Soft chapati dough in 1 minute in Kannada | 1 ನಿಮಿಷದಲ್ಲಿ ಚಪಾತಿ ಹಿಟ್ಟು ಕಲಸುವ ವಿಧಾನ

 

Soft chapati dough in 1 minute in Kannada | 1 ನಿಮಿಷದಲ್ಲಿ ಚಪಾತಿ ಹಿಟ್ಟು ಕಲಸುವ ವಿಧಾನ 

1 ನಿಮಿಷದಲ್ಲಿ ಚಪಾತಿ ಹಿಟ್ಟು ಕಲಸುವ ವಿಡಿಯೋ

ಬೇಕಾಗುವ ಪದಾರ್ಥಗಳು: ( ಅಳತೆ ಕಪ್ = 240 ಎಂಎಲ್ )

1. 1 ಕಪ್ ಗೋಧಿ ಹಿಟ್ಟು
2. 1/2 ಕಪ್ ನೀರು
3. 2 ಟೀಸ್ಪೂನ್ ಎಣ್ಣೆ
4. ಉಪ್ಪು ರುಚಿಗೆ ತಕ್ಕಷ್ಟು

1 ನಿಮಿಷದಲ್ಲಿ ಚಪಾತಿ ಹಿಟ್ಟು ಕಲಸುವ ವಿಧಾನ:

1. ಗೋಧಿ ಹಿಟ್ಟು, ಒಂದು ಚಮಚ ಎಣ್ಣೆ ಮತ್ತು ಉಪ್ಪನ್ನು ಒಂದು ಪಾತ್ರೆಯಲ್ಲಿ ತೆಗೆದುಕೊಳ್ಳಿ. 
2. ಅಳತೆ ಪ್ರಕಾರ ನೀರನ್ನು ಒಮ್ಮೆ ಸೇರಿಸಿ.
3. ನಂತರ ಕೈಯನ್ನು ಮಿಕ್ಸಿ ರೀತಿ ವೃತ್ತಾಕಾರವಾಗಿ ಸ್ವಲ್ಪ ಬಲ ಹಾಕಿ ತಿರುಗಿಸಿ. ಸುಮಾರು ಮೂವತ್ತು ಸೆಕೆಂಡ್ ಗಳಲ್ಲಿ ಹಿಟ್ಟು ಕಲಸಿ ಆಗುತ್ತದೆ. ಮೇಲಿನ ವಿಡಿಯೋ ಒಮ್ಮೆ ನೋಡಿ.  
4. ಕೊನೆಯಲ್ಲಿ ಇನ್ನೊಂದು ಚಮಚ ಎಣ್ಣೆ ಸೇರಿಸಿ ಪುನಃ ಕಲಸಿ. 
5. ಹದಿನೈದು ನಿಮಿಷ ನೆನೆಯಲು ಬಿಡಿ. 
6. ನಂತರ ಕಲಸಿಟ್ಟ ಚಪಾತಿ ಹಿಟ್ಟಿನಿಂದ ನಿಂಬೆ ಗಾತ್ರದ ಹಿಟ್ಟನ್ನು ತೆಗೆದುಕೊಂಡು ಲಟ್ಟಿಸಿ.
7. ಲಟ್ಟಿಸಿದ ಚಪಾತಿಯನ್ನು ತವಾ ಮೇಲೆ ಹಾಕಿ ಎರಡು ಬದಿ ಖಾಯಿಸಿ.
8. ನಿಮ್ಮಿಷ್ಟದ ಗೊಜ್ಜಿನೊಂದಿಗೆ ಬಡಿಸಿ.

To see step by step pictures click here (ಹಂತ ಹಂತವಾದ ಚಿತ್ರ ವೀಕ್ಷಿಸಲು ಇಲ್ಲಿ ಕ್ಲಿಕ್ಕಿಸಿ)

How to clean thamrada pathre in Kannada | ತಾಮ್ರದ ಪಾತ್ರೆ ಸ್ವಚ್ಛ ಗೊಳಿಸುವ ವಿಧಾನ

 

How to clean thamrada pathre in Kannada | ತಾಮ್ರದ ಪಾತ್ರೆ ಸ್ವಚ್ಛ ಗೊಳಿಸುವ ವಿಧಾನ

ತಾಮ್ರದ ಪಾತ್ರೆ ಸ್ವಚ್ಛ ಗೊಳಿಸುವ ವಿಡಿಯೋ

ಬೇಕಾಗುವ ಪದಾರ್ಥಗಳು: ( ಅಳತೆ ಕಪ್ = 240 ಎಂಎಲ್ )

1. ಅಗತ್ಯವಿದ್ದಷ್ಟು ಉಪ್ಪು
2. ಅಗತ್ಯವಿದ್ದಷ್ಟು ವಿನೆಗರ್
3. ಒಂದು ಸ್ಕ್ರಬ್ಬರ್

ತಾಮ್ರದ ಪಾತ್ರೆ ಸ್ವಚ್ಛ ಗೊಳಿಸುವ ವಿಧಾನ:

1. ಒಂದು ತಾಮ್ರದ ಪಾತ್ರೆ ತೆಗೆದುಕೊಳ್ಳಿ. 
2. ಸ್ವಲ್ಪ ಉಪ್ಪು ಉದುರಿಸಿ. 
3. ಮೇಲಿನಿಂದ ಸ್ವಲ್ಪ ವಿನೆಗರ್ ಹಾಕಿ. ವಿನೆಗರ್ ಇಲ್ಲವಾದಲ್ಲಿ, ನಿಂಬೆ ರಸ ಅಥವಾ ಹುಣಿಸೆರಸ ಹಾಕಬಹುದು. 
4. ನಂತರ ಸ್ಕ್ರಬ್ಬರ್ ಹಾಕಿ ಮೆದುವಾಗಿ ತಿಕ್ಕಿ. 
5. ನೀರಿನಲ್ಲಿ ತೊಳೆಯಿರಿ. 

