ಮಂಗಳವಾರ, ಅಕ್ಟೋಬರ್ 22, 2019

Khara chapathi recipe in Kannada | ಖಾರ ಚಪಾತಿ ಮಾಡುವ ವಿಧಾನ

Khara chapathi recipe in Kannada

Khara chapathi recipe in Kannada | ಖಾರ ಚಪಾತಿ ಮಾಡುವ ವಿಧಾನ 

ಖಾರ ಚಪಾತಿ ವಿಡಿಯೋ

ಹಿಟ್ಟಿಗೆ ಬೇಕಾಗುವ ಪದಾರ್ಥಗಳು: ( ಅಳತೆ ಕಪ್ = 240 ಎಂಎಲ್ )

  1. 1 ಕಪ್ ಗೋಧಿ ಹಿಟ್ಟು
  2. 1/2 ಟೀಸ್ಪೂನ್ ಗರಂ ಮಸಾಲಾ
  3. 1/2 ಟೀಸ್ಪೂನ್ ಅಚ್ಚಖಾರದ ಪುಡಿ
  4. ದೊಡ್ಡ ಚಿಟಿಕೆ ಅರಿಶಿನ
  5. 1/2 ಟೀಸ್ಪೂನ್ ಜೀರಿಗೆ ಪುಡಿ
  6. 1/4 ಟೀಸ್ಪೂನ್ ಓಮ
  7. 5 - 6 ಚಮಚ ತುಪ್ಪ ಅಥವಾ ಎಣ್ಣೆ
  8. 1/2 ಟೀಸ್ಪೂನ್ ಉಪ್ಪು ಅಥವಾ ರುಚಿಗೆ ತಕ್ಕಷ್ಟು

ಮಸಾಲೆಗೆ ಬೇಕಾಗುವ ಪದಾರ್ಥಗಳು: ( ಅಳತೆ ಕಪ್ = 240 ಎಂಎಲ್ )

  1. 4 ಟೇಬಲ್ ಚಮಚ ಹುರಿದ ಶೇಂಗಾ ಅಥವಾ ಕಡ್ಲೆಕಾಯಿ
  2. 1/4 ಟೀಸ್ಪೂನ್ ಗರಂ ಮಸಾಲಾ
  3. 1/4 ಟೀಸ್ಪೂನ್ ಮಾವಿನಕಾಯಿ ಪುಡಿ
  4. 1/4 ಟೀಸ್ಪೂನ್ ಉಪ್ಪು

ಖಾರ ಚಪಾತಿ ಮಾಡುವ ವಿಧಾನ:

