Eerulli thambli recipe in kannada | ಈರುಳ್ಳಿ ತಂಬ್ಳಿ ಮಾಡುವ ವಿಧಾನ

Eerulli thambli recipe in kannada | ಈರುಳ್ಳಿ ತಂಬ್ಳಿ ಮಾಡುವ ವಿಧಾನ

ಈರುಳ್ಳಿ ತಂಬ್ಳಿ ವಿಡಿಯೋ

ಬೇಕಾಗುವ ಪದಾರ್ಥಗಳು:( ಅಳತೆ ಕಪ್ = 240 ಎಂಎಲ್ )

1. 1/2 ಮಧ್ಯಮ ಗಾತ್ರದ ಈರುಳ್ಳಿ
2. 1/2 ಕಪ್ ತೆಂಗಿನತುರಿ
3. 1/2 ಕಪ್ ಮೊಸರು ಅಥವಾ 3/4 ಕಪ್ ಮಜ್ಜಿಗೆ
4. 1 ಒಣ ಮೆಣಸಿನಕಾಯಿ
5. ಉಪ್ಪು ರುಚಿಗೆ ತಕ್ಕಷ್ಟು.

ಒಗ್ಗರಣೆಗೆ ಬೇಕಾಗುವ ಪದಾರ್ಥಗಳು:( ಅಳತೆ ಕಪ್ = 240 ಎಂಎಲ್ )

1. 2 ಟೀಸ್ಪೂನ್ ತುಪ್ಪ ಅಥವಾ ಅಡುಗೆ ಎಣ್ಣೆ
2. 1/2 ಒಣ ಮೆಣಸಿನಕಾಯಿ
3. 1/2 ಟೀಸ್ಪೂನ್ ಸಾಸಿವೆ
4. 3 - 4 ಕರಿಬೇವಿನ ಎಲೆ

ಈರುಳ್ಳಿ ತಂಬ್ಳಿ ಮಾಡುವ ವಿಧಾನ:

1. ಈರುಳ್ಳಿಯನ್ನು ಸಿಪ್ಪೆ ತೆಗೆದು ಕತ್ತರಿಸಿ.
2. ಕತ್ತರಿಸಿದ ಈರುಳ್ಳಿ, ತೆಂಗಿನತುರಿ ಮತ್ತು ಒಣಮೆಣಸಿನಕಾಯಿಯನ್ನು ಮಿಕ್ಸಿಯಲ್ಲಿ ಅಗತ್ಯವಿದ್ದಷ್ಟು ನೀರು ಸೇರಿಸಿ ನುಣ್ಣನೆ ಅರೆಯಿರಿ.  
3. ಒಂದು ಪಾತ್ರೆಗೆ ಬಗ್ಗಿಸಿ.
4. ಒಂದು ಚಮಚ ಅಥವಾ ರುಚಿಗೆ ತಕ್ಕಷ್ಟು ಉಪ್ಪು ಸೇರಿಸಿ. 
5. ಸುಮಾರು ಅರ್ಧ ಕಪ್ ನಷ್ಟು ನೀರು ಸೇರಿಸಿ. 
6. ಮೊಸರು ಅಥವಾ ಮಜ್ಜಿಗೆ ಸೇರಿಸಿ. 
7. ಎಣ್ಣೆ, ಒಣಮೆಣಸು, ಕರಿಬೇವು ಮತ್ತು ಸಾಸಿವೆ ಒಗ್ಗರಣೆ ಕೊಡಿ. ಬಿಸಿ ಅನ್ನದೊಂದಿಗೆ ಬಡಿಸಿ.

To see step by step pictures click here (ಹಂತ ಹಂತವಾದ ಚಿತ್ರ ವೀಕ್ಷಿಸಲು ಇಲ್ಲಿ ಕ್ಲಿಕ್ಕಿಸಿ)

Kadle kalu saru recipe in Kannada | ಕಡ್ಲೆಕಾಳು ಸಾರು ಮಾಡುವ ವಿಧಾನ

Kadle kalu saru recipe in Kannada | ಕಡ್ಲೆಕಾಳು ಸಾರು ಮಾಡುವ ವಿಧಾನ 

ಮುಖ್ಯ ಪದಾರ್ಥಗಳು: (ಅಳತೆ ಕಪ್ = 240ml) 

