Sorekai payasa recipe in Kannada | ಸೋರೆಕಾಯಿ ಪಾಯಸ ಮಾಡುವ ವಿಧಾನ

Sorekai payasa recipe in Kannada | ಸೋರೆಕಾಯಿ ಪಾಯಸ ಮಾಡುವ ವಿಧಾನ 

ಬೇಕಾಗುವ ಪದಾರ್ಥಗಳು: (ಅಳತೆ ಕಪ್ = 240 ಎಂ ಎಲ್)

1. 1 ಕಪ್ ತುರಿದ ಸೋರೆಕಾಯಿ
2. 2 ಲಿಂಬೆಹಣ್ಣಿನ ಗಾತ್ರದ ಬೆಲ್ಲ (ಅಥವಾ ನಿಮ್ಮ ರುಚಿ ಪ್ರಕಾರ)
3. 1/2 ಕಪ್ ತೆಂಗಿನತುರಿ
4. 1 ಟೇಬಲ್ ಚಮಚ ತುಪ್ಪ
5. 5-6 ಗೋಡಂಬಿ
6. 8-10 ಒಣದ್ರಾಕ್ಷಿ
7. ಒಂದು ಏಲಕ್ಕಿ
8. ಒಂದು ಚಿಟಿಕೆ ಉಪ್ಪು

ಸೋರೆಕಾಯಿ ಪಾಯಸ ಮಾಡುವ ವಿಧಾನ:

1. ಸೋರೆಕಾಯಿಯನ್ನು ಸಿಪ್ಪೆ ತೆಗೆದು, ತೊಳೆದು ತುರಿದುಕೊಳ್ಳಿ. 
2. ಸೋರೆಕಾಯಿ ತುರಿಯನ್ನು ಒಂದು ಪಾತ್ರೆಗೆ ಹಾಕಿ, ಒಂದು ಚಿಟಿಕೆ ಉಪ್ಪು ಹಾಕಿ, 1 ಕಪ್ ನೀರು ಹಾಕಿ ಕುದಿಯಲು ಇಡೀ. 
3. ಕುದಿಯಲು ಪ್ರಾರಂಭವಾದ ಕೂಡಲೇ, ಮುಚ್ಚಳ ಮುಚ್ಚಿ ಸಣ್ಣ ಉರಿಯಲ್ಲಿ ಬೇಯಿಸಿ. 
4. ಆಮೇಲೆ ಬೆಲ್ಲ ಹಾಕಿ ಬೇಯಿಸುವುದನ್ನು ಮುಂದುವರೆಸಿ.
5. ಆ ಸಮಯದಲ್ಲಿ ಒಂದು ಮಿಕ್ಸಿ ಜಾರಿನಲ್ಲಿ ತೆಂಗಿನತುರಿ, ಏಲಕ್ಕಿ ಮತ್ತು ತೊಳೆದ ಅಕ್ಕಿ ಹಾಕಿ. ಅಗತ್ಯವಿದ್ದಷ್ಟು ನೀರು ಸೇರಿಸಿ ನುಣ್ಣಗೆ ಅರೆಯಿರಿ.  ಬೇಕಾದಲ್ಲಿ ಕಾಯಿಹಾಲು ತೆಗೆದು ಹಾಕಬಹುದು. 
6. ಅದನ್ನು ಬೇಯಿಸಿದ ಸೋರೆಕಾಯಿಗೆ ಹಾಕಿ ಆಗಾಗ್ಯೆ ಮಗುಚುತ್ತಾ ಕುದಿಸಿ. ಸ್ಟವ್ ಆಫ್ ಮಾಡಿ. 
7. ನಂತರ ತುಪ್ಪದಲ್ಲಿ ಹುರಿದ ಗೋಡಂಬಿ ಮತ್ತು ಒಣದ್ರಾಕ್ಷಿಯನ್ನು ತುಪ್ಪದ ಸಮೇತ ಸೇರಿಸಿ. ರುಚಿಕರ ಪಾಯಸವನ್ನು ಬಿಸಿ ಅಥವಾ ತಣ್ಣಗೆ ಸವಿಯಿರಿ.

To see step by step pictures click here (ಹಂತ ಹಂತವಾದ ಚಿತ್ರ ವೀಕ್ಷಿಸಲು ಇಲ್ಲಿ ಕ್ಲಿಕ್ಕಿಸಿ)

Genasina chutney recipe in Kannada | ಗೆಣಸಿನ ಚಟ್ನಿ ಮಾಡುವ ವಿಧಾನ

Genasina chutney recipe in Kannada | ಗೆಣಸಿನ ಚಟ್ನಿ ಮಾಡುವ ವಿಧಾನ

ಬೇಕಾಗುವ ಪದಾರ್ಥಗಳು: ( ಅಳತೆ ಕಪ್ = 240 ಎಂಎಲ್ )

1. ಒಂದು ಸಣ್ಣ ಗಾತ್ರದ ಗೆಣಸು
2. 1/2 ಕಪ್ ತೆಂಗಿನ ತುರಿ
3. 1 - 2 ಒಣ ಮೆಣಸಿನಕಾಯಿ
4. 2 ಟೀಸ್ಪೂನ್ ಉದ್ದಿನ ಬೇಳೆ
5. ದೊಡ್ಡ ಚಿಟಿಕೆ ಇಂಗು
6. 1 ಟೀಸ್ಪೂನ್ ಬೆಲ್ಲ (ಬೇಕಾದಲ್ಲಿ)
7. ಸಣ್ಣ ಗೋಲಿ ಗಾತ್ರದ ಹುಣಿಸೇಹಣ್ಣು 
8. 1/2 ಟೀಸ್ಪೂನ್ ಅಡುಗೆ ಎಣ್ಣೆ
9. ಉಪ್ಪು ರುಚಿಗೆ ತಕ್ಕಷ್ಟು.

ಒಗ್ಗರಣೆಗೆ ಬೇಕಾಗುವ ಪದಾರ್ಥಗಳು:

1. 1 ಒಣ ಮೆಣಸಿನಕಾಯಿ
2. 1/4 ಟೀಸ್ಪೂನ್ ಸಾಸಿವೆ
3. 4 ಕರಿಬೇವಿನ ಎಲೆ 
4. ಚಿಟಿಕೆ ಇಂಗು
5. 2 ಟೀಸ್ಪೂನ್ ಅಡುಗೆ ಎಣ್ಣೆ

ಗೆಣಸಿನ ಚಟ್ನಿ ಮಾಡುವ ವಿಧಾನ:

1. ಗೆಣಸನ್ನು ಸ್ವಚ್ಛ ಮಾಡಿ ತುರಿದಿಟ್ಟುಕೊಳ್ಳಿ. 
2. ಒಂದು ಬಾಣಲೆಗೆ ಎಣ್ಣೆ, ಒಣ ಮೆಣಸಿನಕಾಯಿ ಮತ್ತು ಉದ್ದಿನಬೇಳೆ ಹಾಕಿ ಹೊಂಬಣ್ಣ ಬರುವವರೆಗೆ ಹುರಿಯಿರಿ.
3. ಕೊನೆಯಲ್ಲಿ ಇಂಗು ಸೇರಿಸಿ ಹುರಿಯಿರಿ. 
4. ಕೂಡಲೇ ತುರಿದಿಟ್ಟ ಗೆಣಸು ಹಾಕಿ ಒಂದೆರಡು ನಿಮಿಷ ಹುರಿಯಿರಿ. ಬೇಕಾದಲ್ಲಿ ಹುರಿಯಬಹುದು ಅಥವ ಹಾಗೆ ಹಾಕಬಹುದು. 
5. ತೆಂಗಿನ ತುರಿ ಸೇರಿಸಿ, ಮಗುಚಿ, ಸ್ಟವ್ ಆಫ್ ಮಾಡಿ. 
6. ಉಪ್ಪು, ಹುಣಿಸೇಹಣ್ಣು ಮತ್ತು ಬೆಲ್ಲ ಸೇರಿಸಿ. 
7. ಎಲ್ಲವನ್ನು ಮಿಕ್ಸಿ ಜಾರಿಗೆ ಹಾಕಿ. ಅಗತ್ಯವಿದ್ದಷ್ಟು ನೀರು ಸೇರಿಸಿ ಅರೆಯಿರಿ. 
8. ಒಣಮೆಣಸಿನಕಾಯಿ, ಇಂಗು, ಕರಿಬೇವು ಮತ್ತು ಸಾಸಿವೆಯ ಒಗ್ಗರಣೆ ಮಾಡಿ. ದೋಸೆ, ಇಡ್ಲಿ ಅಥವಾ ಅನ್ನದೊಂದಿಗೆ ಬಡಿಸಿ.

