Balehannina rasayana recipe in kannada | ಬಾಳೆ ಹಣ್ಣಿನ ರಸಾಯನ ಮಾಡುವ ವಿಧಾನ

Balehannina rasayana recipe in kannada | ಬಾಳೆ ಹಣ್ಣಿನ ರಸಾಯನ ಮಾಡುವ ವಿಧಾನ

ಬೇಕಾಗುವ ಪದಾರ್ಥಗಳು:( ಅಳತೆ ಕಪ್ = 240 ಎಂಎಲ್ )

1. 10 ಸಣ್ಣ ಬಾಳೆಹಣ್ಣು
2. 2 ಕಪ್ ತೆಂಗಿನತುರಿ ಅಥವಾ 1 ಕಪ್ ಗಟ್ಟಿ ತೆಂಗಿನಕಾಯಿ ಹಾಲು
3. 1 ಕಪ್ ನೀರು (ಕಾಯಿಹಾಲು ತೆಗೆಯಲು)
4. 1/2 ಕಪ್ ಬೆಲ್ಲ (ಅಥವಾ ನಿಮ್ಮ ರುಚಿಗೆ ತಕ್ಕಷ್ಟು)
5. ಚಿಟಿಕೆ ಉಪ್ಪು.
6. ದೊಡ್ಡ ಚಿಟಿಕೆ ಏಲಕ್ಕಿ

ಬಾಳೆ ಹಣ್ಣಿನ ರಸಾಯನ ಮಾಡುವ ವಿಧಾನ:

1. ಬಾಳೆ ಹಣ್ಣು ಸಿಪ್ಪೆ ತೆಗೆದು, ಸಣ್ಣದಾಗಿ ಕತ್ತರಿಸಿ.
2. ಆಮೇಲೆ ಪುಡಿ ಮಾಡಿದ ಬೆಲ್ಲ ಸೇರಿಸಿ. 
3. ಚಿಟಿಕೆ ಉಪ್ಪು ಹಾಕಿ. ಚೆನ್ನಾಗಿ ಕಲಸಿ.
4. ತೆಂಗಿನ ತುರಿಯನ್ನು ಮಿಕ್ಸಿ ಜಾರಿಗೆ ಹಾಕಿ, ಅಗತ್ಯವಿದ್ದಷ್ಟು ನೀರು ಸೇರಿಸಿ, ನುಣ್ಣನೆ ಅರೆಯಿರಿ. 
5. ಅರೆದ ಮಿಶ್ರಣವನ್ನು ಬಟ್ಟೆಯಲ್ಲಿ ಹಿಂಡಿ, ಕಾಯಿ ಹಾಲನ್ನು ತೆಗೆದು, ಬಾಳೆಹಣ್ಣು ಮತ್ತು ಬೆಲ್ಲ ಇರುವ ಪಾತ್ರೆಗೆ ಹಾಕಿ. 
6. ಏಲಕ್ಕಿ ಪುಡಿ ಹಾಕಿ ಕಲಸಿ.
7. ನೀರು ದೋಸೆ, ತೆಳು ಅವಲಕ್ಕಿ ಅಥವಾ ಒತ್ತು ಶಾವಿಗೆಯೊಂದಿಗೆ ಬಡಿಸಿ.

To see step by step pictures click here (ಹಂತ ಹಂತವಾದ ಚಿತ್ರ ವೀಕ್ಷಿಸಲು ಇಲ್ಲಿ ಕ್ಲಿಕ್ಕಿಸಿ)

Menthe soppina pulav recipe in Kannada | ಮೆಂತೆಸೊಪ್ಪಿನ ಪಲಾವ್ ಮಾಡುವ ವಿಧಾನ

Menthe soppina pulav recipe in Kannada | ಮೆಂತೆಸೊಪ್ಪಿನ ಪಲಾವ್ ಮಾಡುವ ವಿಧಾನ

ಮೆಂತೆಸೊಪ್ಪಿನ ಪಲಾವ್ ವಿಡಿಯೋ

ಬೇಕಾಗುವ ಪದಾರ್ಥಗಳು:( ಅಳತೆ ಕಪ್ = 240 ಎಂಎಲ್ )

1. 1 ಕಪ್ ಅಕ್ಕಿ (ಸೋನಾ ಮಸೂರಿ)
2. 1 ಸಣ್ಣ ಕಟ್ಟು ಅಥವಾ ಒಂದು ಕಪ್ ಮೆಂತೆ ಸೊಪ್ಪು
3. 1/2 ಕಪ್ ಹಸಿ ಬಟಾಣಿ
4. 1 ದೊಡ್ಡ ಈರುಳ್ಳಿ
5. 1 ದೊಡ್ಡ ಟೊಮ್ಯಾಟೋ
6. 1/2 ಟೀಸ್ಪೂನ್ ಜೀರಿಗೆ
7. 1 ಪುಲಾವ್ ಎಲೆ
8. 1/4 ಟೀಸ್ಪೂನ್ ಅರಶಿನ ಪುಡಿ (ಬೇಕಾದಲ್ಲಿ)
9. 2 ಟೇಬಲ್ ಚಮಚ ಅಡುಗೆ ಎಣ್ಣೆ 
10. 1 ಟೀಸ್ಪೂನ್ ತುಪ್ಪ
11. 2 ಕಪ್ ನೀರು (ಅಕ್ಕಿಯ ಗುಣಮಟ್ಟ ಅವಲಂಬಿಸಿ)
12. 2 ಟೀಸ್ಪೂನ್ ಉಪ್ಪು (ನಿಮ್ಮ ರುಚಿಗೆ ತಕ್ಕಷ್ಟು)

ಮಸಾಲೆಗೆ ಬೇಕಾಗುವ ಪದಾರ್ಥಗಳು:

1. 1/2 ಕಪ್ ತೆಂಗಿನತುರಿ
2. 2 ಸೆಮೀ ಉದ್ದದ ಶುಂಠಿ
3. 4 ಎಸಳು ಬೆಳ್ಳುಳ್ಳಿ
4. 1 ಟೀಸ್ಪೂನ್ ಕೊತ್ತಂಬರಿ ಬೀಜ
5. 1/2 ಟೀಸ್ಪೂನ್ ಸೋಂಪು / 1/2 ಟೀಸ್ಪೂನ್ ಜೀರಿಗೆ
6. 1-2 ಹಸಿರುಮೆಣಸಿನಕಾಯಿ
7. 1/2 ಬೆರಳುದ್ದ ಚಕ್ಕೆ
8. 7 - 8 ಲವಂಗ
9. 1 ಏಲಕ್ಕಿ
10. ಒಂದು ಹಿಡಿ ಕೊತ್ತಂಬರಿ ಸೊಪ್ಪು
11. ಒಂದು ಹಿಡಿ ಪುದೀನಾ ಸೊಪ್ಪು
12. 1/2 ಕಪ್ ನೀರು ಅರೆಯಲು

ಮೆಂತೆಸೊಪ್ಪಿನ ಪಲಾವ್ ಮಾಡುವ ವಿಧಾನ:

1. ಅಕ್ಕಿಯನ್ನು ತೊಳೆದು ನೆನೆಸಿಟ್ಟುಕೊಳ್ಳಿ. ಟೊಮ್ಯಾಟೋ, ಮೆಂತೆ ಸೊಪ್ಪು ಮತ್ತು ಈರುಳ್ಳಿಯನ್ನು ಕತ್ತರಿಸಿಟ್ಟು ಕೊಳ್ಳಿ. 
2. ಮಸಾಲೆಗೆ ಪಟ್ಟಿ ಮಾಡಿದ ಎಲ್ಲ ಪದಾರ್ಥಗಳನ್ನು ಒಂದು ಕಪ್ ನೀರು ಬಳಸಿಕೊಂಡು ಮಿಕ್ಸಿಯಲ್ಲಿ ತರಿ ತರಿಯಾಗಿ ಅರೆದು ಕೊಳ್ಳಿ.
3. ಈಗ ಒಂದು ಕುಕ್ಕರ್ ತೆಗೆದುಕೊಂಡು ಎಣ್ಣೆ ಹಾಕಿ. 1/2 ಟೀಸ್ಪೂನ್ ಜೀರಿಗೆ ಮತ್ತು ಪಲಾವ್ ಎಲೆ ಹಾಕಿ ಹುರಿಯಿರಿ. 
4. ಜೀರಿಗೆ ಸಿಡಿದ ಕೂಡಲೇ ಕತ್ತರಿಸಿದ ಈರುಳ್ಳಿ ಹಾಕಿ.
5. ಈರುಳ್ಳಿ ಮೆತ್ತಗಾದ ಕೂಡಲೇ ಟೊಮ್ಯಾಟೋ ಹಾಕಿ 
6. ಅರಿಶಿನ ಹಾಕಿ ಟೊಮೇಟೊ ಮೆತ್ತಗಾಗುವವರೆಗೆ ಹುರಿಯಿರಿ. 
7. ಒಂದೆರಡು ನಿಮಿಷದ ನಂತರ ಹಸಿಬಟಾಣಿ ಮತ್ತು ಮೆಂತೆ ಸೊಪ್ಪು ಹಾಕಿ ಹುರಿಯಿರಿ.
8. ಆಮೇಲೆ ಅರೆದ ಮಸಾಲೆ ಹಾಕಿ ಪುನಃ 5 ನಿಮಿಷಗಳ ಕಾಲ ಆಗಾಗ್ಯೆ ಮಗುಚುತ್ತಾ ಹುರಿಯಿರಿ.
9. ನೆನೆಸಿಟ್ಟ 1 ಕಪ್ ಅಕ್ಕಿ ಹಾಕಿ. ಒಮ್ಮೆ ಚೆನ್ನಾಗಿ ಮಗುಚಿ. 2 ಕಪ್ ನೀರು ಸೇರಿಸಿ (ಅನ್ನಕ್ಕೆ ಬಳಸುವ ನೀರಿಗಿಂತ ಸ್ವಲ್ಪ ಕಡಿಮೆ).
10. ಉಪ್ಪು ಹಾಕಿ, ಪುನಃ ಒಮ್ಮೆ ಕಲಸಿ. ಮುಚ್ಚಳ ಮುಚ್ಚಿ 2 ವಿಷಲ್ ಮಾಡಿ.
11. ಒತ್ತಡ ಕಡಿಮೆಯಾದ ಮೇಲೆ, ಮುಚ್ಚಳ ತೆರೆದು, ಜಾಗ್ರತೆಯಿಂದ ಮುದ್ದೆಯಾಗದಂತೆ ಕಲಸಿ. ಮೊಸರು ಬಜ್ಜಿ ಯೊಂದಿಗೆ, ಇಲ್ಲವೇ ಹಾಗೆ ಬಿಸಿ ಬಿಸಿಯಾಗಿರುವಾಗ ಬಡಿಸಿ.

To see step by step pictures click here (ಹಂತ ಹಂತವಾದ ಚಿತ್ರ ವೀಕ್ಷಿಸಲು ಇಲ್ಲಿ ಕ್ಲಿಕ್ಕಿಸಿ)

Shunti saaru recipe in Kannada | ಶುಂಠಿ ಸಾರು ಮಾಡುವ ವಿಧಾನ

Shunti saaru recipe in Kannada | ಶುಂಠಿ ಸಾರು ಮಾಡುವ ವಿಧಾನ 

ಶುಂಠಿ ಸಾರು ವಿಡಿಯೋ

ಬೇಕಾಗುವ ಪದಾರ್ಥಗಳು: (ಅಳತೆ ಕಪ್ = 240ಎಂ ಎಲ್)

1. 1/2 ಟೀಸ್ಪೂನ್ ಸಾಸಿವೆ
2. 1/2 ಟೀಸ್ಪೂನ್ ಜೀರಿಗೆ
3. 1 ಒಣಮೆಣಸಿನಕಾಯಿ
4.  5 - 6 ಕರಿಬೇವಿನ ಎಲೆ
5. 4 ಟೀಸ್ಪೂನ್ ಅಡುಗೆ ಎಣ್ಣೆ ಅಥವಾ ತುಪ್ಪ 
6. 1 ದೊಡ್ಡ ಟೊಮೆಟೋ 
7. ಅರಿಶಿನ ಪುಡಿ ಒಂದು ದೊಡ್ಡ ಚಿಟಿಕೆ 
8. 1 ನೆಲ್ಲಿಕಾಯಿ ಗಾತ್ರದ ಹುಣಿಸೇಹಣ್ಣು
9. 1 ನೆಲ್ಲಿಕಾಯಿ ಗಾತ್ರದ ಬೆಲ್ಲ (ಅಥವಾ ನಿಮ್ಮ ರುಚಿಗೆ ಅನುಗುಣವಾಗಿ)
10. 1 ಟೀಸ್ಪೂನ್ ಉಪ್ಪು (ಅಥವಾ ನಿಮ್ಮ ರುಚಿಗೆ ತಕ್ಕಂತೆ) 
11. 1 ಟೀ ಸ್ಪೂನ್ ಸಣ್ಣದಾಗಿ ಕೊಚ್ಚಿದ ಕೊತ್ತಂಬರಿ ಸೊಪ್ಪು

ಅರೆಯಲು ಬೇಕಾಗುವ ಪದಾರ್ಥಗಳು: (ಅಳತೆ ಕಪ್ = 240ಎಂ ಎಲ್)