1. 1/2 ಕಪ್ ಕಡ್ಲೆಕಾಳು
2. 1 ಆಲೂಗಡ್ಡೆ
3. 2 ಸಣ್ಣ ಬದನೆಕಾಯಿ 
4. 1/2 ನೆಲ್ಲಿಕಾಯಿ ಗಾತ್ರದ ಹುಣಸೆಹಣ್ಣು 
5. ಚಿಟಿಕೆ ಅರಿಶಿನ ಪುಡಿ
6. ನಿಮ್ಮ ರುಚಿ ಪ್ರಕಾರ ಉಪ್ಪು

ಮಸಾಲೆಗೆ ಬೇಕಾಗುವ ಪದಾರ್ಥಗಳು: (ಅಳತೆ ಕಪ್ = 240ml)

1. 2 - 4 ಒಣ ಮೆಣಸಿನಕಾಯಿ
2. 2  ಟೀಸ್ಪೂನ್ ಕೊತ್ತಂಬರಿ ಬೀಜ
3. 1 ಟೀಸ್ಪೂನ್ ಜೀರಿಗೆ 
4. 1/4 ಟೀಸ್ಪೂನ್ ಕರಿಮೆಣಸು
5. 1 ಕತ್ತರಿಸಿದ ಈರುಳ್ಳಿ
6. 5 ಬೇಳೆ ಬೆಳ್ಳುಳ್ಳಿ
7. 1 ಕತ್ತರಿಸಿದ ಟೊಮೆಟೊ
8. 1/2 ಕಪ್ ತೆಂಗಿನ ತುರಿ
9. ನಿಮ್ಮ ರುಚಿ ಪ್ರಕಾರ ಉಪ್ಪು

ಒಗ್ಗರಣೆಗೆ ಬೇಕಾಗುವ ಪದಾರ್ಥಗಳು: 

1. 1 ಕೆಂಪು ಮೆಣಸಿನಕಾಯಿ 
2. 5 - 6 ಕರಿಬೇವಿನ ಎಲೆ
3. 1/2 ಚಮಚ ಸಾಸಿವೆ 
4. 2 ಟೀಸ್ಪೂನ್ ಅಡುಗೆ ಎಣ್ಣೆ 

ಕಡ್ಲೆಕಾಳು ಸಾರು ಮಾಡುವ ವಿಧಾನ:

1. ಕಡ್ಲೆಕಾಳನ್ನು ತೊಳೆದು, ಒಂದು ದಿನ ನೆನೆಸಿ, ಮೊಳಕೆ ಕಟ್ಟಿಸಿಕೊಳ್ಳಿ. ಅಗತ್ಯವಿದ್ದಷ್ಟು ನೀರು ಸೇರಿಸಿ ಕುಕ್ಕರ್ ನಲ್ಲಿ ಬೇಯಿಸಿಕೊಳ್ಳಿ. 
2. ಅದಕ್ಕೆ ಕತ್ತರಿಸಿದ ಆಲೂಗಡ್ಡೆ, ಬದನೆಕಾಯಿ, ಉಪ್ಪು ಮತ್ತು ಹುಣಿಸೆರಸ ಸೇರಿಸಿ ತರಕಾರಿ ಮೆತ್ತಗಾಗುವವರೆಗೆ ಬೇಯಿಸಿಕೊಳ್ಳಿ. 
3. ಒಂದು ಬಾಣಲೆಯಲ್ಲಿ ಎಣ್ಣೆ, ಕೆಂಪು ಮೆಣಸಿನಕಾಯಿ, ಕೊತ್ತಂಬರಿ ಬೀಜ, ಜೀರಿಗೆ ಮತ್ತು ಕರಿ ಮೆಣಸನ್ನು ಹುರಿಯಿರಿ. 
4. ಅದಕ್ಕೆ ಕತ್ತರಿಸಿದ ಈರುಳ್ಳಿ ಮತ್ತು ಬೆಳ್ಳುಳ್ಳಿ ಸೇರಿಸಿ ಹುರಿಯಿರಿ.
5. ನಂತರ ಕತ್ತರಿಸಿದ ಟೊಮೇಟೊ ಸೇರಿಸಿ ಹುರಿಯಿರಿ.
6. ಕೊನೆಯಲ್ಲಿ ತೆಂಗಿನ ತುರಿ ಸೇರಿಸಿ ಹುರಿದು ಸ್ಟವ್ ಆಫ್ ಮಾಡಿ. 
7. ಮಿಕ್ಸಿಯಲ್ಲಿ ಹುರಿದ ಎಲ್ಲ ಪದಾರ್ಥಗಳನ್ನು ಹಾಕಿ ನುಣ್ಣನೆ ಅರೆದುಕೊಳ್ಳಿ. 
8. ಅರೆದ ಮಸಾಲೆಯನ್ನು ಬೇಯಿಸಿದ ಕಡ್ಲೆಕಾಳು ಮತ್ತು ತರಕಾರಿಗೆ ಹಾಕಿ, ಬೇಕಾದಷ್ಟು ನೀರು ಸೇರಿಸಿ, ಉಪ್ಪು ಹಾಕಿ ಕುದಿಸಿ. 
9. ಎಣ್ಣೆ, ಒಣಮೆಣಸು, ಸಾಸಿವೆ ಮತ್ತು ಕರಿಬೇವಿನ ಒಗ್ಗರಣೆ ಹಾಕಿ. ಅನ್ನ ಅಥವಾ ರಾಗಿ ಮುದ್ದೆಯೊಂದಿಗೆ ಬಡಿಸಿ. 