  1. ಒಂದು ಬಟ್ಟಲಿನಲ್ಲಿ ಗೋಧಿ ಹಿಟ್ಟು ತೆಗೆದುಕೊಳ್ಳಿ. 
  2. ಅದಕ್ಕೆ ಜೀರಿಗೆ ಪುಡಿ, ಉಪ್ಪು, ಅರಿಶಿನ, ಅಚ್ಚಖಾರದ ಪುಡಿ ಮತ್ತು ಗರಂ ಮಸಾಲಾ ಪುಡಿ ಹಾಕಿ. 
  3. ಒಂದು ಚಮಚ ತುಪ್ಪ ಮತ್ತು ಓಮ ಹಾಕಿ ಚೆನ್ನಾಗಿ ತಿಕ್ಕಿ ಕಲಸಿ. 
  4. ಸ್ವಲ್ಪ ಸ್ವಲ್ಪ ನೀರು ಸೇರಿಸುತ್ತ ಮೆತ್ತಗಿನ ಚಪಾತಿ ಹಿಟ್ಟು ತಯಾರಿಸಿಕೊಳ್ಳಿ. 
  5. ಕೊನೆಯಲ್ಲಿ 1 ಚಮಚ ತುಪ್ಪ ಹಾಕಿ, ಪುನಃ ಒಮ್ಮೆ ಕಲಸಿ.
  6. ಮುಚ್ಚಳ ಮುಚ್ಚಿ 20 ನಿಮಿಷ ಪಕ್ಕಕ್ಕಿಡಿ. 
  7. ಆ ಸಮಯದಲ್ಲಿ ಒಂದು ಮಿಕ್ಸಿ ಜಾರಿನಲ್ಲಿ, ಹುರಿದ ಶೇಂಗಾ, ಗರಂ ಮಸಾಲಾ, ಉಪ್ಪು ಮತ್ತು ಮಾವಿನಕಾಯಿ ಪುಡಿ ತೆಗೆದುಕೊಂಡು ನುಣ್ಣಗೆ ಪುಡಿ ಮಾಡಿ. ಇದನ್ನು ನಾವು ಚಪಾತಿಯೊಳಗೆ ಹಾಕಲಿದ್ದೇವೆ. 
  8. ಒಂದು ದೊಡ್ಡ ನಿಂಬೆ ಗಾತ್ರದ ಹಿಟ್ಟನ್ನು ತೆಗೆದುಕೊಂಡು, ಗೋಧಿ ಹಿಟ್ಟು ಮುಟ್ಟಿಸಿಕೊಂಡು ಸಣ್ಣ ವೃತ್ತಾಕಾರವಾಗಿ ಲಟ್ಟಿಸಿ.
  9. ಮೇಲಿನಿಂದ ಸ್ವಲ್ಪ ತುಪ್ಪ ಮತ್ತು ಶೇಂಗಾ ಮಸಾಲೆ ಹರಡಿ. 
  10. ತ್ರಿಕೋನಾಕಾರವಾಗಿ ಮಡಿಸಿ, ಲಟ್ಟಿಸಿ. 
  11. ಒಂದು ಹೆಂಚು ಅಥವಾ ತವಾ ತೆಗೆದುಕೊಂಡು ಬಿಸಿ ಮಾಡಿ. ಲಟ್ಟಿಸಿದ ಚಪಾತಿಯನ್ನು ತವಾ ಮೇಲೆ ಹಾಕಿ ಎರಡು ಬದಿ ಖಾಯಿಸಿ. ಖಾಯಿಸುವಾಗ ಎರಡೂ ಬದಿಯೂ ಸ್ವಲ್ಪ ತುಪ್ಪ ಅಥವಾ ಎಣ್ಣೆ ಹಾಕಿ. 
  12. ಬಿಸಿ ಬಿಸಿಯಾಗಿರುವಾಗಲೇ ತಿನ್ನಲು ಕೊಡಿ. ಬೇಕಾದಲ್ಲಿ ಉಪ್ಪಿನಕಾಯಿ ಮತ್ತು ಮೊಸರು ಜೊತೆ ಬಡಿಸಿ.

ಗುರುವಾರ, ಅಕ್ಟೋಬರ್ 17, 2019

Devasthana style sambar recipe in Kannada | ದೇವಸ್ಥಾನ ಶೈಲಿಯ ಸಾಂಬಾರ್ ಮಾಡುವ ವಿಧಾನ

Devasthana style sambar recipe in Kannada

Devasthana style sambar recipe in Kannada | ದೇವಸ್ಥಾನ ಶೈಲಿಯ ಸಾಂಬಾರ್ ಮಾಡುವ ವಿಧಾನ


ದೇವಸ್ಥಾನ ಶೈಲಿಯ ಸಾಂಬಾರ್  ವಿಡಿಯೋ

ಬೇಕಾಗುವ ಪದಾರ್ಥಗಳು:( ಅಳತೆ ಕಪ್ = 240 ಎಂಎಲ್ )

  1. 2 ಕಪ್ ತರಕಾರಿ (ಚೀನಿಕಾಯಿ, ಆಲೂಗಡ್ಡೆ, ಸೋರೆಕಾಯಿ, ಬೀನ್ಸ್, ಕ್ಯಾರಟ್, ಕುಂಬಕಾಯಿ, ಟೊಮೇಟೊ, ಸೌತೆಕಾಯಿ, ನುಗ್ಗೆಕಾಯಿ ಇತ್ಯಾದಿ)
  2. 1/4 ಕಪ್ ತೊಗರಿಬೇಳೆ
  3. 1/4 ಟೀಸ್ಪೂನ್ ಅರಿಶಿನ ಪುಡಿ
  4. 2 ಟೀಸ್ಪೂನ್ ಕಲ್ಲುಪ್ಪು (ಅಥವಾ ನಿಮ್ಮ ರುಚಿ ಪ್ರಕಾರ)
  5. 1 ಟೀಸ್ಪೂನ್ ಬೆಲ್ಲ
  6. ಗೋಲಿ ಗಾತ್ರದ ಹುಣಿಸೇಹಣ್ಣು
  7. ಸ್ವಲ್ಪ ಕೊತ್ತಂಬರಿ ಸೊಪ್ಪು

