Tomlette recipe in Kannada | ಟಾಮ್ಲೆಟ್ ಮಾಡುವ ವಿಧಾನ

Tomlette recipe in Kannada | ಟಾಮ್ಲೆಟ್ ಮಾಡುವ ವಿಧಾನ 

ಟಾಮ್ಲೆಟ್ ವಿಡಿಯೋ

ಬೇಕಾಗುವ ಪದಾರ್ಥಗಳು:( ಅಳತೆ ಕಪ್ = 240 ಎಂಎಲ್ )

1. 1/4 ಕಪ್ ಕಡ್ಲೆಹಿಟ್ಟು
2. 2 ಟೇಬಲ್ ಚಮಚ ಅಕ್ಕಿಹಿಟ್ಟು
3. ಚಿಟಿಕೆ ಓಮ 
4. ಚಿಟಿಕೆ ಜೀರಿಗೆ
5. 1/4 ಟೀಸ್ಪೂನ್ ಅಚ್ಚಖಾರದ ಪುಡಿ
6. 1/4 ಟೀಸ್ಪೂನ್ ಉಪ್ಪು ಅಥವಾ ರುಚಿಗೆ ತಕ್ಕಷ್ಟು
7. 2 ಟೇಬಲ್ ಚಮಚ ಈರುಳ್ಳಿ
8. ಹಸಿರುಮೆಣಸಿನಕಾಯಿ ಸಣ್ಣಗೆ ಹೆಚ್ಚಿದ್ದು (ನಿಮ್ಮ ಖಾರಕ್ಕೆ ತಕ್ಕಂತೆ)
9. 1 ಟೇಬಲ್ ಚಮಚ ದೊಣ್ಣೆಮೆಣಸು
10. 1/2 ಟೊಮೇಟೊ ಸಣ್ಣಗೆ ಹೆಚ್ಚಿದ್ದು
11. 1 ಟೇಬಲ್ ಚಮಚ ಹೆಚ್ಚಿದ ಕೊತ್ತಂಬರಿ ಸೊಪ್ಪು 
12. ಎಣ್ಣೆ ಕಾಯಿಸಲು

ಟಾಮ್ಲೆಟ್ ಮಾಡುವ ವಿಧಾನ:

1. ಒಂದು ಪಾತ್ರೆಯಲ್ಲಿ ಕಡ್ಲೆಹಿಟ್ಟು ಮತ್ತು ಅಕ್ಕಿ ಹಿಟ್ಟು ತೆಗೆದುಕೊಳ್ಳಿ.
2. ಅದಕ್ಕೆ ಓಮ, ಜೀರಿಗೆ, ಅಚ್ಚಖಾರದ ಪುಡಿ ಮತ್ತು ಉಪ್ಪು ಸೇರಿಸಿ. ಚೆನ್ನಾಗಿ ಕಲಸಿ. 
3. ಆಮೇಲೆ ಸಣ್ಣಗೆ ಹೆಚ್ಚಿದ ಈರುಳ್ಳಿ, ದೊಣ್ಣೆಮೆಣಸು, ಟೊಮೇಟೊ, ಕೊತ್ತಂಬರಿ ಸೊಪ್ಪು ಮತ್ತು ಹಸಿರುಮೆಣಸು ಸೇರಿಸಿ.
4. ಸ್ವಲ್ಪ ನೀರು ಸೇರಿಸಿ. ಮಿಲ್ಕ್ ಶೇಕ್ ನ ಹದಕ್ಕೆ ಹಿಟ್ಟನ್ನು ಕಲಸಿಕೊಳ್ಳಿ. 
5.  ತವಾ ಬಿಸಿ ಮಾಡಿ. ಕಲಸಿದ ಹಿಟ್ಟನ್ನು ಸುರಿದು, ದೋಸೆಯಂತೆ ಹರಡಿ. 
6. ಎರಡು ಬದಿ ಎಣ್ಣೆ ಹಾಕಿ ಕಾಯಿಸಿ. ಸವಿದು ಆನಂದಿಸಿ. 

