ ಯೊಂದಿಗೆ ಬಡಿಸಿರಿ.

To see step by step pictures click here (ಹಂತ ಹಂತವಾದ ಚಿತ್ರ ವೀಕ್ಷಿಸಲು ಇಲ್ಲಿ ಕ್ಲಿಕ್ಕಿಸಿ)

Hesaru bele chakli recipe in Kannada | ಹೆಸರುಬೇಳೆ ಚಕ್ಲಿ ಮಾಡುವ ವಿಧಾನ

 

Hesaru bele chakli recipe in Kannada | ಹೆಸರುಬೇಳೆ ಚಕ್ಲಿ ಮಾಡುವ ವಿಧಾನ

ಹೆಸರುಬೇಳೆ ಚಕ್ಲಿ ವಿಡಿಯೋ

ಬೇಕಾಗುವ ಪದಾರ್ಥಗಳು:( ಅಳತೆ ಕಪ್ = 240 ಎಂಎಲ್ )

1. 1 ಕಪ್ ಅಕ್ಕಿ ಹಿಟ್ಟು 
2. 0.25 ಕಪ್ ಹೆಸರುಬೇಳೆ 
3. 1 ಟೀ ಸ್ಪೂನ್ ಜೀರಿಗೆ
4. ದೊಡ್ಡ ಚಿಟಿಕೆ ಇಂಗು
5. 2 ಟೇಬಲ್ ಚಮಚ ಎಣ್ಣೆ
6. ಉಪ್ಪು ರುಚಿಗೆ ತಕ್ಕಷ್ಟು
7. ಎಣ್ಣೆ ಚಕ್ಕುಲಿ ಕಾಯಿಸಲು

ಚಕ್ಕುಲಿ ಮಾಡುವ ವಿಧಾನ:

1. ಹೆಸರುಬೇಳೆಯನ್ನು ತೊಳೆದು, ಒಂದಕ್ಕೆ ಮೂರರಷ್ಟು ನೀರು ಸೇರಿಸಿ ಕುಕ್ಕರ್ ನಲ್ಲಿ ಚೆನ್ನಾಗಿ ಬೇಯಿಸಿಕೊಳ್ಳಿ. 
2. ಬೇಯಿಸಿದ ಹೆಸರುಬೇಳೆಯನ್ನು ಚೆನ್ನಾಗಿ ಮಸಿದಿಟ್ಟುಕೊಳ್ಳಿ ಅಥವಾ ಮಿಕ್ಸಿಯಲ್ಲಿ ಪೇಸ್ಟ್ ಮಾಡಿಟ್ಟುಕೊಳ್ಳಿ.
3. ಅಕ್ಕಿ ಹಿಟ್ಟನ್ನು ಬಾಣಲೆಯನ್ನು ತೆಗೆದುಕೊಳ್ಳಿ. 
4. ಜೀರಿಗೆ, ಇಂಗು ಮತ್ತು ಉಪ್ಪು ಹಾಕಿ ಕಲಸಿ. 
5. ಆಮೇಲೆ ಬಿಸಿ ಎಣ್ಣೆಯನ್ನು ಹಾಕಿ, ಚಮಚದಲ್ಲಿ ಒಮ್ಮೆ ಕಲಸಿ.  
6. ನಂತರ ಕೈಯಲ್ಲಿ ಚೆನ್ನಾಗಿ ತಿಕ್ಕಿ ಕಲಸಿ. 
7. ಮಸೆದ ಹೆಸರುಬೇಳೆಯನ್ನು ಹಾಕಿ. ಗಟ್ಟಿ ಆದರೆ ಮೃದುವಾದ ಹಿಟ್ಟನ್ನು ಸಿದ್ಧ ಪಡಿಸಿಕೊಳ್ಳಿ. ಚಕ್ಕುಲಿ ಒತ್ತಲು ಆಗುವಷ್ಟು ಮೆತ್ತಗಿದ್ದರೆ ಸಾಕು. 
8. ಪ್ಲಾಸ್ಟಿಕ್ ಹಾಳೆ ಮೇಲೆ ಚಕ್ಕುಲಿ ಅಚ್ಚನ್ನು ಉಪಯೋಗಿಸಿ ಚಕ್ಕುಲಿಯನ್ನು ಒತ್ತಿ. 
9. ಎಣ್ಣೆ ಬಿಸಿ ಮಾಡಿ ಒತ್ತಿದ ಚಕ್ಕುಲಿಯನ್ನು ಮಧ್ಯಮ ಉರಿಯಲ್ಲಿ ಕಾಯಿಸಿ. ಸ್ವರ ಅಥವಾ ಗುಳ್ಳೆಗಳು ನಿಂತ ಮೇಲೆ ತೆಗೆಯಿರಿ.

To see step by step pictures click here (ಹಂತ ಹಂತವಾದ ಚಿತ್ರ ವೀಕ್ಷಿಸಲು ಇಲ್ಲಿ ಕ್ಲಿಕ್ಕಿಸಿ)

Ragi shavige recipe in Kannada | ರಾಗಿ ಶಾವಿಗೆ ಮಾಡುವ ವಿಧಾನ

 

Ragi shavige recipe in Kannada | ರಾಗಿ ಶಾವಿಗೆ ಮಾಡುವ ವಿಧಾನ

ರಾಗಿ ಶಾವಿಗೆ ವಿಡಿಯೋ

ಬೇಕಾಗುವ ಪದಾರ್ಥಗಳು: ( ಅಳತೆ ಕಪ್ = 240 ಎಂಎಲ್ )

1. 1 ಕಪ್ ರಾಗಿ ಹಿಟ್ಟು
2. 1.25 ಕಪ್ ನೀರು
3. 1 ಟೀಸ್ಪೂನ್ ಎಣ್ಣೆ
4. ಉಪ್ಪು ರುಚಿಗೆ ತಕ್ಕಷ್ಟು

ರಾಗಿ ಶಾವಿಗೆ ಮಾಡುವ ವಿಧಾನ:

1. ಒಂದು ಪಾತ್ರೆಯಲ್ಲಿ ರಾಗಿ ಹಿಟ್ಟು ಮತ್ತು ನೀರನ್ನು ಗಂಟಿಲ್ಲದಂತೆ ಕಲಸಿ.
2. ಕಲಸಿದ ಹಿಟ್ಟನ್ನು ಒಂದು ಬಾಣಲೆಯಲ್ಲಿ ತೆಗೆದುಕೊಳ್ಳಿ.
3. ರುಚಿಗೆ ತಕ್ಕಂತೆ ಉಪ್ಪನ್ನು ಸೇರಿಸಿ.
4.  ಎಣ್ಣೆಯನ್ನೂ ಸೇರಿಸಿ. 
5. ಮಧ್ಯಮ ಉರಿಯಲ್ಲಿ ಕೈ ಬಿಡದೆ ಮಗುಚುತ್ತಾ ಮೃದುವಾದ ಹಿಟ್ಟನ್ನು ತಯಾರಿಸಿ.
6. ಸ್ಟವ್ ಆಫ್ ಮಾಡಿ, ಕೈಗೆ ಎಣ್ಣೆ ಹಚ್ಚಿಕೊಂಡು, ಚೆನ್ನಾಗಿ ಹಿಟ್ಟನ್ನು ನಾದಿಕೊಳ್ಳಿ. 
7. ಹಿಟ್ಟು ಮೃದುವಾಗಿರಲಿ. 
8. ನಂತರ ಉದ್ದುದ್ದ ಉಂಡೆಗಳನ್ನು ಮಾಡಿ.
9. ಶಾವಿಗೆ ಅಚ್ಚಿನಲ್ಲಿ ಹಾಕಿ ಎಣ್ಣೆ ಸವರಿದ ಇಡ್ಲಿ ಪ್ಲೇಟ್ ಗೆ ಒತ್ತಿ. 
10. ಸೆಕೆಯಲ್ಲಿ (ಆವಿಯಲ್ಲಿ) 8-10 ನಿಮಿಷ ಬೇಯಿಸಿ. ನಿಮ್ಮಿಷ್ಟದ ಸಾಂಬಾರ್ ಅಥವಾ ಗೊಜ್ಜು ಅಥವಾ ಚಟ್ನಿಯೊಂದಿಗೆ ಸವಿದು ಆನಂದಿಸಿ.

To see step by step pictures click here (ಹಂತ ಹಂತವಾದ ಚಿತ್ರ ವೀಕ್ಷಿಸಲು ಇಲ್ಲಿ ಕ್ಲಿಕ್ಕಿಸಿ)

Masala kaju recipe in Kannada | ಮಸಾಲೆ ಗೋಡಂಬಿ ಮಾಡುವ ವಿಧಾನ

 

Masala kaju recipe in Kannada | ಮಸಾಲೆ ಗೋಡಂಬಿ ಮಾಡುವ ವಿಧಾನ

ಮಸಾಲೆ ಗೋಡಂಬಿ ವಿಡಿಯೋ

ಬೇಕಾಗುವ ಪದಾರ್ಥಗಳು: ( ಅಳತೆ ಕಪ್ = 240 ಎಂಎಲ್ )

1. 1 ಕಪ್ ಗೋಡಂಬಿ
2. 1/2 ಟೀಸ್ಪೂನ್ ಅಚ್ಚಖಾರದ ಪುಡಿ (ನಿಮ್ಮ ರುಚಿಗೆ ತಕ್ಕಂತೆ ಹೊಂದಿಸಿ)
3. 1/4 ಟೀಸ್ಪೂನ್ ಕರಿಮೆಣಸಿನಪುಡಿ
4. 1/4 ಟೀಸ್ಪೂನ್ ಜೀರಿಗೆ ಪುಡಿ
5. 1/4 ಟೀಸ್ಪೂನ್ ಗರಂ ಮಸಾಲಾ
6. ದೊಡ್ಡ ಚಿಟಿಕೆ ಮಾವಿನಕಾಯಿ ಪುಡಿ
7. ದೊಡ್ಡ ಚಿಟಿಕೆ ಇಂಗು
8. 2 ಟೀಸ್ಪೂನ್ ತುಪ್ಪ
9. ಉಪ್ಪು ರುಚಿಗೆ ತಕ್ಕಷ್ಟು

ಮಸಾಲೆ ಗೋಡಂಬಿ ಮಾಡುವ ವಿಧಾನ:

1. ಒಂದು ಬಟ್ಟಲಿನಲ್ಲಿ ಕರಿಮೆಣಸಿನಪುಡಿ, ಜೀರಿಗೆ ಪುಡಿ, ಗರಂ ಮಸಾಲಾ, ಮಾವಿನಕಾಯಿ ಪುಡಿ, ಇಂಗು ಮತ್ತು ಉಪ್ಪನ್ನು ತೆಗೆದುಕೊಳ್ಳಿ. ಕಲಸಿ ಪಕ್ಕಕ್ಕಿಡಿ. 
2. ಒಂದು ಬಾಣಲೆಯಲ್ಲಿ ತುಪ್ಪ ಬಿಸಿ ಮಾಡಿ. 
3. ಮಧ್ಯಮ ಉರಿಯಲ್ಲಿ ಗೋಡಂಬಿಯನ್ನು ಹೊಂಬಣ್ಣ ಬರುವವರೆಗೆ ಹುರಿಯಿರಿ. 
4. ಅಚ್ಚಖಾರದ ಪುಡಿ ಸೇರಿಸಿ, ಒಮ್ಮೆ ಕಲಸಿ. 
5. ಕಲಸಿಟ್ಟ ಮಸಾಲೆ ಪುಡಿಗಳನ್ನು ಸೇರಿಸಿ, ಒಮ್ಮೆ ಮಗುಚಿ ಸ್ಟವ್ ಆಫ್ ಮಾಡಿ. 
6. ಗಾಳಿಯಾಡದ ಡಬ್ಬದಲ್ಲಿ ಹಾಕಿ ಎತ್ತಿಡಿ. ಸಂಜೆ ಚಹಾ ಅಥವಾ ಕಾಫಿಯೊಂದಿಗೆ ಸವಿದು ಆನಂದಿಸಿ.

