ಮಂಗಳವಾರ, ಅಕ್ಟೋಬರ್ 16, 2018

Maragenasu dose recipe in Kannada | ಮರ ಗೆಣಸು ದೋಸೆ ಮಾಡುವ ವಿಧಾನ

Maragenasu dose recipe in Kannada

Maragenasu dose recipe in Kannada | ಮರ ಗೆಣಸು ದೋಸೆ ಮಾಡುವ ವಿಧಾನ 

ಮರ ಗೆಣಸು ದೋಸೆ ವಿಡಿಯೋ

ಬೇಕಾಗುವ ಪದಾರ್ಥಗಳು: ( ಅಳತೆ ಕಪ್ = 240 ಎಂಎಲ್ )

  1. 1 ಕಪ್ ದೋಸೆ ಅಕ್ಕಿ
  2. 1 ಕಪ್ ಕತ್ತರಿಸಿದ ಮರಗೆಣಸು
  3. 1 ಟೀಸ್ಪೂನ್ ಕೊತ್ತಂಬರಿ ಬೀಜ 
  4. 1/2 ಟೀಸ್ಪೂನ್ ಜೀರಿಗೆ 
  5. 1 - 2 ಕೆಂಪು ಮೆಣಸಿನಕಾಯಿ 
  6. 1 ಟೇಬಲ್ ಚಮಚ ಕತ್ತರಿಸಿದ ಕರಿಬೇವು 
  7. 1 ಟೇಬಲ್ ಚಮಚ ಕತ್ತರಿಸಿದ ಕೊತ್ತಂಬರಿ ಸೊಪ್ಪು
  8. ದೊಡ್ಡ ಚಿಟಿಕೆ ಇಂಗು
  9. ಎಣ್ಣೆ ದೋಸೆ ಮಾಡಲು
  10. ಉಪ್ಪು ರುಚಿಗೆ ತಕ್ಕಷ್ಟು

ಮರ ಗೆಣಸು ದೋಸೆ ಮಾಡುವ ವಿಧಾನ:

  1. ಅಕ್ಕಿಯನ್ನು 4 - 5 ಗಂಟೆಗಳ ಕಾಲ ನೀರಿನಲ್ಲಿ ನೆನೆಸಿ.
  2. ಮರಗೆಣಸನ್ನು ಸಿಪ್ಪೆ ತೆಗೆದು ಕತ್ತರಿಸಿಟ್ಟುಕೊಳ್ಳಿ.
  3. ಅಕ್ಕಿ ನೆನೆದ ನಂತರ ನೀರನ್ನು ಬಗ್ಗಿಸಿ ಮಿಕ್ಸಿ ಜಾರಿಗೆ ಹಾಕಿ. 
  4. ಕತ್ತರಿಸಿದ ಮರಗೆಣಸು ಸೇರಿಸಿ. 
  5. ಕೊತ್ತಂಬರಿ, ಜೀರಿಗೆ, ಕೆಂಪು ಮೆಣಸಿನಕಾಯಿ ಹಾಕಿ, ಅಗತ್ಯವಿದ್ದಷ್ಟು ನೀರು ಸೇರಿಸಿ, ಮಿಕ್ಸರ್ ಗ್ರೈಂಡರ್ ನಲ್ಲಿ ನಯವಾಗಿ ಅರೆಯಿರಿ. 
  6. ಅರೆದ ಮೇಲೆ ಒಂದು ಪಾತ್ರೆಗೆ ಹಾಕಿ. ಈಗ ರುಚಿಗೆ ತಕ್ಕಷ್ಟು ಉಪ್ಪು ಸೇರಿಸಿ. ಮತ್ತು ಅಗತ್ಯವಿದ್ದಷ್ಟು ನೀರು ಸೇರಿಸಿ. ಹಿಟ್ಟು ತೆಳುವಾದ ಮಿಲ್ಕ್ ಶೇಕ್ ನಂತಿರಲಿ. 
  7. ಹಿಟ್ಟಿಗೆ ಕತ್ತರಿಸಿದ ಕರಿಬೇವು, ಕೊತ್ತಂಬರಿ ಸೊಪ್ಪು ಮತ್ತು ಇಂಗು ಸೇರಿಸಿ. 
  8. ದೋಸೆ ಕಲ್ಲು ಅಥವಾ ಹಂಚನ್ನು ಬಿಸಿ ಮಾಡಿ. ಒಂದು ಸೌಟು ದೋಸೆ ಹಿಟ್ಟನ್ನು ಸೌಟಿನಿಂದ ಸುರಿದು ದೋಸೆ ಮಾಡಿ. 
  9. ಮುಚ್ಚಳವನ್ನು ಮುಚ್ಚಿ ಬೇಯಿಸಿ. ನಂತರ, ಮೇಲಿನಿಂದ ಎಣ್ಣೆ ಅಥವಾ ತುಪ್ಪ ಹಾಕಿ. ದೋಸೆ ಸಟ್ಟುಗ ಉಪಯೋಗಿಸಿ ದೋಸೆಯನ್ನು ತೆಗೆಯಿರಿ. ಬಿಸಿ ಬಿಸಿ ದೋಸೆಯನ್ನು ಬೆಣ್ಣೆ ಮತ್ತು ಚಟ್ನಿಯೊಂದಿಗೆ ಬಡಿಸಿ. 

