ಬುಧವಾರ, ಜುಲೈ 11, 2018

Onion chutney recipe in Kannada | ಈರುಳ್ಳಿ ಚಟ್ನಿ ಮಾಡುವ ವಿಧಾನ

Onion chutney recipe in Kannada

Onion chutney recipe in Kannada | ಈರುಳ್ಳಿ ಚಟ್ನಿ ಮಾಡುವ ವಿಧಾನ

ಈರುಳ್ಳಿ ಚಟ್ನಿ ವಿಡಿಯೋ

ಬೇಕಾಗುವ ಪದಾರ್ಥಗಳು: ( ಅಳತೆ ಕಪ್ = 240 ಎಂಎಲ್ )

  1. 2 ಮಧ್ಯಮ ಗಾತ್ರದ ಈರುಳ್ಳಿ
  2. 1 ಮಧ್ಯಮ ಗಾತ್ರದ ಟೊಮೇಟೊ ಅಥವಾ ಸಣ್ಣ ನಿಂಬೆಗಾತ್ರದ ಹುಣಿಸೇಹಣ್ಣು
  3. 2 - 4 ಒಣಮೆಣಸಿನಕಾಯಿ 
  4. 2 ಟೀಸ್ಪೂನ್ ಕಡ್ಲೆಬೇಳೆ 
  5. 2 ಟೀಸ್ಪೂನ್ ಉದ್ದಿನಬೇಳೆ
  6. 1 ಟೇಬಲ್ ಚಮಚ ಕೊತ್ತಂಬರಿ ಸೊಪ್ಪು
  7. 4 - 5 ಕರಿಬೇವಿನ ಎಲೆ
  8. ಒಂದು ದೊಡ್ಡ ಚಿಟಿಕೆ ಅರಿಶಿನ
  9. ಗೋಲಿಗಾತ್ರದ ಬೆಲ್ಲ 
  10. ಉಪ್ಪು ರುಚಿಗೆ ತಕ್ಕಷ್ಟು
  11. 2 ಚಮಚ ಅಡುಗೆ ಎಣ್ಣೆ

ಒಗ್ಗರಣೆಗೆ ಬೇಕಾಗುವ ಪದಾರ್ಥಗಳು:

  1. 1 ಒಣ ಮೆಣಸಿನಕಾಯಿ
  2. 1/2 ಟೀಸ್ಪೂನ್ ಸಾಸಿವೆ
  3. 1/2 ಟೀಸ್ಪೂನ್ ಉದ್ದಿನಬೇಳೆ
  4. 4 - 5 ಕರಿಬೇವಿನ ಎಲೆ
  5. 2 ಟೇಬಲ್ ಚಮಚ ಅಡುಗೆ ಎಣ್ಣೆ

ಈರುಳ್ಳಿ ಚಟ್ನಿ ಮಾಡುವ ವಿಧಾನ:

  1. ಟೊಮೇಟೊ ಮತ್ತು ಈರುಳ್ಳಿಯನ್ನು ಕತ್ತರಿಸಿಟ್ಟುಕೊಳ್ಳಿ. 
  2. ಒಂದು ಬಾಣಲೆಯಲ್ಲಿ ಎರಡು ಚಮಚ ಎಣ್ಣೆ ಬಿಸಿ ಮಾಡಿ. 
  3. ಒಣಮೆಣಸು, ಕಡ್ಲೆಬೇಳೆ ಮತ್ತು ಉದ್ದಿನಬೇಳೆ ಹಾಕಿ ಬೇಳೆ ಕಂದುಬಣ್ಣಕ್ಕೆ ಬರುವವರೆಗೆ ಹುರಿಯಿರಿ. 
  4. ನಂತ್ರ ಕತ್ತರಿಸಿದ ಈರುಳ್ಳಿ, ಕೊತ್ತಂಬರಿ ಸೊಪ್ಪು ಮತ್ತು ಕರಿಬೇವು ಹಾಕಿ. ಈರುಳ್ಳಿ ಹಾಕಿ ಮೆತ್ತಗಾಗುವವರೆಗೆ ಹುರಿಯಿರಿ. 
  5. ಆಮೇಲೆ ಕತ್ತರಿಸಿದ ಟೊಮೇಟೊ ಹಾಕಿ ಹುರಿಯಿರಿ. ಟೊಮೇಟೊ ಬದಲು ಹುಣಿಸೆರಸ ಹಾಕಬಹುದು. 
  6. ಉಪ್ಪು, ಬೆಲ್ಲ ಮತ್ತು ಅರಿಶಿನ ಸೇರಿಸಿ, ಟೊಮೇಟೊ ಮೆತ್ತಗಾಗುವವರೆಗೆ ಬೇಯಿಸಿ. 
  7. ಬಿಸಿ ಆರಿದ ಮೇಲೆ ಮಿಕ್ಸಿಯಲ್ಲಿ ಅರೆದಿಟ್ಟುಕೊಳ್ಳಿ. 
  8. ಕೊನೆಯಲ್ಲಿ ಮೆಣಸಿನಕಾಯಿ, ಎಣ್ಣೆ, ಸಾಸಿವೆ, ಉದ್ದಿನಬೇಳೆ ಮತ್ತು ಕರಿಬೇವಿನ ಒಗ್ಗರಣೆಯನ್ನು ಮಾಡಿ. 
  9. ದೋಸೆ ಅಥವಾ ಇಡ್ಲಿಯೊಂದಿಗೆ ಬಡಿಸಿ. 