1. 1 ಟೀಸ್ಪೂನ್  ತೊಗರಿಬೇಳೆ
2. 1 ಟೀಸ್ಪೂನ್  ಕಡ್ಲೆಬೇಳೆ
3. 1/2 ಟೀಸ್ಪೂನ್ ಜೀರಿಗೆ
4. 1/2 ಟೀಸ್ಪೂನ್ ಕಾಳು ಮೆಣಸು
5. 1 - 2 ಒಣ ಮೆಣಸಿನಕಾಯಿ
6. 1 ಟೇಬಲ್ ಚಮಚ ಶುಂಠಿ

ಶುಂಠಿ ಸಾರು ಮಾಡುವ ವಿಧಾನ:

1. ಒಂದು ಬಾಣಲೆಯಲ್ಲಿ ತೊಗರಿಬೇಳೆ, ಕಡ್ಲೆಬೇಳೆ, ಜೀರಿಗೆ, ಕಾಳುಮೆಣಸು ಮತ್ತು ಒಣಮೆಣಸಿನಕಾಯಿ ಹಾಕಿ ಹುರಿಯಿರಿ. 
2. ಬೇಳೆಗಳು ಸ್ವಲ್ಪ ಕಂದು ಬಣ್ಣಕ್ಕೆ ತಿರುಗಿದಾಗ, ಕತ್ತರಿಸಿದ ಶುಂಠಿ ಹಾಕಿ ಹುರಿಯಿರಿ. ಸ್ಟವ್ ಆಫ್ ಮಾಡಿ
3. ಬಿಸಿ ಆರಿದ ಮೇಲೆ, ಮಿಕ್ಸಿಯಲ್ಲಿ ನುಣ್ಣನೆ ಪುಡಿ ಮಾಡಿಟ್ಟುಕೊಳ್ಳಿ. 
4. ಒಂದು ಬಾಣಲೆಯಲ್ಲಿ ಎಣ್ಣೆ ಬಿಸಿ ಮಾಡಿ. ಸಾಸಿವೆ ಮತ್ತು ಜೀರಿಗೆ ಹಾಕಿ. 
5. ಸಾಸಿವೆ ಸಿಡಿದ ಕೂಡಲೇ ಒಣಮೆಣಸಿನಕಾಯಿ ಮತ್ತು ಕರಿಬೇವಿನ ಎಲೆ ಸೇರಿಸಿ. 
6. ನಂತ್ರ ಅದಕ್ಕೆ ಸಣ್ಣಗೆ ಕತ್ತರಿಸಿದ ಟೊಮೇಟೊ ಮತ್ತು ಅರಿಶಿನ ಪುಡಿ ಹಾಕಿ. ಟೊಮೇಟೊ ಮೆತ್ತಗಾಗುವವರೆಗೆ ಬೇಯಿಸಿ. 
7. ಅದಕ್ಕೆ ಹುಣಸೆರಸ, ಉಪ್ಪು ಮತ್ತು ಬೆಲ್ಲ ಸೇರಿಸಿ. 
8. ಸ್ವಲ್ಪ ನೀರು ಹಾಕಿ ಕುದಿಸಿ
9. ಪುಡಿಮಾಡಿದ ಮಸಾಲೆ ಸೇರಿಸಿ. 
10. ಅಗತ್ಯವಿದ್ದಷ್ಟು ನೀರು (ಸುಮಾರು ಎರಡು ದೊಡ್ಡ ಲೋಟ) ಸೇರಿಸಿ. 
11. ಕುದಿಸಿ, ಕೊತ್ತಂಬರಿ ಸೊಪ್ಪು ಉದುರಿಸಿ, ಸ್ಟವ್ ಆಫ್ ಮಾಡಿ. 
12. ಬಿಸಿಯಾದ ಅನ್ನದೊಂದಿಗೆ ಬಡಿಸಿ. ಅಥವಾ ಸೂಪ್ ತರಹ ಕುಡಿಯಲು ಕೊಡಿ. 

To see step by step pictures click here (ಹಂತ ಹಂತವಾದ ಚಿತ್ರ ವೀಕ್ಷಿಸಲು ಇಲ್ಲಿ ಕ್ಲಿಕ್ಕಿಸಿ)

Corn pulao recipe in Kannada | ಕಾರ್ನ್ ಪಲಾವ್ ಮಾಡುವ ವಿಧಾನ

Corn pulao recipe in Kannada | ಕಾರ್ನ್ ಪಲಾವ್ ಮಾಡುವ ವಿಧಾನ 

ಬೇಕಾಗುವ ಪದಾರ್ಥಗಳು:( ಅಳತೆ ಕಪ್ = 240 ಎಂಎಲ್ )

1. 1 ಕಪ್ ಅಕ್ಕಿ (ಸೋನಾ ಮಸೂರಿ)
2. 1 ಕಪ್ ಸಿಹಿ ಮೆಕ್ಕೆಜೋಳ (ಕಾರ್ನ್)
3. 1 ದೊಡ್ಡ ಈರುಳ್ಳಿ
4. 1 ಟೊಮ್ಯಾಟೋ
5. 1/2 ಬೆರಳುದ್ದ ಚಕ್ಕೆ
6. 7 - 8 ಲವಂಗ
7. 1 ಏಲಕ್ಕಿ
8. 1 ಚಕ್ರ ಮೊಗ್ಗು 
9. 1 ಪುಲಾವ್ ಎಲೆ
10. 1/4 ಟೀಸ್ಪೂನ್ ಅರಶಿನ ಪುಡಿ (ಬೇಕಾದಲ್ಲಿ)
11. 3 ಟೇಬಲ್ ಚಮಚ ಅಡುಗೆ ಎಣ್ಣೆ / ತುಪ್ಪ
12. 2 ಕಪ್ ನೀರು (ಅಕ್ಕಿಯ ಗುಣಮಟ್ಟ ಅವಲಂಬಿಸಿ)
13. 2 ಟೀಸ್ಪೂನ್ ಉಪ್ಪು (ಅಥವಾ ನಿಮ್ಮ ರುಚಿಗೆ ತಕ್ಕಷ್ಟು)

ಮಸಾಲೆಗೆ ಬೇಕಾಗುವ ಪದಾರ್ಥಗಳು:

1. 1/2 ಕಪ್ ತೆಂಗಿನತುರಿ
2. 2ಸೆಮೀ ಉದ್ದದ ಶುಂಠಿ
3. 5-6 ಎಸಳು ಬೆಳ್ಳುಳ್ಳಿ
4. 1 ಟೀಸ್ಪೂನ್ ಕೊತ್ತಂಬರಿ ಬೀಜ
5. 1/2 ಟೀಸ್ಪೂನ್ ಜೀರಿಗೆ
6. 1-2 ಹಸಿರುಮೆಣಸಿನಕಾಯಿ
7. ಒಂದು ಹಿಡಿ ಕೊತ್ತಂಬರಿ ಸೊಪ್ಪು
8. 1/2 ಕಪ್ ನೀರು ಅರೆಯಲು

ಕಾರ್ನ್ ಪಲಾವ್ ಮಾಡುವ ವಿಧಾನ:

1. ಮೊದಲಿಗೆ ಅಕ್ಕಿ ತೊಳೆದಿಟ್ಟುಕೊಳ್ಳಿ. 
2. ಜೋಳ ತೆಗೆದಿಟ್ಟುಕೊಳ್ಳಿ. ಟೊಮ್ಯಾಟೋ ಮತ್ತು ಈರುಳ್ಳಿಯನ್ನು ಸಹ ಕತ್ತರಿಸಿ ಸಿದ್ಧ ಮಾಡಿಟ್ಟುಕೊಳ್ಳಿ.
3. ಮಸಾಲೆ ಅರೆಯಲು ಪಟ್ಟಿ ಮಾಡಿದ ಎಲ್ಲ ಪದಾರ್ಥಗಳನ್ನು 1/2 ಕಪ್ ನೀರು ಬಳಸಿಕೊಂಡು ಮಿಕ್ಸಿಯಲ್ಲಿ ತರಿ ತರಿಯಾಗಿ ಅರೆದು ಕೊಳ್ಳಿ.
4. ಈಗ ಒಂದು 5ಲೀ ನಷ್ಟು ದೊಡ್ಡ ಕುಕ್ಕರ್ ತೆಗೆದುಕೊಂಡು ಎಣ್ಣೆ ಅಥವಾ ತುಪ್ಪ ಹಾಕಿ. ಚಕ್ಕೆ, ಲವಂಗ, ಏಲಕ್ಕಿ, ಚಕ್ರ ಮೊಗ್ಗು ಮತ್ತು ಪುಲಾವ್ ಎಲೆ ಹಾಕಿ ಹುರಿಯಿರಿ.
5. ನಂತರ ಕತ್ತರಿಸಿದ ಈರುಳ್ಳಿ ಹಾಕಿ ಹುರಿಯಿರಿ.
6. ಈರುಳ್ಳಿ ಮೆತ್ತಗಾದ ಕೂಡಲೇ ಟೊಮ್ಯಾಟೋ ಹಾಕಿ ಹುರಿಯಿರಿ. ನಿಂಬೆ ರಸ ಹಾಕುವುದಾದಲ್ಲಿ ಕೊನೆಯಲ್ಲಿ ಬಡಿಸುವ ಮುನ್ನ ಸೇರಿಸಿ. 
7. ಈಗ ಬಿಡಿಸಿದ ಜೋಳ ಹಾಕಿ ಮಗುಚಿ. 
8. ಆಮೇಲೆ ಅರೆದ ಮಸಾಲೆ ಮತ್ತು ಅರಶಿನ ಪುಡಿ ಹಾಕಿ ಪುನಃ 5 ನಿಮಿಷಗಳ ಕಾಲ ಹುರಿಯಿರಿ.
9. ತೊಳೆದಿಟ್ಟ ಅಕ್ಕಿ ಹಾಕಿ. ಒಮ್ಮೆ ಚೆನ್ನಾಗಿ ಮಗುಚಿ. 2ಕಪ್ ನೀರು ಸೇರಿಸಿ (ಅನ್ನಕ್ಕೆ ಬಳಸುವ ನೀರಿಗಿಂತ ಸ್ವಲ್ಪ ಕಡಿಮೆ).
10. ಉಪ್ಪು ಹಾಕಿ, ಪುನಃ ಒಮ್ಮೆ ಕಲಸಿ. ಮುಚ್ಚಳ ಮುಚ್ಚಿ 2 ವಿಷಲ್ ಮಾಡಿ.
11. ಒತ್ತಡ ಕಡಿಮೆಯಾದ ಮೇಲೆ, ಮುಚ್ಚಳ ತೆರೆದು, ಜಾಗ್ರತೆಯಿಂದ ಮುದ್ದೆಯಾಗದಂತೆ ಕಲಸಿ. ಟೊಮೇಟೊ ಬದಲಾಗಿ ನಿಂಬೆ ರಸ ಹಾಕುವುದಾದಲ್ಲಿ ಈಗ ಹಾಕಿ ಕಲಸಿ. ಮೊಸರು ಬಜ್ಜಿ ಯೊಂದಿಗೆ, ಇಲ್ಲವೇ ಹಾಗೆ ಬಿಸಿ ಬಿಸಿಯಾಗಿರುವಾಗ ಬಡಿಸಿ.

To see step by step pictures click here (ಹಂತ ಹಂತವಾದ ಚಿತ್ರ ವೀಕ್ಷಿಸಲು ಇಲ್ಲಿ ಕ್ಲಿಕ್ಕಿಸಿ)

Plain ragi rotti recipe in Kannada | ಉಕ್ಕರಿಸಿದ ರಾಗಿ ರೊಟ್ಟಿ ಮಾಡುವ ವಿಧಾನ

Plain ragi rotti recipe in Kannada | ಉಕ್ಕರಿಸಿದ ರಾಗಿ ರೊಟ್ಟಿ ಮಾಡುವ ವಿಧಾನ

ಉಕ್ಕರಿಸಿದ ರಾಗಿರೊಟ್ಟಿ ಅಥವಾ ಉಬ್ಬುರೊಟ್ಟಿಯ ವಿಡಿಯೋವನ್ನು ಈ ಕೆಳಗೆ ನೀಡಿದ್ದೇನೆ. ಒಮ್ಮೆ ವೀಕ್ಷಿಸಿದಲ್ಲಿ ರೊಟ್ಟಿ ಮಾಡಲು ಅನುಕೂಲವಾಗಬಹುದು. 