ಮಸಾಲೆಗೆ ಬೇಕಾಗುವ ಪದಾರ್ಥಗಳು:

  1. 1/2 ಕಪ್ ತೆಂಗಿನ ತುರಿ
  2. 2 - 4 ಒಣ ಮೆಣಸಿನಕಾಯಿ
  3. 3/4 ಟೀಸ್ಪೂನ್ ಕಡ್ಲೆಬೇಳೆ
  4. 1 ಟೀಸ್ಪೂನ್ ಉದ್ದಿನ ಬೇಳೆ
  5. 2 ಟೀಸ್ಪೂನ್ ಕೊತ್ತಂಬರಿ ಬೀಜ
  6. 1/2 ಟೀಸ್ಪೂನ್ ಜೀರಿಗೆ
  7. 7 - 8 ಮೆಂತ್ಯ ಕಾಳು
  8. ಒಂದು ಚಿಟಿಕೆ ಇಂಗು
  9. ಸ್ವಲ್ಪ ಕರಿಬೇವು
  10. 1/2 ಟೀಸ್ಪೂನ್ ಅಡುಗೆ ಎಣ್ಣೆ

ಒಗ್ಗರಣೆಗೆ ಬೇಕಾಗುವ ಪದಾರ್ಥಗಳು:

  1. 1 ಕೆಂಪು ಮೆಣಸಿನಕಾಯಿ
  2. 5 - 6 ಕರಿಬೇವು
  3. 1/4 ಟೀಸ್ಪೂನ್ ಸಾಸಿವೆ
  4. 1 ಟೀಸ್ಪೂನ್ ಅಡುಗೆ ಎಣ್ಣೆ

ದೇವಸ್ಥಾನ ಶೈಲಿಯ ಸಾಂಬಾರ್ ಮಾಡುವ ವಿಧಾನ:

  1. ತರಕಾರಿಗಳನ್ನು ಕತ್ತರಿಸಿಟ್ಟುಕೊಳ್ಳಿ. ಬೇಗ ಬೇಯುವ ತರಕಾರಿಯನ್ನು ಸ್ವಲ್ಪ ದೊಡ್ಡದಾಗಿ ಕತ್ತರಿಸಿ.
  2. ಬೇಳೆಯನ್ನು ಒಂದು ಕುಕ್ಕರ್ ನಲ್ಲಿ ತೆಗೆದುಕೊಂಡು ತೊಳೆಯಿರಿ. 1/2 ಕಪ್ ನೀರು, ಚಿಟಿಕೆ ಅರಶಿನ ಪುಡಿ ಮತ್ತು ಒಂದೆರಡು ಹನಿ ಎಣ್ಣೆ ಹಾಕಿ. ಬೇಳೆಯನ್ನು ಬೇಯಿಸಿ.
  3. ಈಗ ಅದೇ ಕುಕ್ಕರ್ ಗೆ ಕತ್ತರಿಸಿದ ತರಕಾರಿ ಮತ್ತು ಸ್ವಲ್ಪ ಉಪ್ಪು ಹಾಕಿ. 1 ಲೋಟ ನೀರು ಹಾಕಿ ಬೇಯಿಸಿ. 
  4. ಆ ಸಮಯದಲ್ಲಿ ಒಂದು ಬಾಣಲೆ ತೆಗೆದು ಕೊಂಡು, ಕೆಂಪು ಮೆಣಸಿನಕಾಯಿ, ಉದ್ದಿನಬೇಳೆ, ಕಡ್ಲೆಬೇಳೆ, ಕೊತ್ತಂಬರಿ ಬೀಜ, ಜೀರಿಗೆ ಮತ್ತು ಮೆಂತೆಯನ್ನು 1/2 ಟೀಸ್ಪೂನ್ ಎಣ್ಣೆ ಹಾಕಿ ಸಣ್ಣ ಉರಿಯಲ್ಲಿ ಬೇಳೆಗಳು ಕಂದು ಬಣ್ಣಕ್ಕೆ ಬರುವರೆಗೆ ಹುರಿಯಿರಿ. 
  5. ಸ್ಟವ್ ಆಫ್  ಮಾಡಿ, ಕರಿಬೇವು ಮತ್ತು ಇಂಗು ಸೇರಿಸಿ   ಹುರಿಯಿರಿ.
  6. ಹುರಿದ ಮಸಾಲೆ ಮತ್ತು ತೆಂಗಿನತುರಿಯನ್ನು ಅಗತ್ಯವಿದ್ದಷ್ಟು ನೀರು ಸೇರಿಸಿ ಅರೆಯಿರಿ. 
  7. ಅರೆದ ಮಸಾಲೆಯನ್ನು ತರಕಾರಿ ಮತ್ತು ಬೇಳೆ ಇರುವ ಕುಕ್ಕರ್ ಗೆ ಹಾಕಿ. ಬೆಲ್ಲ, ಉಪ್ಪು ಮತ್ತು ಹುಣಿಸೆ ರಸ ಸೇರಿಸಿ. ನಿಮ್ಮ ರುಚಿ ಪ್ರಕಾರ ಉಪ್ಪು, ಸಿಹಿ ಮತ್ತು ಹುಳಿಯನ್ನು ಸರಿಮಾಡಿಕೊಳ್ಳಿ. 
  8. ಬೇಕಾದಷ್ಟು ನೀರು ಸೇರಿಸಿ, ಮಗುಚಿ, ಒಂದು ಕುದಿ ಕುದಿಸಿ. ಕೊನೆಯಲ್ಲಿ ಕೊತ್ತಂಬರಿ ಸೊಪ್ಪು ಸೇರಿಸಿ. ಸ್ಟವ್ ಆಫ್ ಮಾಡಿ. 
  9. ಒಣ ಮೆಣಸು, ಸಾಸಿವೆ, ಕರಿಬೇವಿನ ಒಗ್ಗರಣೆ ಕೊಡಿ. ಬಿಸಿ ಅನ್ನದೊಂದಿಗೆ ಬಡಿಸಿ.

ಮಂಗಳವಾರ, ಅಕ್ಟೋಬರ್ 15, 2019

Bread halwa recipe in Kannada | ಬ್ರೆಡ್ ಹಲ್ವಾ ಮಾಡುವ ವಿಧಾನ

Bread halwa recipe in Kannada

Bread halwa recipe in Kannada | ಬ್ರೆಡ್ ಹಲ್ವಾ ಮಾಡುವ ವಿಧಾನ


ಬ್ರೆಡ್ ಹಲ್ವಾ ವಿಡಿಯೋ

ಬೇಕಾಗುವ ಪದಾರ್ಥಗಳು: ( ಅಳತೆ ಕಪ್ = 240 ಎಂಎಲ್ )

  1. 4 - 5 ಬ್ರೆಡ್ ಸ್ಲೈಸ್
  2. 1/4 ಕಪ್ ಸಕ್ಕರೆ
  3. 5 ಟೇಬಲ್ ಚಮಚ ತುಪ್ಪ
  4. 1/2 ಕಪ್ ಹಾಲು
  5. 1/4 ಕಪ್ನೀರು
  6. 2 ಟೇಬಲ್ ಚಮಚ ಗೋಡಂಬಿ
  7. 1 ಏಲಕ್ಕಿ

ಬ್ರೆಡ್ ಹಲ್ವಾ ಮಾಡುವ ವಿಧಾನ:

  1. ಬ್ರೆಡ್ ನ್ನು ದೊಡ್ಡದಾಗಿ ಕತ್ತರಿಸಿಟ್ಟುಕೊಳ್ಳಿ.
  2. ಒಂದು ಬಾಣಲೆಯಲ್ಲಿ ಒಂದು ಟೇಬಲ್ ಚಮಚ ತುಪ್ಪ ಬಿಸಿಮಾಡಿ, ಗೋಡಂಬಿಯನ್ನು ಹುರಿದು ತೆಗೆದಿಟ್ಟುಕೊಳ್ಳಿ. 
  3. ಆಮೇಲೆ ಅದೇ ಬಾಣಲೆಗೆ, ಬ್ರೆಡ್ ಚೂರುಗಳನ್ನು ಹಾಕಿ ಸಣ್ಣ ಉರಿಯಲ್ಲಿ ಹುರಿಯಲು ಪ್ರಾರಂಭಿಸಿ. 
  4. ಒಂದು ಟೇಬಲ್ ಚಮಚ ತುಪ್ಪ ಸೇರಿಸಿ ಕಂದು ಬಣ್ಣ ಬರುವವರೆಗೆ ಅಥವಾ ಗರಿಗರಿಯಾಗುವವರೆಗೆ ಹುರಿಯಿರಿ. 
  5. ಆಮೇಲೆ ಹಾಲು ಹಾಕಿ ಸಣ್ಣ ಉರಿಯಲ್ಲಿ ಒಮ್ಮೆ ಮಗುಚಿ.
  6. ಕೂಡಲೇ ಸಕ್ಕರೆ ಮತ್ತು ನೀರು ಸೇರಿಸಿ. 
  7. ಸಣ್ಣ ಉರಿಯಲ್ಲಿ, ಬ್ರೆಡ್ ಚೂರುಗಳನ್ನು ಪುಡಿ ಮಾಡುತ್ತ ಚೆನ್ನಾಗಿ ಮಗುಚಿ.
  8. ಒಂದು ಟೇಬಲ್ ಚಮಚ ತುಪ್ಪ ಹಾಕಿ ಮಗುಚುವುದನ್ನು ಮುಂದುವರೆಸಿ. 
  9. ಒಂದೆರಡು ನಿಮಿಷದಲ್ಲಿ, ಹಲ್ವಾ ಮುದ್ದೆಯಂತಾಗುತ್ತದೆ.
  10. ಆಗ ಏಲಕ್ಕಿ ಪುಡಿ ಮತ್ತು ಎರಡು ಟೇಬಲ್ ಚಮಚ ತುಪ್ಪ ಸೇರಿಸಿ, ಸ್ವಲ್ಪ ಹೊತ್ತು ಮಗುಚಿ.  
  11. ಕೊನೆಯಲ್ಲಿ ಹುರಿದ ಗೋಡಂಬಿ ಹಾಕಿ ಮಗುಚಿ. ಸ್ಟವ್ ಆಫ್ ಮಾಡಿ. ಸವಿದು ಆನಂದಿಸಿ. 

ಬುಧವಾರ, ಅಕ್ಟೋಬರ್ 9, 2019

Uddina bonda recipe in Kannada | ಉದ್ದಿನ ಬೋಂಡಾ ಮಾಡುವ ವಿಧಾನ

Uddina bonda recipe in Kannada

Uddina bonda recipe in Kannada | ಉದ್ದಿನ ಬೋಂಡಾ ಮಾಡುವ ವಿಧಾನ

ಉದ್ದಿನ ಬೋಂಡಾ ವಿಡಿಯೋ

ಬೇಕಾಗುವ ಪದಾರ್ಥಗಳು: ( ಅಳತೆ ಕಪ್ = 240 ಎಂಎಲ್ )