To see step by step pictures click here (ಹಂತ ಹಂತವಾದ ಚಿತ್ರ ವೀಕ್ಷಿಸಲು ಇಲ್ಲಿ ಕ್ಲಿಕ್ಕಿಸಿ)

Jeerige kashaya recipe in Kannada | ಜೀರಿಗೆ ಕಷಾಯ ಮಾಡುವ ವಿಧಾನ

Jeerige kashaya recipe in Kannada | ಜೀರಿಗೆ ಕಷಾಯ ಮಾಡುವ ವಿಧಾನ

ಬೇಕಾಗುವ ಪದಾರ್ಥಗಳು (ಮಕ್ಕಳಿಗೆ): (ಅಳತೆ ಕಪ್ = 240 ಎಂಎಲ್ )

1. 2 ಟೇಬಲ್ ಚಮಚ ಜೀರಿಗೆ
2. 2 ಲೋಟ ನೀರು
3. ಚಿಟಿಕೆ ಉಪ್ಪು ಅಥವಾ ಸ್ವಲ್ಪ ಬೆಣ್ಣೆ ಅಥವಾ ಸ್ವಲ್ಪ ಹಾಲು

ಜೀರಿಗೆ ಕಷಾಯ ಮಾಡುವ ವಿಧಾನ:

1. ಒಂದು ಬಾಣಲೆ ಬಿಸಿ ಮಾಡಿ ಜೀರಿಗೆಯನ್ನು ಚಟಪಟ ಎನ್ನುವಂತೆ ಹುರಿಯಿರಿ. 
2. ಕೂಡಲೇ ಸ್ಟವ್ ಸಣ್ಣ ಮಾಡಿ, ಎರಡು ಕಪ್ ನೀರು ಸೇರಿಸಿ. 
3. ಐದು ನಿಮಿಷ ಸಣ್ಣ ಉರಿಯಲ್ಲಿ ಕುದಿಸಿ.
4. ಒಂದೆರಡು ನಿಮಿಷ ಬಿಟ್ಟು ಜೀರಿಗೆ ಕಷಾಯವನ್ನು ಲೋಟಕ್ಕೆ ಬಗ್ಗಿಸಿ. ಜೀರಿಗೆ ತಿನ್ನುವ ಅಗತ್ಯವಿಲ್ಲ. 
5. ಅದಕ್ಕೆ ಚಿಟಿಕೆ ಉಪ್ಪು (ಅಜೀರ್ಣಕ್ಕೆ) ಅಥವಾ ಅರ್ಧ ಚಮಚ ಬೆಣ್ಣೆ (ಉಷ್ಣ ವಾಯು ಮತ್ತು ಮೈಕೈ ನೋವು) ಅಥವಾ ಸ್ವಲ್ಪ ಹಾಲು (ಅಜೀರ್ಣ, ವಾಯು ಉಪದ್ರ ಮತ್ತು ಸೊಂಟ ನೋವು) ಸೇರಿಸಿ ಕುಡಿಯಿರಿ. ಸುಮಾರು 50ml ನಷ್ಟು ಕುಡಿದರೆ ಸಾಕು.  

To see step by step pictures click here (ಹಂತ ಹಂತವಾದ ಚಿತ್ರ ವೀಕ್ಷಿಸಲು ಇಲ್ಲಿ ಕ್ಲಿಕ್ಕಿಸಿ)

Southekayi rotti recipe in Kannada | ಸೌತೆಕಾಯಿ ರೊಟ್ಟಿ ಮಾಡುವ ವಿಧಾನ

Southekayi rotti recipe in Kannada | ಸೌತೆಕಾಯಿ ರೊಟ್ಟಿ ಮಾಡುವ ವಿಧಾನ

ಸೌತೆಕಾಯಿ ರೊಟ್ಟಿ ವಿಡಿಯೋ

ಬೇಕಾಗುವ ಪದಾರ್ಥಗಳು (ಅಳತೆ ಕಪ್ = 240 ಎಂಎಲ್ ):