To see step by step pictures click here (ಹಂತ ಹಂತವಾದ ಚಿತ್ರ ವೀಕ್ಷಿಸಲು ಇಲ್ಲಿ ಕ್ಲಿಕ್ಕಿಸಿ)

Kucchalakki ganji recipe in Kannada | ಕುಚ್ಚಲಕ್ಕಿ ಗಂಜಿ ಮಾಡುವ ವಿಧಾನ

 

Kucchalakki ganji recipe in Kannada | ಕುಚ್ಚಲಕ್ಕಿ ಗಂಜಿ ಮಾಡುವ ವಿಧಾನ 

ಅಕ್ಕಿ ಕಡುಬು ಮತ್ತು ಸಾರು ವಿಡಿಯೋ

ಕುಚ್ಚಲಕ್ಕಿ ಗಂಜಿಗೆ ಬೇಕಾಗುವ ಪದಾರ್ಥಗಳು: ( ಅಳತೆ ಕಪ್ = 240 ಎಂಎಲ್ )

1. ಅಗತ್ಯವಿದ್ದಷ್ಟು ಕುಚ್ಚಲಕ್ಕಿ
2. 4 - 5 ಪಟ್ಟು ನೀರು 
3. ತುಪ್ಪ ಬಡಿಸಲು 
4. ಉಪ್ಪಿನಕಾಯಿ ಬಡಿಸಲು
5. ಉಪ್ಪು ಬಡಿಸಲು

ಕುಚ್ಚಲಕ್ಕಿ ಗಂಜಿ ಮಾಡುವ ವಿಧಾನ:

1. ಕುಚ್ಚಲಕ್ಕಿಯನ್ನು ಚೆನ್ನಾಗಿ ತೊಳೆದು, ನೀರು ಬಗ್ಗಿಸಿ. 
2. ಕನಿಷ್ಠ ಮೂರು ಬಾರಿ ತೊಳೆಯಬೇಕು. ಅಕ್ಕಿ ತೊಳೆಯುವಾಗ ಅಂಟು ಎನಿಸಿದರೆ ಒಂದು ಬಾರಿ ಬಿಸಿ ನೀರು ಹಾಕಿ ತೊಳೆಯಿರಿ.
3. ನಂತರ ನಾಲ್ಕು ಪಟ್ಟು ನೀರು ಸೇರಿಸಿ, ಕುಕ್ಕರ್ ನಲ್ಲಿ 2 - 3 ವಿಷಲ್ ಮಾಡಿ.
4. ಆಮೇಲೆ ಅಕ್ಕಿ ಬೆಂದಿದೆಯಾ ನೋಡಿ. ಕುಚ್ಚಲಕ್ಕಿ ಬೇಗ ಬೇಯುವುದಿಲ್ಲ. 
5. ಹಾಗಾಗಿ ಅಗತ್ಯವಿದ್ದಲ್ಲಿ ಪುನಃ ಸ್ವಲ್ಪ ನೀರು ಸೇರಿಸಿ  ಮತ್ತೆ 2 - 3 ವಿಷಲ್ ಮಾಡಿ.
6. ಬಿಸಿ ಬಿಸಿ ಬಡಿಸಿ. ಸಾಧಾರಣವಾಗಿ ಉಪ್ಪು, ತುಪ್ಪ ಮತ್ತು ಉಪ್ಪಿನಕಾಯಿಯೊಂದಿಗೆ ಬಡಿಸುತ್ತಾರೆ.  
7. ನಿಮ್ಮಿಷ್ಟದಂತೆ ಉಪ್ಪಿನಕಾಯಿ-ಮೊಸರು, ಖಾರ ಚಟ್ನಿ, ಪಲ್ಯ, ಗೊಜ್ಜು ಹೀಗೆ ಬೇರೆ ಯಾವುದರ ಜೊತೆ ಬೇಕಾದರೂ ಬಡಿಸಬಹುದು. ಗಂಜಿಯ ನೀರು ಬಗ್ಗಿಸಬಾರದು. 

To see step by step pictures click here (ಹಂತ ಹಂತವಾದ ಚಿತ್ರ ವೀಕ್ಷಿಸಲು ಇಲ್ಲಿ ಕ್ಲಿಕ್ಕಿಸಿ)

2 ingredient laddu recipe in Kannada | ಶೇಂಗಾ ಅಥವಾ ಕಡಲೆಕಾಯಿ ಉಂಡೆ ಮಾಡುವ ವಿಧಾನ

 

2 ingredient laddu recipe in Kannada | ಶೇಂಗಾ ಅಥವಾ ಕಡಲೆಕಾಯಿ ಉಂಡೆ ಮಾಡುವ ವಿಧಾನ 

ಶೇಂಗಾ ಅಥವಾ ಕಡಲೆಕಾಯಿ ಉಂಡೆ ವಿಡಿಯೋ

ಬೇಕಾಗುವ ಪದಾರ್ಥಗಳು: ( ಅಳತೆ ಕಪ್ = 240 ಎಂಎಲ್ )

1. 1/2 ಕಪ್ ಶೇಂಗಾ ಅಥವಾ ನೆಲಗಡಲೆ
2. 1/4 ಕಪ್ ಬೆಲ್ಲ

ಶೇಂಗಾ ಅಥವಾ ನೆಲಗಡಲೆ ಉಂಡೆ ಮಾಡುವ ವಿಧಾನ:

1. ಒಂದು ದಪ್ಪ ತಳದ ಬಾಣಲೆಯಲ್ಲಿ ಶೇಂಗಾ ಅಥವಾ ಕಡಲೆಕಾಯಿಯನ್ನು ಮಧ್ಯಮ ಉರಿಯಲ್ಲಿ ಕಂದು ಬಣ್ಣ ಬರುವವರೆಗೆ ಹುರಿಯಿರಿ. 
2. ಬಿಸಿ ಆರಿದ ಮೇಲೆ ಸಿಪ್ಪೆ ತೆಗೆಯಿರಿ. 
3. ಮಿಕ್ಸಿಗೆ ಹಾಕಿ ತರಿ ತರಿಯಾಗಿ ಪುಡಿ ಮಾಡಿ. ತುಂಬ ಹೊತ್ತು ಮಿಕ್ಸಿ ರನ್ ಮಾಡಬೇಡಿ. 
4. ನಂತರ ಪುಡಿ ಮಾಡಿದ ಬೆಲ್ಲ ಹಾಕಿ ಪುನಃ ಪಲ್ಸ್ ಬಟನ್ ಉಪಯೋಗಿಸಿ 3 - 4 ಸಲ ಬುರ್-ಬುರ್ ಮಾಡಿ.
5. ಮಿಕ್ಸಿ ಜಾರಿನ ಬದಿಯನ್ನು ಹೆರೆಸಿ ಒಟ್ಟು ಮಾಡಿ, ಪುನಃ ಪುಡಿ ಮಾಡಿ. 
6. ಹೀಗೆ 3 - 4 ಸಲ ಶೇಂಗಾ ಸ್ವಲ್ಪ ಎಣ್ಣೆ ಬಿಡುವವರೆಗೆ ಪುಡಿ ಮಾಡಿ. 
7. ಒಂದು ಬಟ್ಟಲಿಗೆ ಪುಡಿ ಮಾಡಿದ ಶೇಂಗಾ ಮತ್ತು ಬೆಲ್ಲದ ಮಿಶ್ರಣ ಹಾಕಿ. ಒಮ್ಮೆ ಕಲಸಿ. 
8. ಸ್ವಲ್ಪ ಮಿಶ್ರಣವನ್ನು ತೆಗೆದುಕೊಂಡು ಮುಷ್ಟಿಯಲ್ಲಿ ಉಂಡೆ ಮಾಡಿ. ಸವಿದು ಆನಂದಿಸಿ.

To see step by step pictures click here (ಹಂತ ಹಂತವಾದ ಚಿತ್ರ ವೀಕ್ಷಿಸಲು ಇಲ್ಲಿ ಕ್ಲಿಕ್ಕಿಸಿ)

How to clean stove burner in Kannada | ಸ್ಟವ್ ಬರ್ನರ್ ಸ್ವಚ್ಛ ಗೊಳಿಸುವ ವಿಧಾನ

  

How to clean stove burner in Kannada | ಸ್ಟವ್ ಬರ್ನರ್ ಸ್ವಚ್ಛ ಗೊಳಿಸುವ ವಿಧಾನ

ಸ್ಟವ್ ಬರ್ನರ್ ಸ್ವಚ್ಛ ಗೊಳಿಸುವ ವಿಡಿಯೋ

ಬೇಕಾಗುವ ಪದಾರ್ಥಗಳು - ವಿಧಾನ ೧:( ಅಳತೆ ಕಪ್ = 240 ಎಂಎಲ್ )

1. ಅಗತ್ಯವಿದ್ದಷ್ಟು ಬಿಸಿ ನೀರು
2. ಅರ್ಧ ನಿಂಬೆ ಹಣ್ಣು
3. ಒಂದು ಸಣ್ಣ ಪ್ಯಾಕ್ ಇನೋ 
4. ಸ್ವಲ್ಪ ಪಾತ್ರೆ ತೊಳೆಯುವ ಲಿಕ್ವಿಡ್ (ಅಥವಾ ಡಿಟರ್ಜೆಂಟ್)
5. ಒಂದು ಬ್ರಷ್ ಅಥವಾ ಸ್ಕ್ರಬ್ಬರ್

ಬೇಕಾಗುವ ಪದಾರ್ಥಗಳು - ವಿಧಾನ ೨:( ಅಳತೆ ಕಪ್ = 240 ಎಂಎಲ್ )

1. ಅರ್ಧ ಕಪ್ ಬಿಸಿ ನೀರು
2. ಅರ್ಧ ಕಪ್ ವಿನೆಗರ್
3. ಎರಡು ಚಮಚ ಅಡುಗೆ ಸೋಡಾ
4. ಸ್ವಲ್ಪ ಪಾತ್ರೆ ತೊಳೆಯುವ ಲಿಕ್ವಿಡ್ (ಅಥವಾ ಡಿಟರ್ಜೆಂಟ್)
5. ಒಂದು ಬ್ರಷ್ ಅಥವಾ ಸ್ಕ್ರಬ್ಬರ್

ಸ್ಟವ್ ಬರ್ನರ್ ಸ್ವಚ್ಛ ಗೊಳಿಸುವ ವಿಧಾನ:

1. ಮೊದಲನೇ ವಿಧಾನವಾದಲ್ಲಿ, ಒಂದು ಬೌಲ್ನಲ್ಲಿ ಬಿಸಿ ನೀರು, ಅರ್ಧ ನಿಂಬೆ ಹಣ್ಣು ಮತ್ತು ಒಂದು ಸಣ್ಣ ಪ್ಯಾಕ್ ಇನೋ ಫ್ರೂಟ್ ಸಾಲ್ಟ್ ಹಾಕಿ. ಅದರಲ್ಲಿ ಸ್ಟವ್ ಬರ್ನರ್ ಎರಡು ಘಂಟೆ ನೆನೆಸಿಡಿ. 
2. ಮೊದಲನೇ ವಿಧಾನವಾದಲ್ಲಿ, ಒಂದು ಬೌಲ್ನಲ್ಲಿ ಬಿಸಿ ನೀರು, ವಿನೆಗರ್ ಮತ್ತು ಅಡುಗೆ ಸೋಡಾ ಹಾಕಿ. ಅದರಲ್ಲಿ ಸ್ಟವ್ ಬರ್ನರ್ ಎರಡು ಘಂಟೆ ನೆನೆಸಿಡಿ. 
3. ಇನೋ ಫ್ರೂಟ್ ಸಾಲ್ಟ್ ಅಥವಾ ವಿನೆಗರ್ ಇಲ್ಲವಾದಲ್ಲಿ, ಬಿಸಿ ನೀರು ಮತ್ತು ಸ್ವಲ್ಪ ಪಾತ್ರೆ ತೊಳೆಯುವ ಲಿಕ್ವಿಡ್ (ಅಥವಾ ಡಿಟರ್ಜೆಂಟ್) ನಲ್ಲಿ ನೆನೆಸಿಡಿ. 
4. ನೆನೆಸಿದ ನಂತರ ಬ್ರಷ್ (ಅಥವಾ ಸ್ಕ್ರಬ್ಬರ್) ಮತ್ತು ಪಾತ್ರೆ ತೊಳೆಯೋ ಸೋಪ್ ಹಾಕಿ ಚೆನ್ನಾಗಿ ತಿಕ್ಕಿ. 
5. ಜಾಸ್ತಿ ಹೊಳತೆ ಬೇಕಾದಲ್ಲಿ ಸ್ಟೀಲ್ ಸ್ಕ್ರಬ್ಬರ್ ನಲ್ಲಿ ಮೆತ್ತಗೆ ತಿಕ್ಕಿ. 
6. ಚೆನ್ನಾಗಿ ತೊಳೆದು, ನೀರಾರಲು ಬಿಡಿ. 