To see step by step pictures click here (ಹಂತ ಹಂತವಾದ ಚಿತ್ರ ವೀಕ್ಷಿಸಲು ಇಲ್ಲಿ ಕ್ಲಿಕ್ಕಿಸಿ)

Sorekai bol koddel or sambar recipe in Kannada | ಸೋರೆಕಾಯಿ ಬೋಳು ಕೊದ್ದೆಲ್ ಅಥವಾ ಸಾಂಬಾರ್ ಮಾಡುವ ವಿಧಾನ

Sorekai bol koddel or sambar recipe in Kannada | ಸೋರೆಕಾಯಿ ಬೋಳು ಕೊದ್ದೆಲ್ ಅಥವಾ ಸಾಂಬಾರ್ ಮಾಡುವ ವಿಧಾನ 

ಬೇಕಾಗುವ ಪದಾರ್ಥಗಳು:(ಅಳತೆ ಕಪ್ = 240 ಎಂಎಲ್ )

1. 1 ಮಧ್ಯಮ ಗಾತ್ರದ ಸೋರೆಕಾಯಿ
2. 1/4 ಕಪ್ ತೊಗರಿಬೇಳೆ
3. 1 - 2 ಹಸಿಮೆಣಸು
4. 2 ಟೀಸ್ಪೂನ್ ಬೆಲ್ಲ
5. ಸಣ್ಣ ನೆಲ್ಲಿಕಾಯಿ ಗಾತ್ರದ ಹುಣಿಸೇಹಣ್ಣು
6. 1 ಚಮಚ ಸಾರಿನ ಪುಡಿ ಅಥವಾ ಸಾಂಬಾರ್ ಪುಡಿ
7. 1 ಟೇಬಲ್ ಚಮಚ ಹೆಚ್ಚಿದ ಕೊತ್ತಂಬರಿ ಸೊಪ್ಪು
8. ಉಪ್ಪು ರುಚಿಗೆ ತಕ್ಕಷ್ಟು

ಒಗ್ಗರಣೆಗೆ ಬೇಕಾಗುವ ಪದಾರ್ಥಗಳು:

1. 1 ಕೆಂಪು ಮೆಣಸಿನಕಾಯಿ
2. 1/2 ಟೀಸ್ಪೂನ್ ಸಾಸಿವೆ
3. 1/2 ಟೀಸ್ಪೂನ್ ಜೀರಿಗೆ
4. 4 - 5 ಕರಿಬೇವಿನ ಎಲೆ 
5. 2 ಟೀಸ್ಪೂನ್ ಎಣ್ಣೆ
6. 1/4 ಟೀಸ್ಪೂನ್ ಇಂಗು

ಸೋರೆಕಾಯಿ ಬೋಳು ಕೊದ್ದೆಲ್ ಅಥವಾ ಸಾಂಬಾರ್ ಮಾಡುವ ವಿಧಾನ:

1. ಒಂದು ಕುಕ್ಕರ್ ನಲ್ಲಿ ತೊಗರಿ ಬೇಳೆಯನ್ನು ಹಾಕಿ ತೊಳೆಯಿರಿ. ಅದಕ್ಕೆ ಅಗತ್ಯವಿದ್ದಷ್ಟು ನೀರು, ಅರಶಿನ ಪುಡಿ ಮತ್ತು ಒಂದೆರಡು ಹನಿ ಎಣ್ಣೆ ಹಾಕಿ. 
2. ಮುಚ್ಚಳ ಮುಚ್ಚಿ ಮೆತ್ತಗೆ ಬೇಯಿಸಿ. 
3. ಸೋರೆಕಾಯಿಯನ್ನು ತೊಳೆದು, ಸಿಪ್ಪೆ ತೆಗೆದು ಕತ್ತರಿಸಿ. 
4. ಈಗ ಬೇಳೆಯಿರುವ ಕುಕ್ಕರ್ ಗೆ ಕತ್ತರಿಸಿದ ಸೋರೆಕಾಯಿ ಮತ್ತು ಉಪ್ಪು ಹಾಕಿ ಸೋರೆಕಾಯಿ ಮೆತ್ತಗಾಗುವವರೆಗೆ ಬೇಯಿಸಿ. 
5. ಒತ್ತಡ ಇಳಿದ ನಂತರ ಮುಚ್ಚಳ ತೆರೆದು ಬೆಲ್ಲ, ಹುಣಿಸೆರಸ ಮತ್ತು ಅಗತ್ಯವಿದ್ದಲ್ಲಿ ಉಪ್ಪು ಸೇರಿಸಿ. 
6. ಸಾರಿನಪುಡಿ ಮತ್ತು ಸೀಳಿದ ಹಸಿರುಮೆಣಸಿನಕಾಯಿಯನ್ನು ಹಾಕಿ. 
7. ಅಗತ್ಯವಿದ್ದಲ್ಲಿ ನೀರು ಸೇರಿಸಿ ಕುದಿಯಲು ಇಡಿ. 
8.  ಕೊತ್ತಂಬರಿ ಸೊಪ್ಪು ಸೇರಿಸಿ. ಚೆನ್ನಾಗಿ ಕುದ್ದ ಮೇಲೆ ಸ್ಟವ್ ಆಫ್ ಮಾಡಿ.
9. ಒಗ್ಗರಣೆ ಸೌಟಿನಲ್ಲಿ ಎಣ್ಣೆ, ಕೆಂಪು ಮೆಣಸಿನಕಾಯಿ, ಸಾಸಿವೆ, ಜೀರಿಗೆ, ಇಂಗು ಮತ್ತು ಕರಿಬೇವಿನ ಒಗ್ಗರಣೆ ಮಾಡಿ ಸೇರಿಸಿ. ಬಿಸಿಯಾದ ಅನ್ನದೊಂದಿಗೆ ಬಡಿಸಿ.

To see step by step pictures click here (ಹಂತ ಹಂತವಾದ ಚಿತ್ರ ವೀಕ್ಷಿಸಲು ಇಲ್ಲಿ ಕ್ಲಿಕ್ಕಿಸಿ)

Kharbuja hannina panaka in Kannada | ಖರಬೂಜ ಹಣ್ಣಿನ ಪಾನಕ ಮಾಡುವ ವಿಧಾನ

Kharbuja hannina panaka in Kannada | ಖರಬೂಜ ಹಣ್ಣಿನ ಪಾನಕ ಮಾಡುವ ವಿಧಾನ 

ಬೇಕಾಗುವ ಪದಾರ್ಥಗಳು: (ಅಳತೆ ಕಪ್ = 240 ಎಂಎಲ್ )

1. 2 ಕಪ್ ನೀರು
2. 1/4 ಭಾಗ ಖರಬೂಜ ಹಣ್ಣು
3. 2 ಟೇಬಲ್ ಚಮಚ ಪುಡಿ ಮಾಡಿದ ಬೆಲ್ಲ
4. ದೊಡ್ಡ ಚಿಟಿಕೆ ಕಾಳು ಮೆಣಸು ಪುಡಿಮಾಡಿದ್ದು
5. ದೊಡ್ಡ ಚಿಟಿಕೆ ಏಲಕ್ಕಿ ಪುಡಿಮಾಡಿದ್ದು

ಖರಬೂಜ ಹಣ್ಣಿನ ಪಾನಕ ಮಾಡುವ ವಿಧಾನ:

1. ಖರಬೂಜ ಹಣ್ಣಿನ ಸಿಪ್ಪೆ ತೆಗೆದು ಕತ್ತರಿಸಿ.
2. ಕತ್ತರಿಸಿದ ಹಣ್ಣು ಮತ್ತು ಬೆಲ್ಲವನ್ನು ಮಿಕ್ಸಿಗೆ ಹಾಕಿ, ಅಗತ್ಯವಿದ್ದಷ್ಟು ನೀರು ಸೇರಿಸಿ ಅರೆಯಿರಿ.  
3. ಪುಡಿಮಾಡಿದ ಕಾಳು ಮೆಣಸು ಮತ್ತು ಏಲಕ್ಕಿ ಪುಡಿ ಹಾಕಿ ಬೆರೆಸಿ. 
4. ಮೇಲಿನಿಂದ ಖರಬೂಜ ಹಣ್ಣಿನ ಸಣ್ಣ ಚೂರುಗಳನ್ನು ಹಾಕಿ ಕುಡಿಯಲು ಕೊಡಿ.