To see step by step pictures click here (ಹಂತ ಹಂತವಾದ ಚಿತ್ರ ವೀಕ್ಷಿಸಲು ಇಲ್ಲಿ ಕ್ಲಿಕ್ಕಿಸಿ)

Tavare beejada payasa recipe in Kannada | ತಾವರೆ ಬೀಜದ ಪಾಯಸ ಮಾಡುವ ವಿಧಾನ

 

Tavare beejada payasa recipe in Kannada | ತಾವರೆ ಬೀಜದ ಪಾಯಸ ಮಾಡುವ ವಿಧಾನ

ತಾವರೆ ಬೀಜದ ಪಾಯಸ ವಿಡಿಯೋ

ಬೇಕಾಗುವ ಪದಾರ್ಥಗಳು: (ಅಳತೆ ಕಪ್ = 240 ಎಂ ಎಲ್)

1. 1 ಕಪ್ ತಾವರೆ ಬೀಜ
2. 1/2 ಕಪ್  ಸಕ್ಕರೆ
3. 2 ಕಪ್ ಹಾಲು
4. 1 ಟೇಬಲ್ ಚಮಚ ತುಪ್ಪ
5. 5 - 6 ಗೋಡಂಬಿ
6. 8 - 10 ಒಣದ್ರಾಕ್ಷಿ
7. ಚಿಟಿಕೆ ಕೇಸರಿದಳ (ಬೇಕಾದಲ್ಲಿ)
8. ಒಂದು ದೊಡ್ಡ ಚಿಟಿಕೆ ಏಲಕ್ಕಿ ಪುಡಿ

ಅವಲಕ್ಕಿ ಪಾಯಸ ಮಾಡುವ ವಿಧಾನ:

1. ಮೊದಲಿಗೆ ಒಂದು ಬಾಣಲೆಯಲ್ಲಿ ತುಪ್ಪ ಬಿಸಿಮಾಡಿ, ಗೋಡಂಬಿ ಮತ್ತು ದ್ರಾಕ್ಷಿ ಹುರಿದು ಎತ್ತಿಡಿ. 
2. ನಂತರ ಅದೇ ಬಾಣಲೆಯಲ್ಲಿ ತಾವರೆ ಬೀಜವನ್ನು ಮಧ್ಯಮ ಉರಿಯಲ್ಲಿ ಗರಿಗರಿಯಾಗುವವರೆಗೆ ಹುರಿಯಿರಿ. 
3. 2/3 ಭಾಗದಷ್ಟು ಹುರಿದ ತಾವರೆ ಬೀಜವನ್ನು ಮಿಕ್ಸಿಯಲ್ಲಿ ಪುಡಿ ಮಾಡಿಟ್ಟುಕೊಳ್ಳಿ. ಉಳಿದ 1/3 ಭಾಗವನ್ನು ಹಾಗೆ ಎತ್ತಿಟ್ಟಿರಿ. 
4. ಅದೇ ಬಾಣಲೆಗೆ ಹಾಲನ್ನು ಹಾಕಿ ಕುದಿಯಲು ಇಡಿ. 
5. ಕುದಿಯಲು ಪ್ರಾರಂಭವಾದ ಕೂಡಲೇ ಎತ್ತಿಟ್ಟ 1/3 ಭಾಗದಷ್ಟು ತಾವರೆ ಬೀಜವನ್ನು ಸೇರಿಸಿ, ಕುದಿಸುವುದನ್ನು ಮುಂದುವರೆಸಿ. 
6. ಸಕ್ಕರೆಯನ್ನು ಸೇರಿಸಿ. 
7. ನಂತರ ಪುಡಿಮಾಡಿದ ತಾವರೆ ಬೀಜವನ್ನು ಸೇರಿಸಿ. ಆಗಾಗ್ಯೆ ಮಗುಚುತ್ತಾ ಕುದಿಸುವುದನ್ನು ಮುಂದುವರೆಸಿ. 
8. ಆಮೇಲೆ  ಕೇಸರಿದಳ ಮತ್ತು ಹುರಿದಿಟ್ಟ ದ್ರಾಕ್ಷಿ ಮತ್ತು ಗೋಡಂಬಿ ಸೇರಿಸಿ. 
9. ಕೊನೆಯಲ್ಲಿ ಏಲಕ್ಕಿ ಪುಡಿಯನ್ನು ಸೇರಿಸಿ. 
10. ಸ್ಟೋವ್ ಆಫ್ ಮಾಡಿ. ರುಚಿಕರ ಪಾಯಸವನ್ನು ಸವಿಯಿರಿ.

To see step by step pictures click here (ಹಂತ ಹಂತವಾದ ಚಿತ್ರ ವೀಕ್ಷಿಸಲು ಇಲ್ಲಿ ಕ್ಲಿಕ್ಕಿಸಿ)

Masale avalakki recipe in Kannada | ಹಸಿರು ಮಸಾಲೆ ಅವಲಕ್ಕಿ ಮಾಡುವ ವಿಧಾನ

 

Masale avalakki recipe in Kannada | ಹಸಿರು ಮಸಾಲೆ ಅವಲಕ್ಕಿ ಮಾಡುವ ವಿಧಾನ

ಮಸಾಲೆ ಅವಲಕ್ಕಿ ವಿಡಿಯೋ

ಬೇಕಾಗುವ ಪದಾರ್ಥಗಳು:( ಅಳತೆ ಕಪ್ = 240 ಎಂಎಲ್)

1. 3 ಕಪ್ ತೆಳು ಅವಲಕ್ಕಿ
2. 1 ಕಪ್ ತೆಂಗಿನತುರಿ
3. 2 ಹಸಿಮೆಣಸಿನಕಾಯಿ
4. ಸ್ವಲ್ಪ ಕರಿಬೇವು
5. ಸ್ವಲ್ಪ ಕೊತ್ತಂಬರಿ ಸೊಪ್ಪು
6. 1 - 2 ಟೀಸ್ಪೂನ್ ನಿಂಬೆಹಣ್ಣಿನ ರಸ
7. ರುಚಿಗೆ ತಕ್ಕಂತೆ ಉಪ್ಪು
8. ರುಚಿಗೆ ತಕ್ಕಂತೆ ಸಕ್ಕರೆ

ಹಸಿರು ಮಸಾಲೆ ಅವಲಕ್ಕಿ ಮಾಡುವ ವಿಧಾನ:

1. ಒಂದು ಮಿಕ್ಸಿಜಾರಿನಲ್ಲಿ ತೆಂಗಿನತುರಿ, ಹಸಿಮೆಣಸಿನಕಾಯಿ ಮತ್ತು ಕರಿಬೇವನ್ನು ತೆಗೆದುಕೊಳ್ಳಿ. 
2. ಅದಕ್ಕೆ ಕೊತ್ತಂಬರಿ ಸೊಪ್ಪನ್ನು ಸೇರಿಸಿ.
3. ರುಚಿಗೆ ತಕ್ಕಂತೆ ಉಪ್ಪನ್ನು ಸೇರಿಸಿ.  
4. ರುಚಿಗೆ ತಕ್ಕಂತೆ ಸಕ್ಕರೆಯನ್ನು ಸೇರಿಸಿ. 
5. ನಿಂಬೆಹಣ್ಣಿನ ರಸವನ್ನೂ ಸೇರಿಸಿ. 
6. ನೀರು ಹಾಕದೇ ಪುಡಿಮಾಡಿಕೊಳ್ಳಿ. 
7. ಒಂದು ಪಾತ್ರೆಯಲ್ಲಿ ಅವಲಕ್ಕಿ ತೆಗೆದುಕೊಂಡು ಅದಕ್ಕೆ ರುಬ್ಬಿದ ಮಿಶ್ರಣವನ್ನು ಸೇರಿಸಿ.
8. ಚೆನ್ನಾಗಿ ಹಿಸುಕಿ ಕಲಸಿ. 
9. ಬೆಳಗ್ಗಿನ ತಿಂಡಿಗೆ ಅಥವಾ ಸಂಜೆ ಟೀ ಯೊಂದಿಗೆ ಸವಿದು ಆನಂದಿಸಿ. ಕಡ್ಲೆ ಉಸ್ಲಿಯೊಂದಿಗೆ ಬಡಿಸಿದರೆ ಬಹಳ ಚೆನ್ನಾಗಿರುತ್ತದೆ. 

To see step by step pictures and to read more click here (ಹಂತ ಹಂತವಾದ ಚಿತ್ರ ವೀಕ್ಷಿಸಲು ಮತ್ತು ಹೆಚ್ಚಿನ ವಿವರಣೆಗೆ ಇಲ್ಲಿ ಕ್ಲಿಕ್ಕಿಸಿ)

Ragi hesaru kalu dose recipe in Kannada | ರಾಗಿ ಹೆಸರು ಕಾಳು ದೋಸೆ ಮಾಡುವ ವಿಧಾನ

 

Ragi hesaru kalu dose recipe in Kannada | ರಾಗಿ ಹೆಸರು ಕಾಳು ದೋಸೆ ಮಾಡುವ ವಿಧಾನ

ರಾಗಿ ಮತ್ತು ಹೆಸರುಕಾಳು ದೋಸೆ ವಿಡಿಯೋ

ಬೇಕಾಗುವ ಪದಾರ್ಥಗಳು: ( ಅಳತೆ ಕಪ್ = 240 ಎಂಎಲ್ )

1. 1/2 ಕಪ್ ಹೆಸರು ಕಾಳು
2. 1/2 ಕಪ್ ರಾಗಿ
3. 1/2 ಕಪ್ ತೆಂಗಿನತುರಿ
4. 2 - 3 ಹಸಿರುಮೆಣಸಿನಕಾಯಿ
5. ಸ್ವಲ್ಪ ಕೊತ್ತಂಬರಿ ಸೊಪ್ಪು
6. 1cm ಉದ್ದದ ಶುಂಠಿ 
7. 1 ಟೀಸ್ಪೂನ್ ಜೀರಿಗೆ
8. ಎಣ್ಣೆ ಅಥವಾ ತುಪ್ಪ ದೋಸೆ ಮಾಡಲು
9. ಉಪ್ಪು ರುಚಿಗೆ ತಕ್ಕಷ್ಟು.