ಬೇಕಾಗುವ ಪದಾರ್ಥಗಳು: ( ಅಳತೆ ಕಪ್ = 240 ಎಂಎಲ್ )

1. 1/2 ಕಪ್ ರಾಗಿ ಹಿಟ್ಟು 
2. 1/2 ಕಪ್ ನೀರು (ಅಕ್ಕಿ ಹಿಟ್ಟಿನ ಗುಣಮಟ್ಟ ಅವಲಂಬಿಸಿ ಸ್ವಲ್ಪ ಹೆಚ್ಚು ಕಡಿಮೆ)
3. 1 ಟೀಸ್ಪೂನ್ ಅಡುಗೆ ಎಣ್ಣೆ 
4. ಉಪ್ಪು ರುಚಿಗೆ ತಕ್ಕಷ್ಟು

ಉಕ್ಕರಿಸಿದ ರಾಗಿ ರೊಟ್ಟಿ ಮಾಡುವ ವಿಧಾನ:

1. ಒಂದು ಬಾಣಲೆಯಲ್ಲಿ ನೀರು, ಉಪ್ಪು ಮತ್ತು ಎಣ್ಣೆ ಹಾಕಿ ಕುದಿಯಲು ಇಡಿ. 
2. ನೀರು ಕುದಿಯಲು ಪ್ರಾರಂಭಿಸಿದ ಕೂಡಲೇ  ರಾಗಿ ಹಿಟ್ಟನ್ನು ಸೇರಿಸಿ ಒಂದೆರಡು ಸುತ್ತು ಕಲಸಿ. ಸ್ಟವ್ ಆಫ್ ಮಾಡಿ. 
3. ಸ್ಟವ್ ಆರಿಸಿದ ಮೇಲೆ ಸಟ್ಟುಗದಿಂದ ಚೆನ್ನಾಗಿ ಕಲಸಿ ಮುಚ್ಚಿಡಿ. 
4. ಬಿಸಿ ಆರಿದ ಮೇಲೆ ಕೈಯಿಂದ ಚೆನ್ನಾಗಿ ನಾದಿ ಮೃದುವಾದ ಹಿಟ್ಟನ್ನು ತಯಾರಿಸಿ. 
5. ನಿಂಬೆ ಗಾತ್ರದ ಉಂಡೆ ಮಾಡಿಕೊಂಡು, ಅಗತ್ಯವಿದ್ದಷ್ಟು ಹಿಟ್ಟು ಹಾಕಿ ತೆಳ್ಳಗೆ ಲಟ್ಟಿಸಿ. 
6. ಒಂದು ಹೆಂಚು ಅಥವಾ ತವಾ ತೆಗೆದುಕೊಂಡು ಬಿಸಿ ಮಾಡಿ. ಲಟ್ಟಿಸಿದ ರೊಟ್ಟಿಯನ್ನು ತವಾ ಮೇಲೆ ಹಾಕಿ. 
7. ಒಂದು ಶುಭ್ರವಾದ ಬಟ್ಟೆಯಿಂದ ರೊಟ್ಟಿಯ ಮೇಲ್ಭಾಗಕ್ಕೆ ನೀರನ್ನು ಹಚ್ಚಿ. 
8. ಸಣ್ಣ ಗುಳ್ಳೆಗಳು ಬಂಡ ಕೂಡಲೇ ತಿರುಗಿಸಿ ಇನ್ನೊಂದು ಬದಿ ಕಾಯಿಸಿ. 
9. ನಿಮ್ಮಿಷ್ಟದ ಗೊಜ್ಜು ಅಥವಾ ಪಲ್ಯದೊಂದಿಗೆ ಬಡಿಸಿ.

To see step by step pictures click here (ಹಂತ ಹಂತವಾದ ಚಿತ್ರ ವೀಕ್ಷಿಸಲು ಇಲ್ಲಿ ಕ್ಲಿಕ್ಕಿಸಿ)

Hesarukalu saaru recipe in Kannada | ಹೆಸರುಕಾಳು ಸಾರು ಮಾಡುವ ವಿಧಾನ

Hesarukalu saaru recipe in Kannada | ಹೆಸರುಕಾಳು ಸಾರು ಮಾಡುವ ವಿಧಾನ 

ಹೆಸರುಕಾಳು ಸಾರು ವಿಡಿಯೋ

ಬೇಕಾಗುವ ಪದಾರ್ಥಗಳು: (ಅಳತೆ ಕಪ್ = 240ml)

1. 1 ಕಪ್ ಮೊಳಕೆ ಕಟ್ಟಿದ ಹೆಸರುಕಾಳು
2. 1 ಸಣ್ಣ ಆಲೂಗಡ್ಡೆ
3. 1 ಕತ್ತರಿಸಿದ ಈರುಳ್ಳಿ
4. 1 ಕತ್ತರಿಸಿದ ಟೊಮೆಟೊ
5. 2 ಟೀಸ್ಪೂನ್ ಅಡುಗೆ ಎಣ್ಣೆ
6. ಸಣ್ಣ ಗೋಲಿಗಾತ್ರದ ಬೆಲ್ಲ 
7. ಸಣ್ಣ ಗೋಲಿಗಾತ್ರದ ಹುಣಿಸೇಹಣ್ಣು
8. 1 ಟೇಬಲ್ ಸ್ಪೂನ್ ಹೆಚ್ಚಿದ ಕೊತ್ತಂಬರಿ ಸೊಪ್ಪು
9. ನಿಮ್ಮ ರುಚಿ ಪ್ರಕಾರ ಉಪ್ಪು

ಮಸಾಲೆ ಅರೆಯಲು ಬೇಕಾಗುವ ಪದಾರ್ಥಗಳು: (ಅಳತೆ ಕಪ್ = 240ml)

1. 1-2 ಒಣಮೆಣಸಿನಕಾಯಿ
2. 2 ಟೀಸ್ಪೂನ್ ಕೊತ್ತಂಬರಿ ಬೀಜ
3. 1/2 ಟೀಸ್ಪೂನ್ ಜೀರಿಗೆ 
4. 2 ಬೇಳೆ ಬೆಳ್ಳುಳ್ಳಿ
5. ಸ್ವಲ್ಪ ಶುಂಠಿ
6. 1/2 ಕಪ್ ತೆಂಗಿನ ತುರಿ
7. ಸ್ವಲ್ಪ ಚಕ್ಕೆ 
8. ಸ್ವಲ್ಪ ಲವಂಗ

ಒಗ್ಗರಣೆಗೆ ಬೇಕಾಗುವ ಪದಾರ್ಥಗಳು:

1. 1 ಕೆಂಪು ಮೆಣಸಿನಕಾಯಿ 
2. 5 - 6 ಕರಿಬೇವಿನ ಎಲೆ
3. 1/2 ಚಮಚ ಸಾಸಿವೆ 
4. 2 ಟೀಸ್ಪೂನ್ ಅಡುಗೆ ಎಣ್ಣೆ

ಹೆಸರುಕಾಳು ಸಾರು ಮಾಡುವ ವಿಧಾನ:

1. ಅರ್ಧ ಕಪ್ ಹೆಸರುಕಾಳನ್ನು ನೆನೆಸಿ, ಮೊಳಕೆ ಕಟ್ಟಿಸಿಕೊಳ್ಳಿ. 
2. ಆಲೂಗಡ್ಡೆ, ಈರುಳ್ಳಿ ಮತ್ತು ಟೊಮೇಟೊ ಕತ್ತರಿಸಿಟ್ಟುಕೊಳ್ಳಿ. 
3. ಮಸಾಲೆ ಅರೆಯಲು ಪಟ್ಟಿ ಮಾಡಿದ ಎಲ್ಲ ಪದಾರ್ಥಗಳನ್ನು ಮಿಕ್ಸಿಯಲ್ಲಿ ಹಾಕಿ ನುಣ್ಣನೆ ಅರೆದಿಟ್ಟುಕೊಳ್ಳಿ. 
4. ಒಂದು ಕುಕ್ಕರ್ ನಲ್ಲಿ ಎಣ್ಣೆ ಬಿಸಿ ಮಾಡಿ ಈರುಳ್ಳಿ ಹಾಕಿ ಹುರಿಯಿರಿ. 
5. ನಂತರ ಟೊಮೇಟೊ ಹಾಕಿ ಹುರಿಯಿರಿ. 
6. ಆಮೇಲೆ ಮೊಳಕೆ ಹೆಸರುಕಾಳು ಮತ್ತು ಆಲೂಗಡ್ಡೆ ಹಾಕಿ ಹುರಿಯಿರಿ. 
7. ನಂತರ ಅರೆದ ಮಸಾಲೆ, ಅರ್ಧ ಕಪ್ ನೀರು ಹಾಕಿ ಹಸಿ ವಾಸನೆ ಹೋಗುವವರೆಗೆ ಬಾಡಿಸಿ. 
8. ಪುನಃ ಅರ್ಧ ಕಪ್ ನೀರು ಹಾಕಿ  ಒಂದು ವಿಷಲ್ ಮಾಡಿ ಬೇಯಿಸಿ. 
9. ಒತ್ತಡ ಇಳಿದ ಮೇಲೆ ಮುಚ್ಚಳ ತೆರೆದು, ಅಗತ್ಯವಿದ್ದಷ್ಟು ನೀರು ಸೇರಿಸಿ (ಸುಮಾರು ಒಂದು ಕಪ್) 
10. ಉಪ್ಪು, ಬೆಲ್ಲ ಮತ್ತು ಹುಣಿಸೆರಸ ಹಾಕಿ ಕುದಿಸಿ. 
11. ಸ್ಟವ್ ಆಫ್ ಮಾಡಿ. ಹೆಚ್ಚಿದ ಕೊತ್ತಂಬರಿ ಸೊಪ್ಪು ಹಾಕಿ. 
12. ಎಣ್ಣೆ, ಕೆಂಪು ಮೆಣಸಿನಕಾಯಿ, ಕರಿಬೇವು ಮತ್ತು ಸಾಸಿವೆಯ ಒಗ್ಗರಣೆ ಮಾಡಿ. 
13. ಅನ್ನ ಅಥವಾ ರಾಗಿ ಮುದ್ದೆಯೊಂದಿಗೆ ಬಡಿಸಿ.

To see step by step pictures click here (ಹಂತ ಹಂತವಾದ ಚಿತ್ರ ವೀಕ್ಷಿಸಲು ಇಲ್ಲಿ ಕ್ಲಿಕ್ಕಿಸಿ)

Cabbage chutney recipe in Kannada | ಎಲೆಕೋಸು ಚಟ್ನಿ ಮಾಡುವ ವಿಧಾನ

Cabbage chutney recipe in Kannada | ಎಲೆಕೋಸು ಚಟ್ನಿ ಮಾಡುವ ವಿಧಾನ

ಎಲೆಕೋಸು ಚಟ್ನಿ ವಿಡಿಯೋ

ಬೇಕಾಗುವ ಪದಾರ್ಥಗಳು: ( ಅಳತೆ ಕಪ್ = 240 ಎಂಎಲ್ )

1. 2 ಕಪ್ ಕತ್ತರಿಸಿದ ಎಲೆಕೋಸು
2. 1 ಈರುಳ್ಳಿ
3. 1 ಟೊಮೇಟೊ ಅಥವಾ ಗೋಲಿಗಾತ್ರದ ಹುಣಿಸೇಹಣ್ಣು
4. 1 ಚಮಚ ಕತ್ತರಿಸಿದ ಶುಂಠಿ
5. 1/2 - 1 ಹಸಿರುಮೆಣಸಿನಕಾಯಿ
6. 1 - 2 ಒಣಮೆಣಸಿನಕಾಯಿ 
7. 2 ಟೇಬಲ್ ಚಮಚ ಉದ್ದಿನಬೇಳೆ
8. 4 - 5 ಕರಿಬೇವಿನ ಎಲೆ
9. ಒಂದು ದೊಡ್ಡ ಚಿಟಿಕೆ ಅರಿಶಿನ
10. ಉಪ್ಪು ರುಚಿಗೆ ತಕ್ಕಷ್ಟು
11. 1 ಚಮಚ ಅಡುಗೆ ಎಣ್ಣೆ

ಒಗ್ಗರಣೆಗೆ ಬೇಕಾಗುವ ಪದಾರ್ಥಗಳು:

1. 1 ಒಣ ಮೆಣಸಿನಕಾಯಿ
2. 1/2 ಟೀಸ್ಪೂನ್ ಸಾಸಿವೆ
3. 1/2 ಟೀಸ್ಪೂನ್ ಉದ್ದಿನಬೇಳೆ
4. 4 - 5 ಕರಿಬೇವಿನ ಎಲೆ
5. 1 ಟೇಬಲ್ ಚಮಚ ಅಡುಗೆ ಎಣ್ಣೆ

ಎಲೆಕೋಸು ಚಟ್ನಿ ಮಾಡುವ ವಿಧಾನ:

1. ಎಲೆಕೋಸು, ಟೊಮೇಟೊ ಮತ್ತು ಈರುಳ್ಳಿಯನ್ನು ಕತ್ತರಿಸಿಟ್ಟುಕೊಳ್ಳಿ. 
2. ಒಂದು ಬಾಣಲೆಯಲ್ಲಿ ಒಂದು ಟೇಬಲ್ ಚಮಚ ಎಣ್ಣೆ ಬಿಸಿ ಮಾಡಿ. 
3. ಒಣಮೆಣಸು, ಸಾಸಿವೆ ಮತ್ತು ಉದ್ದಿನಬೇಳೆ ಹಾಕಿ ಬೇಳೆ ಕಂದುಬಣ್ಣಕ್ಕೆ ಬರುವವರೆಗೆ ಹುರಿಯಿರಿ. 
4. ನಂತ್ರ ಕತ್ತರಿಸಿದ ಶುಂಠಿ, ಹಸಿರುಮೆಣಸು ಮತ್ತು ಕರಿಬೇವು ಹಾಕಿ ಹುರಿಯಿರಿ. 
5. ಆಮೇಲೆ ಕತ್ತರಿಸಿದ ಈರುಳ್ಳಿ ಹಾಕಿ ಮೆತ್ತಗಾಗುವವರೆಗೆ ಹುರಿಯಿರಿ. 
6. ಆಮೇಲೆ ಕತ್ತರಿಸಿದ ಟೊಮೇಟೊ ಹಾಕಿ, ಅರಿಶಿನ ಸೇರಿಸಿ, ಹುರಿಯಿರಿ. ಟೊಮೇಟೊ ಬದಲು ಅರೆಯುವಾಗ ಹುಣಿಸೆಹಣ್ಣು ಹಾಕಬಹುದು. 
7. ಉಪ್ಪು ಹಾಕಿ ಎಲೆಕೋಸು ಮೆತ್ತಗಾಗುವವರೆಗೆ ಬೇಯಿಸಿ. 
8. ಬಿಸಿ ಆರಿದ ಮೇಲೆ ಮಿಕ್ಸಿಯಲ್ಲಿ ಅರೆದಿಟ್ಟುಕೊಳ್ಳಿ. 
9. ಕೊನೆಯಲ್ಲಿ ಮೆಣಸಿನಕಾಯಿ, ಎಣ್ಣೆ, ಸಾಸಿವೆ, ಉದ್ದಿನಬೇಳೆ ಮತ್ತು ಕರಿಬೇವಿನ ಒಗ್ಗರಣೆಯನ್ನು ಮಾಡಿ. 
10. ದೋಸೆ, ಇಡ್ಲಿ ಅಥವಾ ಅನ್ನದೊಂದಿಗೆ ಬಡಿಸಿ. 