To see step by step pictures click here (ಹಂತ ಹಂತವಾದ ಚಿತ್ರ ವೀಕ್ಷಿಸಲು ಇಲ್ಲಿ ಕ್ಲಿಕ್ಕಿಸಿ)

Akki kadubu and saaru recipe in Kannada | ಅಕ್ಕಿ ಕಡುಬು ಮತ್ತು ಸಾರು ಮಾಡುವ ವಿಧಾನ

 

Akki kadubu and saaru recipe in Kannada | ಅಕ್ಕಿ ಕಡುಬು ಮತ್ತು ಸಾರು ಮಾಡುವ ವಿಧಾನ 

ಅಕ್ಕಿ ಕಡುಬು ಮತ್ತು ಸಾರು ವಿಡಿಯೋ

ಅಕ್ಕಿ ಕಡುಬಿಗೆ ಬೇಕಾಗುವ ಪದಾರ್ಥಗಳು: ( ಅಳತೆ ಕಪ್ = 240 ಎಂಎಲ್ )

1. 1 ಕಪ್ ಸೋನಾ ಮಸೂರಿ ಅಕ್ಕಿ
2. 2.5 ಕಪ್ ನೀರು 
3. ಉಪ್ಪು ರುಚಿಗೆ ತಕ್ಕಷ್ಟು

ಸಾರಿಗೆ ಬೇಕಾಗುವ ಪದಾರ್ಥಗಳು: (ಅಳತೆ ಕಪ್ = 240ಎಂ ಎಲ್)

1. 2 ಟೊಮ್ಯಾಟೊ
2. 1 ಸಣ್ಣ ನೆಲ್ಲಿಕಾಯಿ ಗಾತ್ರದ ಹುಣಸೆ ಹಣ್ಣು
3. 1 ಟೀಸ್ಪೂನ್ ಬೆಲ್ಲ (ನಿಮ್ಮ ರುಚಿಗೆ ತಕ್ಕಷ್ಟು - ಆದರೆ ಹಾಕಲು ಮರೆಯದಿರಿ)
4. 1 ಟೀಸ್ಪೂನ್ ಉಪ್ಪು (ಅಥವಾ ನಿಮ್ಮ ರುಚಿಗೆ ತಕ್ಕಷ್ಟು)
5. 1 ಹಸಿರು ಮೆಣಸಿನಕಾಯಿ
6. 2 ಟೇಬಲ್ ಚಮಚ ಹೆಚ್ಚಿದ ಕೊತ್ತಂಬರಿ ಸೊಪ್ಪು
7. ಒಂದು ದೊಡ್ಡ ಚಿಟಿಕೆ ಅರಿಶಿನ ಪುಡಿ.

ಒಗ್ಗರಣೆಗೆ ಬೇಕಾಗುವ ಪದಾರ್ಥಗಳು:

1. 1 ಒಣಮೆಣಸಿನಕಾಯಿ
2. 1/2 ಚಮಚ ಸಾಸಿವೆ
3. 1/2 ಟೀಸ್ಪೂನ್ ಜೀರಿಗೆ
4. ಇಂಗು ಒಂದು ಚಿಟಿಕೆ
5. 5 - 6 ಕರಿಬೇವಿನ ಎಲೆ
6. 2 ಟೀಸ್ಪೂನ್ ಅಡುಗೆ ಎಣ್ಣೆ

ಅಕ್ಕಿ ಕಡುಬು ಮತ್ತು ಸಾರು ಮಾಡುವ ವಿಧಾನ:

1. ಅಕ್ಕಿಯನ್ನು ತೊಳೆದು, ನೀರು ಬಗ್ಗಿಸಿ, ಅಗಲವಾದ ಪಾತ್ರೆಯಲ್ಲಿ ಹರಡಿ ನೀರಾರಲು ಬಿಡಿ. 
2. ನಂತರ ಮಿಕ್ಸಿಯಲ್ಲಿ ತರಿ ತರಿಯಾಗಿ ಪುಡಿ ಮಾಡಿಕೊಳ್ಳಿ. ಕೆಲವು ಸೆಕೆಂಡ್ ಗಳ ಕಾಲ ಮಿಕ್ಸಿ ಮಾಡಿದರೆ ಸಾಕಾಗುತ್ತದೆ. 
3. ಒಂದು ಬಾಣಲೆಯಲ್ಲಿ ನೀರು ಮತ್ತು ಉಪ್ಪು ಹಾಕಿ ಕುದಿಯಲು ಇಡಿ. 
4. ನೀರು ಕುದಿಯಲು ಪ್ರಾರಂಭಿಸಿದ ನಂತರ ಅಕ್ಕಿ ತರಿ ಅಥವಾ ರವೆಯನ್ನು ಹಾಕುತ್ತಾ ದೋಸೆ ಸಟ್ಟುಗ ಉಪಯೋಗಿಸಿ ಗಂಟಾಗದಂತೆ ಮಗುಚಿ. 
5. ಮಧ್ಯಮ ಉರಿಯಲ್ಲಿ ತೆಳು ಪೇಸ್ಟ್ ಆಗುವವವರೆಗೆ ಮಗುಚಿ. ತುಂಬ ಗಟ್ಟಿಯಾಗುವುದು ಬೇಡ. ತುಂಬ ಕಡಿಮೆ ಸಮಯ ಸಾಕಾಗುತ್ತದೆ. 
6. ತಟ್ಟೆ ಅಥವಾ ಪ್ಲೇಟ್ ಗೆ ತುಪ್ಪ ಹಚ್ಚಿ ಹಿಟ್ಟನ್ನು ಹಾಕಿ. 
7. ಸೆಕೆಯಲ್ಲಿ (ಆವಿಯಲ್ಲಿ) 15 ನಿಮಿಷ ಬೇಯಿಸಿ.
8. ಸಾರು ಮಾಡಲು ಟೊಮ್ಯಾಟೊವನ್ನು ದೊಡ್ಡದಾಗಿ ಕತ್ತರಿಸಿ, ಮಿಕ್ಸಿಯಲ್ಲಿ ತೆಂಗಿನತುರಿಯೊಂದಿಗೆ ಅಗತ್ಯವಿದ್ದಷ್ಟು ನೀರು ಸೇರಿಸಿ ಅರೆಯಿರಿ.
9. ಅರೆದ ಟೊಮ್ಯಾಟೊವನ್ನು ಒಂದು ಪಾತ್ರೆಗೆ ಹಾಕಿ. ಉಪ್ಪು, ಅರಿಶಿನ ಪುಡಿ ಹಾಕಿ ಕುದಿಯಲು ಇಡಿ. 
10. ಬೆಲ್ಲ ಮತ್ತು ಹುಣಿಸೇಹಣ್ಣು ಸೇರಿಸಿ. ಕುದಿಯುವುದನ್ನು ಮುಂದುವರೆಸಿ. 
11. ಸೀಳಿದ ಹಸಿರುಮೆಣಸಿನಕಾಯಿ ಮತ್ತು ಕೊತ್ತಂಬರಿ ಸೊಪ್ಪು ಹಾಕಿ ಕುದಿಸಿ. ಮಂದ ಉರಿಯಲ್ಲಿ ಕುದಿಯಲು ಬಿಡಿ.
12. ಅಗತ್ಯವಿದ್ದಷ್ಟು ನೀರು ಸೇರಿಸಿ ಕುದಿಸಿ. 
13.  ಒಂದು ಚಮಚ ಸಾರಿನ ಪುಡಿ ಹಾಕಿ ಕುದಿಸಿ. ಸ್ಟವ್ ಆಫ್  ಮಾಡಿ 
14. ಎಣ್ಣೆ, ಒಣಮೆಣಸಿನಕಾಯಿ, ಸಾಸಿವೆ, ಜೀರಿಗೆ,  ಇಂಗು ಮತ್ತು ಕರಿಬೇವಿನ ಎಲೆಯ ಒಗ್ಗರಣೆ ಮಾಡಿ. 
15. ಒಗ್ಗರಣೆಯನ್ನು ಕುದಿಸಿದ ಸಾರಿಗೆ ಹಾಕಿ.  ಬಿಸಿಯಾದ ಕಡುಬಿನೊಂದಿಗೆ ಬಡಿಸಿ.

To see step by step pictures click here (ಹಂತ ಹಂತವಾದ ಚಿತ್ರ ವೀಕ್ಷಿಸಲು ಇಲ್ಲಿ ಕ್ಲಿಕ್ಕಿಸಿ)

Protein dose recipe in kannada | ಬೇಳೆ ದೋಸೆ ಮಾಡುವ ವಿಧಾನ

 

Protein dose recipe in kannada | ಬೇಳೆ ದೋಸೆ ಮಾಡುವ ವಿಧಾನ

ಬೇಳೆ ದೋಸೆ ವಿಡಿಯೋ 

ಬೇಕಾಗುವ ಪದಾರ್ಥಗಳು: ( ಅಳತೆ ಕಪ್ = 240 ಎಂಎಲ್ )

1. 1/2 ಕಪ್ ದೋಸೆ ಅಕ್ಕಿ
2. 1/4 ಕಪ್ ಹೆಸರುಕಾಳು
3. 2 ಟೇಬಲ್ ಚಮಚ ಉದ್ದಿನ ಬೇಳೆ
4. 2 ಟೇಬಲ್ ಚಮಚ ತೊಗರಿ ಬೇಳೆ 
5. 2 ಟೇಬಲ್ ಚಮಚ ಕಡ್ಲೇ ಬೇಳೆ 
6. 2 ಟೇಬಲ್ ಚಮಚ ಮಸೂರ್ ಬೇಳೆ 
7. 1 ಟೇಬಲ್ ಚಮಚ ಶೇಂಗಾ
8. 1 ಟೇಬಲ್ ಚಮಚ ಬಾದಾಮಿ
9. 3 - 5 ಒಣ ಮೆಣಸಿನಕಾಯಿ
10. ಸಣ್ಣ ತುಂಡು ಶುಂಠಿ 
11. 1 ಟೀಸ್ಪೂನ್ ಜೀರಿಗೆ 
12. ಉಪ್ಪು ರುಚಿಗೆ ತಕ್ಕಷ್ಟು.

ಬೇಳೆ ದೋಸೆ ಮಾಡುವ ವಿಧಾನ:

1. ಅಕ್ಕಿ, ಬೇಳೆ ಮತ್ತು ಕಾಳುಗಳನ್ನು ತೊಳೆದು ನೀರಿನಲ್ಲಿ 4 - 5 ಗಂಟೆಗಳ ಕಾಲ ನೆನೆಯಲು ಬಿಡಿ.
2. 4 - 5 ಗಂಟೆಗಳ ನಂತರ ನೀರು ಬಗ್ಗಿಸಿ ಅಕ್ಕಿ ಮತ್ತು ಬೇಳೆಗಳನ್ನು ಅಗತ್ಯವಿದ್ದಷ್ಟು ನೀರು ಸೇರಿಸಿ ನಯವಾಗಿ ಅರೆಯಿರಿ. 
3. ಎರಡನೇ ಸಲ ಅರೆಯುವಾಗ ಒಣಮೆಣಸಿನಕಾಯಿ, ಶುಂಠಿ ಮತ್ತು ಜೀರಿಗೆ ಸೇರಿಸಿ ಅರೆಯಿರಿ. 
4. ರುಚಿಗೆ ತಕ್ಕಷ್ಟು ಉಪ್ಪು ಮತ್ತು ಇಂಗು ಸೇರಿಸಿ ಚೆನ್ನಾಗಿ ಕಲಸಿ. 
5. ಅಗತ್ಯವಿದ್ದಷ್ಟು ನೀರು ಸೇರಿಸಿ. ಹಿಟ್ಟು ಉದ್ದಿನ ದೋಸೆ ಹಿಟ್ಟಿನಂತಿರಲಿ.
6. ದೋಸೆ ಮಾಡಲು ಹೆಂಚನ್ನು ಬಿಸಿಮಾಡಿ ಕೊಳ್ಳಿ. ಈಗ ವೃತ್ತಾಕಾರದ ರೀತಿಯಲ್ಲಿ ದೋಸೆ ಹಿಟ್ಟನ್ನು ತೆಳುವಾಗಿ ಹರಡಿ. ಮೇಲಿನಿಂದ ತುಪ್ಪ ಅಥವಾ ಎಣ್ಣೆ ಹಾಕಿ. ಬಿಸಿ ಬಿಸಿ ದೋಸೆಯನ್ನು ಚಟ್ನಿಯೊಂದಿಗೆ ಬಡಿಸಿ. 
7. ಸಮಯವಿದ್ದಲ್ಲಿ ಕೆಲವು ಘಂಟೆಗಳ ಕಾಲ ಹಿಟ್ಟು ಹುದುಗಲು ಬಿಟ್ಟು ನಂತರ ದೋಸೆ ಮಾಡಿದರೆ ಆಗಲೂ ದೋಸೆ ಚೆನ್ನಾಗಿ ಬರುತ್ತದೆ. ನಿಮ್ಮ ರುಚಿ ಪ್ರಕಾರ ಮಾಡಿ ಆನಂದಿಸಿ.

To see step by step pictures click here (ಹಂತ ಹಂತವಾದ ಚಿತ್ರ ವೀಕ್ಷಿಸಲು ಇಲ್ಲಿ ಕ್ಲಿಕ್ಕಿಸಿ)

Menthe hittu recipe in Kannada | ಮೆಂತೆ ಹಿಟ್ಟು ಮಾಡುವ ವಿಧಾನ

 

Menthe hittu recipe in Kannada | ಮೆಂತೆ ಹಿಟ್ಟು ಮಾಡುವ ವಿಧಾನ 

ಮೆಂತೆ ಹಿಟ್ಟು ವಿಡಿಯೋ

ಬೇಕಾಗುವ ಪದಾರ್ಥಗಳು: ( ಅಳತೆ ಕಪ್ = 240 ಎಂಎಲ್ )

1. 1/2 ಕಪ್ ಕಡ್ಲೆಬೇಳೆ
2. 1/4 ಕಪ್ ಉದ್ದಿನಬೇಳೆ 
3. 1/4 ಕಪ್ ಹೆಸರು ಬೇಳೆ 
4. 1/4 ಕಪ್ ತೊಗರಿಬೇಳೆ
5. 1/4 ಕಪ್ ಗಿಂತ ಸ್ವಲ್ಪ ಕಡಿಮೆ ಗೋಧಿ ಅಥವಾ ಗೋಧಿನುಚ್ಚು
6. 2 ಟೀಸ್ಪೂನ್ ಅಕ್ಕಿ
7. 1 ಟೀಸ್ಪೂನ್ ಕೊತ್ತಂಬರಿ ಬೀಜ
8. 3/4 ಟೀಸ್ಪೂನ್ ಜೀರಿಗೆ 
9. 3/4 ಟೀಸ್ಪೂನ್ ಮೆಂತೆ
10. 1/4 ಟೀಸ್ಪೂನ್ ಅರಿಶಿನ 
11. ಉಪ್ಪು ರುಚಿಗೆ ತಕ್ಕಷ್ಟು 

ಮೆಂತೆ ಹಿಟ್ಟು ಮಾಡುವ ವಿಧಾನ:

1. ಎಲ್ಲ ಪದಾರ್ಥಗಳನ್ನು ಅಳತೆ ಪ್ರಕಾರ ತೆಗೆದುಕೊಳ್ಳಿ. 
2. ಮೊದಲಿಗೆ ಕಡಲೆಬೇಳೆಯನ್ನು ಮಧ್ಯಮ ಉರಿಯಲ್ಲಿ ಸ್ವಲ್ಪ ಕಂದು ಬಣ್ಣ ಬರುವವರವರೆಗೆ ಹುರಿದು ತೆಗೆದಿಡಿ.
3. ನಂತರ ಹೆಸರು ಬೇಳೆ, ಆಮೇಲೆ ತೊಗರಿಬೇಳೆ, ನಂತರ ಉದ್ದಿನ ಬೇಳೆ ಹೀಗೆ ಎಲ್ಲ ಬೇಳೆ ಗಳನ್ನು ಕಂದು ಬಣ್ಣ ಬರುವವರೆಗೆ ಹುರಿದು ತೆಗೆದಿಡಿ. 
4. ಗೋಧಿ ಅಥವಾ ಗೋಧಿ ನುಚ್ಚನ್ನು ಸಹ ಹುರಿದು ತೆಗೆದಿಡಿ.
5. ಕೊನೆಯಲ್ಲಿ ಉಳಿದ ಪದಾರ್ಥಗಳನ್ನು (ಅಕ್ಕಿ, ಕೊತ್ತಂಬರಿ ಬೀಜ, ಜೀರಿಗೆ ಮತ್ತು ಮೆಂತೆ) ಸಣ್ಣ ಉರಿಯಲ್ಲಿ ಹುರಿದು ತೆಗೆದಿಡಿ.   
6. ಸ್ಟವ್ ಆಫ್ ಮಾಡಿ, ಅರಿಶಿನ ಪುಡಿ ಸೇರಿಸಿ ಮಗುಚಿ.
7. ಎಲ್ಲ ಹುರಿದ ಪದಾರ್ಥಗಳನ್ನು ಸೇರಿಸಿ, ಉಪ್ಪು ಸೇರಿಸಿ, ಬಿಸಿ ಆರಲು ಬಿಡಿ. 
8. ಹುರಿದ ಎಲ್ಲ ಪದಾರ್ಥಗಳು ತಣ್ಣಗೆ ಆದ ಮೇಲೆ ಮಿಕ್ಸಿ ಜಾರಿಗೆ ಹಾಕಿ ನುಣ್ಣನೆ ಪುಡಿ ಮಾಡಿ. ಗಾಳಿಯಾಡದ ಡಬ್ಬದಲ್ಲಿ ಹಾಕಿ ಎತ್ತಿಡಿ. 
9. ಬಿಸಿ ಅನ್ನ ಮತ್ತು ತುಪ್ಪದ ಜೊತೆ ಕಲಸಿ ತಿನ್ನಿ. ಅಥವಾ ಗೊಜ್ಜು ಮಾಡಬಹುದು. 
10. ಗೊಜ್ಜು ಮಾಡಲು, ಒಂದು ಬೌಲ್ ನಲ್ಲಿ ಮೆಂತೆ ಹಿಟ್ಟು, ರುಚಿಗೆ ತಕ್ಕಂತೆ ಉಪ್ಪು, ಹುಳಿ ಮತ್ತು ಬೆಲ್ಲ ತೆಗೆದುಕೊಂಡು, ಅಗತ್ಯವಿದ್ದಷ್ಟು ನೀರು ಹಾಕಿ ಕಲಸಿ. ಒಗ್ಗರಣೆ ಕೊಡಿ. ಅನ್ನದೊಂದಿಗೆ ಸವಿಯಿರಿ. 

