ಬುಧವಾರ, ಮಾರ್ಚ್ 21, 2018

Halasina beejada palya recipe in Kannada | ಹಲಸಿನ ಬೀಜದ ಪಲ್ಯ ಮಾಡುವ ವಿಧಾನ

Halasina beejada palya recipe in Kannada

Halasina beejada palya recipe in Kannada | ಹಲಸಿನ ಬೀಜದ ಪಲ್ಯ ಮಾಡುವ ವಿಧಾನ 

ಬೇಕಾಗುವ ಪದಾರ್ಥಗಳು: ( ಅಳತೆ ಕಪ್ = 240 ಎಂಎಲ್ )

  1. 1 ಸಣ್ಣ ಬಟ್ಟಲು ಹಲಸಿನ ಬೀಜ
  2. 1/2 ಟೀಸ್ಪೂನ್ ಸಾಸಿವೆ
  3. 1/2 ಟೀಸ್ಪೂನ್ ಜೀರಿಗೆ
  4. 1 ದೊಡ್ಡ ಚಿಟಿಕೆ ಅರಿಶಿನ ಪುಡಿ
  5. 1 ದೊಡ್ಡ ಚಿಟಿಕೆ ಇಂಗು
  6. 1 - 2 ಹಸಿ ಮೆಣಸಿನಕಾಯಿ
  7. 4 - 5 ಕರಿಬೇವಿನ ಎಲೆ
  8. 1/2 ಟೀಸ್ಪೂನ್ ಹೆಚ್ಚಿದ ಶುಂಠಿ
  9. 1 ದೊಡ್ಡ ಈರುಳ್ಳಿ
  10. 4 ಟೀಸ್ಪೂನ್ ಅಡುಗೆ ಎಣ್ಣೆ
  11. ಉಪ್ಪು ರುಚಿಗೆ ತಕ್ಕಷ್ಟು
  12. 2 ಟೇಬಲ್ ಚಮಚ ತೆಂಗಿನತುರಿ
  13. 1 ಟೇಬಲ್ ಚಮಚ ಕೊತ್ತಂಬರಿ ಸೊಪ್ಪು

ಹಲಸಿನ ಬೀಜದ ಪಲ್ಯ ಮಾಡುವ ವಿಧಾನ:

  1. ಹಲಸಿನಬೀಜವನ್ನು ಹಗುರವಾಗಿ ಜಜ್ಜಿ, ಸಿಪ್ಪೆ ತೆಗೆಯಿರಿ. ಬೀಜ ಒಣಗಿದಲ್ಲಿ ಸಿಪ್ಪೆ ತೆಗೆಯುವುದು ಸುಲಭ. 
  2. ಆಮೇಲೆ ತೊಳೆದು, ಕತ್ತರಿಸಿಕೊಳ್ಳಿ. 
  3. ಅಗತ್ಯವಿದ್ದಷ್ಟು ನೀರು, ಸ್ವಲ್ಪ ಉಪ್ಪು ಮತ್ತು ಚಿಟಿಕೆ ಅರಿಶಿನ ಸೇರಿಸಿ ಬೇಯಿಸಿ.
  4. ಒಂದು ಬಾಣಲೆಯಲ್ಲಿ ಎಣ್ಣೆ ಬಿಸಿ ಮಾಡಿ. ಸಾಸಿವೆ, ಜೀರಿಗೆ ಹಾಕಿ. ಬೇಕಾದಲ್ಲಿ ಒಣಮೆಣಸು ಮತ್ತು ಉದ್ದಿನಬೇಳೆ ಹಾಕಬಹುದು. 
  5. ಸಾಸಿವೆ ಸಿಡಿದ ಕೂಡಲೇ ಅರಶಿನ ಮತ್ತು ಇಂಗು ಸೇರಿಸಿ. 
  6. ಸೀಳಿದ ಹಸಿಮೆಣಸಿನಕಾಯಿ ಮತ್ತು ಕರಿಬೇವಿನ ಎಲೆ ಹಾಕಿ ಒಗ್ಗರಣೆ ತಯಾರಿಸಿಕೊಳ್ಳಿ. 
  7. ನಂತ್ರ ಸಣ್ಣಗೆ ಹೆಚ್ಚಿದ ಈರುಳ್ಳಿ ಹಾಕಿ ಚೆನ್ನಾಗಿ ಬಾಡಿಸಿ. 
  8. ಅದಕ್ಕೆ ಬೇಯಿಸಿದ ಹಲಸಿನಬೀಜ ಹಾಕಿ. ಹೆಚ್ಚಿನ ನೀರನ್ನು ಬಸಿದು ತೆಗೆಯಬಹುದು. ನಾನು ಸ್ವಲ್ಪ ನೀರು ಹಾಕಿದ ಕರಣ ಬಸಿಯಲಿಲ್ಲ. 
  9. ಪುಡಿ ಉಪ್ಪು ನಿಮ್ಮ ರುಚಿಗೆ ತಕ್ಕಂತೆ ಸೇರಿಸಿ. ಚೆನ್ನಾಗಿ ಮಗುಚಿ. 
  10. ಕೊನೆಯಲ್ಲಿ ತೆಂಗಿನತುರಿ ಮತ್ತು ಕೊತ್ತಂಬರಿ ಸೊಪ್ಪನ್ನು ಉದುರಿಸಿ. ಒಮ್ಮೆ ಮಗುಚಿ. ಸ್ಟೋವ್ ಆಫ್ ಮಾಡಿ. ಚಪಾತಿ ಅಥವಾ ಬಿಸಿ ಅನ್ನದೊಂದಿಗೆ ಬಡಿಸಿ. ಉಪ್ಪು ಕಡಿಮೆ ಹಾಕಿದಲ್ಲಿ ಹಾಗೇ ತಿನ್ನಬಹುದು. 

ಕಾಮೆಂಟ್‌ಗಳಿಲ್ಲ:

ಕಾಮೆಂಟ್‌‌ ಪೋಸ್ಟ್‌ ಮಾಡಿ

Related Posts Plugin for WordPress, Blogger...