ಹೆಸರು ಕಾಳು ದೋಸೆ ಮಾಡುವ ವಿಧಾನ:

1. ಹೆಸರು ಕಾಳು ಮತ್ತು ರಾಗಿಯನ್ನು ಚೆನ್ನಾಗಿ ತೊಳೆದು 4 - 5 ಘಂಟೆಗಳ ಕಾಲ ನೆನೆಯಲು ಬಿಡಿ.
2. ನೆನೆಸಿದ ನಂತರ ನೀರು ಬಗ್ಗಿಸಿ ಮಿಕ್ಸಿ ಜಾರಿಗೆ ಹಾಕಿ. 
3. ಅದಕ್ಕೆ ತೆಂಗಿನತುರಿ ಮತ್ತು ಹಸಿಮೆಣಸಿನಕಾಯಿ ಸೇರಿಸಿ. 
4. ಜೊತೆಗೆ ಕೊತ್ತಂಬರಿ ಸೊಪ್ಪು, ಶುಂಠಿ ಮತ್ತು ಜೀರಿಗೆ ಸೇರಿಸಿ. 
5. ಅಗತ್ಯವಿದ್ದಷ್ಟು ನೀರು ಹಾಕಿ ನಯವಾಗಿ ಅರೆಯಿರಿ. ಒಂದು ಪಾತ್ರೆಗೆ ಹಾಕಿ.
6. ರುಚಿಗೆ ತಕ್ಕಷ್ಟು ಉಪ್ಪು ಸೇರಿಸಿ ಚೆನ್ನಾಗಿ ಕಲಸಿ. 
7. ಹಿಟ್ಟು ತೆಳುವಾದ ಉದ್ದಿನ ದೋಸೆ ಹಿಟ್ಟಿನ ಹದಕ್ಕಿರಲಿ. ಹಿಟ್ಟು ಹುಳಿ ಬರಿಸುವುದು ಬೇಡ. 
8. ದೋಸೆ ಮಾಡಲು ಹೆಂಚನ್ನು ಬಿಸಿಮಾಡಿ ಕೊಳ್ಳಿ. 
9. ಈಗ ವೃತ್ತಾಕಾರದ ರೀತಿಯಲ್ಲಿ ದೋಸೆ ಹಿಟ್ಟನ್ನು ತೆಳುವಾಗಿ ಹರಡಿ. 
10. ಮುಚ್ಚಳ ಮುಚ್ಚಿ ಬೇಯಿಸಿ.
11. ಮೇಲಿನಿಂದ ತುಪ್ಪ ಅಥವಾ ಎಣ್ಣೆ ಹಾಕಿ. ಬಿಸಿ ಬಿಸಿ ದೋಸೆಯನ್ನು ಚಟ್ನಿಯೊಂದಿಗೆ ಬಡಿಸಿ. 

To see step by step pictures click here (ಹಂತ ಹಂತವಾದ ಚಿತ್ರ ವೀಕ್ಷಿಸಲು ಇಲ್ಲಿ ಕ್ಲಿಕ್ಕಿಸಿ)

Pepper rice recipe in Kannada | ಕಾಳುಮೆಣಸಿನ ಅನ್ನ ಮಾಡುವ ವಿಧಾನ

 

Pepper rice recipe in Kannada | ಕಾಳುಮೆಣಸಿನ ಅನ್ನ ಮಾಡುವ ವಿಧಾನ

ಕಾಳುಮೆಣಸಿನ ಅನ್ನ ವಿಡಿಯೋ

ಬೇಕಾಗುವ ಪದಾರ್ಥಗಳು: ( ಅಳತೆ ಕಪ್ = 240 ಎಂಎಲ್ )

1. 1/2 ಕಪ್ ಅಕ್ಕಿ
2. 1/2 ಟೀಸ್ಪೂನ್ ಸಾಸಿವೆ
3. 1/2 ಟೀಸ್ಪೂನ್ ಜೀರಿಗೆ
4. 1 ಟೀಸ್ಪೂನ್ ಉದ್ದಿನಬೇಳೆ
5. 2 ಟೇಬಲ್ ಚಮಚ ಗೋಡಂಬಿ
6. 1 ಈರುಳ್ಳಿ
7. ಸ್ವಲ್ಪ ಕರಿಬೇವು
8. 2 ಟೀಸ್ಪೂನ್ ಕರಿಮೆಣಸು ಅಥವಾ ಕಾಳುಮೆಣಸು
9.  ಉಪ್ಪು ರುಚಿಗೆ ತಕ್ಕಷ್ಟು

ಕಾಳುಮೆಣಸಿನ ಅನ್ನ ಮಾಡುವ ವಿಧಾನ:

1. ಉದುರುದುರಾದ ಅನ್ನ ಮಾಡಿ ಎತ್ತಿಟ್ಟುಕೊಳ್ಳಿ. ಉಳಿದ ಅನ್ನವನ್ನು ಬಳಸಬಹುದು. 
2. ಕರಿಮೆಣಸು ಅಥವಾ ಕಾಳುಮೆಣಸನ್ನು ತರಿತರಿಯಾಗಿ ಜಜ್ಜಿ ಎತ್ತಿಟ್ಟುಕೊಳ್ಳಿ. 
3. ಒಂದು ಬಾಣಲೆಯಲ್ಲಿ ಎಣ್ಣೆ ಬಿಸಿ ಮಾಡಿ. ಸಾಸಿವೆ, ಜೀರಿಗೆ ಮತ್ತು ಉದ್ದಿನಬೇಳೆಯ ಒಗ್ಗರಣೆ ಮಾಡಿ. 
4. ಗೋಡಂಬಿ ಹಾಕಿ ಹುರಿಯಿರಿ. 
5. ಕತ್ತರಿಸಿದ ಈರುಳ್ಳಿ ಮತ್ತು ಕರಿಬೇವು ಹಾಕಿ, ಈರುಳ್ಳಿ ಮೆತ್ತಗಾಗುವವರೆಗೆ ಹುರಿಯಿರಿ. 
6. ರುಚಿಗೆ ತಕ್ಕಷ್ಟು ಉಪ್ಪು ಮತ್ತು ಜಜ್ಜಿದ ಕಾಳುಮೆಣಸು ಸೇರಿಸಿ. 
7. ಒಮ್ಮೆ ಮಗುಚಿ, ಕೂಡಲೇ ಮಾಡಿಟ್ಟ ಅನ್ನ ಸೇರಿಸಿ. 
8. ಚೆನ್ನಾಗಿ ಮಗುಚಿ ಸ್ಟವ್ ಆಫ್ ಮಾಡಿ.

To see step by step pictures click here (ಹಂತ ಹಂತವಾದ ಚಿತ್ರ ವೀಕ್ಷಿಸಲು ಇಲ್ಲಿ ಕ್ಲಿಕ್ಕಿಸಿ)

Sabbasige soppu palya recipe in Kannada | ಸಬ್ಬಸಿಗೆ ಸೊಪ್ಪು ಪಲ್ಯ ಮಾಡುವ ವಿಧಾನ

 

Sabbasige soppu palya recipe in Kannada | ಸಬ್ಬಸಿಗೆ ಸೊಪ್ಪು ಪಲ್ಯ ಮಾಡುವ ವಿಧಾನ

ಸಬ್ಬಸಿಗೆ ಸೊಪ್ಪು ಪಲ್ಯ ವಿಡಿಯೋ

ಬೇಕಾಗುವ ಪದಾರ್ಥಗಳು: ( ಅಳತೆ ಕಪ್ = 240 ಎಂಎಲ್ )

1. 1 ಕಟ್ಟು ಸಬ್ಬಸಿಗೆ ಸೊಪ್ಪು
2. 1/2 ಕಪ್ ಹೆಸರುಬೇಳೆ
3. 1 ಟೇಬಲ್ ಚಮಚ ಅಡುಗೆ ಎಣ್ಣೆ
4. 1/2 ಟೀಸ್ಪೂನ್ ಸಾಸಿವೆ
5. 1 ಟೀಸ್ಪೂನ್ ಉದ್ದಿನ ಬೇಳೆ
6. 1 ಟೀಸ್ಪೂನ್ ಕಡ್ಲೆಬೇಳೆ
7. 4 - 5 ಕರಿಬೇವಿನ ಎಲೆ
8. 1 - 2 ಹಸಿ ಮೆಣಸಿನಕಾಯಿ
9. 1 ಈರುಳ್ಳಿ
10. ಒಂದು ದೊಡ್ಡ ಚಿಟಿಕೆ ಅರಿಶಿನ ಪುಡಿ
11. ಒಂದು ದೊಡ್ಡ ಚಿಟಿಕೆ ಇಂಗು
12. 1/4 ಕಪ್ ತೆಂಗಿನ ತುರಿ
13. ಉಪ್ಪು ರುಚಿಗೆ ತಕ್ಕಷ್ಟು

ಸಬ್ಬಸಿಗೆ ಸೊಪ್ಪು ಪಲ್ಯ ಮಾಡುವ ವಿಧಾನ:

1. ಹೆಸರುಬೇಳೆಯನ್ನು 15 ನಿಮಿಷ ನೆನೆಸಿಕೊಳ್ಳಿ.
2. ಸಬ್ಬಸಿಗೆ ಸೊಪ್ಪನ್ನು ಆರಿಸಿ, ತೊಳೆದು ಕತ್ತರಿಸಿ.
3. ಒಂದು ಬಾಣಲೆಯಲ್ಲಿ ಎಣ್ಣೆ ಬಿಸಿ ಮಾಡಿ. ಸಾಸಿವೆ, ಉದ್ದಿನಬೇಳೆ ಮತ್ತು ಕಡ್ಲೆಬೇಳೆಯ ಒಗ್ಗರಣೆ ಮಾಡಿ. 
4. ಸಾಸಿವೆ ಸಿಡಿದ ಕೂಡಲೇ ಸೀಳಿದ ಹಸಿಮೆಣಸಿನಕಾಯಿ ಮತ್ತು ಕರಿಬೇವಿನ ಎಲೆ ಹಾಕಿ.
5. ಅದಕ್ಕೆ ಕತ್ತರಿಸಿದ ಈರುಳ್ಳಿಯನ್ನು ಹಾಕಿ ಹುರಿಯಿರಿ. 
6. ಅರಿಶಿನ ಮತ್ತು ಇಂಗು ಸೇರಿಸಿ. 
7. ನೆನೆಸಿದ ಹೆಸರುಬೇಳೆ ಹಾಕಿ ಮಗುಚಿ. 
8.  ಕತ್ತರಿಸಿದ ಸಬ್ಬಸಿಗೆ ಸೊಪ್ಪು ಸೇರಿಸಿ ಮಗುಚಿ.
9. ಸುಮಾರು 1/2 ಕಪ್ ನೀರು ಹಾಕಿ, ಮುಚ್ಚಳ ಮುಚ್ಚಿ ಹೆಸರುಬೇಳೆ ಮೆತ್ತಗಾಗುವವರೆಗೆ ಬೇಯಿಸಿ. 
10. ಕೊನೆಯಲ್ಲಿ ರುಚಿಗೆ ತಕ್ಕಂತೆ ಉಪ್ಪು ಮತ್ತು ತೆಂಗಿನತುರಿ ಸೇರಿಸಿ. 
11. ಚೆನ್ನಾಗಿ ಮಗುಚಿ.  ಸ್ಟೋವ್ ಆಫ್ ಮಾಡಿ. 
12. ಚಪಾತಿ ಅಥವಾ ಬಿಸಿ ಅನ್ನದೊಂದಿಗೆ ಬಡಿಸಿ.