1. 1 ಕಪ್ ತುರಿದ ಸೌತೆಕಾಯಿ
2. 1/2 ಕಪ್ ರವೆ
3. 1/4 ಕಪ್ ತೆಂಗಿನತುರಿ
4. 1 - 2 ಹಸಿಮೆಣಸಿನಕಾಯಿ
5. 1 ಚಮಚ ಸಕ್ಕರೆ (ನಿಮ್ಮ ರುಚಿಗೆ ತಕ್ಕಂತೆ ಹೊಂದಿಸಿ)
6. ಒಂದು ಸಣ್ಣ ಹಿಡಿ ಕೊತ್ತಂಬರಿ ಸೊಪ್ಪು
7. ತುಪ್ಪ ಅಥವಾ ಎಣ್ಣೆ ದೋಸೆ ಮಾಡಲು
8. ಉಪ್ಪು ರುಚಿಗೆ ತಕ್ಕಷ್ಟು.

ಸೌತೆಕಾಯಿ ರೊಟ್ಟಿ ಮಾಡುವ ವಿಧಾನ:

1. ಒಂದು ಪಾತ್ರೆಯಲ್ಲಿ ರವೆ ಮತ್ತು ತುರಿದ ಸೌತೆಕಾಯಿ ತೆಗೆದುಕೊಳ್ಳಿ.
2. ಅದಕ್ಕೆ ಕತ್ತರಿಸಿದ ಹಸಿಮೆಣಸಿನಕಾಯಿ ಮತ್ತು ತೆಂಗಿನತುರಿ ಸೇರಿಸಿ. 
3. ಕತ್ತರಿಸಿದ ಕೊತ್ತಂಬರಿ ಸೊಪ್ಪು ಸೇರಿಸಿ. 
4. ರುಚಿಗೆ ತಕ್ಕಂತೆ ಉಪ್ಪು ಮತ್ತು ಸ್ವಲ್ಪ ಸಕ್ಕರೆ ಸೇರಿಸಿ. 
5. ಚೆನ್ನಾಗಿ ಕಲಸಿ. ಅಗತ್ಯವಿದ್ದಲ್ಲಿ ಸ್ವಲ್ಪ ನೀರು ಸೇರಿಸಿ ಮೆತ್ತಗಿನ ರೊಟ್ಟಿ ಹಿಟ್ಟನ್ನು ಕಲಸಿ 
6. ಹತ್ತು ನಿಮಿಷ ನೆನೆಯಲು ಬಿಡಿ. 
7. ಆಮೇಲೆ ತವ ಬಿಸಿಮಾಡಿ. ಎಣ್ಣೆ ಹಚ್ಚಿ, ನಿಂಬೆ ಗಾತ್ರದ ಹಿಟ್ಟು ಹಾಕಿ, ತವ ಮೇಲೆ ತಟ್ಟಿ. ಬೇಕಾದಲ್ಲಿ ಕೈ ಬೆರಳುಗಳಿಗೆ ನೀರು ಮುಟ್ಟಿಸಿಕೊಂಡು ಸಣ್ಣ ಗಾತ್ರದ ರೊಟ್ಟಿ ಮಾಡಿ. ರೊಟ್ಟಿ ತಟ್ಟುವಾಗ ಉರಿ ಕಡಿಮೆ ಇರಲಿ. 
8. ಉರಿ ಜಾಸ್ತಿ ಮಾಡಿ, ಮೇಲಿನಿಂದ  ಎಣ್ಣೆ ಅಥವಾ ತುಪ್ಪ ಹಾಕಿ ಬೇಯಿಸಿ. ಇನ್ನೊಂದು ಬದಿಯೂ ಕಾಯಿಸಿ. 
9. ತೆಂಗಿನಕಾಯಿ ಚಟ್ನಿ ಮತ್ತು ತುಪ್ಪದೊಂದಿಗೆ ಬಡಿಸಿರಿ.

To see step by step pictures click here (ಹಂತ ಹಂತವಾದ ಚಿತ್ರ ವೀಕ್ಷಿಸಲು ಇಲ್ಲಿ ಕ್ಲಿಕ್ಕಿಸಿ)