  1. 1/2 ಕಪ್ ಉದ್ದಿನಬೇಳೆ 
  2. ಸುಮಾರು 1/4 ಕಪ್ ನೀರು
  3. 1 ಸಣ್ಣಗೆ ಹೆಚ್ಚಿದ ಹಸಿರು ಮೆಣಸಿನಕಾಯಿ
  4. 1 ಟೇಬಲ್ ಚಮಚ ಹೆಚ್ಚಿದ ಕರಿಬೇವಿನ ಎಲೆ 
  5. 1 ಟೀಸ್ಪೂನ್ ಸಣ್ಣಗೆ ಹೆಚ್ಚಿದ ಶುಂಠಿ
  6. 1 ಟೇಬಲ್ ಚಮಚ ಹೆಚ್ಚಿದ ಕೊತ್ತಂಬರಿ ಸೊಪ್ಪು
  7. 2 ಟೇಬಲ್ ಚಮಚ ಹೆಚ್ಚಿದ ತೆಂಗಿನ ಕಾಯಿ
  8. 1 ಟೇಬಲ್ ಚಮಚ ಅಕ್ಕಿ ಹಿಟ್ಟು
  9. ನಿಮ್ಮ ರುಚಿ ಪ್ರಕಾರ ಉಪ್ಪು

ಉದ್ದಿನ ಬೋಂಡಾ ಮಾಡುವ ವಿಧಾನ:

  1. ಉದ್ದಿನಬೇಳೆಯನ್ನು ತೊಳೆದು 2 ಘಂಟೆಗಳ ಕಾಲ ನೆನೆಸಿಡಿ. 
  2. ಉದ್ದಿನಬೇಳೆ ನೆನೆದ ನಂತರ ನೀರು ಬಗ್ಗಿಸಿ. 
  3. ಸ್ವಲ್ಪ ಸ್ವಲ್ಪವೇ ನೀರು ಹಾಕಿ ಮಿಕ್ಸಿಯಲ್ಲಿ ಗಟ್ಟಿಯಾಗಿ ರುಬ್ಬಿಕೊಳ್ಳಿ. ಸುಮಾರು 1/4 ಕಪ್ ನಷ್ಟು ನೀರು ಸೇರಿಸಬಹುದು.
  4. ರುಬ್ಬಿದ ಹಿಟ್ಟನ್ನು ಪಾತ್ರೆಗೆ ಹಾಕಿ.
  5. ನಂತರ ಹೆಚ್ಚಿದ ಹಸಿರುಮೆಣಸಿನಕಾಯಿ, ಕರಿಬೇವಿನ ಸೊಪ್ಪು, ಕೊತ್ತಂಬರಿ ಸೊಪ್ಪು, ಶುಂಠಿ ಮತ್ತು ತೆಂಗಿನಕಾಯಿ ಹಾಕಿ ಕಲಸಿ.
  6. ರುಚಿಗೆ ತಕ್ಕಷ್ಟು ಉಪ್ಪು ಸೇರಿಸಿ ಕಲಸಿ. 
  7. ಬೇಕಾದಲ್ಲಿ ಒಂದು ಟೇಬಲ್ ಚಮಚ ಅಕ್ಕಿ ಹಿಟ್ಟನ್ನು ಸೇರಿಸಿ ಚೆನ್ನಾಗಿ ಕಲಸಿ. ಅಕ್ಕಿ ಹಿಟ್ಟು ಹಾಕಿದಲ್ಲಿ ಬೋಂಡಾ ಎಣ್ಣೆ ಎಳೆಯುವುದಿಲ್ಲ.
  8. ಒಂದು ಬಾಣಲೆಯಲ್ಲಿ ಎಣ್ಣೆ ಬಿಸಿ ಮಾಡಿ. 
  9. ಈಗ ಕೈಗೆ ನೀರು ಮುಟ್ಟಿಸಿಕೊಂಡು, ಸ್ವಲ್ಪ-ಸ್ವಲ್ಪ ಹಿಟ್ಟನ್ನು ಬೋಂಡಾ ಆಕಾರದಲ್ಲಿ ಹಾಕಿ.  ಬಿಸಿ ಎಣ್ಣೆಯಲ್ಲಿ ಕಾಯಿಸಿ.
  10. ಚಟ್ನಿ ಮತ್ತು ಚಹಾ ಅಥವಾ ಕಾಫಿಯೊಂದಿಗೆ ಸವಿದು ಆನಂದಿಸಿ.


Related Posts Plugin for WordPress, Blogger...