ಮಂಗಳವಾರ, ಜುಲೈ 10, 2018

Karjoora milkshake recipe in Kannada | ಖರ್ಜೂರ ಮಿಲ್ಕ್ ಶೇಕ್ ಮಾಡುವ ವಿಧಾನ

Karjoora milkshake recipe in Kannada

Karjoora milkshake recipe in Kannada | ಖರ್ಜೂರ ಮಿಲ್ಕ್ ಶೇಕ್ ಮಾಡುವ ವಿಧಾನ 

ಖರ್ಜೂರ ಮಿಲ್ಕ್ ಶೇಕ್ ವಿಡಿಯೋ

ಬೇಕಾಗುವ ಪದಾರ್ಥಗಳು - ವಿಧಾನ ೧:( ಅಳತೆ ಕಪ್ = 240 ಎಂಎಲ್ )

  1. 3 - 4 ಖರ್ಜೂರ
  2. 1 ಏಲಕ್ಕಿ 
  3. 1 ಕಪ್ ಹಾಲು

ಬೇಕಾಗುವ ಪದಾರ್ಥಗಳು - ವಿಧಾನ ೨:( ಅಳತೆ ಕಪ್ = 240 ಎಂಎಲ್ )

  1. 3 - 4 ಖರ್ಜೂರ
  2. 1 ಸಣ್ಣ ಅಥವಾ 1/2 ದೊಡ್ಡ ಬಾಳೆಹಣ್ಣು 
  3. 1 ಕಪ್ ಹಾಲು

ಬೇಕಾಗುವ ಪದಾರ್ಥಗಳು - ವಿಧಾನ ೧:( ಅಳತೆ ಕಪ್ = 240 ಎಂಎಲ್ )

  1. 3 - 4 ಖರ್ಜೂರ
  2. 4 - 5 ಗೋಡಂಬಿ 
  3. 4 - 5 ಸಿಪ್ಪೆ ತೆಗೆದ ಬಾದಾಮಿ
  4. ಸಣ್ಣ ಚೂರು ಚಕ್ಕೆ 
  5. 1 ಕಪ್ ಹಾಲು

ಖರ್ಜೂರ ಮಿಲ್ಕ್ ಶೇಕ್ ಮಾಡುವ ವಿಧಾನ ೧:

  1. ಖರ್ಜೂರ ಮತ್ತು ಏಲಕ್ಕಿಯನ್ನು ಸ್ವಲ್ಪ ಹಾಲು ಹಾಕಿ ಅರೆಯಿರಿ. 
  2. ಆಮೇಲೆ ಉಳಿದ ಹಾಲು ಹಾಕಿ ಒಂದೆರಡು ಸುತ್ತು ಅರೆದು ಕುಡಿಯಲು ನೀಡಿ. 

ಖರ್ಜೂರ ಮಿಲ್ಕ್ ಶೇಕ್ ಮಾಡುವ ವಿಧಾನ ೨:

  1. ಖರ್ಜೂರವನ್ನು ಸ್ವಲ್ಪ ಹಾಲು ಹಾಕಿ ಅರೆಯಿರಿ. 
  2. ಆಮೇಲೆ ಬಾಳೆಹಣ್ಣು ಮತ್ತು ಉಳಿದ ಹಾಲು ಹಾಕಿ ಅರೆದು ಕುಡಿಯಲು ನೀಡಿ. 

ಖರ್ಜೂರ ಮಿಲ್ಕ್ ಶೇಕ್ ಮಾಡುವ ವಿಧಾನ ೩:

  1. ಖರ್ಜೂರ, ಗೋಡಂಬಿ, ಬಾದಾಮಿ ಮತ್ತು ಚಕ್ಕೆಯನ್ನು ಸ್ವಲ್ಪ ಹಾಲು ಹಾಕಿ ಅರೆಯಿರಿ. 
  2. ಆಮೇಲೆ ಉಳಿದ ಹಾಲು ಹಾಕಿ ಒಂದೆರಡು ಸುತ್ತು ಅರೆದು ಕುಡಿಯಲು ನೀಡಿ. 