To see step by step pictures click here (ಹಂತ ಹಂತವಾದ ಚಿತ್ರ ವೀಕ್ಷಿಸಲು ಇಲ್ಲಿ ಕ್ಲಿಕ್ಕಿಸಿ)

Ragi halu recipe in Kannada | ರಾಗಿ ಹಾಲು ಮಾಡುವ ವಿಧಾನ

 

Ragi halu recipe in Kannada | ರಾಗಿ ಹಾಲು ಮಾಡುವ ವಿಧಾನ

ರಾಗಿ ಹಾಲು ವಿಡಿಯೋ

ಬೇಕಾಗುವ ಪದಾರ್ಥಗಳು (ವಿಧಾನ 1): (ಅಳತೆ ಕಪ್ = 240 ಎಂಎಲ್ )

1. 1/2 ಕಪ್ ರಾಗಿ
2. 4 ಬಾದಾಮಿ
3. 1/4 ಕಪ್ ಪುಡಿ ಮಾಡಿದ ಬೆಲ್ಲ (ಅಥವಾ ರುಚಿಗೆ ತಕ್ಕಂತೆ)
4. ಸುಮಾರು 2 ಕಪ್ ನೀರು (ಅರೆಯಲು ಬೇಕಾದ ನೀರು ಸೇರಿಸಿ)
5. ಎರಡು ಏಲಕ್ಕಿ

ಬೇಕಾಗುವ ಪದಾರ್ಥಗಳು (ವಿಧಾನ 2): (ಅಳತೆ ಕಪ್ = 240 ಎಂಎಲ್ )

1. 1/2 ಕಪ್ ರಾಗಿ
2. 1/4 ಕಪ್ ಹಸಿ ತೆಂಗಿನತುರಿ
3. 1/4 ಕಪ್ ಪುಡಿ ಮಾಡಿದ ಬೆಲ್ಲ (ಅಥವಾ ರುಚಿಗೆ ತಕ್ಕಂತೆ)
4. ಸುಮಾರು 2 ಕಪ್ ನೀರು (ಅರೆಯಲು ಬೇಕಾದ ನೀರು ಸೇರಿಸಿ)
5. ಎರಡು ಏಲಕ್ಕಿ

ಎಳ್ಳು ಜ್ಯೂಸು ಮಾಡುವ ವಿಧಾನ 1:

1. ಒಂದು ಪಾತ್ರೆಯಲ್ಲಿ ರಾಗಿ ಮತ್ತು ಬಾದಾಮಿ ತೆಗೆದುಕೊಂಡು ಚೆನ್ನಾಗಿ ತೊಳೆಯಿರಿ.
2. ನಂತ್ರ ಎರಡು ಘಂಟೆ ನೆನೆಸಿ. 
3. ನೆನೆಸಿದ ನಂತ್ರ ನೀರು ಬಸಿದು, ಮಿಕ್ಸಿ ಜಾರಿಗೆ ಹಾಕಿ. 
4. ಬೆಲ್ಲ ಮತ್ತು ಏಲಕ್ಕಿಯನ್ನು ಸೇರಿಸಿ.
5. ಅಗತ್ಯವಿರುವಷ್ಟು ನೀರು ಬಳಸಿಕೊಂಡು ನಯವಾಗಿ ಅರೆಯಿರಿ.
6. ಅರೆದ ಮಿಶ್ರಣವನ್ನು ಸೋಸಿ. 
7. ಪುನಃ ಒಮ್ಮೆ ಅರೆದು ಸೋಸಿ. 
8. ರುಚಿಕರ ಮತ್ತು ಆರೋಗ್ಯಕರ ಹಾಲು ಅಥವಾ ಜ್ಯೂಸನ್ನು ಸವಿಯಿರಿ.