To see step by step pictures click here (ಹಂತ ಹಂತವಾದ ಚಿತ್ರ ವೀಕ್ಷಿಸಲು ಇಲ್ಲಿ ಕ್ಲಿಕ್ಕಿಸಿ)

Bendekai gojju recipe in Kannada | ಬೆಂಡೆಕಾಯಿ ಗೊಜ್ಜು ಮಾಡುವ ವಿಧಾನ

Bendekai gojju recipe in Kannada | ಬೆಂಡೆಕಾಯಿ ಗೊಜ್ಜು ಮಾಡುವ ವಿಧಾನ 

ಬೆಂಡೆಕಾಯಿ ಗೊಜ್ಜು ವಿಡಿಯೋ

ಬೇಕಾಗುವ ಪದಾರ್ಥಗಳು: ( ಅಳತೆ ಕಪ್ = 240 ಎಂಎಲ್ )

1. 1/4 kg ಬೆಂಡೆಕಾಯಿ
2. 1 ಕತ್ತರಿಸಿದ ಈರುಳ್ಳಿ 
3.  1/2 ಟೀಸ್ಪೂನ್ ಜೀರಿಗೆ
4.  1 ಟೀಸ್ಪೂನ್ ಕೆಂಪು ಮೆಣಸಿನಕಾಯಿ ಪುಡಿ
5.  1/2 ಟೀಸ್ಪೂನ್ ಗರಂ ಮಸಾಲಾ
6.  1 ಟೀಸ್ಪೂನ್ ಕೊತ್ತಂಬರಿ ಅಥವಾ ಧನಿಯಾ ಪುಡಿ 
7. 1/4 ಟೀಸ್ಪೂನ್ ಅರಿಶಿನ ಪುಡಿ 
8. 2 ಟೇಬಲ್ ಚಮಚ ಮೊಸರು
9. 1 ಟೇಬಲ್ ಚಮಚ ಹೆಚ್ಚಿದ ಕೊತ್ತಂಬರಿ ಸೊಪ್ಪು
10. 1 ಟೇಬಲ್ ಚಮಚ ಕಸೂರಿ ಮೇಥಿ ಅಥವಾ ಒಣಗಿದ ಮೆಂತೆ ಸೊಪ್ಪು  (ಬೇಕಾದಲ್ಲಿ) 
11. 1 ಟೇಬಲ್ ಚಮಚ ಅಡುಗೆ ಎಣ್ಣೆ 
12. ಉಪ್ಪು ರುಚಿಗೆ ತಕ್ಕಷ್ಟು

ಅರೆಯಲು ಬೇಕಾಗುವ ಪದಾರ್ಥಗಳು:

1. 2 ಕತ್ತರಿಸಿದ ಟೊಮೇಟೊ
2. 2 - 4 ಎಸಳು ಬೆಳ್ಳುಳ್ಳಿ
3. 1cm ಉದ್ದದ ಶುಂಠಿ

ಬೆಂಡೆಕಾಯಿ ಗೊಜ್ಜು ಮಾಡುವ ವಿಧಾನ:

1. ಟೊಮೇಟೊ, ಶುಂಠಿ ಮತ್ತು ಬೆಳ್ಳುಳ್ಳಿಯನ್ನು ಅರೆದಿಟ್ಟುಕೊಳ್ಳಿ.
2. ಒಂದು ಬಾಣಲೆಯಲ್ಲಿ ಎಣ್ಣೆ ಬಿಸಿ ಮಾಡಿ, ಕತ್ತರಿಸಿದ ಬೆಂಡೆಕಾಯಿ ಹಾಕಿ ಹುರಿದಿಟ್ಟುಕೊಳ್ಳಿ. 
3. ನಂತ್ರ ಅದೇ ಬಾಣಲೆಯಲ್ಲಿ ಎಣ್ಣೆ ಮತ್ತು ಜೀರಿಗೆಯ ಒಗ್ಗರಣೆ ಮಾಡಿ. 
4. ಜೀರಿಗೆ ಸಿಡಿದ ಮೇಲೆ ಸಣ್ಣಗೆ ಕತ್ತರಿಸಿದ ಈರುಳ್ಳಿ ಹಾಕಿ ಹುರಿಯಿರಿ. 
5. ಆಮೇಲೆ ಅರೆದ ಟೊಮೇಟೊ+ಶುಂಠಿ+ಬೆಳ್ಳುಳ್ಳಿ ಪೇಸ್ಟ್ ನ್ನು ಹಾಕಿ ಬಾಡಿಸಿ. 
6. ಅದಕ್ಕೆ ಉಪ್ಪು, ಕೆಂಪು ಮೆಣಸಿನಕಾಯಿ ಪುಡಿ, ಗರಂ ಮಸಾಲಾ, ಕೊತ್ತಂಬರಿ ಅಥವಾ ಧನಿಯಾ ಪುಡಿ ಮತ್ತು ಅರಿಶಿನ ಪುಡಿ ಹಾಕಿ ಮಗುಚಿ.
7. ಎರಡು ಟೇಬಲ್ ಚಮಚದಷ್ಟು ಮೊಸರು ಹಾಕಿ ಒಂದೆರಡು ನಿಮಿಷ ಬೇಯಿಸಿ. 
8. ಆಮೇಲೆ ಹುರಿದಿಟ್ಟು ಕೊಂಡ ಬೆಂಡೆಕಾಯಿಯನ್ನು ಹಾಕಿ.
9. 1/2 ಕಪ್ ನೀರು ಹಾಕಿ ಒಂದೈದು ನಿಮಿಷ ಬೇಯಿಸಿ. 
10. ಕೊತ್ತಂಬರಿ ಸೊಪ್ಪು ಮತ್ತು ಕಸೂರಿ ಮೇಥಿ ಹಾಕಿ ಒಂದೆರಡು ನಿಮಿಷ ಕುದಿಸಿ.
11. ಸ್ಟವ್ ಆಫ್ ಮಾಡಿ. ಚಪಾತಿ ಅಥವಾ ಅನ್ನದೊಂದಿಗೆ ಬಡಿಸಿ.

To see step by step pictures click here (ಹಂತ ಹಂತವಾದ ಚಿತ್ರ ವೀಕ್ಷಿಸಲು ಇಲ್ಲಿ ಕ್ಲಿಕ್ಕಿಸಿ)

Onion chutney recipe in Kannada | ಈರುಳ್ಳಿ ಚಟ್ನಿ ಮಾಡುವ ವಿಧಾನ

Onion chutney recipe in Kannada | ಈರುಳ್ಳಿ ಚಟ್ನಿ ಮಾಡುವ ವಿಧಾನ

ಈರುಳ್ಳಿ ಚಟ್ನಿ ವಿಡಿಯೋ

ಬೇಕಾಗುವ ಪದಾರ್ಥಗಳು: ( ಅಳತೆ ಕಪ್ = 240 ಎಂಎಲ್ )