To see step by step pictures click here (ಹಂತ ಹಂತವಾದ ಚಿತ್ರ ವೀಕ್ಷಿಸಲು ಇಲ್ಲಿ ಕ್ಲಿಕ್ಕಿಸಿ)

Instant chutney mix recipe in Kannada | ದಿಢೀರ್ ಚಟ್ನಿ ಮಿಕ್ಸ್ ಮಾಡುವ ವಿಧಾನ

Instant chutney mix recipe in Kannada | ದಿಢೀರ್ ಚಟ್ನಿ ಮಿಕ್ಸ್ ಮಾಡುವ ವಿಧಾನ 

ದಿಢೀರ್ ಚಟ್ನಿ ಮಿಕ್ಸ್ ವಿಡಿಯೋ

ಬೇಕಾಗುವ ಪದಾರ್ಥಗಳು: ( ಅಳತೆ ಕಪ್ = 240 ಎಂಎಲ್ )

1. 2 - 4 ಒಣ ಮೆಣಸಿನಕಾಯಿ
2. 1/4 ಕಪ್ ನೆಲಗಡಲೆ ಅಥವಾ ಶೇಂಗಾ
3. 1/2 ಕಪ್ ಹುರಿಗಡಲೆ
4. 1/2 ಕಪ್ ಒಣ ಕೊಬ್ಬರಿ ತುರಿದಿದ್ದು
5. 3 - 4 ಎಸಳು ಬೆಳ್ಳುಳ್ಳಿ
6. 1 ಟೀಸ್ಪೂನ್ ಕೊತ್ತಂಬರಿ ಬೀಜ
7. ಸ್ವಲ್ಪ ಕರಿಬೇವು
8. ಸಣ್ಣ ಗೋಲಿ ಹಣ್ಣಿನ ಗಾತ್ರದ ಹುಣಿಸೇಹಣ್ಣು
9. ಉಪ್ಪು ರುಚಿಗೆ ತಕ್ಕಷ್ಟು

ಒಗ್ಗರಣೆಗೆ ಬೇಕಾಗುವ ಪದಾರ್ಥಗಳು: ( ಅಳತೆ ಕಪ್ = 240 ಎಂಎಲ್ )

1. 1 ಒಣ ಮೆಣಸಿನಕಾಯಿ
2. 1 ಚಮಚ ಸಾಸಿವೆ
3. 1/4 ಟೀಸ್ಪೂನ್ ಇಂಗು
4. ಸ್ವಲ್ಪ ಕರಿಬೇವು
5. 1 ಟೇಬಲ್ ಚಮಚ ಅಡುಗೆ ಎಣ್ಣೆ

ದಿಢೀರ್ ಚಟ್ನಿ ಮಿಕ್ಸ್ ಮಾಡುವ ವಿಧಾನ:

1. ಒಂದು ಬಾಣಲೆಯಲ್ಲಿ ಒಣಮೆಣಸು ಮತ್ತು ಶೇಂಗಾ ಹಾಕಿ, ಶೇಂಗಾ ಅಲ್ಲಲ್ಲಿ ಕಂದು ಬಣ್ಣಕ್ಕೆ ಬರುವವರೆಗೆ ಮಧ್ಯಮ ಉರಿಯಲ್ಲಿ ಹುರಿಯಿರಿ. 
2. ನಂತ್ರ ಬೆಳ್ಳುಳ್ಳಿ ಎಸಳನ್ನು ಸೇರಿಸಿ ಒಂದು ನಿಮಿಷ ಹುರಿಯಿರಿ. 
3. ಅದಕ್ಕೆ ಹುರಿಗಡಲೆ ಸೇರಿಸಿ ಸ್ವಲ್ಪ ಹೊತ್ತು ಹುರಿಯಿರಿ.
4. ಆಮೇಲೆ ಕೊಬ್ಬರಿ, ಕರಿಬೇವು ಮತ್ತು ಕೊತ್ತಂಬರಿ ಸೇರಿಸಿ ಸ್ವಲ್ಪ ಹೊತ್ತು ಹುರಿಯಿರಿ. 
5. ಉಪ್ಪು ಮತ್ತು ಹುಣಿಸೇಹಣ್ಣು ಸೇರಿಸಿ, ಮಗುಚಿ, ಸ್ಟವ್ ಆಫ್ ಮಾಡಿ. 
6. ಬಿಸಿ ಆರಿದ ಮೇಲೆ ನುಣ್ಣನೆ ಪುಡಿಮಾಡಿಕೊಳ್ಳಿ.
7. ನಂತರ ಒಗ್ಗರಣೆಗೆ ಎಣ್ಣೆ ಬಿಸಿ ಮಾಡಿ. ಸಾಸಿವೆ, ಒಣಮೆಣಸು, ಇಂಗು, ಕರಿಬೇವು ಹಾಕಿ ಒಗ್ಗರಣೆ ಮಾಡಿ. 
8. ಸ್ಟವ್ ಆಫ್ ಮಾಡಿ, ಪುಡಿ ಮಡಿದ ಮಿಶ್ರಣ ಸೇರಿಸಿ, ಚೆನ್ನಾಗಿ ಕಲಸಿ. 
9. ಬಿಸಿ ಆರಿದ ಮೇಲೆ ಗಾಳಿಯಾಡದ ಡಬ್ಬದಲ್ಲಿ ಹಾಕಿ ಎತ್ತಿಡಿ. 
10. ಚಟ್ನಿ ಮಾಡಲು ಅಗತ್ಯವಿದ್ದಷ್ಟು ಪುಡಿಯನ್ನು ತೆಗೆದುಕೊಂಡು, ನೀರು ಸೇರಿಸಿ ಕಲಸಿ. ದೋಸೆ, ಇಡ್ಲಿ ಅಥವಾ ಅನ್ನದೊಂದಿಗೆ ಬಡಿಸಿ. 

To see step by step pictures click here (ಹಂತ ಹಂತವಾದ ಚಿತ್ರ ವೀಕ್ಷಿಸಲು ಇಲ್ಲಿ ಕ್ಲಿಕ್ಕಿಸಿ)

Southekai thirulina sasive in kannada | ಸೌತೆಕಾಯಿ ತಿರುಳಿನ ಸಾಸಿವೆ ಮಾಡುವ ವಿಧಾನ

Southekai thirulina sasive in kannada | ಸೌತೆಕಾಯಿ ತಿರುಳಿನ ಸಾಸಿವೆ ಮಾಡುವ ವಿಧಾನ

ಸೌತೆಕಾಯಿ ತಿರುಳಿನ ಸಾಸಿವೆ ವಿಡಿಯೋ

ಬೇಕಾಗುವ ಪದಾರ್ಥಗಳು:( ಅಳತೆ ಕಪ್ = 240 ಎಂಎಲ್ )

1. 1 ದೊಡ್ಡ ಸಾಂಬಾರ್ ಸೌತೆಕಾಯಿ ಯಿಂದ ತೆಗೆದ ತಿರುಳು
2. 1/4 ಟೀಸ್ಪೂನ್ ಸಾಸಿವೆ
3. 1/4 ಕಪ್ ತೆಂಗಿನತುರಿ
4. 1/4 ಕಪ್ ಮೊಸರು ಅಥವಾ ಮಜ್ಜಿಗೆ
5. ಉಪ್ಪು ರುಚಿಗೆ ತಕ್ಕಷ್ಟು.

ಒಗ್ಗರಣೆಗೆ ಬೇಕಾಗುವ ಪದಾರ್ಥಗಳು:

1. 1 ಒಣ ಮೆಣಸಿನಕಾಯಿ
2. 2 ಟೀಸ್ಪೂನ್ ಅಡುಗೆ ಎಣ್ಣೆ
3. 1/2 ಟೀಸ್ಪೂನ್ ಸಾಸಿವೆ
4. 4 - 5 ಕರಿಬೇವಿನ ಎಲೆ

ಸೌತೆಕಾಯಿ ತಿರುಳಿನ ಸಾಸಿವೆ ಮಾಡುವ ವಿಧಾನ:

1. ಸೌತೆಕಾಯಿ ಯನ್ನು ಕತ್ತರಿಸಿ, ತಿರುಳನ್ನು ತೆಗೆಯಿರಿ. ತಿರುಳು ಕಹಿ ಇಲ್ಲವೆಂದು ಖಚಿತಪಡಿಸಿಕೊಳ್ಳಿ. 
2. ಬೀಜ ಬೇರ್ಪಡಿಸಿ, ತಿರುಳನ್ನು ನೀರು ಹಾಕಿ ಮೆತ್ತಗಾಗುವವರೆಗೆ ಬೇಯಿಸಿ. 
3. ಬಿಸಿ ಆರಿದ ಮೇಲೆ ಬೇಯಿಸಿದ ತಿರುಳು, ಸಾಸಿವೆ ಮತ್ತು ತೆಂಗಿನ ತುರಿಯನ್ನು ಮಿಕ್ಸಿ ಜಾರಿಗೆ ಹಾಕಿ.  
4. ಅಗತ್ಯವಿದ್ಧಷ್ಟು ನೀರು ಸೇರಿಸಿ ನುಣ್ಣಗೆ ಅರೆಯಿರಿ. 
5. ಅರೆದ ಮಿಶ್ರಣವನ್ನು ಒಂದು ಪಾತ್ರೆಗೆ ಹಾಕಿ. 
6. ಅಗತ್ಯವಿದ್ದಷ್ಟು ಉಪ್ಪು, ಮೊಸರು ಮತ್ತು ನೀರು ಹಾಕಿ. 
7. ಎಣ್ಣೆ, ಒಣಮೆಣಸು ಮತ್ತು ಸಾಸಿವೆ ಒಗ್ಗರಣೆ ಕೊಡಿ. ಬಿಸಿ ಅನ್ನದೊಂದಿಗೆ ಬಡಿಸಿ.

To see step by step pictures click here (ಹಂತ ಹಂತವಾದ ಚಿತ್ರ ವೀಕ್ಷಿಸಲು ಇಲ್ಲಿ ಕ್ಲಿಕ್ಕಿಸಿ)

Thondekai masala recipe in Kannada | ತೊಂಡೆಕಾಯಿ ಮಸಾಲೆ ಮಾಡುವ ವಿಧಾನ

Thondekai masala recipe in Kannada | ತೊಂಡೆಕಾಯಿ ಮಸಾಲೆ ಮಾಡುವ ವಿಧಾನ 

ತೊಂಡೆಕಾಯಿ ಮಸಾಲೆ ವಿಡಿಯೋ

ಬೇಕಾಗುವ ಪದಾರ್ಥಗಳು: ( ಅಳತೆ ಕಪ್ = 240 ಎಂಎಲ್ )

1. 1/2 kg ತೊಂಡೆಕಾಯಿ
2. 1 ಕತ್ತರಿಸಿದ ಈರುಳ್ಳಿ 
3. 1/4 ಟೀಸ್ಪೂನ್ ಅರಿಶಿನ ಪುಡಿ 
4. 1 ಟೇಬಲ್ ಚಮಚ ಹೆಚ್ಚಿದ ಕೊತ್ತಂಬರಿ ಸೊಪ್ಪು
5. ಒಂದು ನೆಲ್ಲಿಕಾಯಿ ಗಾತ್ರದ ಹುಣಿಸೇಹಣ್ಣು
6. 4 ಟೇಬಲ್ ಚಮಚ ಅಡುಗೆ ಎಣ್ಣೆ 
7. ಉಪ್ಪು ರುಚಿಗೆ ತಕ್ಕಷ್ಟು

ಅರೆಯಲು ಬೇಕಾಗುವ ಪದಾರ್ಥಗಳು:

1. 1/4 ಕಪ್ ನೆಲಗಡಲೆ ಅಥವಾ ಶೇಂಗಾ
2. 1/4 ಕಪ್ ತೆಂಗಿನತುರಿ
3. 2 ಚಮಚ ಕೊತ್ತಂಬರಿ ಬೀಜ 
4. 2 - 4 ಒಣಮೆಣಸು
5. 2 ದೊಡ್ಡ ಚಮಚ ಎಳ್ಳು
6. 1 ಕತ್ತರಿಸಿದ ಟೊಮೇಟೊ

ತೊಂಡೆಕಾಯಿ ಮಸಾಲೆ ಮಾಡುವ ವಿಧಾನ:

1. ತೊಂಡೆಕಾಯಿ, ಈರುಳ್ಳಿ ಮತ್ತು ಟೊಮೇಟೊ ಕತ್ತರಿಸಿಟ್ಟುಕೊಳ್ಳಿ.
2. ನಂತರ ಒಂದು ಬಾಣಲೆಯಲ್ಲಿ ಶೇಂಗಾ, ಕೊತ್ತಂಬರಿ ಬೀಜ ಮತ್ತು ಒಣಮೆಣಸು ಹಾಕಿ ಎಣ್ಣೆ ಹಾಕದೆ ಹುರಿಯಿರಿ. 
3. ನಂತ್ರ ಅದೇ ಬಾಣಲೆಗೆ ಎಳ್ಳು ಸೇರಿಸಿ ಹುರಿಯಿರಿ. 
4. ಎಳ್ಳು ಸಿಡಿದ ಮೇಲೆ ಕತ್ತರಿಸಿದ ಟೊಮೇಟೊ ಮತ್ತು ತೆಂಗಿನತುರಿ ಹಾಕಿ ಹುರಿಯಿರಿ. 
5. ಸ್ಟವ್ ಆಫ್ ಮಾಡಿ, ಹುರಿದ ಪದಾರ್ಥಗಳು ಬಿಸಿ ಆರಿದ ಮೇಲೆ ಅರೆದಿಟ್ಟುಕೊಳ್ಳಿ. 
6. ಬಾಣಲೆಯಲ್ಲಿ ಎಣ್ಣೆ ಬಿಸಿ ಮಾಡಿ, ತೊಂಡೆಕಾಯಿ ಹಾಕಿ ಹುರಿಯಿರಿ. 
7. ಹುರಿಯುವಾಗ ಸ್ವಲ್ಪ ಉಪ್ಪು ಸೇರಿಸಿದರೆ ತೊಂಡೆಕಾಯಿ ಬೇಗ ಬೇಯುತ್ತದೆ. 
8. ಕೊನೆಯಲ್ಲಿ ಕತ್ತರಿಸಿದ ಈರುಳ್ಳಿ ಮತ್ತು ಕರಿಬೇವು ಹಾಕಿ, ಹುರಿಯುವುದನ್ನು ಮುಂದುವರೆಸಿ. 
9. ಆಮೇಲೆ ಅರೆದಿಟ್ಟ ಮಸಾಲೆ ಹಾಕಿ.
10. 1 ಕಪ್ ನೀರು ಹಾಕಿ ಹತ್ತು ನಿಮಿಷ ಬೇಯಿಸಿ. ತರಕಾರಿ ಸಂಪೂರ್ಣ ಬೆಂದ ಮೇಲೆ ಸ್ಟವ್ ಆಫ್ ಮಾಡಿ. 
11. ಕೊತ್ತಂಬರಿ ಸೊಪ್ಪು ಹಾಕಿ. 
12. ಸ್ಟವ್ ಆಫ್ ಮಾಡಿ. ಚಪಾತಿ ಅಥವಾ ಅನ್ನದೊಂದಿಗೆ ಬಡಿಸಿ.

To see step by step pictures click here (ಹಂತ ಹಂತವಾದ ಚಿತ್ರ ವೀಕ್ಷಿಸಲು ಇಲ್ಲಿ ಕ್ಲಿಕ್ಕಿಸಿ)

Eerulli palya recipe in Kannada | ಈರುಳ್ಳಿ ಪಲ್ಯ ಮಾಡುವ ವಿಧಾನ

Eerulli palya recipe in Kannada | ಈರುಳ್ಳಿ ಪಲ್ಯ ಮಾಡುವ ವಿಧಾನ 

ಈರುಳ್ಳಿ ಪಲ್ಯ ವಿಡಿಯೋ

ಬೇಕಾಗುವ ಪದಾರ್ಥಗಳು (ಅಳತೆ ಕಪ್ 240 ಎಂ ಎಲ್ ):

1. 4  ಮಧ್ಯಮ ಗಾತ್ರದ ಈರುಳ್ಳಿ
2. 1/2 ಚಮಚ ಸಾಸಿವೆ 
3. 1/2 ಚಮಚ ಜೀರಿಗೆ
4. 1 ಒಣಮೆಣಸು
5. 1/4 ಟೀಸ್ಪೂನ್ ಅರಿಶಿನ ಪುಡಿ
6. ಒಂದು ದೊಡ್ಡ ಚಿಟಿಕೆ ಇಂಗು
7. 5 - 6 ಕರಿಬೇವಿನ ಎಲೆ 
8. 1 - 2 ಹಸಿರು ಮೆಣಸಿನಕಾಯಿ 
9. 1 ಟೊಮೇಟೊ
10. ನಿಮ್ಮ ರುಚಿ ಪ್ರಕಾರ ಉಪ್ಪು 
11. 4 ಟೀಸ್ಪೂನ್ ಅಡುಗೆ ಎಣ್ಣೆ

ಈರುಳ್ಳಿ ಪಲ್ಯ ಮಾಡುವ ವಿಧಾನ:

1. ಮೊದಲಿಗೆ ಈರುಳ್ಳಿಯನ್ನು ಉದ್ದುದ್ದವಾಗಿ ಕತ್ತರಿಸಿಟ್ಟು ಕೊಳ್ಳಿ. 
2. ಎಣ್ಣೆ, ಸಾಸಿವೆ, ಜೀರಿಗೆ, ಒಣಮೆಣಸಿನ ಒಗ್ಗರಣೆ ಮಾಡಿಕೊಳ್ಳಿ. 
3. ಅದಕ್ಕೆ ಹಸಿರು ಮೆಣಸಿನ ಕಾಯಿ ಮತ್ತು ಕರಿಬೇವು ಸೇರಿಸಿ. 
4. ಕತ್ತರಿಸಿಟ್ಟ ಈರುಳ್ಳಿ ಹಾಕಿ ಒಮ್ಮೆ ಮಗುಚಿ. 
5. ಅರಶಿನ ಪುಡಿ ಮತ್ತು ಇಂಗು ಹಾಕಿ ಒಂದು ನಿಮಿಷ ಹುರಿಯಿರಿ. 
6. ಉಪ್ಪು ಸೇರಿಸಿ, ಒಮ್ಮೆ ಮಗುಚಿ. 
7. ಮುಚ್ಚಳ ಮುಚ್ಚಿ ಈರುಳ್ಳಿ ಮೆತ್ತಗಾಗುವವರೆಗೆ ಬೇಯಿಸಿ. ಬೇಕಾದಲ್ಲಿ ಒಂದು ಚಮಚ ನೀರು ಸೇರಿಸಬಹುದು. ಒಂದೆರಡು ನಿಮಿಷ ಬೇಯಿಸಿದರೆ ಸಾಕಾಗುತ್ತದೆ. 
8. ನಂತರ ಬಾಣಲೆಯ ಮಧ್ಯದಲ್ಲಿ ಸ್ವಲ್ಪ ಜಾಗ ಮಾಡಿ, ಕತ್ತರಿಸಿದ ಟೊಮೇಟೊ ಹಾಕಿ, ಟೊಮೇಟೊ ಮೆತ್ತಗಾಗುವವರೆಗೆ ಬೇಯಿಸಿ. 
9. ನಂತ್ರ ಎಲ್ಲವನ್ನು ಚೆನ್ನಗಿ ಮಗುಚಿ. 
10. ಕೊನೆಯಲ್ಲಿ ಕೊತ್ತಂಬರಿ ಸೊಪ್ಪು ಉದುರಿಸಿ, ಸ್ಟವ್ ಆಫ್ ಮಾಡಿ. 
11. ಚಪಾತಿ ಅಥವಾ ಅನ್ನದೊಂದಿಗೆ ಬಡಿಸಿ.

To see step by step pictures click here (ಹಂತ ಹಂತವಾದ ಚಿತ್ರ ವೀಕ್ಷಿಸಲು ಇಲ್ಲಿ ಕ್ಲಿಕ್ಕಿಸಿ)

Chitranna recipe in Kannada | ಚಿತ್ರಾನ್ನ ಮಾಡುವ ವಿಧಾನ

Chitranna recipe in Kannada | ಚಿತ್ರಾನ್ನ ಮಾಡುವ ವಿಧಾನ 

ಚಿತ್ರಾನ್ನ ವಿಡಿಯೋ

ಬೇಕಾಗುವ ಪದಾರ್ಥಗಳು: (ಅಳತೆ ಕಪ್ = 240 ಎಂ ಎಲ್)

1. 1 ಕಪ್ ಅಕ್ಕಿ (ಸೋನಾ ಮಸೂರಿ)
2. 1 ದೊಡ್ಡ ಈರುಳ್ಳಿ
3. 2 - 4 ಹಸಿರು ಮೆಣಸಿನಕಾಯಿ
4. 1/2 ಟೀಸ್ಪೂನ್ ಸಾಸಿವೆ
5. 4 ಟೇಬಲ್ ಸ್ಪೂನ್ ಶೇಂಗಾ / ಕಡಲೆಕಾಯಿ
6. 1 ಟೀಸ್ಪೂನ್ ಉದ್ದಿನ ಬೇಳೆ
7. 1 ಟೀಸ್ಪೂನ್ ಕಡ್ಲೆಬೇಳೆ
8. 7 - 8 ಕರಿಬೇವಿನ ಎಲೆ
9. 2 ಟೇಬಲ್ ಚಮಚ ಸಣ್ಣಗೆ ಹೆಚ್ಚಿದ ಕೊತ್ತಂಬರಿ ಸೊಪ್ಪು
10. 1/2 ಟೀಸ್ಪೂನ್ ಅರಿಶಿನ ಪುಡಿ
11. ದೊಡ್ಡ ಚಿಟಿಕೆ ಇಂಗು (ಬೇಕಾದಲ್ಲಿ)
12. 1 ದೊಡ್ಡ ಸ್ಪೂನ್ ಉಪ್ಪು (ಅಥವಾ ನಿಮ್ಮ ರುಚಿ ಪ್ರಕಾರ)
13. ದೊಡ್ಡ ನಿಂಬೆಹಣ್ಣಿನ ನಿಂಬೆರಸ
14. 4 ಟೇಬಲ್ ಸ್ಪೂನ್ ಅಡುಗೆ ಎಣ್ಣೆ

ಚಿತ್ರಾನ್ನ ಮಾಡುವ ವಿಧಾನ:

1. ಒಂದು ಕುಕ್ಕರ್ ನಲ್ಲಿ ಅಕ್ಕಿ ತೊಳೆದು ಅನ್ನ ಮಾಡಿಟ್ಟುಕೊಳ್ಳಿ. ಅನ್ನ ಸ್ವಲ್ಪ ಉದುರುದುರಾಗಿರಲಿ. 
2. ಈರುಳ್ಳಿ ಸಿಪ್ಪೆ ತೆಗೆದು ಸಣ್ಣಗೆ ಕತ್ತರಿಸಿಕೊಳ್ಳಿ. ಬೇರೆ ಎಲ್ಲ ಪದಾರ್ಥಗಳನ್ನು ತಯಾರು ಮಾಡಿಟ್ಟುಕೊಳ್ಳಿ. 
3. ಒಂದು ದೊಡ್ಡ ಬಾಣಲೆಯಲ್ಲಿ ಎಣ್ಣೆ ಬಿಸಿಮಾಡಿ. ಮೊದಲಿಗೆ ಶೇಂಗಾ ಅಥವಾ ಕಡಲೆಕಾಯಿಯನ್ನು ಹಾಕಿ.
4. ಕಡಲೆಕಾಯಿ ಸ್ವಲ್ಪ ಕಾದು ಸಿಡಿಯಲು ಪ್ರಾರಂಭಿಸಿದ ಕೂಡಲೇ ಸಾಸಿವೆ, ಕಡ್ಲೆಬೇಳೆ ಮತ್ತು ಉದ್ದಿನ ಬೇಳೆಯನ್ನು ಸೇರಿಸಿ.
5. ಸಾಸಿವೆ ಸಿಡಿದ ಕೂಡಲೇ ಹಸಿರು ಮೆಣಸಿನಕಾಯಿ, ಹೆಚ್ಚಿದ ಈರುಳ್ಳಿ ಮತ್ತು ಕರಿಬೇವು ಸೇರಿಸಿ ಹುರಿಯಿರಿ.
6. ಇಂಗು ಮತ್ತು ಅರಿಶಿನ ಸೇರಿಸಿ. ಈರುಳ್ಳಿ ಮೆತ್ತಗಾಗುವವರೆಗೆ ಹುರಿಯಿರಿ. 
7. ಕೊತ್ತಂಬರಿ ಸೊಪ್ಪು ಮತ್ತು ಉಪ್ಪು ಸೇರಿಸಿ. ಒಮ್ಮೆ ಮಗುಚಿ ಸ್ಟವ್ ಆಫ್ ಮಾಡಿ. 
8. ನಿಂಬೆರಸ ಸೇರಿಸಿ. 
9. ನಂತರ ಬೇಯಿಸಿದ ಅನ್ನ ಸೇರಿಸಿ. 
10. ಒಂದು ಚಪ್ಪಟೆಯಾದ ಸಟ್ಟುಗದಿಂದ ಕಲಸಿ. ಬಿಸಿ-ಬಿಸಿ ಯಾಗಿರುವಾಗಲೇ ಬಡಿಸಿ.