To see step by step pictures click here (ಹಂತ ಹಂತವಾದ ಚಿತ್ರ ವೀಕ್ಷಿಸಲು ಇಲ್ಲಿ ಕ್ಲಿಕ್ಕಿಸಿ)

Oggarane dose recipe in Kannada | ಒಗ್ಗರಣೆ ದೋಸೆ ಮಾಡುವ ವಿಧಾನ

 

Oggarane dose recipe in Kannada | ಒಗ್ಗರಣೆ ದೋಸೆ ಮಾಡುವ ವಿಧಾನ 

ಒಗ್ಗರಣೆ ದೋಸೆ ವಿಡಿಯೋ

ಬೇಕಾಗುವ ಪದಾರ್ಥಗಳು: ( ಅಳತೆ ಕಪ್ = 240 ಎಂಎಲ್ )

1. 1 ಕಪ್ ಅಕ್ಕಿ (ದೋಸೆ ಅಕ್ಕಿ ಆಥವಾ ಸೋನಾ ಮಸೂರಿ)
2. 1/2 ಕಪ್ ತೆಂಗಿನ ತುರಿ
3. 1/4 ಕಪ್ ಅವಲಕ್ಕಿ
4. 4 - 5 ಒಣಮೆಣಸಿನಕಾಯಿ
5. 1 ಟೀಸ್ಪೂನ್ ಕೊತ್ತಂಬರಿ ಬೀಜ
6. 1/2 ಟೀಸ್ಪೂನ್ ಜೀರಿಗೆ
7. ಸಣ್ಣ ನೆಲ್ಲಿಕಾಯಿ ಗಾತ್ರದ ಹುಣಸೆ ಹಣ್ಣು
8. 1 ಟೀಸ್ಪೂನ್ ಬೆಲ್ಲ
9. ಉಪ್ಪು ರುಚಿಗೆ ತಕ್ಕಷ್ಟು

ಒಗ್ಗರಣೆಗೆ ಬೇಕಾಗುವ ಪದಾರ್ಥಗಳು:

1. ಸಾಸಿವೆ 
2. ಉದ್ದಿನಬೇಳೆ
3. ಸಣ್ಣಗೆ ಹೆಚ್ಚಿದ ಈರುಳ್ಳಿ
4. ಸಣ್ಣಗೆ ಹೆಚ್ಚಿದ ಕರಿಬೇವು
5. ಸಣ್ಣಗೆ ಹೆಚ್ಚಿದ ಕೊತ್ತಂಬರಿ ಸೊಪ್ಪು
6. ಒಗ್ಗರಣೆ ಮಾಡಲು ಎಣ್ಣೆ

ಒಗ್ಗರಣೆ ದೋಸೆ ಮಾಡುವ ವಿಧಾನ:

1. ಅಕ್ಕಿಯನ್ನು ತೊಳೆದು 3 - 4 ಘಂಟೆಗಳ ಕಾಲ ನೀರಿನಲ್ಲಿ ನೆನೆಸಿ.
2. ಅವಲಕ್ಕಿಯನ್ನು ಹತ್ತು ನಿಮಿಷ ನೆನೆಸಿ. 
3. ನಂತರ ನೀರನ್ನು ಬಗ್ಗಿಸಿ, ಅಕ್ಕಿ ಮತ್ತು ಅವಲಕ್ಕಿಯನ್ನು ಮಿಕ್ಸಿಜಾರಿನಲ್ಲಿ ತೆಗೆದುಕೊಳ್ಳಿ. 
4. ತೆಂಗಿನ ತುರಿ, ಕೊತ್ತಂಬರಿ, ಜೀರಿಗೆ ಮತ್ತು ಒಣ ಮೆಣಸಿನಕಾಯಿಯನ್ನು ಸೇರಿಸಿ. 
5. ಅಗತ್ಯವಿದ್ದಷ್ಟು ನೀರು ಹಾಕಿ ಮಿಕ್ಸರ್ ಗ್ರೈಂಡರ್ ನಲ್ಲಿ ನಯವಾಗಿ ಅರೆಯಿರಿ. 
6. ಒಂದು ಪಾತ್ರೆಗೆ ಹಿಟ್ಟನ್ನು ಬಗ್ಗಿಸಿ. ರುಚಿಗೆ ತಕ್ಕಂತೆ ಉಪ್ಪು, ಹುಳಿ ಮತ್ತು ಬೆಲ್ಲ ಸೇರಿಸಿ. 
7. ಅಗತ್ಯವಿದ್ದಷ್ಟು ನೀರು ಸೇರಿಸಿ ಕಲಸಿ. ಹಿಟ್ಟು ನೀರ್ ದೋಸೆಗಿಂತ ಸ್ವಲ್ಪ ದಪ್ಪ ಇರಲಿ. 
8. ಕಬ್ಬಿಣದ ಕಾವಲಿ ಅಥವಾ ನಾನ್ ಸ್ಟಿಕ್ ಪ್ಯಾನ್ ತೆಗೆದುಕೊಂಡು ಬಿಸಿ ಮಾಡಿ. 
9. ಎಣ್ಣೆ, ಸಾಸಿವೆ, ಉದ್ದಿನಬೇಳೆ, ಕರಿಬೇವು, ಈರುಳ್ಳಿ ಮತ್ತು ಕೊತ್ತಂಬರಿ ಸೊಪ್ಪಿನ ಒಗ್ಗರಣೆ ಮಾಡಿ. 
10.  ಒಗ್ಗರಣೆಯನ್ನು ಹರಡಿ, ಮೇಲೆ ದೋಸೆ ಹಿಟ್ಟನ್ನು ಸೌಟಿನಿಂದ ಸುರಿಯಿರಿ. 
11. ಸುಮಾರು 10 ಸೆಕೆಂಡುಗಳ ಕಾಲ ಮುಚ್ಚಳವನ್ನು ಮುಚ್ಚಿ ಬೇಯಿಸಿ.
12. ನಂತರ ಮುಚ್ಚಳ ತೆರೆದು, ದೋಸೆ ತಿರುಗಿಸಿ ಹಾಕಿ ಇನ್ನೊಂದು ಬದಿ ಕಾಯಿಸಿ.
13. ದೋಸೆಯನ್ನು ಹಾಗೆ ತಿನ್ನಬಹುದು. ಚಟ್ನಿ ಜೊತೆ ಬೇಕಾದರೂ ಬಡಿಸಬಹುದು. 

To see step by step pictures click here (ಹಂತ ಹಂತವಾದ ಚಿತ್ರ ವೀಕ್ಷಿಸಲು ಇಲ್ಲಿ ಕ್ಲಿಕ್ಕಿಸಿ)

Mini kodubale recipe in Kannada | ಮಿನಿ ಕೋಡುಬಳೆ ಮಾಡುವ ವಿಧಾನ

 

Mini kodubale recipe in Kannada | ಮಿನಿ ಕೋಡುಬಳೆ ಮಾಡುವ ವಿಧಾನ

ಮಿನಿ ಕೋಡುಬಳೆ ವಿಡಿಯೋ

ಬೇಕಾಗುವ ಪದಾರ್ಥಗಳು:( ಅಳತೆ ಕಪ್ = 240 ಎಂಎಲ್ )

1. 1 ಕಪ್ ಅಕ್ಕಿ ಹಿಟ್ಟು 
2. 1/2 ಕಪ್ ಚಿರೋಟಿ ರವೇ 
3. 1/2 ಕಪ್ ಮೈದಾ ಹಿಟ್ಟು
4. 1/2 - 1 ಟೀಸ್ಪೂನ್ ಅಚ್ಚ ಖಾರದ ಪುಡಿ
5. 1/4 ಟೀಸ್ಪೂನ್ ಇಂಗು
6. 1 ಟೀಸ್ಪೂನ್ ಓಂಕಾಳು
7. 1 ಟೀಸ್ಪೂನ್ ಉಪ್ಪು (ಅಥವಾ ನಿಮ್ಮ ರುಚಿಗೆ ತಕ್ಕಷ್ಟು)
8. 3 - 4 ಟೇಬಲ್ ಚಮಚ ಬಿಸಿ ಎಣ್ಣೆ
9. ಎಣ್ಣೆ ಕೋಡುಬಳೆ ಕಾಯಿಸಲು

ಮಿನಿ ಕೋಡುಬಳೆ ಮಾಡುವ ವಿಧಾನ:

1. ಅಕ್ಕಿ ಹಿಟ್ಟು, ಚಿರೋಟಿ ರವೇ ಮತ್ತು ಮೈದಾ ಹಿಟ್ಟನ್ನು ಒಂದು ಪಾತ್ರೆಯಲ್ಲಿ ತೆಗೆದುಕೊಳ್ಳಿ . 
2. ನಂತರ ಅದಕ್ಕೆ ಅಚ್ಚಖಾರದ ಪುಡಿ, ಇಂಗು ಮತ್ತುಓಮವನ್ನು ಸೇರಿಸಿ. 
3. ರುಚಿಗೆ ತಕ್ಕಂತೆ ಉಪ್ಪನ್ನು ಹಾಕಿ ಕಲಸಿ.
4. ನಂತ್ರ 3 - 4 ಟೇಬಲ್ ಚಮಚ ಬಿಸಿ ಎಣ್ಣೆಯನ್ನು ಹಾಕಿ, ಚೆನ್ನಾಗಿ ತಿಕ್ಕಿ ಕಲಸಿ. 
5. ಕಲಸಿದ ಹಿಟ್ಟಿಗೆ ಸ್ವಲ್ಪ ಸ್ವಲ್ಪ ನೀರನ್ನು ಹಾಕುತ್ತ ಗಟ್ಟಿಯಾದ ಹಿಟ್ಟನ್ನು ಸಿದ್ಧ ಪಡಿಸಿಕೊಳ್ಳಿ. ಕೋಡುಬಳೆ ಮಾಡುವಷ್ಟು ಮೆತ್ತಗಿದ್ದರೆ ಸಾಕು.
6. ಈಗ ನೆಲ್ಲಿಕಾಯಿ ಗಾತ್ರದ ಹಿಟ್ಟು ತೆಗೆದು ಕೊಂಡು ಬಳೆಗಳನ್ನು ಮಾಡಿ. 
7. ಎಣ್ಣೆ ಬಿಸಿ ಮಾಡಿ ಕೋಡುಬಳೆಗಳನ್ನು ಸಣ್ಣ ಉರಿಯಲ್ಲಿ ಕಾಯಿಸಿ. ಸ್ವರ ಅಥವಾ ಗುಳ್ಳೆಗಳು ನಿಂತ ಮೇಲೆ ತೆಗೆಯಿರಿ. ಪ್ರತಿಸಲ ಕೋಡುಬಳೆ ಕಾಯಿಸುವ ಮೊದಲು ಎಣ್ಣೆ ಬಿಸಿ ಇರಲಿ. ನಂತರ ಸಣ್ಣ ಉರಿಯಲ್ಲಿ ಕಾಯಿಸಿ.

To see step by step pictures click here (ಹಂತ ಹಂತವಾದ ಚಿತ್ರ ವೀಕ್ಷಿಸಲು ಇಲ್ಲಿ ಕ್ಲಿಕ್ಕಿಸಿ)

Mylari dosa recipe in Kannada | ಮೈಲಾರಿ ದೋಸೆ ಮಾಡುವ ವಿಧಾನ

 

Mylari dosa recipe in Kannada | ಮೈಲಾರಿ ದೋಸೆ ಮಾಡುವ ವಿಧಾನ 

ಮೈಲಾರಿ ದೋಸೆ ವಿಡಿಯೋ

ಬೇಕಾಗುವ ಪದಾರ್ಥಗಳು (ಅಳತೆ ಕಪ್ = 240 ಎಂಎಲ್):

1. 1 ಕಪ್ ಕುಸುಬಲಕ್ಕಿ
2. 1/2 ಕಪ್ ದೋಸೆ ಅಕ್ಕಿ
3. 1/2 ಕಪ್ ಉದ್ದಿನಬೇಳೆ
4. 1/2 ಕಪ್ ಮೈದಾ
5. 1/4 ಕಪ್ ಅಕ್ಕಿಹಿಟ್ಟು
6. ಉಪ್ಪು ರುಚಿಗೆ ತಕ್ಕಷ್ಟು.