ಬುಧವಾರ, ಅಕ್ಟೋಬರ್ 10, 2018

Baby potato snacks recipe in Kannada | ಬೇಬಿ ಪೊಟಾಟೋ ಸ್ನಾಕ್ಸ್ ಮಾಡುವ ವಿಧಾನ

Baby potato snacks recipe in Kannada

Baby potato snacks recipe in Kannada | ಬೇಬಿ ಪೊಟಾಟೋ ಸ್ನಾಕ್ಸ್ ಮಾಡುವ ವಿಧಾನ

ಬೇಬಿ ಪೊಟಾಟೋ ಸ್ನಾಕ್ಸ್ ಮಾಡುವ ವಿಧಾನ ವಿಡಿಯೋ

ಬೇಕಾಗುವ ಪದಾರ್ಥಗಳು:( ಅಳತೆ ಕಪ್ = 240 ಎಂಎಲ್)

  1. 250gm ಬೇಬಿ ಪೊಟಾಟೋ ಅಥವಾ ಎಳೇ ಆಲೂಗಡ್ಡೆ
  2. 1/2 - 1 ಟೀಸ್ಪೂನ್ ಅಚ್ಚ ಖಾರದ ಪುಡಿ 
  3. 1 ಟೀಸ್ಪೂನ್ ಧನಿಯಾ ಪುಡಿ 
  4. 1/4 ಟೀಸ್ಪೂನ್ ಜೀರಿಗೆ ಪುಡಿ 
  5. 1/2 ಟೀಸ್ಪೂನ್ ಚಾಟ್ ಮಸಾಲಾ
  6. ಒಂದು ದೊಡ್ಡ ಚಿಟಿಕೆ ಅರಿಶಿನ ಪುಡಿ 
  7. ಒಂದು ದೊಡ್ಡ ಚಿಟಿಕೆ ಇಂಗು 
  8. ಉಪ್ಪು ರುಚಿಗೆ ತಕ್ಕಷ್ಟು
  9. 4 - 5 ಕರಿಬೇವಿನ ಎಲೆ 
  10. 1 ಟೇಬಲ್ ಚಮಚ ಅಡುಗೆ ಎಣ್ಣೆ 

ಬೇಬಿ ಪೊಟಾಟೋ ಸ್ನಾಕ್ಸ್ ಮಾಡುವ ವಿಧಾನ:

  1. ಬೇಬಿ ಪೊಟಾಟೋವನ್ನು ತೊಳೆದು, ಒಂದು ಕುಕ್ಕರ್ನಲ್ಲಿ ಹಾಕಿ, ಅಗತ್ಯವಿದ್ದಷ್ಟು ನೀರು ಸೇರಿಸಿ, ಬೇಯಿಸಿಕೊಳ್ಳಿ. ಕುಕ್ಕರ್ ನಲ್ಲಿಎರಡು ವಿಷಲ್ ಮಾಡಿದರೆ ಸಾಕು. 
  2. ನಂತ್ರ ಸಿಪ್ಪೆ ತೆಗೆದಿಟ್ಟು ಕೊಳ್ಳಿ. 
  3. ಒಂದು ಬಾಣಲೆಯಲ್ಲಿ ಎಣ್ಣೆ ಬಿಸಿ ಮಾಡಿ. ಕರಿಬೇವು ಸೇರಿಸಿ. 
  4. ಅದಕ್ಕೆ ಸಿಪ್ಪೆ ತೆಗೆದ ಆಲೂಗಡ್ಡೆ ಸೇರಿಸಿ, ಎರಡು ನಿಮಿಷ ಹುರಿಯಿರಿ. 
  5. ಆಮೇಲೆ ಅಚ್ಚ ಖಾರದ ಪುಡಿ, ಧನಿಯಾ ಪುಡಿ, ಜೀರಿಗೆ ಪುಡಿ ಮತ್ತು ಚಾಟ್ ಮಸಾಲಾ ಸೇರಿಸಿ. 
  6. ಅರಿಶಿನ ಪುಡಿ, ಇಂಗು ಮತ್ತು ಉಪ್ಪನ್ನೂ ಸೇರಿಸಿ. 
  7. ಸಣ್ಣ ಉರಿಯಲ್ಲಿ ಒಂದೈದು ನಿಮಿಷ ಮಗುಚಿ. ಸ್ಟವ್ ಆಫ್ ಮಾಡಿ.  ಟೊಮೇಟೊ ಸಾಸ್ ನೊಂದಿಗೆ ಸವಿದು ಆನಂದಿಸಿ. ಅನ್ನ ಅಥವಾ ಚಪಾತಿಯೊಂದಿಗೂ ಬಡಿಸಬಹುದು. 