To see step by step pictures click here (ಹಂತ ಹಂತವಾದ ಚಿತ್ರ ವೀಕ್ಷಿಸಲು ಇಲ್ಲಿ ಕ್ಲಿಕ್ಕಿಸಿ)

Corn cutlet recipe in Kannada | ಕಾರ್ನ್ ಕಟ್ಲೆಟ್ ಮಾಡುವ ವಿಧಾನ

Corn cutlet recipe in Kannada | ಕಾರ್ನ್ ಕಟ್ಲೆಟ್ ಮಾಡುವ ವಿಧಾನ 

ಕಾರ್ನ್ ಕಟ್ಲೆಟ್ ವಿಡಿಯೋ

ಬೇಕಾಗುವ ಪದಾರ್ಥಗಳು: ( ಅಳತೆ ಕಪ್ = 240 ಎಂಎಲ್ )

1. 1 ಆಲೂಗಡ್ಡೆ
2. 1 ಕಪ್ ಸಿಹಿಜೋಳ ಅಥವಾ ಸ್ವೀಟ್ ಕಾರ್ನ್
3. 1/2 ಕಪ್ ಗಟ್ಟಿ ಅವಲಕ್ಕಿ
4. 1/2 ಟೀಸ್ಪೂನ್ ಸಣ್ಣದಾಗಿ ಕೊಚ್ಚಿದ ಶುಂಠಿ 
5. 1 ಟೇಬಲ್ ಚಮಚ ಸಣ್ಣದಾಗಿ ಕೊಚ್ಚಿದ ಕೊತ್ತಂಬರಿ ಸೊಪ್ಪು 
6. 1 ಟೇಬಲ್ ಚಮಚ ಸಣ್ಣದಾಗಿ ಕೊಚ್ಚಿದ ಕರಿಬೇವು
7. 1/2 - 1 ಟೀಸ್ಪೂನ್ ಅಚ್ಚಖಾರದ ಪುಡಿ 
8. 1/2 - 1 ಟೀಸ್ಪೂನ್ ಚಾಟ್ ಮಸಾಲಾ 
9. 1/2 ಟೀಸ್ಪೂನ್ ಗರಂ ಮಸಾಲಾ 
10. 1/2 ಟೀಸ್ಪೂನ್ ಮಾವಿನಕಾಯಿ ಪುಡಿ ಅಥವಾ ನಿಂಬೆ ರಸ
11. ಉಪ್ಪು ರುಚಿಗೆ ತಕ್ಕಷ್ಟು 
12. ಎಣ್ಣೆ ಕಾಯಿಸಲು

ಕಾರ್ನ್ ಕಟ್ಲೆಟ್ ಮಾಡುವ ವಿಧಾನ:

1. ಆಲೂಗಡ್ಡೆಯನ್ನು ಬೇಯಿಸಿ, ಸಿಪ್ಪೆ ತೆಗೆಯಿರಿ. ನಂತರ ಮ್ಯಾಶ್ ಮಾಡಿ ಅಥವಾ ಹಿಸುಕಿ.  
2.  ಅವಲಕ್ಕಿ ಯನ್ನು ತರಿತರಿಯಾಗಿ ಪುಡಿಮಾಡಿಟ್ಟುಕೊಳ್ಳಿ. 
3. ಜೋಳವನ್ನು ಒಂದೆರಡು ಸುತ್ತು ಅರೆದಿಟ್ಟುಕೊಳ್ಳಿ. 
4. ಮ್ಯಾಶ್ ಮಾಡಿದ ಆಲೂಗಡ್ಡೆಯನ್ನು ಒಂದು ಪಾತ್ರೆಯಲ್ಲಿ ತೆಗೆದುಕೊಳ್ಳಿ. 
5. ಅದಕ್ಕೆ ಅರೆದ ಜೋಳ ಸೇರಿಸಿ. 
6. ಸಣ್ಣಗೆ ಕತ್ತರಿಸಿದ ಶುಂಠಿ, ಕೊತ್ತಂಬರಿ ಸೊಪ್ಪು ಮತ್ತು ಕರಿಬೇವು ಸೇರಿಸಿ. 
7. ನಂತರ ಅಚ್ಚ ಖಾರದ ಪುಡಿ, ಉಪ್ಪು, ಚಾಟ್ ಮಸಾಲಾ, ಮಾವಿನಕಾಯಿ ಪುಡಿ ಮತ್ತು ಗರಂ ಮಸಾಲಾ ಸೇರಿಸಿ ಕಲಸಿ. ಮಾವಿನಕಾಯಿ ಪುಡಿ ಬದಲಾಗಿ ನಿಂಬೆರಸ ಹಾಕ ಬಹುದು. 
8. ಅಗತ್ಯವಿದ್ದಷ್ಟು ಅವಲಕ್ಕಿ ಪುಡಿ ಸೇರಿಸಿ, ಸ್ವಲ್ಪ ಗಟ್ಟಿಯಾದ ಮಿಶ್ರಣ ತಯಾರಿಸಿಕೊಳ್ಳಿ. ನಾನು 1/4 ಕಪ್ ನಷ್ಟು ಸೇರಿಸಿದ್ದೇನೆ. 
9. ಮಿಶ್ರಣದಿಂದ ಚಪ್ಪಟೆಯಾದ ಕಟ್ಲೇಟ್ ಗಳನ್ನೂ ಮಾಡಿಕೊಳ್ಳಿ. 
10. ಬೇಕಾದಲ್ಲಿ ಅವಲಕ್ಕಿ ಅಥವಾ ಬ್ರೆಡ್ ಪುಡಿಯಲ್ಲಿ ಹೊರಳಾಡಿಸಿ. ಹೀಗೆ ಎಲ್ಲ ಕಟ್ಲೇಟ್ ಗಳನ್ನೂ ಸಿದ್ದ ಪಡಿಸಿಕೊಳ್ಳಿ. 
11. ದೋಸೆ ಕಾವಲಿ ಬಿಸಿ ಮಾಡಿ, ಸ್ವಲ್ಪ ಎಣ್ಣೆ ಚಿಮುಕಿಸಿ. 
12. ತಯಾರಿಸದ ಕಟ್ಲೇಟ್ ನ್ನು ಅಗತ್ಯವಿದ್ದಷ್ಟು ಎಣ್ಣೆ ಚಿಮುಕಿಸಿ ಎರಡು ಬದಿ ಕಾಯಿಸಿ. ಟೊಮೇಟೊ ಸಾಸ್ನೊಂದಿಗೆ ಬಡಿಸಿ. 

To see step by step pictures click here (ಹಂತ ಹಂತವಾದ ಚಿತ್ರ ವೀಕ್ಷಿಸಲು ಇಲ್ಲಿ ಕ್ಲಿಕ್ಕಿಸಿ)

Southe beejada saaru recipe in Kannada | ಸೌತೆಕಾಯಿ ಬೀಜದ ಸಾರು ಮಾಡುವ ವಿಧಾನ

Southe beejada saaru recipe in Kannada | ಸೌತೆಕಾಯಿ ಬೀಜದ ಸಾರು ಮಾಡುವ ವಿಧಾನ 

ಬೇಕಾಗುವ ಪದಾರ್ಥಗಳು: ( ಅಳತೆ ಕಪ್ = 240 ಎಂಎಲ್ )

1. 1 ಸಾಂಬಾರ್ ಸೌತೆಕಾಯಿಯಿಂದ ತೆಗೆದ ಬೀಜ
2. 1/4 ಕಪ್ ತೆಂಗಿನ ತುರಿ 
3. 1/2 ಚಮಚ ಜೀರಿಗೆ
4. 4 ಟೇಬಲ್ ಚಮಚ ಮಜ್ಜಿಗೆ ಅಥವಾ ಮೊಸರು
5. ಉಪ್ಪು ರುಚಿಗೆ ತಕ್ಕಷ್ಟು

ಒಗ್ಗರಣೆಗೆ ಬೇಕಾಗುವ ಪದಾರ್ಥಗಳು:

1. 1 ಒಣ ಮೆಣಸಿನಕಾಯಿ
2. 1 ಟೀಸ್ಪೂನ್ ಸಾಸಿವೆ
3. ಒಂದು ದೊಡ್ಡ ಚಿಟಿಕೆ ಇಂಗು 
4. 7 - 8 ಕರಿಬೇವಿನ ಎಲೆ
5. 1 ಟೇಬಲ್ ಚಮಚ ಅಡುಗೆ ಎಣ್ಣೆ

ಸೌತೆಕಾಯಿ ಬೀಜದ ಸಾರು ಮಾಡುವ ವಿಧಾನ:

1. ಬೀಜ ಬೇರ್ಪಡಿಸಿ, ಒಮ್ಮೆ ತೊಳೆದುಕೊಳ್ಳಿ.
2. ತೊಳೆದ ಬೀಜವನ್ನು ಮಿಕ್ಸಿಗೆ ಹಾಕಿ, ಅಗತ್ಯವಿದ್ದಷ್ಟು ನೀರು ಸೇರಿಸಿ ಅರೆಯಿರಿ. 
3. ಅರೆದ ಮಿಶ್ರಣವನ್ನು ಶೋಧಿಸಿ,  ಹಾಲು ತೆಗೆದುಕೊಳ್ಳಿ. 
4. ಹಾಗೆ ತೆಂಗಿನತುರಿ ಮತ್ತು ಜೀರಿಗೆಯನ್ನು ನೀರು ಸೇರಿಸಿ ಅರೆದಿಟ್ಟುಕೊಳ್ಳಿ. 
5. ಶೋಧಿಸಿದ ಹಾಲು ಮತ್ತು ಅರೆದ ತೆಂಗಿನಕಾಯಿ ಪೇಸ್ಟ್ ನ್ನು ಒಂದು ಪಾತ್ರೆಯಲ್ಲಿ ತೆಗೆದುಕೊಂಡು ಕುದಿಯಲು ಇಡೀ. 
6. ರುಚಿಗೆ ತಕ್ಕಷ್ಟು ಉಪ್ಪು ಹಾಕಿ ಕುದಿಸಿ. 
7. ಚೆನ್ನಾಗಿ ಕುದಿಸಿ ಸ್ಟವ್ ಆಫ್ ಮಾಡಿ. 
8. ಸ್ಟವ್ ಆಫ್ ಮಾಡಿದ ಮೇಲೆ ಮಜ್ಜಿಗೆ ಸೇರಿಸಿ. 
9. ಎಣ್ಣೆ, ಒಣಮೆಣಸು, ಸಾಸಿವೆ, ಕರಿಬೇವು ಮತ್ತು ಇಂಗಿನ ಒಗ್ಗರಣೆ ಕೊಡಿ. ಬಿಸಿ ಅನ್ನದೊಂದಿಗೆ ಬಡಿಸಿ. 

To see step by step pictures click here (ಹಂತ ಹಂತವಾದ ಚಿತ್ರ ವೀಕ್ಷಿಸಲು ಇಲ್ಲಿ ಕ್ಲಿಕ್ಕಿಸಿ)

Avalakki nuchinunde recipe in Kannada | ಅವಲಕ್ಕಿ ನುಚ್ಚಿನುಂಡೆ ಮಾಡುವ ವಿಧಾನ

Avalakki nuchinunde recipe in Kannada | ಅವಲಕ್ಕಿ ನುಚ್ಚಿನುಂಡೆ ಮಾಡುವ ವಿಧಾನ

ಅವಲಕ್ಕಿ ನುಚ್ಚಿನುಂಡೆ ವಿಡಿಯೋ

ಬೇಕಾಗುವ ಪದಾರ್ಥಗಳು: ( ಅಳತೆ ಕಪ್ = 240 ಎಂಎಲ್ )

1. 2 ಕಪ್ ಗಟ್ಟಿ ಅವಲಕ್ಕಿ 
2. 1/4 ಕಪ್ ತೊಗರಿಬೇಳೆ 
3. 1/4 ಕಪ್ ಕಡ್ಲೆಬೇಳೆ 
4. 1 - 3 ಹಸಿರು ಮೆಣಸಿನಕಾಯಿ 
5. 1/2 " ಉದ್ದದ ಶುಂಠಿ
6. 5 - 6 ಕರಿಬೇವಿನ ಎಲೆ 
7. 1 ಟೇಬಲ್ ಚಮಚ ಕೊತ್ತಂಬರಿ ಸೊಪ್ಪು 
8. 1/4 ಕಪ್ ತೆಂಗಿನತುರಿ 
9. ಒಂದು ದೊಡ್ಡ ಚಿಟಿಕೆ ಇಂಗು 
10. ನಿಮ್ಮ ರುಚಿ ಪ್ರಕಾರ ಉಪ್ಪು

ಅವಲಕ್ಕಿ ನುಚ್ಚಿನುಂಡೆ ಮಾಡುವ ವಿಧಾನ:

1. ಬೇಳೆಗಳನ್ನು ೪ ಘಂಟೆಗಳ ಕಾಲ ನೆನೆಸಿಡಿ. 
2. ಅವಲಕ್ಕಿಯನ್ನು ಸಂಪೂರ್ಣ ಮೆತ್ತಗಾಗವವರೆಗೆ ನೆನೆಸಿ, ನೀರು ಬಗ್ಗಿಸಿಡಿ. 
3. ಬೇಳೆಗಳು ನೆನೆದ ನಂತರ ನೀರು ಬಗ್ಗಿಸಿ, ಮಿಕ್ಸಿ ಜಾರಿಗೆ ಹಾಕಿ. 
4. ಅದಕ್ಕೆ ತೆಂಗಿನತುರಿ, ಶುಂಠಿ, ಹಸಿರುಮೆಣಸಿನಕಾಯಿ, ಕರಿಬೇವಿನ ಸೊಪ್ಪು ಮತ್ತು ಕೊತ್ತಂಬರಿ ಸೊಪ್ಪು ಸೇರಿಸಿ. 
5. ನೀರು ಹಾಕದೆ ತರಿ ತರಿಯಾಗಿ ರುಬ್ಬಿ ಕೊಳ್ಳಿ. 
6. ಒಂದು ಅಗಲವಾದ ಪಾತ್ರೆಯಲ್ಲಿ ನೆನೆಸಿದ ಅವಲಕ್ಕಿ ಮತ್ತು ರುಬ್ಬಿದ ಮಿಶ್ರಣ ತೆಗೆದುಕೊಳ್ಳಿ. 
7. ಇಂಗು ಮತ್ತು ಉಪ್ಪು ಹಾಕಿ ಕಲಸಿ. 
8. ಅಗತ್ಯವಿದ್ದಷ್ಟು ನೀರು ಸೇರಿಸಿ (ಸುಮಾರು ಅರ್ಧ ಕಪ್) ಮೆತ್ತಗಿನ ಮಿಶ್ರಣ ತಯಾರಿಸಿಕೊಳ್ಳಿ. 
9. ಉಂಡೆಗಳನ್ನು ಮಾಡಿ, ಇಡ್ಲಿ ಪ್ಲೇಟ್ ನಲ್ಲಿಟ್ಟು ೧೦ ನಿಮಿಷಗಳ ಕಾಲ ಆವಿ ಅಥವಾ ಸೆಕೆಯಲ್ಲಿ ಬೇಯಿಸಿ. 
10. ಚಟ್ನಿ ಅಥವಾ ಹಸಿ ಮಜ್ಜಿಗೆ ಯೊಂದಿಗೆ ಬಡಿಸಿ.