ಮೈಲಾರಿ ದೋಸೆ ಮಾಡುವ ವಿಧಾನ:

1. ಒಂದು ಪಾತ್ರೆಯಲ್ಲಿ ಕುಸುಬಲಕ್ಕಿಯನ್ನು ತೆಗೆದುಕೊಳ್ಳಿ. ಕುಸುಬಲಕ್ಕಿ ಸಿಗದೇ ಇದ್ರೆ ಇಡ್ಲಿ ಅಕ್ಕಿಯನ್ನು ಬಳಸಬಹುದು.
2. ಅದಕ್ಕೆ ದೋಸೆ ಅಕ್ಕಿಯನ್ನು ಸೇರಿಸಿ. 4 - 5 ಘಂಟೆ ನೆನೆಸಿ.
3. ಇನ್ನೊಂದು ಪಾತ್ರೆಯಲ್ಲಿ ಉದ್ದಿನಬೇಳೆಯನ್ನು 4 - 5 ಘಂಟೆ ನೆನೆಸಿ.
4. ನೆನೆಸಿದ ಉದ್ದಿನಬೇಳೆಯನ್ನು ನೀರು ಬಗ್ಗಿಸಿ ಮಿಕ್ಸಿ ಜಾರಿನಲ್ಲಿ ತೆಗೆದುಕೊಳ್ಳಿ.
5. ಅಗತ್ಯವಿದ್ದಷ್ಟು ನೀರು ಸೇರಿಸಿ ನುಣ್ಣಗೆ ರುಬ್ಬಿ ಒಂದು ಪಾತ್ರೆಗೆ ಹಾಕಿ.
6. ನೆನೆಸಿದ ಅಕ್ಕಿಯನ್ನು ಮಿಕ್ಸಿ ಜಾರಿನಲ್ಲಿ ತೆಗೆದುಕೊಳ್ಳಿ. 
7. ನುಣ್ಣಗೆ, ಆದರೆ ಸ್ವಲ್ಪ ತರಿತರಿಯಾಗಿ ರುಬ್ಬಿಕೊಳ್ಳಿ. ಅದೇ ಪಾತ್ರೆಗೆ ಹಾಕಿ. 
8. ಮಿಕ್ಸಿಜಾರಿನಲ್ಲಿ ಅಕ್ಕಿಹಿಟ್ಟು ಮತ್ತು ಮೈದಾ ಹಿಟ್ಟನ್ನು ತೆಗೆದುಕೊಂಡು, ಸ್ವಲ್ಪ ನೀರು ಸೇರಿಸಿ, ಒಮ್ಮೆ ಮಿಕ್ಸಿ ಮಾಡಿ, ಅದೇ ಪಾತ್ರೆಗೆ ಹಾಕಿ. 
9. ಕೈಯಿಂದ ಚೆನ್ನಾಗಿ ಕಲಸಿ. 
10. ಮುಚ್ಚಳ ಮುಚ್ಚಿ 7 - 8 ಘಂಟೆ ಹಿಟ್ಟು ಹುದುಗಲು ಬಿಡಿ. 
11. ರುಚಿಗೆ ತಕ್ಕಷ್ಟು ಉಪ್ಪು ಸೇರಿಸಿ ಚೆನ್ನಾಗಿ ಕಲಸಿ. 
12. ದೋಸೆ ಹೆಂಚನ್ನು ಬಿಸಿಮಾಡಿ. 
13. ಉದ್ದಿನದೋಸೆಯಂತೆ ದೋಸೆ ಮಾಡಿ.
14. ಮುಚ್ಚಳವನ್ನು ಮುಚ್ಚಿ ಬೇಯಿಸಿ.
15. 5 - 10 ಸೆಕೆಂಡುಗಳ ನಂತರ ಮುಚ್ಚಳವನ್ನು ತೆಗೆದು, ಎಣ್ಣೆ ಅಥವಾ ತುಪ್ಪ ಹಾಕಿ ಖಾಯಿಸಿ.
16. ತೆಂಗಿನಕಾಯಿ ಚಟ್ನಿಯೊಂದಿಗೆ ಬಡಿಸಿರಿ.

To see step by step pictures click here (ಹಂತ ಹಂತವಾದ ಚಿತ್ರ ವೀಕ್ಷಿಸಲು ಇಲ್ಲಿ ಕ್ಲಿಕ್ಕಿಸಿ)

Jolada hittina paddu recipe in Kannada | ಜೋಳದ ಹಿಟ್ಟಿನ ಪಡ್ಡು ಮಾಡುವ ವಿಧಾನ

 

Jolada hittina paddu recipe in Kannada | ಜೋಳದ ಹಿಟ್ಟಿನ ಪಡ್ಡು ಮಾಡುವ ವಿಧಾನ 

ಜೋಳದ ಹಿಟ್ಟಿನ ಪಡ್ಡು ವಿಡಿಯೋ

ಬೇಕಾಗುವ ಪದಾರ್ಥಗಳು (ಅಳತೆ ಕಪ್ = 240 ಎಂಎಲ್ ):

1. 1 ಕಪ್ ಜೋಳದ ಹಿಟ್ಟು
2. 1/2 ಕಪ್ ರವೆ
3. 1/4 ಕಪ್ ಮೊಸರು
4. 1.5 ಕಪ್ ನೀರು
5. ಎಣ್ಣೆ ಪಡ್ಡು ಮಾಡಲು
6. 1/2 ಟೀಸ್ಪೂನ್ ಸಕ್ಕರೆ
7. ಉಪ್ಪು ರುಚಿಗೆ ತಕ್ಕಷ್ಟು
8. 1 ಈರುಳ್ಳಿ ಸಣ್ಣಗೆ ಕತ್ತರಿಸಿದ್ದು
9. 1 ಟೇಬಲ್ ಚಮಚ ಕೊತ್ತಂಬರಿ ಸೊಪ್ಪು
10. 1 ಟೇಬಲ್ ಚಮಚ ಕೊತ್ತಂಬರಿ ಸೊಪ್ಪು ಕರಿಬೇವು
11. 1 ಹಸಿಮೆಣಸಿನಕಾಯಿ ಕತ್ತರಿಸಿದ್ದು
12. 1/2 ಟೀಸ್ಪೂನ್ ಜೀರಿಗೆ
13. 1/4 ಟೀಸ್ಪೂನ್ ಅಡುಗೆ ಸೋಡಾ

ಜೋಳದ ಹಿಟ್ಟಿನ ಪಡ್ಡು ಮಾಡುವ ವಿಧಾನ:

1. ಜೋಳದ ಹಿಟ್ಟು, ರವೆ, ಉಪ್ಪು ಮತ್ತು ಸಕ್ಕರೆಯನ್ನು ಒಂದು ಪಾತ್ರೆಯಲ್ಲಿ ತೆಗೆದುಕೊಳ್ಳಿ.
2. ಒಮ್ಮೆ ಚೆನ್ನಾಗಿ ಕಲಸಿ. 
3. ನಂತರ ಮೊಸರನ್ನು ಸೇರಿಸಿ. 
4. ನೀರನ್ನು ಸೇರಿಸಿ. ಗಂಟಿಲ್ಲದಂತೆ ಹಿಟ್ಟನ್ನು ಕಲಸಿ ಹತ್ತು ನಿಮಿಷ ನೆನೆಯಲು ಬಿಡಿ. 
5. ನಂತರ ಕತ್ತರಿಸಿದ ಈರುಳ್ಳಿ, ಕರಿಬೇವಿನ ಸೊಪ್ಪು, ಕೊತ್ತಂಬರಿ ಸೊಪ್ಪು, ಹಸಿಮೆಣಸಿನಕಾಯಿ ಮತ್ತು ಜೀರಿಗೆಯನ್ನು ಸೇರಿಸಿ. ಚೆನ್ನಾಗಿ ಕಲಸಿ. 
6. ಕೊನೆಯಲ್ಲಿ ಅಡುಗೆ ಸೋಡಾ ಸೇರಿಸಿ ಕಲಸಿ. 
7. ಪಡ್ಡು ಕಾವಲಿಯನ್ನು ಬಿಸಿಮಾಡಿ ಕೊಳ್ಳಿ. ಗುಳಿಗಳಿಗೆ ಸ್ವಲ್ಪ ಎಣ್ಣೆ ಹಾಕಿ.
8. ಎಲ್ಲ ಗುಳಿಗಳಿಗೆ ಹಿಟ್ಟನ್ನು ಹಾಕಿ, ಮುಚ್ಚಳ ಮುಚ್ಚಿ. 
9. 5 - 10 ಸೆಕೆಂಡ್ ಗಳ ನಂತರ ಮುಚ್ಚಳ ತೆರೆದು, ಮೇಲಿನಿಂದ ಎಣ್ಣೆ ಹಾಕಿ. 
10. ತಿರುಗಿಸಿ ಹಾಕಿ, ಇನ್ನೊಂದು ಬದಿಯೂ ಬೇಯಿಸಿ. ತೆಂಗಿನಕಾಯಿ ಚಟ್ನಿ ಯೊಂದಿಗೆ ಬಡಿಸಿ. 

To see step by step pictures click here (ಹಂತ ಹಂತವಾದ ಚಿತ್ರ ವೀಕ್ಷಿಸಲು ಇಲ್ಲಿ ಕ್ಲಿಕ್ಕಿಸಿ)

Beetroot dose recipe in Kannada | ಬೀಟ್ರೂಟ್ ದೋಸೆ ಮಾಡುವ ವಿಧಾನ

 

Beetroot dose recipe in Kannada | ಬೀಟ್ರೂಟ್ ದೋಸೆ ಮಾಡುವ ವಿಧಾನ

ಬೀಟ್ರೂಟ್ ದೋಸೆ ವಿಡಿಯೋ

ಬೇಕಾಗುವ ಪದಾರ್ಥಗಳು: ( ಅಳತೆ ಕಪ್ = 240 ಎಂಎಲ್ )

1. 1/2 ಕಪ್ ಅಕ್ಕಿಹಿಟ್ಟು
2. 1/2 ಕಪ್ ರವೆ
3. 1 ಟೇಬಲ್ ಚಮಚ ಗೋಧಿಹಿಟ್ಟು
4. 1/2 ಟೀಸ್ಪೂನ್ ಅಚ್ಚಖಾರದ ಪುಡಿ
5. 1/2 ಟೀಸ್ಪೂನ್ ಜಜ್ಜಿದ ಕಾಳುಮೆಣಸು
6. 1/2 ಟೀಸ್ಪೂನ್ ಜೀರಿಗೆ
7. 1 ಸಣ್ಣ ಗಾತ್ರದ ಬೀಟ್ರೂಟ್ ಸಿಪ್ಪೆ ತೆಗೆದು ತುರಿದಿದ್ದು
8. 1 ಸಣ್ಣ ಗಾತ್ರದ ಈರುಳ್ಳಿ ಸಣ್ಣಗೆ ಹೆಚ್ಚಿದ್ದು
9. 2 ಟೇಬಲ್ ಚಮಚ ತೆಂಗಿನತುರಿ
10. 1 ಟೇಬಲ್ ಚಮಚ ಕೊತ್ತಂಬರಿ ಸೊಪ್ಪು
11. 1 ಟೇಬಲ್ ಚಮಚ ಕರಿಬೇವಿನ ಸೊಪ್ಪು
12. ಚಿಟಿಕೆ ಇಂಗು (ಬೇಕಾದಲ್ಲಿ)
13. 2.25  ಕಪ್ ನೀರು
14. 5 - 6 ಎಣ್ಣೆ ದೋಸೆ ಮಾಡಲು
15. ಉಪ್ಪು ರುಚಿಗೆ ತಕ್ಕಷ್ಟು

ಬೀಟ್ರೂಟ್ ದೋಸೆ ಮಾಡುವ ವಿಧಾನ:

1. ಒಂದು ಪಾತ್ರೆಯಲ್ಲಿ ರವೆ, ಅಕ್ಕಿಹಿಟ್ಟು ಮತ್ತು ಗೋಧಿಹಿಟ್ಟು ತೆಗೆದುಕೊಳ್ಳಿ. 
2. ಅದಕ್ಕೆ ಉಪ್ಪು, ಅಚ್ಚಖಾರದ ಪುಡಿ, ಜಜ್ಜಿದ ಕಾಳುಮೆಣಸು ಮತ್ತು ಜೀರಿಗೆ ಸೇರಿಸಿ. 
3. ಹಾಗೆಯೇ ತುರಿದ ಬೀಟ್ರೂಟ್, ಕತ್ತರಿಸಿದ ಈರುಳ್ಳಿ ಮತ್ತು ತೆಂಗಿನತುರಿ ಸೇರಿಸಿ. 
4. ಕತ್ತರಿಸಿದ ಕರಿಬೇವು ಮತ್ತು ಕೊತ್ತಂಬರಿ ಸೊಪ್ಪನ್ನು ಸೇರಿಸಿ. 
5. ಚೆನ್ನಾಗಿ ಒಮ್ಮೆ ಕಲಸಿ. 
6. ಅಗತ್ಯವಿದ್ದಷ್ಟು ನೀರನ್ನು ಸ್ವಲ್ಪಸ್ವಲ್ಪವೇ ಸೇರಿಸುತ್ತಾ ತೆಳ್ಳಗಿನ ಹಿಟ್ಟನ್ನು ತಯಾರಿಸಿಕೊಳ್ಳಿ. 
7. ಬೇಕಾದಲ್ಲಿ ಚಿಟಿಕೆ ಇಂಗನ್ನು ಸೇರಿಸಿ. 
8. ಚನ್ನಾಗಿ ಪಳಗಿಸಿದ ಕಬ್ಬಿಣದ ತವಾ ಅಥವಾ ನಾನ್ ಸ್ಟಿಕ್ ತವ ಬಿಸಿ ಮಾಡಿ, ರವೇ ದೋಸೆಯಂತೆ ತೆಳ್ಳಗಿನ ದೋಸೆ ಮಾಡಿ. 
9. ಮೇಲಿನಿಂದ ಎಣ್ಣೆ ಹಾಕಿ, ಮಧ್ಯಮ ಉರಿಯಲ್ಲಿ ಗರಿಗರಿಯಾಗುವವರೆಗೆ ಖಾಯಿಸಿ. 
10. ಚಟ್ನಿಯೊಂದಿಗೆ ಅಥವಾ ಹಾಗೆ ಸವಿದು ಆನಂದಿಸಿ. 