To see step by step pictures click here (ಹಂತ ಹಂತವಾದ ಚಿತ್ರ ವೀಕ್ಷಿಸಲು ಇಲ್ಲಿ ಕ್ಲಿಕ್ಕಿಸಿ)

Mosaru vade recipe in kannada | ಮೊಸರು ವಡೆ ಮಾಡುವ ವಿಧಾನ

Mosaru vade recipe in kannada | ಮೊಸರು ವಡೆ ಮಾಡುವ ವಿಧಾನ 

ಮೊಸರು ವಡೆ ವಿಡಿಯೋ

ಬೇಕಾಗುವ ಪದಾರ್ಥಗಳು: ( ಅಳತೆ ಕಪ್ = 240 ಎಂಎಲ್ )

1. 1/2 ಕಪ್ ಉದ್ದಿನ ಬೇಳೆ
2. 1/2 ಟೀಸ್ಪೂನ್ ಶುಂಠಿ ಸಣ್ಣಗೆ ಹೆಚ್ಚಿದ್ದು
3. 1 ಟೇಬಲ್ ಚಮಚ ಸಣ್ಣಗೆ ಹೆಚ್ಚಿದ ಕರಿಬೇವಿನ ಎಲೆ 
4. ಉಪ್ಪು ರುಚಿಗೆ ತಕ್ಕಷ್ಟು.
5. ಸಕ್ಕರೆ ರುಚಿಗೆ ತಕ್ಕಷ್ಟು.
6. ಸ್ವಲ್ಪ ಎಣ್ಣೆ ವಡೆ ಮಾಡಲು

ಒಗ್ಗರಣೆಗೆ ಬೇಕಾಗುವ ಪದಾರ್ಥಗಳು: ( ಅಳತೆ ಕಪ್ = 240 ಎಂಎಲ್ )

1. 1/2 ಟೀಸ್ಪೂನ್ ಸಾಸಿವೆ 
2. 1 ಟೀಸ್ಪೂನ್ಉದ್ದಿನಬೇಳೆ 
3. 1/4 ಟೀಸ್ಪೂನ್ ಶುಂಠಿ ಸಣ್ಣಗೆ ಹೆಚ್ಚಿದ್ದು
4. 1 - 2 ಹಸಿರು ಮೆಣಸಿನ ಕಾಯಿ ಸಣ್ಣಗೆ ಹೆಚ್ಚಿದ್ದು 
5. 4 - 5 ಕರಿಬೇವಿನ ಎಲೆ 
6. 2 ಟೇಬಲ್ ಸ್ಪೂನ್ ಸಣ್ಣಗೆ ಹೆಚ್ಚಿದ ಕೊತ್ತಂಬರಿ ಸೊಪ್ಪು
7. 2 ಟೀಸ್ಪೂನ್ ಅಡುಗೆ ಎಣ್ಣೆ

ಮೊಸರು ವಡೆ ಮಾಡುವ ವಿಧಾನ:

1. ಉದ್ದಿನ ಬೇಳೆಯನ್ನು ತೊಳೆದು ನೀರಿನಲ್ಲಿ 4 - 5 ಗಂಟೆಗಳ ಕಾಲ ನೆನೆಯಲು ಬಿಡಿ.
2. ನೆನೆಸಿದ ನಂತ್ರ ಉದ್ದಿನ ಬೇಳೆಯನ್ನು ಸ್ವಲ್ಪ ಸ್ವಲ್ಪವೇ ನೀರು ಸೇರಿಸುತ್ತಾ ರುಬ್ಬಿರಿ. ಅಗತ್ಯವಿದ್ದಷ್ಟು ನೀರು ಸೇರಿಸಿ. ನಾನು ಅರ್ಧ ಕಪ್ ಉದ್ದಿನಬೇಳೆಗೆ ಅರ್ಧ ಕಪ್ ನೀರು ಸೇರಿಸಿದ್ದೇನೆ. 
3. ಅರೆದ ಹಿಟ್ಟಿಗೆ ಉಪ್ಪು, ಹೆಚ್ಚಿದ ಶುಂಠಿ ಮತ್ತು ಹೆಚ್ಚಿದ ಕರಿಬೇವಿನ ಎಲೆ ಸೇರಿಸಿ. ಚೆನ್ನಾಗಿ ಕಲಸಿ. ಹಿಟ್ಟು ದಪ್ಪ ಇಡ್ಲಿ ಹಿಟ್ಟಿನಷ್ಟು ಗಟ್ಟಿ ಇರಬೇಕು. 
4. ಗುಳಿಯಪ್ಪದ ಕಲ್ಲನ್ನು ಬಿಸಿಮಾಡಿ ಕೊಳ್ಳಿ. ಗುಳಿಗಳಿಗೆ ಸ್ವಲ್ಪ ಎಣ್ಣೆ ಹಾಕಿ.
5. ಎಲ್ಲ ಗುಳಿಗಳಿಗೆ ಹಿಟ್ಟನ್ನು ಹಾಕಿ, ಮುಚ್ಚಳ ಮುಚ್ಚಿ. 
6. ೫ - ೧೦ ಸೆಕೆಂಡ್ ಗಳ ನಂತರ ಮುಚ್ಚಳ ತೆರೆದು ವಡೆಯನ್ನು ತಿರುಗಿಸಿ ಹಾಕಿ.  ಇನ್ನೊಂದು ಬದಿಯೂ ಬೇಯಿಸಿ. 
7. ಬೇಯಿಸಿದ ವಡೆಗಳನ್ನು ಬಿಸಿ ನೀರಿರುವ ಪಾತ್ರೆಗೆ ಹಾಕಿ. ಹತ್ತು ನಿಮಿಷದ ನಂತ್ರ ಹಗುರವಾಗಿ ಒತ್ತಿ, ತೆಗೆದಿಡಿ. 
8. ಇನ್ನೊಂದು ಬಟ್ಟಲಿನಲ್ಲಿ ಮೊಸರು ತೆಗೆದು ಕೊಂಡು ಸಕ್ಕರೆ ಮತ್ತು ಉಪ್ಪು ಸೇರಿಸಿ, ಚೆನ್ನಾಗಿ ಕಲಸಿ. 
9. ಅದಕ್ಕೆ ನೀರಿನಲ್ಲಿ ನೆನೆಸಿ ತೆಗೆದಿಟ್ಟ ವಡೆ ಹಾಕಿ. 
10. ಮೇಲಿನಿಂದ ಎಣ್ಣೆ, ಸಾಸಿವೆ, ಉದ್ದಿನಬೇಳೆ, ಸಣ್ಣಗೆ ಹೆಚ್ಚಿದ ಹಸಿರುಮೆಣಸಿನಕಾಯಿ, ಶುಂಠಿ ಮತ್ತು ಕರಿಬೇವು ಒಗ್ಗರಣೆ ಹಾಕಿ. 
11. ಮೇಲಿನಿಂದ ಕೊತ್ತಂಬರಿ ಸೊಪ್ಪು ಉದುರಿಸಿ. ಹತ್ತು ನಿಮಿಷ ಬಿಟ್ಟು ಸವಿದು ಆನಂದಿಸಿ. 

To see step by step pictures click here (ಹಂತ ಹಂತವಾದ ಚಿತ್ರ ವೀಕ್ಷಿಸಲು ಇಲ್ಲಿ ಕ್ಲಿಕ್ಕಿಸಿ)

Belada hannina panaka in Kannada | ಬೇಲದ ಹಣ್ಣಿನ ಪಾನಕ ಮಾಡುವ ವಿಧಾನ

Belada hannina panaka in Kannada | ಬೇಲದ ಹಣ್ಣಿನ ಪಾನಕ ಮಾಡುವ ವಿಧಾನ 

ಬೇಕಾಗುವ ಪದಾರ್ಥಗಳು: (ಅಳತೆ ಕಪ್ = 240 ಎಂಎಲ್ )

1. 4 ಕಪ್ ನೀರು
2. ಒಂದು ಬೇಲದ ಹಣ್ಣು
3. 4 ಟೇಬಲ್ ಚಮಚ ಪುಡಿ ಮಾಡಿದ ಬೆಲ್ಲ
4. 1/4 ಟೀಸ್ಪೂನ್ ಕಾಳು ಮೆಣಸು ಪುಡಿಮಾಡಿದ್ದು
5. 1/4 ಟೀಸ್ಪೂನ್ ಕಾಳು ಏಲಕ್ಕಿ ಪುಡಿ

ಬೇಲದ ಹಣ್ಣಿನ ಪಾನಕ ಮಾಡುವ ವಿಧಾನ:

1. ಬೇಲದ ಹಣ್ಣು ತೆಗೆದುಕೊಂಡು ತೆಂಗಿನಕಾಯಿ ಒಡೆಯುವ ಹಾಗೆ ಒಡೆಯಿರಿ. 
2. ಒಳಗಿನ ತಿರುಳು ತೆಗೆದುಕೊಂಡು, ಬೇಕಾದಷ್ಟು ನೀರು ಸೇರಿಸಿ ಚೆನ್ನಾಗಿ ಹಿಸುಕಿ. 
3. ನಂತ್ರ ಜರಡಿಯ ಮೂಲಕ ಸೋಸಿ. ಒಂದು ಚಮಚ ಬಳಸಿದಲ್ಲಿ ಸೋಸುವುದು ಸುಲಭವಾಗುವುದು. 
4. ನಂತ್ರ ಪುಡಿಮಾಡಿದ ಬೆಲ್ಲ, ಪುಡಿಮಾಡಿದ ಕಾಳು ಮೆಣಸು ಮತ್ತು ಏಲಕ್ಕಿ ಪುಡಿ ಹಾಕಿ ಬೆರೆಸಿ. ಕುಡಿಯಲು ಕೊಡಿ.