To see step by step pictures click here (ಹಂತ ಹಂತವಾದ ಚಿತ್ರ ವೀಕ್ಷಿಸಲು ಇಲ್ಲಿ ಕ್ಲಿಕ್ಕಿಸಿ)

Southekai palya recipe in Kannada | ಸೌತೆಕಾಯಿ ಪಲ್ಯ ಮಾಡುವ ವಿಧಾನ

Southekai palya recipe in Kannada | ಸೌತೆಕಾಯಿ ಪಲ್ಯ ಮಾಡುವ ವಿಧಾನ 

ಸೌತೆಕಾಯಿ ಪಲ್ಯ ವಿಡಿಯೋ

ಬೇಕಾಗುವ ಪದಾರ್ಥಗಳು: ( ಅಳತೆ ಕಪ್ = 240 ಎಂಎಲ್ )

1. 1/2 ಸೌತೆಕಾಯಿ
2. 1/2 ಟೀಸ್ಪೂನ್ ಸಾಸಿವೆ
3. 1 ಟೀಸ್ಪೂನ್ ಉದ್ದಿನ ಬೇಳೆ
4. 1 ಟೀಸ್ಪೂನ್ ಕಡ್ಲೆ ಬೇಳೆ
5. 2 ಟೀಸ್ಪೂನ್ ಅಡುಗೆ ಎಣ್ಣೆ
6. 1ದೊಡ್ಡ ಚಿಟಿಕೆ ಅರಿಶಿನ ಪುಡಿ
7. 1 ಚಿಟಿಕೆ ಇಂಗು
8. 3 - 4 ಕರಿಬೇವಿನ ಎಲೆ
9. 1 ಒಣಮೆಣಸಿನಕಾಯಿ
10. 1-2 ಹಸಿರು ಮೆಣಸಿನ ಕಾಯಿ
11. 1/4 ಕಪ್ ತೆಂಗಿನ ತುರಿ
12. 1 ಟೇಬಲ್ ಚಮಚ ಕೊತಂಬರಿ ಸೊಪ್ಪು
13. ಸಣ್ಣ ನೆಲ್ಲಿಕಾಯಿ ಗಾತ್ರದ ಬೆಲ್ಲ
14. ಉಪ್ಪು ರುಚಿಗೆ ತಕ್ಕಷ್ಟು
15. 2 ಟೇಬಲ್ ಚಮಚ ನೀರು

ಸೌತೆಕಾಯಿ ಪಲ್ಯ ಮಾಡುವ ವಿಧಾನ:

1. ಸೌತೆಕಾಯಿಯನ್ನು ಸಿಪ್ಪೆ ತೆಗೆದು, ತಿರುಳು ತೆಗೆದು, ಸಣ್ಣದಾಗಿ ಕತ್ತರಿಸಿ. ಅರ್ಧ ಸೌತೆಕಾಯಿ ಬಳಸಿದರೆ ಸಾಕು. 
2. ಒಂದು ಬಾಣಲೆ ತೆಗೆದುಕೊಂಡು, ಎಣ್ಣೆ ಹಾಕಿ, ಸಾಸಿವೆ, ಉದ್ದಿನಬೇಳೆ ಮತ್ತು ಕಡ್ಲೆಬೇಳೆ ಹಾಕಿ. 
3. ಸಾಸಿವೆ ಸಿಡಿದ ಕೂಡಲೇ ಒಣಮೆಣಸಿನಕಾಯಿ, ಕತ್ತರಿಸಿದ ಹಸಿರುಮೆಣಸಿನಕಾಯಿ, ಅರಶಿನ, ಇಂಗು ಮತ್ತು ಕರಿಬೇವಿನ ಎಲೆ ಹಾಕಿ.
4. ಕತ್ತರಿಸಿದ ಸೌತೆಕಾಯಿ ಹಾಕಿ ಮಗುಚಿ. ಉಪ್ಪು, ಬೆಲ್ಲ ಮತ್ತು ನೀರು ಹಾಕಿ. 
5. ಮುಚ್ಚಳ ಮುಚ್ಚಿ ಸಣ್ಣ ಉರಿಯಲ್ಲಿ ಮೆತ್ತಗಾಗುವವರೆಗೆ ಬೇಯಿಸಿ. ಆಗೊಮ್ಮೆ ಈಗೊಮ್ಮೆ ಮಗುಚಲು ಮರೆಯದಿರಿ.
6. ಸೌತೆಕಾಯಿ ಬೆಂದ ಮೇಲೆ (ಸುಮಾರು ಹತ್ತು ನಿಮಿಷ ಬೇಕಾಗುತ್ತದೆ), ತೆಂಗಿನತುರಿ, ಕೊತಂಬರಿ ಸೊಪ್ಪು ಹಾಕಿ ಮಗುಚಿ. ಬಿಸಿಯಾದ ಅನ್ನ ಅಥವಾ ಚಪಾತಿಯೊಂದಿಗೆ ಬಡಿಸಿ.

To see step by step pictures click here (ಹಂತ ಹಂತವಾದ ಚಿತ್ರ ವೀಕ್ಷಿಸಲು ಇಲ್ಲಿ ಕ್ಲಿಕ್ಕಿಸಿ)

Pudina chutney pudi recipe in Kannada | ಪುದೀನಾ ಚಟ್ನಿ ಪುಡಿ ಮಾಡುವ ವಿಧಾನ

Pudina chutney pudi recipe in Kannada | ಪುದೀನಾ ಚಟ್ನಿ ಪುಡಿ ಮಾಡುವ ವಿಧಾನ 

ಪುದೀನಾ ಚಟ್ನಿ ಪುಡಿ ವಿಡಿಯೋ

ಬೇಕಾಗುವ ಪದಾರ್ಥಗಳು: ( ಅಳತೆ ಕಪ್ = 240 ಎಂಎಲ್ )

1. 1 ಕಟ್ಟು ಪುದಿನಾ ಸೊಪ್ಪು
2. 10 - 20 ಒಣ ಮೆಣಸಿನಕಾಯಿ (ಮಧ್ಯಮ ಖಾರ)
3. 1/2 ಕಪ್ ಅಗಸೆ ಬೀಜ
4. 1/2 ಕಪ್ ಕಡಲೆಬೇಳೆ 
5. 1/2 ಕಪ್ ಉದ್ದಿನ ಬೇಳೆ 
6. 1/2 ಕಪ್ ಒಣ ಕೊಬ್ಬರಿ ತುರಿದಿದ್ದು
7. 1/4 ಟೀಸ್ಪೂನ್ ಇಂಗು
8. ಸಣ್ಣ ಲಿಂಬೆ ಹಣ್ಣಿನ ಗಾತ್ರದ ಹುಣಿಸೇಹಣ್ಣು (ನಾನು ವಾಟೆಹುಳಿ ಪುಡಿ ಉಪಯೋಗಿಸಿದ್ದೇನೆ)
9. 1 ಟೀಸ್ಪೂನ್ ಅಡುಗೆ ಎಣ್ಣೆ

ಪುದೀನಾ ಚಟ್ನಿ ಪುಡಿ ಮಾಡುವ ವಿಧಾನ:

1. ಪುದಿನ ಸೊಪ್ಪನ್ನು ಆರಿಸಿ, ತೊಳೆದು, ನೀರಾರಿಸಿಕೊಳ್ಳಿ. 
2. ಒಂದು ಬಾಣಲೆಯನ್ನು ಬಿಸಿ ಮಾಡಿ. ಕಡಲೆಬೇಳೆಯನ್ನು ಮಧ್ಯಮ ಉರಿಯಲ್ಲಿ ಸ್ವಲ್ಪ ಕಂದು ಬಣ್ಣ ಬರುವವರವರೆಗೆ ಹುರಿದು ತೆಗೆದಿಡಿ.
3. ನಂತರ ಉದ್ದಿನ ಬೇಳೆಯನ್ನು ಮಧ್ಯಮ ಉರಿಯಲ್ಲಿ ಸ್ವಲ್ಪ ಕಂದು ಬಣ್ಣ ಬರುವವರವರೆಗೆ ಹುರಿದು ತೆಗೆದಿಡಿ.
4. ನಂತರ 1 ಚಮಚ ಅಡುಗೆ ಎಣ್ಣೆ ಹಾಕಿ ಒಣ ಮೆಣಸಿನಕಾಯಿಗಳನ್ನು ಹುರಿದು ತೆಗೆದಿಡಿ.
5. ನಂತರ ಪುದಿನ ಸೊಪ್ಪನ್ನು ಹಾಕಿ ಸಂಪೂರ್ಣ ನೀರಾರಿ, ಸೊಪ್ಪುಬಾಡುವವರೆಗೆ ಹುರಿಯಿರಿ.  
6. ಅದಕ್ಕೆ ಒಣ ಕೊಬ್ಬರಿ ಸೇರಿಸಿ ಹುರಿಯಿರಿ. 
7. ಹುರಿದಿಟ್ಟ ಪದಾರ್ಥಗಳನ್ನು ಸೇರಿಸಿ. 
8. ಕೊನೆಯಲ್ಲಿ ಇಂಗು, ಉಪ್ಪು ಸಕ್ಕರೆ ಮತ್ತು ಹುಣಿಸೆಹಣ್ಣಿನ ಚೂರುಗಳನ್ನು ಹಾಕಿ ಕೆಲವು ಸೆಕೆಂಡ್ಗಳ ಕಾಲ ಹುರಿದು ಸ್ಟವ್ ಆಫ್ ಮಾಡಿ. 
9. ಹುರಿದ ಎಲ್ಲ ಪದಾರ್ಥಗಳು ತಣ್ಣಗೆ ಆದ ಮೇಲೆ ಮಿಕ್ಸಿ ಜಾರಿಗೆ ಹಾಕಿ ನುಣ್ಣನೆ ಪುಡಿ ಮಾಡಿ. ಗಾಳಿಯಾಡದ ಡಬ್ಬದಲ್ಲಿ ಹಾಕಿ ಎತ್ತಿಡಿ. 