To see step by step pictures click here (ಹಂತ ಹಂತವಾದ ಚಿತ್ರ ವೀಕ್ಷಿಸಲು ಇಲ್ಲಿ ಕ್ಲಿಕ್ಕಿಸಿ)

Goddu khara recipe in Kannada | ಗೊಡ್ಡುಖಾರ ಮಾಡುವ ವಿಧಾನ

 

Goddu khara recipe in Kannada | ಗೊಡ್ಡುಖಾರ ಮಾಡುವ ವಿಧಾನ

ಗೊಡ್ಡುಖಾರ ವಿಡಿಯೋ

ಬೇಕಾಗುವ ಪದಾರ್ಥಗಳು: (ಅಳತೆ ಕಪ್ = 240 ಎಂ ಎಲ್)

1. 10 -12 ಒಣಮೆಣಸಿನಕಾಯಿ
2. 1 ಮಧ್ಯಮ ಗಾತ್ರದ ಬೆಳ್ಳುಳ್ಳಿ
3. 1 ಟೀಸ್ಪೂನ್ ಜೀರಿಗೆ
4. 1 ಟೀಸ್ಪೂನ್ ಕೊತ್ತಂಬರಿ ಬೀಜ
5. 1 ಎಸಳು ಕರಿಬೇವು
6. 1 ಸಣ್ಣ ಗಾತ್ರದ ಈರುಳ್ಳಿ
7. 1 ಟೀಸ್ಪೂನ್ ಎಣ್ಣೆ
8. 1 ನೆಲ್ಲಿಕಾಯಿ ಗಾತ್ರದ ಹುಣಿಸೇಹಣ್ಣು
9. ಉಪ್ಪು ರುಚಿಗೆ ತಕ್ಕಷ್ಟು

 ಗೊಡ್ಡುಖಾರ ಮಾಡುವ ವಿಧಾನ:

1. ಮೊದಲಿಗೆ ಒಂದು ಬಾಣಲೆಯಲ್ಲಿ ಒಣಮೆಣಸಿನಕಾಯಿಯನ್ನು ಎಣ್ಣೆ ಹಾಕಿ ಹುರಿಯಿರಿ. 
2. ನಂತರ ಸಿಪ್ಪೆ ತೆಗೆದ ಬೆಳ್ಳುಳ್ಳಿ ಸೇರಿಸಿ ಸ್ವಲ್ಪ ಕಂದು ಬಣ್ಣ ಬರುವವರೆಗೆ ಹುರಿಯಿರಿ. 
3. ಆಮೇಲೆ ಕೊತ್ತಂಬರಿ ಬೀಜ, ಜೀರಿಗೆ ಮತ್ತು ಕರಿಬೇವನ್ನು ಸೇರಿಸಿ, ಕರಿಬೇವು ಗರಿಗರಿಯಾಗುವವರೆಗೆ ಹುರಿಯಿರಿ. 
4. ಈರುಳ್ಳಿಯನ್ನು ಸ್ಟವ್ ಮೇಲೆ ಹಿಡಿದು ಸುಟ್ಟು, ದೊಡ್ಡದಾಗಿ ಕತ್ತರಿಸಿಟ್ಟುಕೊಳ್ಳಿ. 
5. ಬಿಸಿ ಅರಿದಮೇಲೆ ಹುರಿದ ಪದಾರ್ಥ ಮತ್ತು ಸುಟ್ಟ ಈರುಳ್ಳಿಯನ್ನು ಮಿಕ್ಸಿ ಜಾರಿಗೆ ಹಾಕಿ.
6. ರುಚಿಗೆ ತಕ್ಕಂತೆ ಉಪ್ಪು ಮತ್ತು ಹುಣಿಸೆಹಣ್ಣಿನ ರಸ ಸೇರಿಸಿ. 
7. ಅಗತ್ಯವಿದ್ದಷ್ಟು ನೀರು ಸೇರಿಸಿ ಅರೆಯಿರಿ. 
8. ಬಿಸಿ ಅನ್ನದೊಂದಿಗೆ ಅಥವಾ ರೊಟ್ಟಿಯೊಂದಿಗೆ ತುಪ್ಪದ ಜೊತೆ ಬಡಿಸಿ. ಹೊರಗೆ ಒಂದು ವಾರ ಮತ್ತು ಫ್ರಿಡ್ಜ್ ನಲ್ಲಿ ಒಂದು ತಿಂಗಳು ಇಡಬಹುದು.

To see step by step pictures click here (ಹಂತ ಹಂತವಾದ ಚಿತ್ರ ವೀಕ್ಷಿಸಲು ಇಲ್ಲಿ ಕ್ಲಿಕ್ಕಿಸಿ)

Pocket paratha recipe in Kannada | ಪಾಕೆಟ್ ಪರೋಟ ಮಾಡುವ ವಿಧಾನ

 

Pocket paratha recipe in Kannada | ಪಾಕೆಟ್ ಪರೋಟ ಮಾಡುವ ವಿಧಾನ 

ಪಾಕೆಟ್ ಪರೋಟ ವಿಡಿಯೋ

ಹಿಟ್ಟಿಗೆ ಬೇಕಾಗುವ ಪದಾರ್ಥಗಳು: ( ಅಳತೆ ಕಪ್ = 240 ಎಂಎಲ್ )

1. 1.5 ಕಪ್ ಗೋಧಿ ಹಿಟ್ಟು
2. 1 ಟೇಬಲ್ ಚಮಚ ಎಣ್ಣೆ
3. ಉಪ್ಪು ರುಚಿಗೆ ತಕ್ಕಷ್ಟು
4. 3 ಟೇಬಲ್ ಚಮಚ ಎಣ್ಣೆ ಪರೋಟ ಕಾಯಿಸಲು

ಮಸಾಲೆಗೆ ಬೇಕಾಗುವ ಪದಾರ್ಥಗಳು: ( ಅಳತೆ ಕಪ್ = 240 ಎಂಎಲ್ )

1. 1/4 ಕಪ್ ಸಣ್ಣಗೆ ಹೆಚ್ಚಿದ ಈರುಳ್ಳಿ 
2. 1 - 2 ಹಸಿಮೆಣಸಿನಕಾಯಿ
3. 1 ಟೀಸ್ಪೂನ್ ಶುಂಠಿ ಬೆಳ್ಳುಳ್ಳಿ ಪೇಸ್ಟ್
4. 1/2 ದೊಣ್ಣೆಮೆಣಸು
5. 1 ಸಣ್ಣ ಕ್ಯಾರಟ್ 
6. ಚಿಟಿಕೆ ಅರಿಶಿನ
7. 1/2 - 1 ಟೀಸ್ಪೂನ್ ಅಚ್ಚಖಾರದ ಪುಡಿ
8. 1/2 ಟೀಸ್ಪೂನ್ ಧನಿಯಾ ಪುಡಿ
9. 1/4 ಟೀಸ್ಪೂನ್ ಜೀರಿಗೆ ಪುಡಿ
10. 1/4 ಟೀಸ್ಪೂನ್ ಗರಂ ಮಸಾಲಾ
11. 1/4 ಟೀಸ್ಪೂನ್ ಮಾವಿನಕಾಯಿ ಪುಡಿ
12. 100gm ಪನ್ನೀರ್
13. 1 ಟೇಬಲ್ ಚಮಚ ಕಸೂರೀಮೇಥಿ ಅಥವಾ ಕೊತ್ತಂಬರಿ ಸೊಪ್ಪು
14. 3 ಟೇಬಲ್ ಚಮಚ ಎಣ್ಣೆ
15. ಉಪ್ಪು ರುಚಿಗೆ ತಕ್ಕಷ್ಟು

ಪಾಕೆಟ್ ಪರೋಟ ಮಾಡುವ ವಿಧಾನ:

1. ಗೋಧಿ ಹಿಟ್ಟು, ಉಪ್ಪು, ಎಣ್ಣೆ ಮತ್ತು ನೀರು ಬಳಸಿ ಮೆತ್ತಗಿನ ಚಪಾತಿ ಹಿಟ್ಟು ಕಲಸಿಟ್ಟುಕೊಳ್ಳಿ. 
2. ಒಂದು ಬಾಣಲೆಯಲ್ಲಿ ಎಣ್ಣೆ ಬಿಸಿ ಮಾಡಿ, ಸಣ್ಣಗೆ ಕತ್ತರಿಸಿದ ಈರುಳ್ಳಿ ಮತ್ತು ಹಸಿಮೆಣಸಿನಕಾಯಿ ಹಾಕಿ ಹುರಿಯಿರಿ.  
3.  ಶುಂಠಿ ಬೆಳ್ಳುಳ್ಳಿ ಪೇಸ್ಟ್ ಸೇರಿಸಿ ಹುರಿಯಲು ಮುಂದುವರೆಸಿ. 
4. ಸಣ್ಣಗೆ ಕತ್ತರಿಸಿದ ದೊಣ್ಣೆಮೆಣಸು ಮತ್ತು ತುರಿದ ಕ್ಯಾರಟ್ ಸೇರಿಸಿ ಸ್ವಲ್ಪ ಹೊತ್ತು ಹುರಿಯಿರಿ. 
5. ಅದಕ್ಕೆ ಉಪ್ಪು ಅರಿಶಿನ, ಧನಿಯಾ ಪುಡಿ, ಜೀರಿಗೆ ಪುಡಿ, ಅಚ್ಚಖಾರದ ಪುಡಿ, ಗರಂ ಮಸಾಲಾ ಪುಡಿ ಮತ್ತು ಮಾವಿನಕಾಯಿ ಪುಡಿ ಸೇರಿಸಿ ಮಗುಚಿ. 
6. ತುರಿದ ಪನೀರ್ ಮತ್ತು ಕಸೂರಿ ಮೇಥಿ ಸೇರಿಸಿ ಮಗುಚಿ. 
7. ಚಪಾತಿ ಹಿಟ್ಟನ್ನು ತೆಗೆದುಕೊಂಡು, ತೆಳುವಾದ ದೊಡ್ಡ ಚಪಾತಿ ಲಟ್ಟಿಸಿ.
8. ಮಧ್ಯದಲ್ಲಿ ಮಸಾಲೆ ಇಟ್ಟು ಪಾಕೆಟಿನಂತೆ ಮಡಿಸಿ. 
9. ಒಂದು ಹೆಂಚು ಅಥವಾ ತವಾ ಬಿಸಿ ಮಾಡಿ. ಲಟ್ಟಿಸಿದ ಪರೋಟವನ್ನು ತವಾ ಮೇಲೆ ಹಾಕಿ ಎರಡು ಬದಿ ಖಾಯಿಸಿ. ಖಾಯಿಸುವಾಗ ಎರಡೂ ಬದಿಯೂ ತುಪ್ಪ ಅಥವಾ ಎಣ್ಣೆ ಹಾಕಿ. 
10. ಕೆಚಪ್ ಅಥವಾ ಮೊಸರು ಅಥವಾ ಯಾವುದೇ ಗೊಜ್ಜಿನೊಂದಿಗೆ  ಬಡಿಸಿ. ಹಾಗೆಯೂ ತಿನ್ನಬಹುದು. 