ಶನಿವಾರ, ಜುಲೈ 7, 2018

Tomato murukku recipe in Kannada | ಟೊಮೇಟೊ ಮುರುಕ್ಕು ಮಾಡುವ ವಿಧಾನ

Tomato murukku recipe in Kannada

Tomato murukku recipe in Kannada | ಟೊಮೇಟೊ ಮುರುಕ್ಕು ಮಾಡುವ ವಿಧಾನ

ಬೇಕಾಗುವ ಪದಾರ್ಥಗಳು:( ಅಳತೆ ಕಪ್ = 240 ಎಂಎಲ್ )

  1. 1 ಕಪ್ ಅಕ್ಕಿ ಹಿಟ್ಟು 
  2. 1/4 ಕಪ್ ಹುರಿಗಡಲೆ ಅಥವಾ ಪುಟಾಣಿ
  3. 1/4 ಕಪ್ ಕಡ್ಲೆಹಿಟ್ಟು
  4. 2 ಮಧ್ಯಮ ಗಾತ್ರದ ಟೊಮೇಟೊ
  5. 1 ಟೀ ಸ್ಪೂನ್ ಅಚ್ಚಖಾರದ ಪುಡಿ
  6. 1 ಟೀ ಸ್ಪೂನ್ ಜೀರಿಗೆ ಅಥವಾ 1/2 ಟೀ ಸ್ಪೂನ್ ಜೀರಿಗೆ ಪುಡಿ
  7. ದೊಡ್ಡ ಚಿಟಿಕೆ ಇಂಗು
  8. ಒಂದು ಲಿಂಬೆಹಣ್ಣಿನ ಗಾತ್ರದ ಬೆಣ್ಣೆ 
  9. ಉಪ್ಪು ರುಚಿಗೆ ತಕ್ಕಷ್ಟು 
  10. ಎಣ್ಣೆ ಕಾಯಿಸಲು

ಟೊಮೇಟೊ ಮುರುಕ್ಕು ಮಾಡುವ ವಿಧಾನ:

  1. ಹುರಿಗಡಲೆಯನ್ನು ಮಿಕ್ಸಿಜಾರಿನಲ್ಲಿ ಹಾಕಿ ನುಣ್ಣನೆ ಪುಡಿಮಾಡಿ ಕೊಳ್ಳಿ. 
  2. ನಂತರ ಟೊಮ್ಯಾಟೊವನ್ನು ಮಿಕ್ಸಿಜಾರಿನಲ್ಲಿ ನೀರು ಹಾಕದೆ ಅರೆದಿಟ್ಟುಕೊಳ್ಳಿ. 
  3. ಒಂದು ಅಗಲವಾದ ಪಾತ್ರೆಯಲ್ಲಿ ಅಕ್ಕಿ ಹಿಟ್ಟನ್ನು ತೆಗೆದುಕೊಳ್ಳಿ. 
  4. ಅದಕ್ಕೆ 2 - 3 ಟೇಬಲ್ ಚಮಚ ಹುರಿಗಡಲೆ ಹಿಟ್ಟು ಸೇರಿಸಿ. 
  5. ನಂತ್ರ ಕಡ್ಲೆಹಿಟ್ಟು ಸೇರಿಸಿ. 
  6. ಆಮೇಲೆ ಖಾರದಪುಡಿ, ಜೀರಿಗೆ ಪುಡಿ, ಇಂಗು ಮತ್ತು ಉಪ್ಪು ಹಾಕಿ.
  7. ಬೆಣ್ಣೆ ಸೇರಿಸಿ, ಚೆನ್ನಾಗಿ ತಿಕ್ಕಿ ಕಲಸಿ. 
  8. ಸ್ವಲ್ಪ ಸ್ವಲ್ಪವೇ ಟೊಮೇಟೊ ಪೇಸ್ಟ್ ಸೇರಿಸಿ, ಗಟ್ಟಿ ಆದರೆ ಮೃದುವಾದ ಹಿಟ್ಟನ್ನು ಸಿದ್ಧ ಪಡಿಸಿಕೊಳ್ಳಿ. ಚಕ್ಕುಲಿ ಒತ್ತಲು ಆಗುವಷ್ಟು ಮೆತ್ತಗಿದ್ದರೆ ಸಾಕು. 
  9. ಎಣ್ಣೆ ಬಿಸಿ ಮಾಡಿ. 
  10. ಚಕ್ಕುಲಿ ಅಚ್ಚನ್ನು ಉಪಯೋಗಿಸಿ ಮುರುಕ್ಕನ್ನು ನೇರವಾಗಿ ಬಿಸಿ ಎಣ್ಣೆಗೆ ಒತ್ತಿ.  ಮಧ್ಯಮ ಉರಿಯಲ್ಲಿ ಕಾಯಿಸಿ. ಸ್ವರ ಅಥವಾ ಗುಳ್ಳೆಗಳು ನಿಂತ ಮೇಲೆ ತೆಗೆಯಿರಿ.
Related Posts Plugin for WordPress, Blogger...