To see step by step pictures click here (ಹಂತ ಹಂತವಾದ ಚಿತ್ರ ವೀಕ್ಷಿಸಲು ಇಲ್ಲಿ ಕ್ಲಿಕ್ಕಿಸಿ)

Halasina beejada palya recipe in Kannada | ಹಲಸಿನ ಬೀಜದ ಪಲ್ಯ ಮಾಡುವ ವಿಧಾನ

Halasina beejada palya recipe in Kannada | ಹಲಸಿನ ಬೀಜದ ಪಲ್ಯ ಮಾಡುವ ವಿಧಾನ 

ಬೇಕಾಗುವ ಪದಾರ್ಥಗಳು: ( ಅಳತೆ ಕಪ್ = 240 ಎಂಎಲ್ )

1. 1 ಸಣ್ಣ ಬಟ್ಟಲು ಹಲಸಿನ ಬೀಜ
2. 1/2 ಟೀಸ್ಪೂನ್ ಸಾಸಿವೆ
3. 1/2 ಟೀಸ್ಪೂನ್ ಜೀರಿಗೆ
4. 1 ದೊಡ್ಡ ಚಿಟಿಕೆ ಅರಿಶಿನ ಪುಡಿ
5. 1 ದೊಡ್ಡ ಚಿಟಿಕೆ ಇಂಗು
6. 1 - 2 ಹಸಿ ಮೆಣಸಿನಕಾಯಿ
7. 4 - 5 ಕರಿಬೇವಿನ ಎಲೆ
8. 1/2 ಟೀಸ್ಪೂನ್ ಹೆಚ್ಚಿದ ಶುಂಠಿ
9. 1 ದೊಡ್ಡ ಈರುಳ್ಳಿ
10. 4 ಟೀಸ್ಪೂನ್ ಅಡುಗೆ ಎಣ್ಣೆ
11. ಉಪ್ಪು ರುಚಿಗೆ ತಕ್ಕಷ್ಟು
12. 2 ಟೇಬಲ್ ಚಮಚ ತೆಂಗಿನತುರಿ
13. 1 ಟೇಬಲ್ ಚಮಚ ಕೊತ್ತಂಬರಿ ಸೊಪ್ಪು

ಹಲಸಿನ ಬೀಜದ ಪಲ್ಯ ಮಾಡುವ ವಿಧಾನ:

1. ಹಲಸಿನಬೀಜವನ್ನು ಹಗುರವಾಗಿ ಜಜ್ಜಿ, ಸಿಪ್ಪೆ ತೆಗೆಯಿರಿ. ಬೀಜ ಒಣಗಿದಲ್ಲಿ ಸಿಪ್ಪೆ ತೆಗೆಯುವುದು ಸುಲಭ. 
2. ಆಮೇಲೆ ತೊಳೆದು, ಕತ್ತರಿಸಿಕೊಳ್ಳಿ. 
3. ಅಗತ್ಯವಿದ್ದಷ್ಟು ನೀರು, ಸ್ವಲ್ಪ ಉಪ್ಪು ಮತ್ತು ಚಿಟಿಕೆ ಅರಿಶಿನ ಸೇರಿಸಿ ಬೇಯಿಸಿ.
4. ಒಂದು ಬಾಣಲೆಯಲ್ಲಿ ಎಣ್ಣೆ ಬಿಸಿ ಮಾಡಿ. ಸಾಸಿವೆ, ಜೀರಿಗೆ ಹಾಕಿ. ಬೇಕಾದಲ್ಲಿ ಒಣಮೆಣಸು ಮತ್ತು ಉದ್ದಿನಬೇಳೆ ಹಾಕಬಹುದು. 
5. ಸಾಸಿವೆ ಸಿಡಿದ ಕೂಡಲೇ ಅರಶಿನ ಮತ್ತು ಇಂಗು ಸೇರಿಸಿ. 
6. ಸೀಳಿದ ಹಸಿಮೆಣಸಿನಕಾಯಿ ಮತ್ತು ಕರಿಬೇವಿನ ಎಲೆ ಹಾಕಿ ಒಗ್ಗರಣೆ ತಯಾರಿಸಿಕೊಳ್ಳಿ. 
7. ನಂತ್ರ ಸಣ್ಣಗೆ ಹೆಚ್ಚಿದ ಈರುಳ್ಳಿ ಹಾಕಿ ಚೆನ್ನಾಗಿ ಬಾಡಿಸಿ. 
8. ಅದಕ್ಕೆ ಬೇಯಿಸಿದ ಹಲಸಿನಬೀಜ ಹಾಕಿ. ಹೆಚ್ಚಿನ ನೀರನ್ನು ಬಸಿದು ತೆಗೆಯಬಹುದು. ನಾನು ಸ್ವಲ್ಪ ನೀರು ಹಾಕಿದ ಕರಣ ಬಸಿಯಲಿಲ್ಲ. 
9. ಪುಡಿ ಉಪ್ಪು ನಿಮ್ಮ ರುಚಿಗೆ ತಕ್ಕಂತೆ ಸೇರಿಸಿ. ಚೆನ್ನಾಗಿ ಮಗುಚಿ. 
10. ಕೊನೆಯಲ್ಲಿ ತೆಂಗಿನತುರಿ ಮತ್ತು ಕೊತ್ತಂಬರಿ ಸೊಪ್ಪನ್ನು ಉದುರಿಸಿ. ಒಮ್ಮೆ ಮಗುಚಿ. ಸ್ಟೋವ್ ಆಫ್ ಮಾಡಿ. ಚಪಾತಿ ಅಥವಾ ಬಿಸಿ ಅನ್ನದೊಂದಿಗೆ ಬಡಿಸಿ. ಉಪ್ಪು ಕಡಿಮೆ ಹಾಕಿದಲ್ಲಿ ಹಾಗೇ ತಿನ್ನಬಹುದು. 

To see step by step pictures click here (ಹಂತ ಹಂತವಾದ ಚಿತ್ರ ವೀಕ್ಷಿಸಲು ಇಲ್ಲಿ ಕ್ಲಿಕ್ಕಿಸಿ)

Benne murukku recipe in Kannada | ಬೆಣ್ಣೆ ಮುರುಕ್ಕು ಮಾಡುವ ವಿಧಾನ

Benne murukku recipe in Kannada | ಬೆಣ್ಣೆ ಮುರುಕ್ಕು ಮಾಡುವ ವಿಧಾನ

ಬೇಕಾಗುವ ಪದಾರ್ಥಗಳು:( ಅಳತೆ ಕಪ್ = 240 ಎಂಎಲ್ )

1. 1 ಕಪ್ ಅಕ್ಕಿ ಹಿಟ್ಟು 
2. 1/4 ಕಪ್ ಹುರಿಗಡಲೆ
3. 1/4 ಕಪ್ ಕಡ್ಲೆಹಿಟ್ಟು
4. 1 ಟೀ ಸ್ಪೂನ್ ಜೀರಿಗೆ 
5. ದೊಡ್ಡ ಚಿಟಿಕೆ ಇಂಗು
6. ದೊಡ್ಡ ಚಿಟಿಕೆ ಅರಿಶಿನ
7. ಒಂದು ಲಿಂಬೆಹಣ್ಣಿನ ಗಾತ್ರದ ಬೆಣ್ಣೆ 
8. ಉಪ್ಪು ರುಚಿಗೆ ತಕ್ಕಷ್ಟು 
9. ಎಣ್ಣೆ ಕಾಯಿಸಲು

ಬೆಣ್ಣೆ ಮುರುಕ್ಕು ಮಾಡುವ ವಿಧಾನ:

1. ಹುರಿಗಡಲೆಯನ್ನು ಮಿಕ್ಸಿಜಾರಿನಲ್ಲಿ ಹಾಕಿ ನುಣ್ಣನೆ ಪುಡಿಮಾಡಿ ಕೊಳ್ಳಿ. 
2. ಒಂದು ಅಗಲವಾದ ಪಾತ್ರೆಯಲ್ಲಿ ಅಕ್ಕಿ ಹಿಟ್ಟನ್ನು ತೆಗೆದುಕೊಳ್ಳಿ. 
3. ಅದಕ್ಕೆ ಹುರಿಗಡಲೆ ಹಿಟ್ಟು ಸೇರಿಸಿ. 
4. ನಂತ್ರ ಕಡ್ಲೆಹಿಟ್ಟು ಸೇರಿಸಿ ಕಲಸಿ. 
5. ಆಮೇಲೆ ಜೀರಿಗೆ, ಇಂಗು, ಅರಿಶಿನ ಮತ್ತು ಉಪ್ಪು ಹಾಕಿ. ಚೆನ್ನಾಗಿ ಕಲಸಿ. ಬೇಕಾದಲ್ಲಿ ಅಚ್ಚಖಾರದ ಪುಡಿ ಸೇರಿಸಬಹುದು. 
6. ಬೆಣ್ಣೆ ಸೇರಿಸಿ, ಚೆನ್ನಾಗಿ ತಿಕ್ಕಿ ಕಲಸಿ. 
7. ಸ್ವಲ್ಪ ನೀರನ್ನು ಸೇರಿಸಿ, ಗಟ್ಟಿ ಆದರೆ ಮೃದುವಾದ ಹಿಟ್ಟನ್ನು ಸಿದ್ಧ ಪಡಿಸಿಕೊಳ್ಳಿ. ಚಕ್ಕುಲಿ ಒತ್ತಲು ಆಗುವಷ್ಟು ಮೆತ್ತಗಿದ್ದರೆ ಸಾಕು. 
8. ಎಣ್ಣೆ ಬಿಸಿ ಮಾಡಿ. 
9. ಚಕ್ಕುಲಿ ಅಚ್ಚನ್ನು ಉಪಯೋಗಿಸಿ ಮುರುಕ್ಕನ್ನು ನೇರವಾಗಿ ಬಿಸಿ ಎಣ್ಣೆಗೆ ಒತ್ತಿ.  ಮಧ್ಯಮ ಉರಿಯಲ್ಲಿ ಕಾಯಿಸಿ. ಸ್ವರ ಅಥವಾ ಗುಳ್ಳೆಗಳು ನಿಂತ ಮೇಲೆ ತೆಗೆಯಿರಿ.

To see step by step pictures click here (ಹಂತ ಹಂತವಾದ ಚಿತ್ರ ವೀಕ್ಷಿಸಲು ಇಲ್ಲಿ ಕ್ಲಿಕ್ಕಿಸಿ)

Mavinakai chitranna recipe in Kannada | ಮಾವಿನಕಾಯಿ ಚಿತ್ರಾನ್ನ ಮಾಡುವ ವಿಧಾನ

Mavinakai chitranna recipe in Kannada | ಮಾವಿನಕಾಯಿ ಚಿತ್ರಾನ್ನ ಮಾಡುವ ವಿಧಾನ

ಮಾವಿನಕಾಯಿ ಚಿತ್ರಾನ್ನ ವಿಡಿಯೋ

ಬೇಕಾಗುವ ಪದಾರ್ಥಗಳು: (ಅಳತೆ ಕಪ್ = 240 ಎಂ ಎಲ್)

1. 1/2 ಕಪ್ ಅಕ್ಕಿ (ಸೋನಾ ಮಸೂರಿ)
2. 1/4 ಕಪ್ ತೆಂಗಿನ ತುರಿ
3. 1/2 ಕಪ್ ಮಾವಿನಕಾಯಿ ತುರಿ 
4. 1 - 2 ಹಸಿರು ಮೆಣಸಿನಕಾಯಿ
5. 1/2 ಟೀಸ್ಪೂನ್ ಸಾಸಿವೆ
6. 1/4 ಟೀಸ್ಪೂನ್ ಮೆಂತೆ
7. 2 ಟೇಬಲ್ ಸ್ಪೂನ್ ಶೇಂಗಾ / ಕಡಲೆಕಾಯಿ
8. 1 ಟೀಸ್ಪೂನ್ ಉದ್ದಿನ ಬೇಳೆ
9. 1 ಟೀಸ್ಪೂನ್ ಕಡ್ಲೆಬೇಳೆ
10. 1/2 ಟೀಸ್ಪೂನ್ ಉಪ್ಪು (ಅಥವಾ ನಿಮ್ಮ ರುಚಿ ಪ್ರಕಾರ)
11. 5 - 6 ಕರಿಬೇವಿನ ಎಲೆ
12. 2 ಟೀ ಚಮಚ ಸಣ್ಣಗೆ ಹೆಚ್ಚಿದ ಕೊತ್ತಂಬರಿ ಸೊಪ್ಪು
13. 1/4 ಟೀಸ್ಪೂನ್ ಅರಿಶಿನ ಪುಡಿ
14. ದೊಡ್ಡ ಚಿಟಿಕೆ ಇಂಗು
15. 4 ಟೇಬಲ್ ಸ್ಪೂನ್ ಅಡುಗೆ ಎಣ್ಣೆ

ಮಾವಿನಕಾಯಿ ಚಿತ್ರಾನ್ನ ಮಾಡುವ ವಿಧಾನ:

1. ಒಂದು ಕುಕ್ಕರ್ ನಲ್ಲಿ ಅಕ್ಕಿ ತೊಳೆದು ಅನ್ನ ಮಾಡಿಟ್ಟುಕೊಳ್ಳಿ. ಅನ್ನ ಸ್ವಲ್ಪ ಉದುರುದುರಾಗಿರಲಿ. 
2. ಅನ್ನ ಬೇಯುವ ಸಮಯದಲ್ಲಿ ಚಿತ್ರಾನ್ನಕ್ಕೆ ಒಗ್ಗರಣೆ ಮಾಡಿಕೊಳ್ಳೋಣ. ಒಂದು ದೊಡ್ಡ ಬಾಣಲೆಯಲ್ಲಿ ಎಣ್ಣೆ ಹಾಕಿ ಕಾಯಲು ಇಡಿ. ಮೊದಲಿಗೆ ಶೇಂಗಾ ಅಥವಾ ಕಡಲೆಕಾಯಿಯನ್ನು ಹಾಕಿ.
3. ಕಡಲೆಕಾಯಿ ಸ್ವಲ್ಪ ಕಾದು ಸಿಡಿಯಲು ಪ್ರಾರಂಭಿಸಿದ ಕೂಡಲೇ ಸಾಸಿವೆ, ಮೆಂತೆ, ಕಡ್ಲೆಬೇಳೆ ಮತ್ತು ಉದ್ದಿನ ಬೇಳೆಯನ್ನು ಸೇರಿಸಿ.
4. ಸಾಸಿವೆ ಸಿಡಿದ ಕೂಡಲೇ ಅರಿಶಿನ ಮತ್ತು ಇಂಗು ಸೇರಿಸಿ
5. ಹಸಿರು ಮೆಣಸಿನಕಾಯಿ ಮತ್ತು ಕರಿಬೇವು ಸೇರಿಸಿ ಹುರಿಯಿರಿ. 
6. ಆಮೇಲೆ ತುರಿದ ಮಾವಿನಕಾಯಿ ಹಾಕಿ ಹುರಿಯಿರಿ. 
7. ನಂತರ ತೆಂಗಿನ ತುರಿ ಹಾಕಿ ಚೆನ್ನಾಗಿ ಕಲಸಿ. ಹಸಿಮೆಣಸಿನಕಾಯಿ, ತೆಂಗಿನತುರಿ ಮತ್ತು ಮಾವಿನಕಾಯಿ ತುರಿಯನ್ನು ಅರ್ಧ ಚಮಚ ಸಾಸಿವೆಯೊಂದಿಗೆ ಪುಡಿಮಾಡಿಯೂ ಸೇರಿಸಬಹುದು. ನಂತರ ಸ್ಟೋವ್ ಆಫ್ ಮಾಡಿ.
8. ಹೆಚ್ಚಿದ ಕೊತ್ತಂಬರಿ ಸೊಪ್ಪು ಮತ್ತು ಉಪ್ಪು ಸೇರಿಸಿ ಕಲಸಿ.
9. ನಂತರ ಬೇಯಿಸಿದ ಅನ್ನ ಸೇರಿಸಿ. 
10. ಚಪ್ಪಟೆಯಾದ ಸಟ್ಟುಗ ಬಳಸಿ ಚಿತ್ರಾನ್ನವನ್ನು ಕಲಸಿ. ಬಿಸಿ-ಬಿಸಿ ಯಾಗಿರುವಾಗಲೇ ಬಡಿಸಿ.