1. 2 ಮಧ್ಯಮ ಗಾತ್ರದ ಈರುಳ್ಳಿ
2. 1 ಮಧ್ಯಮ ಗಾತ್ರದ ಟೊಮೇಟೊ ಅಥವಾ ಸಣ್ಣ ನಿಂಬೆಗಾತ್ರದ ಹುಣಿಸೇಹಣ್ಣು
3. 2 - 4 ಒಣಮೆಣಸಿನಕಾಯಿ 
4. 2 ಟೀಸ್ಪೂನ್ ಕಡ್ಲೆಬೇಳೆ 
5. 2 ಟೀಸ್ಪೂನ್ ಉದ್ದಿನಬೇಳೆ
6. 1 ಟೇಬಲ್ ಚಮಚ ಕೊತ್ತಂಬರಿ ಸೊಪ್ಪು
7. 4 - 5 ಕರಿಬೇವಿನ ಎಲೆ
8. ಒಂದು ದೊಡ್ಡ ಚಿಟಿಕೆ ಅರಿಶಿನ
9. ಗೋಲಿಗಾತ್ರದ ಬೆಲ್ಲ 
10. ಉಪ್ಪು ರುಚಿಗೆ ತಕ್ಕಷ್ಟು
11. 2 ಚಮಚ ಅಡುಗೆ ಎಣ್ಣೆ

ಒಗ್ಗರಣೆಗೆ ಬೇಕಾಗುವ ಪದಾರ್ಥಗಳು:

1. 1 ಒಣ ಮೆಣಸಿನಕಾಯಿ
2. 1/2 ಟೀಸ್ಪೂನ್ ಸಾಸಿವೆ
3. 1/2 ಟೀಸ್ಪೂನ್ ಉದ್ದಿನಬೇಳೆ
4. 4 - 5 ಕರಿಬೇವಿನ ಎಲೆ
5. 2 ಟೇಬಲ್ ಚಮಚ ಅಡುಗೆ ಎಣ್ಣೆ

ಈರುಳ್ಳಿ ಚಟ್ನಿ ಮಾಡುವ ವಿಧಾನ:

1. ಟೊಮೇಟೊ ಮತ್ತು ಈರುಳ್ಳಿಯನ್ನು ಕತ್ತರಿಸಿಟ್ಟುಕೊಳ್ಳಿ. 
2. ಒಂದು ಬಾಣಲೆಯಲ್ಲಿ ಎರಡು ಚಮಚ ಎಣ್ಣೆ ಬಿಸಿ ಮಾಡಿ. 
3. ಒಣಮೆಣಸು, ಕಡ್ಲೆಬೇಳೆ ಮತ್ತು ಉದ್ದಿನಬೇಳೆ ಹಾಕಿ ಬೇಳೆ ಕಂದುಬಣ್ಣಕ್ಕೆ ಬರುವವರೆಗೆ ಹುರಿಯಿರಿ. 
4. ನಂತ್ರ ಕತ್ತರಿಸಿದ ಈರುಳ್ಳಿ, ಕೊತ್ತಂಬರಿ ಸೊಪ್ಪು ಮತ್ತು ಕರಿಬೇವು ಹಾಕಿ. ಈರುಳ್ಳಿ ಹಾಕಿ ಮೆತ್ತಗಾಗುವವರೆಗೆ ಹುರಿಯಿರಿ. 
5. ಆಮೇಲೆ ಕತ್ತರಿಸಿದ ಟೊಮೇಟೊ ಹಾಕಿ ಹುರಿಯಿರಿ. ಟೊಮೇಟೊ ಬದಲು ಹುಣಿಸೆರಸ ಹಾಕಬಹುದು. 
6. ಉಪ್ಪು, ಬೆಲ್ಲ ಮತ್ತು ಅರಿಶಿನ ಸೇರಿಸಿ, ಟೊಮೇಟೊ ಮೆತ್ತಗಾಗುವವರೆಗೆ ಬೇಯಿಸಿ. 
7. ಬಿಸಿ ಆರಿದ ಮೇಲೆ ಮಿಕ್ಸಿಯಲ್ಲಿ ಅರೆದಿಟ್ಟುಕೊಳ್ಳಿ. 
8. ಕೊನೆಯಲ್ಲಿ ಮೆಣಸಿನಕಾಯಿ, ಎಣ್ಣೆ, ಸಾಸಿವೆ, ಉದ್ದಿನಬೇಳೆ ಮತ್ತು ಕರಿಬೇವಿನ ಒಗ್ಗರಣೆಯನ್ನು ಮಾಡಿ. 
9. ದೋಸೆ ಅಥವಾ ಇಡ್ಲಿಯೊಂದಿಗೆ ಬಡಿಸಿ. 