To see step by step pictures click here (ಹಂತ ಹಂತವಾದ ಚಿತ್ರ ವೀಕ್ಷಿಸಲು ಇಲ್ಲಿ ಕ್ಲಿಕ್ಕಿಸಿ)

Ottu shavige recipe in Kannada | ಉಳಿದ ಅನ್ನದಿಂದ ಶಾವಿಗೆ ಮಾಡುವ ವಿಧಾನ

 

Ottu shavige recipe in Kannada | ಉಳಿದ ಅನ್ನದಿಂದ ಶಾವಿಗೆ ಮಾಡುವ ವಿಧಾನ

ಉಳಿದ ಅನ್ನದ ಶಾವಿಗೆ ವಿಡಿಯೋ

ಬೇಕಾಗುವ ಪದಾರ್ಥಗಳು: ( ಅಳತೆ ಕಪ್ = 240 ಎಂಎಲ್ )

1. 1 ಕಪ್ ಅನ್ನ
2. 1/2 ಕಪ್ ಅಕ್ಕಿಹಿಟ್ಟು 
3. 1/4 ಕಪ್ ನೀರು
4. 1 ಟೀಸ್ಪೂನ್ ಎಣ್ಣೆ
5. ಉಪ್ಪು ರುಚಿಗೆ ತಕ್ಕಷ್ಟು

ಉಳಿದ ಅನ್ನದಿಂದ ಶಾವಿಗೆ ಮಾಡುವ ವಿಧಾನ:

1. ಮಿಕ್ಸಿಯಲ್ಲಿ ಅನ್ನ ತೆಗೆದುಕೊಂಡು ಅಗತ್ಯವಿದ್ದಷ್ಟು ನೀರು ಸೇರಿಸಿ ನುಣ್ಣಗೆ ಅರೆಯಿರಿ. ಸುಮಾರು ಕಾಲು ಕಪ್ ನೀರು ಸಾಕಾಗುವುದು. 
2. ರುಬ್ಬಿದ ಅನ್ನವನ್ನು ಒಂದು ಪಾತ್ರೆಯಲ್ಲಿ ತೆಗೆದುಕೊಂಡು, ರುಚಿಗೆ ತಕ್ಕಂತೆ ಉಪ್ಪು ಸೇರಿಸಿ. 
3. ಸ್ವಲ್ಪ ಸ್ವಲ್ಪವೇ ಅಕ್ಕಿಹಿಟ್ಟನ್ನು ಸೇರಿಸಿ ಮೃದುವಾದ ಹಿಟ್ಟು ತಯಾರಿಸಿ. 
4. ಕೈಗೆ ಎಣ್ಣೆ ಹಚ್ಚಿಕೊಂಡು  ಉದ್ದುದ್ದ ಉಂಡೆಗಳನ್ನು ಮಾಡಿ. 
5. ಶಾವಿಗೆ ಅಚ್ಚಿನಲ್ಲಿ ಹಾಕಿ ಎಣ್ಣೆ ಸವರಿದ ಇಡ್ಲಿ ಪ್ಲೇಟ್ ಗೆ ಒತ್ತಿ. 
6. ಸೆಕೆಯಲ್ಲಿ (ಆವಿಯಲ್ಲಿ) 8-10 ನಿಮಿಷ ಬೇಯಿಸಿ. ನಿಮ್ಮಿಷ್ಟದ ಸಾಂಬಾರ್ ಅಥವಾ ಗೊಜ್ಜು ಅಥವಾ ಚಟ್ನಿಯೊಂದಿಗೆ ಸವಿದು ಆನಂದಿಸಿ. 

To see step by step pictures click here (ಹಂತ ಹಂತವಾದ ಚಿತ್ರ ವೀಕ್ಷಿಸಲು ಇಲ್ಲಿ ಕ್ಲಿಕ್ಕಿಸಿ)

Kobbari saaru recipe in Kannada | ಕೊಬ್ಬರಿ ಸಾರು ಮಾಡುವ ವಿಧಾನ

 

Kobbari saaru recipe in Kannada | ಕೊಬ್ಬರಿ ಸಾರು ಮಾಡುವ ವಿಧಾನ

ಕೊಬ್ಬರಿ ಸಾರು ವಿಡಿಯೋ

ಬೇಕಾಗುವ ಪದಾರ್ಥಗಳು: (ಅಳತೆ ಕಪ್ = 240 ಎಂ ಎಲ್)

1. 1/2 ಕಪ್ ಒಣಕೊಬ್ಬರಿ
2. 1 ಟೀಸ್ಪೂನ್ ಕಾಳುಮೆಣಸು
3. 1 ಟೀಸ್ಪೂನ್ ಜೀರಿಗೆ
4. 2 - 4 ಒಣಮೆಣಸಿನಕಾಯಿ
5. 10 - 12 ಎಸಳು ಬೆಳ್ಳುಳ್ಳಿ
6. 1/4 ಟೀಸ್ಪೂನ್ ಅರಿಶಿನ
7. ಉಪ್ಪು ರುಚಿಗೆ ತಕ್ಕಷ್ಟು
8. ನೆಲ್ಲಿಕಾಯಿ ಗಾತ್ರದ ಹುಣಿಸೇಹಣ್ಣು
9. 1 ಟೇಬಲ್ ಚಮಚ ಹೆಚ್ಚಿದ ಕೊತ್ತಂಬರಿ ಸೊಪ್ಪು
10. 1 ಟೀಸ್ಪೂನ್ ಎಣ್ಣೆ

ಒಗ್ಗರಣೆಗೆ ಬೇಕಾಗುವ ಪದಾರ್ಥಗಳು:

1. 1/2 ಚಮಚ ಸಾಸಿವೆ
2. 1/2 ಚಮಚ ಜೀರಿಗೆ
3. 1 ಒಣಮೆಣಸಿನಕಾಯಿ
4. 10 - 12 ಎಸಳು ಬೆಳ್ಳುಳ್ಳಿ
5. 5 - 6 ಕರಿಬೇವಿನ ಎಲೆ
6. 1 ಟೇಬಲ್ ಚಮಚ ಎಣ್ಣೆ

 ಕೊಬ್ಬರಿ ಸಾರು ಮಾಡುವ ವಿಧಾನ:

1. ಮೊದಲಿಗೆ ಒಂದು ಬಾಣಲೆಯಲ್ಲಿ ಎಣ್ಣೆ, ಕಾಳುಮೆಣಸು ಮತ್ತು ಜೀರಿಗೆಯನ್ನು ಹಾಕಿ ಹುರಿಯಿರಿ. 
2. ನಂತರ ಒಣಮೆಣಸಿನಕಾಯಿಯನ್ನು ಸೇರಿಸಿ ಹುರಿಯಿರಿ. 
3. ಆಮೇಲೆ ಸಿಪ್ಪೆ ತೆಗೆದು ಕತ್ತರಿಸಿದ ಬೆಳ್ಳುಳ್ಳಿ ಮತ್ತು ಒಣಕೊಬ್ಬರಿ ಸೇರಿಸಿ ಸ್ವಲ್ಪ ಕಂದು ಬಣ್ಣ ಬರುವವರೆಗೆ ಹುರಿಯಿರಿ. 
4. ಬಿಸಿ ಅರಿದಮೇಲೆ ಮಿಕ್ಸಿ ಜಾರಿಗೆ ಹಾಕಿ.
5. ಅರಿಶಿನ ಮತ್ತು ಹುಣಿಸೆಹಣ್ಣಿನ ರಸ ಸೇರಿಸಿ, ಅಗತ್ಯವಿದ್ದಷ್ಟು ನೀರು ಸೇರಿಸಿ ಅರೆಯಿರಿ. ಮಸಾಲೆ ಪೇಸ್ಟ್ ತಯಾರಾಯಿತು. 
6. ಇನ್ನೊಂದು ಬಾಣಲೆಯಲ್ಲಿ ಎಣ್ಣೆ, ಸಾಸಿವೆ ಮತ್ತು ಜೀರಿಗೆ ಒಗ್ಗರಣೆ ಮಾಡಿ.
7. ಒಣಮೆಣಸಿನಕಾಯಿ, ಕತ್ತರಿಸಿದ ಬೆಳ್ಳುಳ್ಳಿ ಮತ್ತು ಕರಿಬೇವು ಸೇರಿಸಿ ಹುರಿಯಿರಿ. 
8. ಉರಿ ಕಡಿಮೆ ಮಾಡಿ ಅರೆದ ಮಸಾಲೆ ಸೇರಿಸಿ. 
9. ಅಗತ್ಯವಿದ್ದಷ್ಟು ನೀರು ಸೇರಿಸಿ. 
10. ಉಪ್ಪು ಸೇರಿಸಿ ಕುದಿಸಿ. ನಿಮ್ಮ ರುಚಿಗೆ ತಕ್ಕಂತೆ ಉಪ್ಪು ಹುಳಿ ಮತ್ತು ಬೆಲ್ಲ ಹೊಂದಿಸಿಕೊಳ್ಳಿ. 
11. ಒಂದು ನಿಮಿಷ ಚೆನ್ನಾಗಿ ಕುದಿಸಿ. 
12. ಕೊತ್ತಂಬರಿ ಸೊಪ್ಪು ಸೇರಿಸಿ, ಸ್ಟವ್ ಆಫ್ ಮಾಡಿ.
13. ಬಿಸಿಯಾದ ಅನ್ನದೊಂದಿಗೆ ಬಡಿಸಿ.