To see step by step pictures click here ( ಹಂತ ಹಂತವಾದ ಚಿತ್ರ ವೀಕ್ಷಿಸಲು ಇಲ್ಲಿ ಕ್ಲಿಕ್ಕಿಸಿ)

Halu holige or obbattu recipe in Kannada | ಹಾಲು ಹೋಳಿಗೆ ಅಥವಾ ಹಾಲೊಬ್ಬಟ್ಟು ಮಾಡುವ ವಿಧಾನ

Halu holige or obbattu recipe in Kannada | ಹಾಲು ಹೋಳಿಗೆ ಅಥವಾ ಹಾಲೊಬ್ಬಟ್ಟು  ಮಾಡುವ ವಿಧಾನ 

ಹಾಲು ಅಥವಾ ಪಾಯಸಕ್ಕೆ ಬೇಕಾಗುವ ಪದಾರ್ಥಗಳು: (ಅಳತೆ ಕಪ್ = 240 ಎಂ ಎಲ್)

1. 2 ಚಮಚ ಗಸಗಸೆ
2. 1/4 ಕಪ್ ಸಕ್ಕರೆ (ಅಥವಾ ನಿಮ್ಮ ರುಚಿಗೆ ತಕ್ಕಂತೆ)
3. 1/4 ಕಪ್ ತೆಂಗಿನ ತುರಿ 
4. 4 - 5 ಗೋಡಂಬಿ
5. 4 - 5 ಬಾದಾಮಿ
6. ಒಂದು ಚಿಟಿಕೆ ಕೇಸರಿ (ಬೇಕಾದಲ್ಲಿ)
7. 1 ಕಪ್ ಹಾಲು 
8. 1/2 ಕಪ್ ನೀರು (ಅರೆಯಲು ಬಳಸಿದೆ) 
9. ಒಂದು ಏಲಕ್ಕಿ

ಪೂರಿಗೆ ಬೇಕಾಗುವ ಪದಾರ್ಥಗಳು:( ಅಳತೆ ಕಪ್ = 240 ಎಂಎಲ್ )

1. 1/2 ಕಪ್ ಮೈದಾ ಹಿಟ್ಟು 
2. 1 ಟೇಬಲ್ ಚಮಚ ತುಪ್ಪ ಅಥವಾ ಎಣ್ಣೆ
3. ಉಪ್ಪು ರುಚಿಗೆ ತಕ್ಕಷ್ಟು
4. ಕರಿಯಲು ಎಣ್ಣೆ

 ಹಾಲು ಅಥವಾ ಪಾಯಸ ಮಾಡುವ ವಿಧಾನ:

1. ಗೋಡಂಬಿ ಮತ್ತು ಬಾದಾಮಿಯನ್ನು ಒಂದು ಘಂಟೆ ಕಾಲ ನೆನೆಸಿ. ಬಾದಾಮಿ ಸಿಪ್ಪೆ ತೆಗೆಯಿರಿ. 
2. ಒಂದು ಬಾಣಲೆಯಲ್ಲಿ ಗಸಗಸೆಯನ್ನು ಹುರಿಯಿರಿ. 
3. ಬಿಸಿ ಆರಿದ ನಂತರ ಮಿಕ್ಸಿ ಜಾರಿಗೆ ಹಾಕಿ. 
4. ಏಲಕ್ಕಿ, ನೆನೆಸಿದ ಗೋಡಂಬಿ, ಬಾದಾಮಿ ಮತ್ತು ತೆಂಗಿನ ತುರಿ ಸೇರಿಸಿ. 
5. ಅಗತ್ಯವಿದ್ದಷ್ಟು ನೀರು ಹಾಕಿ ನುಣ್ಣನೆ ಅರೆದುಕೊಳ್ಳಿ. 
6. ಅರೆದ ಮಿಶ್ರಣವನ್ನು ಒಂದು ಪಾತ್ರೆಗೆ ಹಾಕಿ. 
7. ಹಾಲು, ಸಕ್ಕರೆ ಮತ್ತು ಉಳಿದ ನೀರು ಸೇರಿಸಿ. 
8. ಬೇಕಾದಲ್ಲಿ ಕೇಸರಿ ಸೇರಿಸಿ. 
9. ಆಗಾಗ್ಯೆ ಮಗುಚುತ್ತಾ ಕುದಿಸಿ. 
10. ಪಾಯಸ ಕುದಿಯಲು ಪ್ರಾರಂಭಿಸಿದ ಕೂಡಲೇ ಸ್ಟೋವ್ ಆಫ್ ಮಾಡಿ, ಪಕ್ಕಕ್ಕಿಡಿ. 

ಪೂರಿ ಮಾಡುವ ವಿಧಾನ:

1. ಒಂದು ಪಾತ್ರೆಯಲ್ಲಿ ಮೈದಾ ಹಿಟ್ಟು, ಉಪ್ಪು ಮತ್ತು ತುಪ್ಪ ಹಾಕಿ ಕಲಸಿ. 
2. ಸ್ವಲ್ಪ ಸ್ವಲ್ಪವೇ ನೀರು ಹಾಕುತ್ತಾ ಗಟ್ಟಿಯಾಗಿ ಕಲಸಿ. 
3. ಈಗ ನೆಲ್ಲಿಕಾಯಿ ಗಾತ್ರದ ಉಂಡೆ ತೆಗೆದು ಕೊಂಡು ಲಟ್ಟಿಸಿ, ಸಾಧ್ಯವಾದಷ್ಟು ತೆಳ್ಳಗೆ ಲಟ್ಟಿಸಿ. ಇಲ್ಲವಾದಲ್ಲಿ ಪೂರಿ ಉಬ್ಬುವುದು. ನಮಗೆ ಪೂರಿ ಉಬ್ಬಬಾರದು. 
4. ಬಿಸಿಯಾದ ಎಣ್ಣೆಯಲ್ಲಿ ಹಾಕಿ ಸಣ್ಣ ಉರಿಯಲ್ಲಿ ಗರಿ ಗರಿಯಾಗುವವರೆಗೆ ಕಾಯಿಸಿ. 
5. ಸ್ವಲ್ಪ ಕಂದು ಬಣ್ಣಕ್ಕೆ ತಿರುಗಿದಾಗ ತೆಗೆಯಿರಿ.
6. ಬಿಸಿ ಆರಿದ ಮೇಲೆ, ಪೂರಿಗಳನ್ನು ಪ್ಲೇಟ್ ನಲ್ಲಿ ಜೋಡಿಸಿ, ಮೇಲಿನಿಂದ ಹಾಲು ಅಥವಾ ಪಾಯಸವನ್ನು ಸುರಿಯಿರಿ. 
7. ಐದರಿಂದ ಹತ್ತು ನಿಮಿಷದ ನಂತ್ರ ಸವಿದು ಆನಂದಿಸಿ. 

To see step by step pictures click here (ಹಂತ ಹಂತವಾದ ಚಿತ್ರ ವೀಕ್ಷಿಸಲು ಇಲ್ಲಿ ಕ್ಲಿಕ್ಕಿಸಿ)

Coffee recipe without coffee-filter in Kannada | ಕಾಫಿ ಫಿಲ್ಟರ್ ಉಪಯೋಗಿಸದೆ ಕಾಫಿ ಮಾಡುವ ವಿಧಾನ

Coffee recipe without coffee-filter in Kannada | ಕಾಫಿ ಫಿಲ್ಟರ್ ಉಪಯೋಗಿಸದೆ ಕಾಫಿ ಮಾಡುವ ವಿಧಾನ

ಬೇಕಾಗುವ ಪದಾರ್ಥಗಳು:( ಅಳತೆ ಕಪ್ = 240 ಎಂಎಲ್ )

1. 2 ಟೇಬಲ್ ಚಮಚ ಕಾಫಿ ಪುಡಿ
2. 1/2 ಕಪ್ ನೀರು
3. 1.25 ಕಪ್ ಕುದಿಸಿದ  ಗಟ್ಟಿ ಹಾಲು
4. 3 ಟೀಸ್ಪೂನ್ ಸಕ್ಕರೆ (ಅಥವಾ ನಿಮ್ಮ ರುಚಿಗೆ ತಕ್ಕಂತೆ)

ಕಾಫಿ ಫಿಲ್ಟರ್ ಉಪಯೋಗಿಸದೆ ಕಾಫಿ ಮಾಡುವ ವಿಧಾನ:

1. ಅರ್ಧ ಕಪ್ ನೀರನ್ನು ಕುದಿಸಿ.
2. ಒಂದು ಲೋಟ ಅಥವಾ ಪಾತ್ರೆಯಲ್ಲಿ ಕಾಫಿ ಪುಡಿಯನ್ನು ತೆಗೆದುಕೊಂಡು, ಬಿಸಿ ಕುದಿಯುವ ನೀರನ್ನು ಸುರಿಯಿರಿ. 
3. ಒಂದು ಚಮಚದಲ್ಲಿ ಮಗುಚಿ, ಮುಚ್ಚಳ ಮುಚ್ಚಿ. 
4. ೫ ನಿಮಿಷದ ನಂತರ ಪುನಃ ಮಗುಚಿ, ಮುಚ್ಚಳ ಮುಚ್ಚಿ. ಐದು ನಿಮಿಷ ಬಿಡಿ. 
5. ನಂತರ ಇನ್ನೊಂದು ಪಾತ್ರೆಯಲ್ಲಿ ಸಕ್ಕರೆ ತೆಗೆದುಕೊಳ್ಳಿ. 
6. ಅದಕ್ಕೆ ಜಾಗ್ರತೆಯಿಂದ ನಿಧಾನವಾಗಿ, ತಿಳಿಯಾದ ಕಾಫಿ ಡಿಕಾಕ್ಷನ್ ಬಗ್ಗಿಸಿ. ಗಮನಿಸಿ, ತಿಳಿಯಾದ ಡಿಕಾಕ್ಷನ್ ಮಾತ್ರ ಬಗ್ಗಿಸಬೇಕು.  ಕೆಳಗೆ ನಿಂತ ಕಾಫಿ ಪುಡಿಯನ್ನು ಕಲಕಬೇಡಿ. 
7. ನಂತ್ರ ಬಿಸಿಬಿಸಿಯಾದ ಕುದಿಸಿದ ಹಾಲು ಸೇರಿಸಿ. 
8. ಎರಡು ಮೂರು ಸಲ ಎತ್ತಿ ಸುರಿದು, ಸಕ್ಕರೆ ಕರಗಿಸಿ. ಸವಿದು ಆನಂದಿಸಿ. 

To see step by step pictures click here (ಹಂತ ಹಂತವಾದ ಚಿತ್ರ ವೀಕ್ಷಿಸಲು ಇಲ್ಲಿ ಕ್ಲಿಕ್ಕಿಸಿ)

Ona drakshi gojju recipe in Kannada | ಒಣದ್ರಾಕ್ಷಿ ಗೊಜ್ಜು ಮಾಡುವ ವಿಧಾನ

Ona drakshi gojju recipe in Kannada | ಒಣದ್ರಾಕ್ಷಿ ಗೊಜ್ಜು ಮಾಡುವ ವಿಧಾನ 

ಬೇಕಾಗುವ ಪದಾರ್ಥಗಳು: ( ಅಳತೆ ಕಪ್ = 240 ಎಂಎಲ್ )

1. 1/2 ಕಪ್ ಒಣದ್ರಾಕ್ಷಿ
2. ನೆಲ್ಲಿಕಾಯಿ ಗಾತ್ರದ ಹುಣಿಸೇಹಣ್ಣು
3. ದೊಡ್ಡ ನಿಂಬೆಹಣ್ಣಿನ ಗಾತ್ರದ ಬೆಲ್ಲ 
4. 2 ಟೀಸ್ಪೂನ್ ಅಡುಗೆ ಎಣ್ಣೆ
5. ಉಪ್ಪು ರುಚಿಗೆ ತಕ್ಕಷ್ಟು.

ಅರೆಯಲು ಬೇಕಾಗುವ ಪದಾರ್ಥಗಳು: ( ಅಳತೆ ಕಪ್ = 240 ಎಂಎಲ್ )

1. 1 ಟೀಸ್ಪೂನ್ ಕೊತ್ತಂಬರಿ ಬೀಜ
2. 1 ಟೀಸ್ಪೂನ್ ಉದ್ದಿನ ಬೇಳೆ
3. 1 ಟೀಸ್ಪೂನ್ ಕಡ್ಲೆ ಬೇಳೆ
4. 3 - 6 ಒಣ ಮೆಣಸಿನಕಾಯಿ
5. 1 ಕಪ್ ತೆಂಗಿನ ತುರಿ
6. 1/4 ಟೀಸ್ಪೂನ್ ಮೆಂತ್ಯ
7. 3 ಟೀಸ್ಪೂನ್ ಎಳ್ಳು
8. 5 - 6 ಕರಿಬೇವಿನ ಎಲೆ
9. 1 ಟೀಸ್ಪೂನ್ ಅಡುಗೆ ಎಣ್ಣೆ

ಒಗ್ಗರಣೆಗೆ ಬೇಕಾಗುವ ಪದಾರ್ಥಗಳು:

1. 1/2 ಟೀಸ್ಪೂನ್ ಸಾಸಿವೆ
2. 1 ಒಣಮೆಣಸಿನಕಾಯಿ
3. 4 - 5 ಕರಿಬೇವಿನ ಎಲೆ
4. 1 ಚಿಟಿಕೆ ಅರಿಶಿನ ಪುಡಿ
5. 1 ಚಿಟಿಕೆ ಇಂಗು
6. 4 ಟೀಸ್ಪೂನ್ ಅಡುಗೆ ಎಣ್ಣೆ

ಒಣದ್ರಾಕ್ಷಿ ಗೊಜ್ಜು ಮಾಡುವ ವಿಧಾನ:

1. ಒಂದು ಬಾಣಲೆಯನ್ನು ಬಿಸಿ ಮಾಡಿ. 1 ಚಮಚ ಎಣ್ಣೆ ಹಾಕಿ. ಉದ್ದಿನ ಬೇಳೆ, ಕಡ್ಲೆಬೇಳೆ, ಕೊತ್ತಂಬರಿ ಬೀಜ, ಮೆಂತೆ, ಒಣಮೆಣಸು ಹಾಕಿ ಮಧ್ಯಮ ಉರಿಯಲ್ಲಿ ಹುರಿಯಿರಿ. 
2. ಉದ್ದಿನಬೇಳೆ ಕಂದುಬಣ್ಣಕ್ಕೆ ತಿರುಗಿದ ಮೇಲೆ ಎಳ್ಳನ್ನು ಹಾಕಿ ಹುರಿಯಿರಿ. 
3. ನಂತರ ಕರಿಬೇವನ್ನು ಹಾಕಿ ಹುರಿಯಿರಿ. 
4. ಮಿಕ್ಸಿ ಜಾರ್ಗೆ ತೆಂಗಿನತುರಿ ಮತ್ತು ಹುರಿದ ಪದಾರ್ಥಗಳನ್ನು ಹಾಕಿ, ಅಗತ್ಯವಿದ್ದಷ್ಟು ನೀರು ಸೇರಿಸಿ ಅರೆದು ಪಕ್ಕಕ್ಕಿಡಿ. 
5. ನಂತರ ಅದೇ ಬಾಣಲೆಗೆ 2 ಟೇಬಲ್ ಚಮಚ ಎಣ್ಣೆ ಹಾಕಿ, ಒಣಮೆಣಸು, ಸಾಸಿವೆ, ಉದ್ದಿನಬೇಳೆ ಮತ್ತು ಕರಿಬೇವಿನ ಒಗ್ಗರಣೆ ಮಾಡಿ. 
6. ಇಂಗು ಮತ್ತು ಅರಿಶಿನ ಪುಡಿ ಸೇರಿಸಿ. 
7. ನಂತರ ಒಣದ್ರಾಕ್ಷಿ ಹಾಕಿ, ಉಬ್ಬುವವರೆಗೆ ಹುರಿಯಿರಿ. 
8. ಅದಕ್ಕೆ ಉಪ್ಪು, ಹುಣಿಸೆಹಣ್ಣಿನ ರಸ, ಬೆಲ್ಲ ಮತ್ತು ಅರ್ಧ ಲೋಟ ನೀರು ಹಾಕಿ. ಒಂದೈದು ನಿಮಿಷ ಬೇಯಿಸಿ. 
9. ಬೇಯಿಸಿದ ದ್ರಾಕ್ಷಿಗೆ ಅರೆದ ಮಸಾಲೆ ಸೇರಿಸಿ. ಬೇಕಾದಲ್ಲಿ ಉಪ್ಪು, ಹುಳಿ ಮತ್ತು ಬೆಲ್ಲ ಹೊಂದಿಸಿ. ಬೇಕಾದಷ್ಟು ನೀರು ಸೇರಿಸಿ, ಒಂದು ಕುದಿ ಕುದಿಸಿ. 
10. ನಂತರ ಅನ್ನ ಅಥವಾ ಚಪಾತಿ ಜೊತೆ ಬಡಿಸಿ.