To see step by step pictures click here (ಹಂತ ಹಂತವಾದ ಚಿತ್ರ ವೀಕ್ಷಿಸಲು ಇಲ್ಲಿ ಕ್ಲಿಕ್ಕಿಸಿ)

Karjoora milkshake recipe in Kannada | ಖರ್ಜೂರ ಮಿಲ್ಕ್ ಶೇಕ್ ಮಾಡುವ ವಿಧಾನ

Karjoora milkshake recipe in Kannada | ಖರ್ಜೂರ ಮಿಲ್ಕ್ ಶೇಕ್ ಮಾಡುವ ವಿಧಾನ 

ಖರ್ಜೂರ ಮಿಲ್ಕ್ ಶೇಕ್ ವಿಡಿಯೋ

ಬೇಕಾಗುವ ಪದಾರ್ಥಗಳು - ವಿಧಾನ ೧:( ಅಳತೆ ಕಪ್ = 240 ಎಂಎಲ್ )

1. 3 - 4 ಖರ್ಜೂರ
2. 1 ಏಲಕ್ಕಿ 
3. 1 ಕಪ್ ಹಾಲು

ಬೇಕಾಗುವ ಪದಾರ್ಥಗಳು - ವಿಧಾನ ೨:( ಅಳತೆ ಕಪ್ = 240 ಎಂಎಲ್ )

1. 3 - 4 ಖರ್ಜೂರ
2. 1 ಸಣ್ಣ ಅಥವಾ 1/2 ದೊಡ್ಡ ಬಾಳೆಹಣ್ಣು 
3. 1 ಕಪ್ ಹಾಲು

ಬೇಕಾಗುವ ಪದಾರ್ಥಗಳು - ವಿಧಾನ ೧:( ಅಳತೆ ಕಪ್ = 240 ಎಂಎಲ್ )

1. 3 - 4 ಖರ್ಜೂರ
2. 4 - 5 ಗೋಡಂಬಿ 
3. 4 - 5 ಸಿಪ್ಪೆ ತೆಗೆದ ಬಾದಾಮಿ
4. ಸಣ್ಣ ಚೂರು ಚಕ್ಕೆ 
5. 1 ಕಪ್ ಹಾಲು

ಖರ್ಜೂರ ಮಿಲ್ಕ್ ಶೇಕ್ ಮಾಡುವ ವಿಧಾನ ೧:

1. ಖರ್ಜೂರ ಮತ್ತು ಏಲಕ್ಕಿಯನ್ನು ಸ್ವಲ್ಪ ಹಾಲು ಹಾಕಿ ಅರೆಯಿರಿ. 
2. ಆಮೇಲೆ ಉಳಿದ ಹಾಲು ಹಾಕಿ ಒಂದೆರಡು ಸುತ್ತು ಅರೆದು ಕುಡಿಯಲು ನೀಡಿ. 

ಖರ್ಜೂರ ಮಿಲ್ಕ್ ಶೇಕ್ ಮಾಡುವ ವಿಧಾನ ೨:

1. ಖರ್ಜೂರವನ್ನು ಸ್ವಲ್ಪ ಹಾಲು ಹಾಕಿ ಅರೆಯಿರಿ. 
2. ಆಮೇಲೆ ಬಾಳೆಹಣ್ಣು ಮತ್ತು ಉಳಿದ ಹಾಲು ಹಾಕಿ ಅರೆದು ಕುಡಿಯಲು ನೀಡಿ. 

ಖರ್ಜೂರ ಮಿಲ್ಕ್ ಶೇಕ್ ಮಾಡುವ ವಿಧಾನ ೩:

1. ಖರ್ಜೂರ, ಗೋಡಂಬಿ, ಬಾದಾಮಿ ಮತ್ತು ಚಕ್ಕೆಯನ್ನು ಸ್ವಲ್ಪ ಹಾಲು ಹಾಕಿ ಅರೆಯಿರಿ. 
2. ಆಮೇಲೆ ಉಳಿದ ಹಾಲು ಹಾಕಿ ಒಂದೆರಡು ಸುತ್ತು ಅರೆದು ಕುಡಿಯಲು ನೀಡಿ. 