ಎಳ್ಳು ಜ್ಯೂಸು ಮಾಡುವ ವಿಧಾನ 2:

1. ಒಂದು ಪಾತ್ರೆಯಲ್ಲಿ ರಾಗಿ ತೆಗೆದುಕೊಂಡು ಚೆನ್ನಾಗಿ ತೊಳೆಯಿರಿ.
2. ನಂತ್ರ ಒಂದು ಪ್ಲೇಟ್ ಅಥವಾ ಬಟ್ಟೆ ಮೇಲೆ ಹರಡಿ, ಒಣಗಲು ಬಿಡಿ. 
3. ನೀರು ಒಣಗಿದ ನಂತರ ಬಾಣಲೆಗೆ ಹಾಕಿ ಮಧ್ಯಮ ಉರಿಯಲ್ಲಿ ಹುರಿಯಿರಿ. 
4. ಬಿಸಿ ಆರಿದ ಮೇಲೆ ಮಿಕ್ಸಿ ಜಾರಿಗೆ ಹಾಕಿ, ಏಲಕ್ಕಿ ಸೇರಿಸಿ ಪುಡಿ ಮಾಡಿ. 
5. ತೆಂಗಿನತುರಿ ಮತ್ತು ಬೆಲ್ಲ ಸೇರಿಸಿ.
6. ಅಗತ್ಯವಿರುವಷ್ಟು ನೀರು ಬಳಸಿಕೊಂಡು ನಯವಾಗಿ ಅರೆಯಿರಿ.
7. ಅರೆದ ಮಿಶ್ರಣವನ್ನು ಸೋಸಿ. 
8. ರುಚಿಕರ ಮತ್ತು ಆರೋಗ್ಯಕರ ಹಾಲು ಅಥವಾ ಜ್ಯೂಸನ್ನು ಸವಿಯಿರಿ.

To see step by step pictures click here (ಹಂತ ಹಂತವಾದ ಚಿತ್ರ ವೀಕ್ಷಿಸಲು ಇಲ್ಲಿ ಕ್ಲಿಕ್ಕಿಸಿ)

Avalakki upkari recipe in Kannada | ಅವಲಕ್ಕಿ ಉಪ್ಕರಿ ಮಾಡುವ ವಿಧಾನ

 

Avalakki upkari recipe in Kannada | ಅವಲಕ್ಕಿ ಉಪ್ಕರಿ ಮಾಡುವ ವಿಧಾನ 

ಅವಲಕ್ಕಿ ಉಪ್ಕರಿ ವಿಡಿಯೋ

ಬೇಕಾಗುವ ಪದಾರ್ಥಗಳು: ( ಅಳತೆ ಕಪ್ = 240 ಎಂಎಲ್ )

1. 2 - 3 ಕಪ್ ತೆಳು ಅವಲಕ್ಕಿ
2. 1/2 ಕಪ್ ತೆಂಗಿನ ತುರಿ 
3. 2 - 3 ಟೇಬಲ್ ಸ್ಪೂನ್ ಪುಡಿ ಮಾಡಿದ ಬೆಲ್ಲ
4. ಉಪ್ಪು ರುಚಿಗೆ ತಕ್ಕಷ್ಟು 
5. 2 ಟೀಸ್ಪೂನ್ ರಸಂ ಪೌಡರ್

ಒಗ್ಗರಣೆಗೆ ಬೇಕಾಗುವ ಪದಾರ್ಥಗಳು:

1. 1/2 ಟೀಸ್ಪೂನ್ ಸಾಸಿವೆ 
2. 1/2 ಟೀಸ್ಪೂನ್ ಉದ್ದಿನಬೇಳೆ
3. 1 ಒಣ ಮೆಣಸಿನಕಾಯಿ 
4. 4 - 5 ಕರಿಬೇವಿನ ಎಲೆ 
5. 2 ಟೀಸ್ಪೂನ್ ಅಡುಗೆ ಎಣ್ಣೆ 

ರಸಂ ಪೌಡರ್ ಇಲ್ಲದಿದ್ದಲ್ಲಿ ಬೇಕಾಗುವ ಪದಾರ್ಥಗಳು:

1. 3 ಒಣ ಮೆಣಸಿನಕಾಯಿ 
2. 2 ಟೀಸ್ಪೂನ್ ಕೊತ್ತಂಬರಿ ಬೀಜ
3. 1 ಟೀಸ್ಪೂನ್ ಜೀರಿಗೆ

ಅವಲಕ್ಕಿ ಉಪ್ಕರಿ ಮಾಡುವ ವಿಧಾನ:

1. ಒಂದು ಪಾತ್ರೆಯಲ್ಲಿ ತೆಂಗಿನ ತುರಿ, ಬೆಲ್ಲ, ರಸಂ ಪೌಡರ್ ಮತ್ತು ಉಪ್ಪು ಹಾಕಿ. 
2. ಚೆನ್ನಾಗಿ ಹಿಸುಕಿ ಕಲಸಿ. 
3. ರಸಂ ಪೌಡರ್ ಅಥವಾ ಸಾರಿನ ಪುಡಿ ಇಲ್ಲದಿದ್ದಲ್ಲಿ ಮೇಲೆ ಪಟ್ಟಿ ಮಾಡಿದ ಪದಾರ್ಥಗಳನ್ನು ಹುರಿದು ಪುಡಿಮಾಡಿಕೊಳ್ಳಿ. ನಂತ್ರ ಕಲಸಿ. 
4. ಅದಕ್ಕೆ ಅವಲಕ್ಕಿಯನ್ನು ಹಾಕಿ ಚೆನ್ನಾಗಿ ಹಿಸುಕಿ ಕಲಸಿ. 
5. ಎಣ್ಣೆ ಬಿಸಿ ಮಾಡಿ. ಸಾಸಿವೆ, ಒಣಮೆಣಸು,ಉದ್ದಿನಬೇಳೆ ಮತ್ತು ಕರಿಬೇವಿನ ಒಗ್ಗರಣೆ ಮಾಡಿ. 
6. ಒಗ್ಗರಣೆ ಸೇರಿಸಿ ಚೆನ್ನಾಗಿ ಕಲಸಿ. 
7. ಬಾಳೆಹಣ್ಣು ಅಥವಾ ಕಡಲೆ ಉಸ್ಲಿ ಅಥವಾ ಉಪ್ಪಿಟ್ಟು ಅಥವಾ ಮೊಸರಿನೊಂದಿಗೆ ಅಥವಾ ಹಾಗೇ ಸವಿದು ಆನಂದಿಸಿ. 

To see step by step pictures click here (ಹಂತ ಹಂತವಾದ ಚಿತ್ರ ವೀಕ್ಷಿಸಲು ಇಲ್ಲಿ ಕ್ಲಿಕ್ಕಿಸಿ)