To see step by step pictures click here (ಹಂತ ಹಂತವಾದ ಚಿತ್ರ ವೀಕ್ಷಿಸಲು ಇಲ್ಲಿ ಕ್ಲಿಕ್ಕಿಸಿ)

Boodu kumbalakai thirulina sasive in kannada | ಬೂದು ಕುಂಬಳಕಾಯಿ ತಿರುಳಿನ ಸಾಸಿವೆ ಮಾಡುವ ವಿಧಾನ

Boodu kumbalakai thirulina sasive in kannada | ಬೂದು ಕುಂಬಳಕಾಯಿ ತಿರುಳಿನ ಸಾಸಿವೆ ಮಾಡುವ ವಿಧಾನ

ಬೂದು ಕುಂಬಳಕಾಯಿ ತಿರುಳಿನ ಸಾಸಿವೆ ವಿಡಿಯೋ

ಬೇಕಾಗುವ ಪದಾರ್ಥಗಳು:( ಅಳತೆ ಕಪ್ = 240 ಎಂಎಲ್ )

1. 1/2 kg ಕುಂಬಳಕಾಯಿ ಯಿಂದ ತೆಗೆದ ತಿರುಳು
2. 1/4 ಟೀಸ್ಪೂನ್ ಸಾಸಿವೆ
3. 1/4 ಕಪ್ ತೆಂಗಿನತುರಿ
4. 1/2 ಕಪ್ ಮೊಸರು
5. ಉಪ್ಪು ರುಚಿಗೆ ತಕ್ಕಷ್ಟು.

ಒಗ್ಗರಣೆಗೆ ಬೇಕಾಗುವ ಪದಾರ್ಥಗಳು:

1. 1 ಒಣ ಮೆಣಸಿನಕಾಯಿ
2. 2 ಟೀಸ್ಪೂನ್ ಅಡುಗೆ ಎಣ್ಣೆ
3. 1/2 ಟೀಸ್ಪೂನ್ ಸಾಸಿವೆ

ಬೂದು ಕುಂಬಳಕಾಯಿ ತಿರುಳಿನ ಸಾಸಿವೆ ಮಾಡುವ ವಿಧಾನ:

1. ಬೂದು ಕುಂಬಳಕಾಯಿ ಯನ್ನು ಕತ್ತರಿಸಿ, ತಿರುಳನ್ನು ತೆಗೆಯಿರಿ.
2. ಬೀಜ ಬೇರ್ಪಡಿಸಿ, ತಿರುಳನ್ನು ಸ್ವಲ್ಪ ಉಪ್ಪು ಮತ್ತು ನೀರು ಹಾಕಿ ಬೇಯಿಸಿ. 
3. ಬಿಸಿ ಆರಿದ ಮೇಲೆ ಬೇಯಿಸಿದ ತಿರುಳು ಮತ್ತು ತೆಂಗಿನ ತುರಿಯನ್ನು ಮಿಕ್ಸಿ ಜಾರಿಗೆ ಹಾಕಿ.  
4. ಅಗತ್ಯವಿದ್ಧಷ್ಟು ನೀರು ಸೇರಿಸಿ ನುಣ್ಣಗೆ ಅರೆಯಿರಿ. 
5. ಅರೆದ ಮಿಶ್ರಣವನ್ನು ಒಂದು ಪಾತ್ರೆಗೆ ಹಾಕಿ. ಅಗತ್ಯವಿದ್ದಷ್ಟು ಉಪ್ಪು, ಮೊಸರು ಮತ್ತು ಬೇಕಾದಷ್ಟು ನೀರು ಹಾಕಿ. 
6. ಎಣ್ಣೆ, ಒಣಮೆಣಸು ಮತ್ತು ಸಾಸಿವೆ ಒಗ್ಗರಣೆ ಕೊಡಿ. ಬಿಸಿ ಅನ್ನದೊಂದಿಗೆ ಬಡಿಸಿ.

To see step by step pictures click here (ಹಂತ ಹಂತವಾದ ಚಿತ್ರ ವೀಕ್ಷಿಸಲು ಇಲ್ಲಿ ಕ್ಲಿಕ್ಕಿಸಿ)

Rave payasa recipe in Kannada | ರವೇ ಪಾಯಸ ಮಾಡುವ ವಿಧಾನ

Rave payasa recipe in Kannada | ರವೇ ಪಾಯಸ ಮಾಡುವ ವಿಧಾನ 

Rave payasa video

ಬೇಕಾಗುವ ಪದಾರ್ಥಗಳು: (ಅಳತೆ ಕಪ್ = 240 ಎಂ ಎಲ್)

1. 4 ಟೇಬಲ್ ಚಮಚ ಉಪ್ಪಿಟ್ಟು ರವೇ
2. 2 - 2.5 ಕಪ್ ಹಾಲು
3. 1 ಕಪ್ ನೀರು
4. 6 ಟೇಬಲ್ ಚಮಚ ಸಕ್ಕರೆ
5. 2 ಟೀಸ್ಪೂನ್ ತುಪ್ಪ
6. 5-6 ಗೋಡಂಬಿ
7. 8-10 ಒಣದ್ರಾಕ್ಷಿ
8. ಒಂದು ಚಿಟಿಕೆ ಏಲಕ್ಕಿ ಪುಡಿ

ರವೇ ಪಾಯಸ ಮಾಡುವ ವಿಧಾನ:

1. ಹಾಲನ್ನು ಒಂದು ಪಾತ್ರೆಯಲ್ಲಿ ಕುದಿಯಲು ಇಡಿ. 
2. ಅದೇ ಸಮಯದಲ್ಲಿ ಇನ್ನೊಂದು ಬಾಣಲೆಯಲ್ಲಿ 2 ಚಮಚ ತುಪ್ಪ ಹಾಕಿ ದ್ರಾಕ್ಷಿ ಮತ್ತು ಗೋಡಂಬಿಯನ್ನು ಹುರಿದು ತೆಗೆದಿಡಿ. 
3. ನಂತರ ಅದೇ ಬಾಣಲೆಗೆ ರವೇಯನ್ನು ಹಾಕಿ ಸುವಾಸನೆ ಬರುವವರೆಗೆ ಹುರಿಯಿರಿ. 
4. ನೀರನ್ನು ಸೇರಿಸಿ ಮಗುಚಿ. 
5. ಕುದಿಯಲು ಪ್ರಾರಂಭವಾದ ಕೂಡಲೇ ಉರಿ ಕಡಿಮೆ ಮಾಡಿ, ಒಂದು ನಿಮಿಷ ಬೇಯಿಸಿ. 
6. ನಂತರ ಹಾಲನ್ನು ಸೇರಿಸಿ. 
7. ಸಕ್ಕರೆಯನ್ನೂ ಸೇರಿಸಿ. 
8. ಏಲಕ್ಕಿ ಪುಡಿ ಮತ್ತು ಕೇಸರಿ (ಬೇಕಾದಲ್ಲಿ) ಸೇರಿಸಿ ಕುದಿಸಿ. 
9. ನೆನಪಿಡಿ ಪಾಯಸ ತಣ್ಣಗಾದ ನಂತರ ಸ್ವಲ್ಪ ಗಟ್ಟಿಯಾಗುತ್ತದೆ. ಅದನ್ನು ಗಮನದಲ್ಲಿಟ್ಟುಕೊಂಡು, ಬೇಕಾದಲ್ಲಿ ಹಾಲು ಅಥವಾ ನೀರು ಸೇರಿಸಬಹುದು. ಸಕ್ಕರೆ ಕರಗಿದ ಮೇಲೆ ಸ್ಟವ್ ಸ್ಟೋವ್ ಆಫ್ ಮಾಡಿ.
10. ನಂತರ ತುಪ್ಪದಲ್ಲಿ ಹುರಿದ ಗೋಡಂಬಿ ಮತ್ತು ಒಣದ್ರಾಕ್ಷಿಯನ್ನು ಸೇರಿಸಿ. ರುಚಿಕರ ಪಾಯಸವನ್ನು ಬಿಸಿ ಅಥವಾ ತಣ್ಣಗೆ ಸವಿಯಿರಿ.

To see step by step pictures click here (ಹಂತ ಹಂತವಾದ ಚಿತ್ರ ವೀಕ್ಷಿಸಲು ಇಲ್ಲಿ ಕ್ಲಿಕ್ಕಿಸಿ)