To see step by step pictures click here (ಹಂತ ಹಂತವಾದ ಚಿತ್ರ ವೀಕ್ಷಿಸಲು ಇಲ್ಲಿ ಕ್ಲಿಕ್ಕಿಸಿ)

Tomato murukku recipe in Kannada | ಟೊಮೇಟೊ ಮುರುಕ್ಕು ಮಾಡುವ ವಿಧಾನ

Tomato murukku recipe in Kannada | ಟೊಮೇಟೊ ಮುರುಕ್ಕು ಮಾಡುವ ವಿಧಾನ

ಬೇಕಾಗುವ ಪದಾರ್ಥಗಳು:( ಅಳತೆ ಕಪ್ = 240 ಎಂಎಲ್ )

1. 1 ಕಪ್ ಅಕ್ಕಿ ಹಿಟ್ಟು 
2. 1/4 ಕಪ್ ಹುರಿಗಡಲೆ ಅಥವಾ ಪುಟಾಣಿ
3. 1/4 ಕಪ್ ಕಡ್ಲೆಹಿಟ್ಟು
4. 2 ಮಧ್ಯಮ ಗಾತ್ರದ ಟೊಮೇಟೊ
5. 1 ಟೀ ಸ್ಪೂನ್ ಅಚ್ಚಖಾರದ ಪುಡಿ
6. 1 ಟೀ ಸ್ಪೂನ್ ಜೀರಿಗೆ ಅಥವಾ 1/2 ಟೀ ಸ್ಪೂನ್ ಜೀರಿಗೆ ಪುಡಿ
7. ದೊಡ್ಡ ಚಿಟಿಕೆ ಇಂಗು
8. ಒಂದು ಲಿಂಬೆಹಣ್ಣಿನ ಗಾತ್ರದ ಬೆಣ್ಣೆ 
9. ಉಪ್ಪು ರುಚಿಗೆ ತಕ್ಕಷ್ಟು 
10. ಎಣ್ಣೆ ಕಾಯಿಸಲು

ಟೊಮೇಟೊ ಮುರುಕ್ಕು ಮಾಡುವ ವಿಧಾನ:

1. ಹುರಿಗಡಲೆಯನ್ನು ಮಿಕ್ಸಿಜಾರಿನಲ್ಲಿ ಹಾಕಿ ನುಣ್ಣನೆ ಪುಡಿಮಾಡಿ ಕೊಳ್ಳಿ. 
2. ನಂತರ ಟೊಮ್ಯಾಟೊವನ್ನು ಮಿಕ್ಸಿಜಾರಿನಲ್ಲಿ ನೀರು ಹಾಕದೆ ಅರೆದಿಟ್ಟುಕೊಳ್ಳಿ. 
3. ಒಂದು ಅಗಲವಾದ ಪಾತ್ರೆಯಲ್ಲಿ ಅಕ್ಕಿ ಹಿಟ್ಟನ್ನು ತೆಗೆದುಕೊಳ್ಳಿ. 
4. ಅದಕ್ಕೆ 2 - 3 ಟೇಬಲ್ ಚಮಚ ಹುರಿಗಡಲೆ ಹಿಟ್ಟು ಸೇರಿಸಿ. 
5. ನಂತ್ರ ಕಡ್ಲೆಹಿಟ್ಟು ಸೇರಿಸಿ. 
6. ಆಮೇಲೆ ಖಾರದಪುಡಿ, ಜೀರಿಗೆ ಪುಡಿ, ಇಂಗು ಮತ್ತು ಉಪ್ಪು ಹಾಕಿ.
7. ಬೆಣ್ಣೆ ಸೇರಿಸಿ, ಚೆನ್ನಾಗಿ ತಿಕ್ಕಿ ಕಲಸಿ. 
8. ಸ್ವಲ್ಪ ಸ್ವಲ್ಪವೇ ಟೊಮೇಟೊ ಪೇಸ್ಟ್ ಸೇರಿಸಿ, ಗಟ್ಟಿ ಆದರೆ ಮೃದುವಾದ ಹಿಟ್ಟನ್ನು ಸಿದ್ಧ ಪಡಿಸಿಕೊಳ್ಳಿ. ಚಕ್ಕುಲಿ ಒತ್ತಲು ಆಗುವಷ್ಟು ಮೆತ್ತಗಿದ್ದರೆ ಸಾಕು. 
9. ಎಣ್ಣೆ ಬಿಸಿ ಮಾಡಿ. 
10. ಚಕ್ಕುಲಿ ಅಚ್ಚನ್ನು ಉಪಯೋಗಿಸಿ ಮುರುಕ್ಕನ್ನು ನೇರವಾಗಿ ಬಿಸಿ ಎಣ್ಣೆಗೆ ಒತ್ತಿ.  ಮಧ್ಯಮ ಉರಿಯಲ್ಲಿ ಕಾಯಿಸಿ. ಸ್ವರ ಅಥವಾ ಗುಳ್ಳೆಗಳು ನಿಂತ ಮೇಲೆ ತೆಗೆಯಿರಿ.