To see step by step pictures click here (ಹಂತ ಹಂತವಾದ ಚಿತ್ರ ವೀಕ್ಷಿಸಲು ಇಲ್ಲಿ ಕ್ಲಿಕ್ಕಿಸಿ)

Vidyarthi bhavana style chutney | ವಿದ್ಯಾರ್ಥಿ ಭವನ ಶೈಲಿಯ ಕಾಯಿ ಚಟ್ನಿ

 

Vidyarthi bhavana style chutney | ವಿದ್ಯಾರ್ಥಿ ಭವನ ಶೈಲಿಯ ಕಾಯಿ ಚಟ್ನಿ

ವಿದ್ಯಾರ್ಥಿ ಭವನ ಶೈಲಿಯ ಚಟ್ನಿ ವಿಡಿಯೋ

ಬೇಕಾಗುವ ಪದಾರ್ಥಗಳು:( ಅಳತೆ ಕಪ್ = 240 ಎಂಎಲ್ )

1. 1/2 ಕಪ್ ತೆಂಗಿನ ತುರಿ
2. 1/2 ಕಪ್ ಹುರಿಗಡಲೆ ಅಥವಾ ಕಡ್ಲೆ ಪಪ್ಪು
3. 4 ಹಸಿರು ಮೆಣಸಿನಕಾಯಿ 
4. 4 ಕಡ್ಡಿ ಕೊತ್ತಂಬರಿ ಸೊಪ್ಪು
5. 1 ಸೆಮೀ ಉದ್ದದ ಶುಂಠಿ
6. ಸ್ವಲ್ಪ ಹುಣಿಸೆ ಹಣ್ಣು 
7. ಉಪ್ಪು ರುಚಿಗೆ ತಕ್ಕಷ್ಟು

ಒಗ್ಗರಣೆಗೆ ಬೇಕಾಗುವ ಪದಾರ್ಥಗಳು:

1. 1 ಟಿಸ್ಪೂನ್ ಎಣ್ಣೆ 
2. 4 ಕರಿಬೇವಿನ ಎಲೆ
3. 1/4 ಟಿಸ್ಪೂನ್ ಸಾಸಿವೆ 
4. ಒಂದು ಚಿಟಿಕೆ ಇಂಗು

 ವಿದ್ಯಾರ್ಥಿ ಭವನ ಶೈಲಿಯ ಚಟ್ನಿ ಮಾಡುವ ವಿಧಾನ:

1. ಒಂದು ಬಾಣಲೆಯಲ್ಲಿ ಹಸಿಮೆಣಸಿನಕಾಯಿ ಮತ್ತು 2 ಕಡ್ಡಿ ಕೊತ್ತಂಬರಿ ಸೊಪ್ಪನ್ನು ಒಂದು ಚಮಚ ಎಣ್ಣೆ ಹಾಕಿ ಹುರಿಯಿರಿ. 
2. ನಂತರ ಮಿಕ್ಸಿ ಜಾರಲ್ಲಿ ಹುರಿಗಡಲೆ, ತೆಂಗಿನ ತುರಿ, ಹುರಿದ ಪದಾರ್ಥಗಳು, ಹುಣಿಸೆ ಹಣ್ಣು, ಶುಂಠಿ ಮತ್ತು ಉಪ್ಪನ್ನು ತೆಗೆದುಕೊಳ್ಳಿ. 
3. ನೀರು ಹಾಕದೆ ಪುಡಿಮಾಡಿಕೊಳ್ಳಿ. 
4. ಅಗತ್ಯವಿದ್ದಷ್ಟು ನೀರು ಸೇರಿಸಿ ನುಣ್ಣನೆ ಅರೆಯಿರಿ.
5. ಕೊನೆಯಲ್ಲಿ ಒಂದೆರಡು ಕಡ್ಡಿ ಕೊತ್ತಂಬರಿ ಸೊಪ್ಪು ಸೇರಿಸಿ ಅರೆಯಿರಿ. 
6. ಒಂದು ಬಟ್ಟಲಿಗೆತೆಗೆಯಿರಿ. 
7. ಎಣ್ಣೆ, ಸಾಸಿವೆ, ಒಣಮೆಣಸಿನಕಾಯಿ, ಕರಿಬೇವಿನ ಒಗ್ಗರಣೆ ಕೊಡಿ. 
8. ದೋಸೆ ಅಥವಾ ಇಡ್ಲಿಯೊಂದಿಗೆ ಬಡಿಸಿ.

To see step by step pictures click here (ಹಂತ ಹಂತವಾದ ಚಿತ್ರ ವೀಕ್ಷಿಸಲು ಇಲ್ಲಿ ಕ್ಲಿಕ್ಕಿಸಿ)

Avalakki sandige recipe in Kannada | ಅವಲಕ್ಕಿ ಸಂಡಿಗೆ ಮಾಡುವ ವಿಧಾನ

 

Avalakki sandige recipe in Kannada | ಅವಲಕ್ಕಿ ಸಂಡಿಗೆ ಮಾಡುವ ವಿಧಾನ

ಅವಲಕ್ಕಿ ಸಂಡಿಗೆ ವಿಡಿಯೋ

ಬೇಕಾಗುವ ಪದಾರ್ಥಗಳು:(ಅಳತೆ ಕಪ್ = 60 ಎಂಎಲ್)

1. 3 ಕಪ್ ತೆಳು ಅವಲಕ್ಕಿ
2. ಒಣಮೆಣಸಿನ ಚೂರುಗಳು ಅಥವಾ ಹಸಿಮೆಣಸಿನಕಾಯಿ ಪೇಸ್ಟ್
3. 1/2 ಟೀಸ್ಪೂನ್ ಓಮ
4. 1/4 ಟೀಸ್ಪೂನ್ ಸೋಡಾ
5. 1/2 ಟೀಸ್ಪೂನ್ ಉಪ್ಪು ಅಥವಾ ರುಚಿಗೆ ತಕ್ಕಷ್ಟು

ಅವಲಕ್ಕಿ ಸಂಡಿಗೆ ಮಾಡುವ ವಿಧಾನ:

1. ಒಂದು ಪಾತ್ರೆಯಲ್ಲಿ ಅವಲಕ್ಕಿಯನ್ನು ತೆಗೆದುಕೊಳ್ಳಿ.
2. ನೀರು ಹಾಕಿ ತೊಳೆದು ಕೂಡಲೇ ನೀರನ್ನು ಸಂಪೂರ್ಣ ಬಗ್ಗಿಸಿ ತೆಗೆಯಿರಿ. 
3. ನಂತರ ಅದಕ್ಕೆ ಉಪ್ಪು, ಒಣಮೆಣಸಿನಕಾಯಿ ಚೂರುಗಳು, ಓಮ, ಸೋಡಾ ಮತ್ತು ಉಪ್ಪು ಸೇರಿಸಿ. 
4. ಅಥವಾ ನಿಮ್ಮಿಷ್ಟದ ಯಾವುದೇ ಮಸಾಲೆ (ಇಂಗು, ಜೀರಿಗೆ, ಎಳ್ಳು ಇತ್ಯಾದಿ) ಸೇರಿಸಬಹುದು. 
5. ಚೆನ್ನಾಗಿ ಕೈಯಲ್ಲಿ ಹಿಸುಕಿ ಕಲಸಿ. 
6.  ಒಂದು ಪ್ಲಾಸ್ಟಿಕ್ ಶೀಟ್ ಅಥವಾ ಎಣ್ಣೆ ಸವರಿದ ಪ್ಲೇಟ್ ಅಥವಾ ಬಟ್ಟೆಯಲ್ಲಿ ಸಂಡಿಗೆ ಹಾಕಲು ತಯಾರು ಮಾಡಿ. 
7. ಚಕ್ಕುಲಿ ಅಚ್ಚಿನಲ್ಲಿ ಕಲಸಿದ ಹಿಟ್ಟನ್ನು ತುಂಬಿಸಿ, ರಿಬ್ಬನ್ ನಂತೆ ಸಂಡಿಗೆಯನ್ನು ಒತ್ತಿ. ಬಿಸಿಲಿನಲ್ಲಿ ಒಣಗಲು ಇಡಿ. 
8. ದಿನದ ಕೊನೆಯಲ್ಲಿ ಸಂಡಿಗೆಯನ್ನು ಮಗುಚಿ ಹಾಕಿ. 
9. ಮತ್ತೊಂದೆರಡು ದಿವಸ, ಬಿಸಿಲಿನಲ್ಲಿಟ್ಟು ಗರಿ-ಗರಿ ಯಾಗುವವರೆಗೆ ಒಣಗಿಸಿ. 
10. ಗಾಳಿಯಾಡದ ಡಬ್ಬದಲ್ಲಿ ಎತ್ತಿಡಿ. ಇದನ್ನು ಎಣ್ಣೆಯಲ್ಲಿ ಕಾಯಿಸಿ ಊಟಕ್ಕೆ ಬಡಿಸಬಹುದು. ಖಾಯಿಸುವಾಗ ಎಣ್ಣೆ ಬಿಸಿ ಇರಲಿ.

To see step by step pictures click here (ಹಂತ ಹಂತವಾದ ಚಿತ್ರ ವೀಕ್ಷಿಸಲು ಇಲ್ಲಿ ಕ್ಲಿಕ್ಕಿಸಿ)

Shenga dose recipe in Kannada | ಶೇಂಗಾ ದೋಸೆ ಮಾಡುವ ವಿಧಾನ

 

Shenga dose recipe in Kannada | ಶೇಂಗಾ ದೋಸೆ ಮಾಡುವ ವಿಧಾನ

ಶೇಂಗಾ ದೋಸೆ ವಿಡಿಯೋ

ಬೇಕಾಗುವ ಪದಾರ್ಥಗಳು (ಅಳತೆ ಕಪ್ = 240 ಎಂಎಲ್ ):

1. 1 ಕಪ್ ಅಕ್ಕಿ
2. 1/2 ಕಪ್ ಶೇಂಗಾ ಅಥವಾ ಕಡಲೆಕಾಯಿ
3. 1/2 ಕಪ್ ಗಟ್ಟಿ ಅವಲಕ್ಕಿ
4. ಉಪ್ಪು ರುಚಿಗೆ ತಕ್ಕಷ್ಟು.

ಶೇಂಗಾ ದೋಸೆ ಮಾಡುವ ವಿಧಾನ:

1. ಒಂದು ಪಾತ್ರೆಯಲ್ಲಿಅಕ್ಕಿ, ಶೇಂಗಾ ಮತ್ತು ಅವಲಕ್ಕಿಯನ್ನು ತೊಳೆದು 4 - 5 ಗಂಟೆಗಳ ಕಾಲ ನೆನೆಯಲು ಬಿಡಿ.
2. ನೆನೆಸಿದ ಅಕ್ಕಿ, ಶೇಂಗಾ ಮತ್ತು ಅವಲಕ್ಕಿಯನ್ನು ಮಿಕ್ಸಿಜಾರಿನಲ್ಲಿ ತೆಗೆದುಕೊಂಡು, ಅಗತ್ಯವಿದ್ದಷ್ಟು ನೀರು ಸೇರಿಸಿ ಅರೆಯಿರಿ. 
3. ನುಣ್ಣನೆ ಅರೆದು ಒಂದು ಪಾತ್ರೆಗೆ ಹಾಕಿ.
4. ಹಿಟ್ಟನ್ನು ಚೆನ್ನಾಗಿ ಕಲಸಿ, ಮುಚ್ಚಳವನ್ನು ಮುಚ್ಚಿ, 7 - 8 ಘಂಟೆ ಕಾಲ ಹಿಟ್ಟು ಹುದುಗಲು ಬಿಡಿ.
5. ಹುದುಗಿದ ನಂತರ ಹಿಟ್ಟಿಗೆ ರುಚಿಗೆ ತಕ್ಕಷ್ಟು ಉಪ್ಪು ಸೇರಿಸಿ ಚೆನ್ನಾಗಿ ಕಲಸಿ. ಹಿಟ್ಟು ಉದ್ದಿನ ದೋಸೆ ಹಿಟ್ಟಿನಂತಿರಲಿ. 
6. ದೋಸೆ ಹೆಂಚನ್ನು ಬಿಸಿಮಾಡಿ. ಎಣ್ಣೆ ಹಚ್ಚಿ, ಹಿಟ್ಟು ಸುರಿದು, ದೋಸೆ ಮಾಡಿ.
7. ಮುಚ್ಚಳವನ್ನು ಮುಚ್ಚಿ ಬೇಯಿಸಿ.
8. ಮುಚ್ಚಳವನ್ನು ತೆಗೆದು, ಎಣ್ಣೆ ಅಥವಾ ತುಪ್ಪ ಹಾಕಿ. ದೋಸೆ ಒಂದು ಬದಿ ಕಾಯಿಸಿದರೆ ಸಾಕು. ತೆಂಗಿನಕಾಯಿ ಚಟ್ನಿ ಅಥವಾ ಸಾಂಬಾರ್ ನೊಂದಿಗೆ ಬಡಿಸಿರಿ.

To see step by step pictures click here (ಹಂತ ಹಂತವಾದ ಚಿತ್ರ ವೀಕ್ಷಿಸಲು ಇಲ್ಲಿ ಕ್ಲಿಕ್ಕಿಸಿ)