ಸೋಮವಾರ, ಅಕ್ಟೋಬರ್ 8, 2018

Kitchen tips and tricks in kannada | ಅಡುಗೆಮನೆಯ ಉಪಯುಕ್ತ ಸಲಹೆಗಳು

Kitchen tips and tricks in kannada

Kitchen tips and tricks in kannada | ಅಡುಗೆಮನೆಯ ಉಪಯುಕ್ತ ಸಲಹೆಗಳು

ಅಡುಗೆಮನೆಯ ಉಪಯುಕ್ತ ಸಲಹೆಗಳು

ಅಡುಗೆಮನೆಯ ಉಪಯುಕ್ತ ಸಲಹೆಗಳು:

  1. ಹಸಿರುಮೆಣಸಿನಕಾಯಿಯನ್ನು ಕತ್ತರಿಯಲ್ಲಿ ಕತ್ತರಿಸಿ. ಇದರಿಂದ ಕೈ ಉರಿಯುವುದಿಲ್ಲ. 
  2. ನಿಂಬೆ ಹಣ್ಣನ್ನು ಚೆನ್ನಾಗಿ ತಿಕ್ಕಿ, ತೊಳೆದು ಆಮೇಲೆ ರಸ ತೆಗೆದರೆ, ರಸ ತೆಗೆಯಲೂ ಸುಲಭ ಮತ್ತು ಹೆಚ್ಚು ರಸವೂ ಬರುತ್ತದೆ. 
  3. ಶುಂಠಿ ಸಿಪ್ಪೆಯನ್ನು ಚಮಚದಲ್ಲಿ ತೆಗೆಯಿರಿ. 
  4. ಶುಂಠಿಯನ್ನು ಸಣ್ಣಗೆ ಕತ್ತರಿಸಲು, ತುರಿಯಿರಿ ಅಥವಾ ತೆಳುವಾದ ಚಕ್ರಮಾಡಿಕೊಂಡು ಜಜ್ಜಿ. 
  5. ಸಕ್ಕರೆಗೆ ಇರುವೆ ಬರದಿರಲು ನಾಲ್ಕೈದು ಲವಂಗ ಹಾಕಿ ಇಡೀ. 
  6. ಈರುಳ್ಳಿ ಭಾಗ ಮಾಡಿ, ಸಿಪ್ಪೆ ತೆಗೆದು, ಒಮ್ಮೆ ನೀರಿನಲ್ಲಿ ತೊಳೆದು, ಆಮೇಲೆ ಕತ್ತರಿಸುವುದರಿಂದ ಕಣ್ಣೀರು ಬರುವುದಿಲ್ಲ. 
  7. ಬೆಳ್ಳುಳ್ಳಿ ಗಡ್ಡೆಯನ್ನು ಚೆನ್ನಾಗಿ ಗುದ್ದಿದಲ್ಲಿ ಸಿಪ್ಪೆ ತೆಗೆಯಲು ಸುಲಭವಾಗುತ್ತದೆ (ಮೇಲೆ ಹಾಕಿದ ವಿಡಿಯೋ ನೋಡಿ)
  8. ಬೆಳ್ಳುಳ್ಳಿ ಬೇಳೆಯನ್ನು ಬಿಸಿ ನೀರಿಗೆ ಹಾಕಿ, ಒಂದೆರಡು ನಿಮಿಷ ಬಿಟ್ಟರೆ, ಸುಲಭವಾಗಿ ಸಿಪ್ಪೆ ತೆಗೆಯಬಹುದು. 

Related Posts Plugin for WordPress, Blogger...