To see step by step pictures click here (ಹಂತ ಹಂತವಾದ ಚಿತ್ರ ವೀಕ್ಷಿಸಲು ಇಲ್ಲಿ ಕ್ಲಿಕ್ಕಿಸಿ)

Badam milk powder recipe in Kannada | ಬಾದಾಮ್ ಮಿಲ್ಕ್ ಪೌಡರ್ ಮಾಡುವ ವಿಧಾನ

Badam milk powder recipe in Kannada | ಬಾದಾಮ್ ಮಿಲ್ಕ್ ಪೌಡರ್ ಮಾಡುವ ವಿಧಾನ 

ಬಾದಾಮ್ ಮಿಲ್ಕ್ ಪೌಡರ್ ವಿಡಿಯೋ

ಬೇಕಾಗುವ ಪದಾರ್ಥಗಳು:( ಅಳತೆ ಕಪ್ = 240 ಎಂಎಲ್ )

1. 1/2 ಕಪ್ ಬಾದಾಮಿ
2. 1/2 ಕಪ್ ಸಕ್ಕರೆ 
3. 1/2 ಕಪ್ ಹಾಲಿನ ಪುಡಿ 
4. 5 - 6 ಏಲಕ್ಕಿ 
5. ದೊಡ್ಡ ಚಿಟಿಕೆ ಕೇಸರಿ 
6. ದೊಡ್ಡ ಚಿಟಿಕೆ ಅರಿಶಿನ

ಬಾದಾಮ್ ಮಿಲ್ಕ್ ಪೌಡರ್ ಮಾಡುವ ವಿಧಾನ:

1. ಒಂದು ಪಾತ್ರೆಯಲ್ಲಿ ಬಾದಾಮಿ ಹಾಕಿ ಅದನ್ನು ಕುದಿಯುವ ನೀರಿನಲ್ಲಿ ನೆನೆಸಿಡಿ. 
2. 30 ನಿಮಿಷದ ನಂತರ ಸಿಪ್ಪೆ ತೆಗೆಯಿರಿ. 
3. ಒಂದು ಬಾಣಲೆಯಲ್ಲಿ ಸಿಪ್ಪೆ ತೆಗೆದ ಬಾದಾಮಿ ಹಾಕಿ, ನೀರಾರುವವರೆಗೆ ಅಥವಾ ಗಾರ್ ಗರಿಯಾಗುವವರೆಗೆ ಹುರಿಯಿರಿ.
4. ಬಿಸಿ ಆರಿದ ಮೇಲೆ ಮಿಕ್ಸಿ ಜಾರಿಗೆ ಹಾಕಿ.
5. ಸಕ್ಕರೆ ಮತ್ತು ಹಾಲಿನ ಪುಡಿ ಸೇರಿಸಿ. 
6. ಏಲಕ್ಕಿ, ಕೇಸರಿ ಮತ್ತು ಅರಿಶಿನವನ್ನು ಸೇರಿಸಿ. 
7. ನುಣ್ಣನೆ ಪುಡಿ ಮಾಡಿ.  ಬಾದಾಮ್ ಮಿಲ್ಕ್ ಪೌಡರ್ ತಯಾರಾಯಿತು. ಗಾಳಿಯಾಡದ ಡಬ್ಬದಲ್ಲಿ ಹಾಕಿ ಎತ್ತಿಡಿ.  
8. ಒಂದು ಲೋಟ (150 ml) ಬಿಸಿ ಹಾಲಿಗೆ ಒಂದು ಟೇಬಲ್ ಚಮಚ ಬಾದಾಮ್ ಮಿಲ್ಕ್ ಪೌಡರ್, ಬೇಕಾದಲ್ಲಿ ಸ್ವಲ್ಪ ಸಕ್ಕರೆ ಹಾಕಿ, ಕರಗಿಸಿ, ಕುಡಿದು ಆನಂದಿಸಿ. 

To see step by step pictures click here (ಹಂತ ಹಂತವಾದ ಚಿತ್ರ ವೀಕ್ಷಿಸಲು ಇಲ್ಲಿ ಕ್ಲಿಕ್ಕಿಸಿ)