To see step by step pictures click here (ಹಂತ ಹಂತವಾದ ಚಿತ್ರ ವೀಕ್ಷಿಸಲು ಇಲ್ಲಿ ಕ್ಲಿಕ್ಕಿಸಿ)

Badanekayi gojju recipe in Kannada | ಬದನೇಕಾಯಿ ಗೊಜ್ಜು ಮಾಡುವ ವಿಧಾನ

Badanekayi gojju recipe in Kannada | ಬದನೇಕಾಯಿ ಗೊಜ್ಜು ಮಾಡುವ ವಿಧಾನ 

ಬದನೇಕಾಯಿ ಗೊಜ್ಜು ವಿಡಿಯೋ

ಬೇಕಾಗುವ ಪದಾರ್ಥಗಳು:

1. 4 ಸಣ್ಣ ಬದನೇಕಾಯಿ 
2. 1 ಈರುಳ್ಳಿ 
3. 1 ದೊಡ್ಡ ಟೊಮೆಟೊ 
4. 1 - 2 ಹಸಿರು ಮೆಣಸಿನಕಾಯಿ 
5. 1/4 ಟೀಸ್ಪೂನ್ ಜೀರಿಗೆ
6. 2 ಟೇಬಲ್ ಸ್ಪೂನ್ ಕೊತ್ತುಂಬರಿ ಸೊಪ್ಪು (ಬೇಕಾದಲ್ಲಿ) 
7. ನೆಲ್ಲಿಕಾಯಿ ಗಾತ್ರದ ಬೆಲ್ಲ 
8. ಸಣ್ಣ ನೆಲ್ಲಿಕಾಯಿ ಗಾತ್ರದ ಹುಣಿಸೇಹಣ್ಣು
9. 1/4 ಟೀಸ್ಪೂನ್ ಅರಶಿನ ಪುಡಿ
10. ಉಪ್ಪು ರುಚಿಗೆ ತಕ್ಕಷ್ಟು

ಒಗ್ಗರಣೆಗೆ ಬೇಕಾಗುವ ಪದಾರ್ಥಗಳು:

1. 1/2 ಟೀಸ್ಪೂನ್ ಸಾಸಿವೆ
2. 1 ಟೀಸ್ಪೂನ್ ಉದ್ದಿನಬೇಳೆ
3. ಒಂದು ಒಣಮೆಣಸಿನಕಾಯಿ
4. 7 - 8 ಕರಿಬೇವು
5. 7 - 8 ಎಸಳು ಬೆಳ್ಳುಳ್ಳಿ
6. 1 ಈರುಳ್ಳಿ 
7. 2 ಟೇಬಲ್ ಸ್ಪೂನ್ ಅಡುಗೆ ಎಣ್ಣೆ

ಬದನೇಕಾಯಿ ಗೊಜ್ಜು ಮಾಡುವ ವಿಧಾನ:

1. ಬದನೆಕಾಯಿಯನ್ನು ಕತ್ತರಿಸಿ, ನೀರಿನಲ್ಲಿ ಹಾಕಿಡಿ.  ಈರುಳ್ಳಿ ಮತ್ತು ಟೊಮ್ಯಾಟೋವನ್ನು ಸಹ ಕತ್ತರಿಸಿ.
2. ಒಂದು ಕುಕ್ಕರ್ ನಲ್ಲಿ ಕತ್ತರಿಸಿದ ಬದನೆಕಾಯಿ, ಈರುಳ್ಳಿ, ಟೊಮ್ಯಾಟೋ, ಹಸಿರು ಮೆಣಸಿನಕಾಯಿ, ಜೀರಿಗೆ ಮತ್ತು ಕೊತ್ತಂಬರಿ ಸೊಪ್ಪನ್ನು ತೆಗೆದುಕೊಳ್ಳಿ. 
3. ಬೆಲ್ಲ, ಹುಣಿಸೆರಸ ಮತ್ತು 1/4 ಕಪ್ ನೀರು ಸೇರಿಸಿ. 
4. ಒಂದೆರಡು ವಿಷಲ್ ಮಾಡಿ ಬೇಯಿಸಿಕೊಳ್ಳಿ. 
5. ಬೇಯಿಸಿದ ತರಕಾರಿಯನ್ನು ಚೆನ್ನಾಗಿ ಮಸೆದು ಕೊಳ್ಳಿ ಅಥವಾ ಮ್ಯಾಶ್ ಮಾಡಿಕೊಳ್ಳಿ. ಮಿಕ್ಸಿಗೆ ಹಾಕಿ ಒಂದೆರಡು ಸುತ್ತು ಅರೆಯಲೂ ಬಹುದು.  
6. ಈಗ ಒಂದು ಬಾಣಲೆ ತೆಗೆದು ಕೊಂಡು, ಎಣ್ಣೆ, ಸಾಸಿವೆ,ಉದ್ದಿನಬೇಳೆ ಮತ್ತು ಒಣಮೆಣಸಿನ ಒಗ್ಗರಣೆ ಮಾಡಿ. 
7. ಅದಕ್ಕೆ ಕರಿಬೇವು ಮತ್ತು ಸಣ್ಣಗೆ ಕತ್ತರಿಸಿದ ಬೆಳ್ಳುಳ್ಳಿ ಸೇರಿಸಿ.
8. ಅದಕ್ಕೆ ಸಣ್ಣಗೆ ಕತ್ತರಿಸಿದ ಈರುಳ್ಳಿ ಸೇರಿಸಿ ಹುರಿಯಿರಿ. 
9. ಮಸೆದಿಟ್ಟ ತರಕಾರಿ ಮಿಶ್ರಣವನ್ನು ಹಾಕಿ ಕುದಿಯಲು ಬಿಡಿ. 
10. ಅರಿಶಿನ ಮತ್ತು ರುಚಿಗೆ ತಕ್ಕಷ್ಟು ಉಪ್ಪು ಸೇರಿಸಿ ಕುದಿಸಿ. ಸ್ಟವ್ ಆಫ್ ಮಾಡಿ. ಬಿಸಿ ಅನ್ನ, ಚಪಾತಿ ಅಥವಾ ರೊಟ್ಟಿಯೊಂದಿಗೆ ಬಡಿಸಿ.

To see step by step pictures click here (ಹಂತ ಹಂತವಾದ ಚಿತ್ರ ವೀಕ್ಷಿಸಲು ಇಲ್ಲಿ ಕ್ಲಿಕ್ಕಿಸಿ)

Avalakki sweet pongal recipe in Kannada | ಅವಲಕ್ಕಿ ಸಿಹಿ ಪೊಂಗಲ್ ಅಥವಾ ಸಿಹಿ ಹುಗ್ಗಿ

Avalakki sweet pongal | ಅವಲಕ್ಕಿ ಸಿಹಿ ಪೊಂಗಲ್ ಅಥವಾ ಸಿಹಿ ಹುಗ್ಗಿ

ಅವಲಕ್ಕಿ ಸಿಹಿ ಪೊಂಗಲ್ ಅಥವಾ ಸಿಹಿ ಹುಗ್ಗಿ ವಿಡಿಯೋ 

ಬೇಕಾಗುವ ಪದಾರ್ಥಗಳು:( ಅಳತೆ ಕಪ್ = 240 ಎಂಎಲ್ )

1. 1/2 ಕಪ್ ಹೆಸರುಬೇಳೆ
2. 1 ಕಪ್ ಅವಲಕ್ಕಿ (ಮೀಡಿಯಂ ದಪ್ಪ)
3. 3/4 ಕಪ್ ಬೆಲ್ಲ
4. 1/4 ಕಪ್ ತೆಂಗಿನತುರಿ
5. 1/2 ಕಪ್ ಹಾಲು
6. 2 ಟೇಬಲ್ ಸ್ಪೂನ್ ತುಪ್ಪ
7. 1 ಟೇಬಲ್ ಚಮಚ ಗೋಡಂಬಿ
8. 1 ಟೇಬಲ್ ಚಮಚ ಒಣ ದ್ರಾಕ್ಷಿ
9. ದೊಡ್ಡ ಚಿಟಿಕೆ ಏಲಕ್ಕಿ ಪುಡಿ
10. ದೊಡ್ಡ ಚಿಟಿಕೆ ಒಣಶುಂಠಿ ಪುಡಿ
11. ಒಂದು ಚಿಟಿಕೆ ಉಪ್ಪು (ಬೇಕಾದಲ್ಲಿ)

ಅವಲಕ್ಕಿ ಸಿಹಿ ಪೊಂಗಲ್ ಮಾಡುವ ವಿಧಾನ:

1. ಹೆಸರು ಬೇಳೆಯನ್ನು ಒಂದು ಬಾಣಲೆಯಲ್ಲಿ ಹಾಕಿ ಘಮ್ಮೆಂದು ಸುವಾಸನೆ ಬರುವವರೆಗೆ ಹುರಿಯಿರಿ. ನೆನಪಿಡಿ, ಕೆಲವು ನಿಮಿಷಗಳ ಕಾಲ ಹುರಿದರೆ ಸಾಕಾಗುವುದು.
2. ಒಂದು ಕುಕ್ಕರ್‌ನಲ್ಲಿ ಹುರಿದ ಬೇಳೆಯನ್ನು ಹಾಕಿ ಎರಡು ಬಾರಿ ತೊಳೆಯಿರಿ.
3. ನಂತರ 1 ಕಪ್ ನೀರು ಹಾಕಿ, 2 ವಿಷಲ್ ಮಾಡಿ ಬೇಯಿಸಿಕೊಳ್ಳಿ. 
4. ಆ ಸಮಯದಲ್ಲಿ ಒಂದು ಸಣ್ಣ ಪಾತ್ರೆ ತೆಗೆದುಕೊಂಡು ಒಂದು 1/2 ಕಪ್ ಬಿಸಿ ನೀರು ಮತ್ತು ಬೆಲ್ಲ ಹಾಕಿಡಿ. ಈ ಬೆಲ್ಲದ ನೀರನ್ನು ಆಮೇಲೆ ಬಳಸುತ್ತೇವೆ. 
5. ಇನ್ನೊಂದು ಸಣ್ಣ ಪಾತ್ರೆಯಲ್ಲಿ ಅವಲಕ್ಕಿ ತೆಗೆದುಕೊಂಡು ತೊಳೆದು ಪಕ್ಕಕ್ಕಿಡಿ. ನೆನೆಸುವ ಅಗತ್ಯವಿಲ್ಲ. ಗಟ್ಟಿ ಅವಲಕ್ಕಿ ಆದಲ್ಲಿ ಐದು ನಿಮಿಷ ನೆನೆಸಿ. 
6. ಬೇಳೆ ಬೆಂದ ಮೇಲೆ ಅದಕ್ಕೆ ತೊಳೆದಿಟ್ಟ ಅವಲಕ್ಕಿ ಹಾಕಿ. 
7. ಬೆಲ್ಲದ ನೀರನ್ನು ಜರಡಿಯ ಮೂಲಕ ಸೋಸಿ ಹಾಕಿ.
8. ಒಂದು ಚಿಟಿಕೆ ಉಪ್ಪು (ಬೇಕಾದಲ್ಲಿ), ತೆಂಗಿನ ತುರಿ ಹಾಕಿ ಚೆನ್ನಾಗಿ ಮಗುಚಿ ಕುದಿಯಲು ಇಡೀ. 
9. ಹಾಲನ್ನು ಸೇರಿಸಿ.
10. ಅವಲಕ್ಕಿ ಪೊಂಗಲ್ ಬಿಸಿ ಆರಿದ ಮೇಲೆ ಗಟ್ಟಿ ಆಗುವುದರಿಂದ, ಸ್ವಲ್ಪ ನೀರು ಸೇರಿಸಿ ಕುದಿಸಿ. 
11. ಏಲಕ್ಕಿ ಮತ್ತು ಒಣಶುಂಠಿ ಪುಡಿ ಸೇರಿಸಿ. 
12. ಚಿಕ್ಕ ಬಾಣಲೆ ಅಥವಾ ಒಗ್ಗರಣೆ ಸೌಟಿನಲ್ಲಿ ತುಪ್ಪ ಬಿಸಿಮಾಡಿ, ಗೋಡಂಬಿ ಮತ್ತು ಒಣ ದ್ರಾಕ್ಷಿಯನ್ನು ಹುರಿಯಿರಿ. ಕುದಿಯುತ್ತಿರುವ ಸಿಹಿ ಪೊಂಗಲ್ ಗೆ ಹಾಕಿ ಸ್ಟೋವ್ ಆಫ್ ಮಾಡಿ. ಬಿಸಿಯಾಗಿರುವಾಗಲೇ ಬಡಿಸಿ.

To see step by step pictures click here (ಹಂತ ಹಂತವಾದ ಚಿತ್ರ ವೀಕ್ಷಿಸಲು ಇಲ್ಲಿ ಕ್ಲಿಕ್ಕಿಸಿ)

Maragenasu dose recipe in Kannada | ಮರ ಗೆಣಸು ದೋಸೆ ಮಾಡುವ ವಿಧಾನ

Maragenasu dose recipe in Kannada | ಮರ ಗೆಣಸು ದೋಸೆ ಮಾಡುವ ವಿಧಾನ 

ಮರ ಗೆಣಸು ದೋಸೆ ವಿಡಿಯೋ

ಬೇಕಾಗುವ ಪದಾರ್ಥಗಳು: ( ಅಳತೆ ಕಪ್ = 240 ಎಂಎಲ್ )

1. 1 ಕಪ್ ದೋಸೆ ಅಕ್ಕಿ
2. 1 ಕಪ್ ಕತ್ತರಿಸಿದ ಮರಗೆಣಸು
3. 1 ಟೀಸ್ಪೂನ್ ಕೊತ್ತಂಬರಿ ಬೀಜ 
4. 1/2 ಟೀಸ್ಪೂನ್ ಜೀರಿಗೆ 
5. 1 - 2 ಕೆಂಪು ಮೆಣಸಿನಕಾಯಿ 
6. 1 ಟೇಬಲ್ ಚಮಚ ಕತ್ತರಿಸಿದ ಕರಿಬೇವು 
7. 1 ಟೇಬಲ್ ಚಮಚ ಕತ್ತರಿಸಿದ ಕೊತ್ತಂಬರಿ ಸೊಪ್ಪು
8. ದೊಡ್ಡ ಚಿಟಿಕೆ ಇಂಗು
9. ಎಣ್ಣೆ ದೋಸೆ ಮಾಡಲು
10. ಉಪ್ಪು ರುಚಿಗೆ ತಕ್ಕಷ್ಟು

ಮರ ಗೆಣಸು ದೋಸೆ ಮಾಡುವ ವಿಧಾನ:

1. ಅಕ್ಕಿಯನ್ನು 4 - 5 ಗಂಟೆಗಳ ಕಾಲ ನೀರಿನಲ್ಲಿ ನೆನೆಸಿ.
2. ಮರಗೆಣಸನ್ನು ಸಿಪ್ಪೆ ತೆಗೆದು ಕತ್ತರಿಸಿಟ್ಟುಕೊಳ್ಳಿ.
3. ಅಕ್ಕಿ ನೆನೆದ ನಂತರ ನೀರನ್ನು ಬಗ್ಗಿಸಿ ಮಿಕ್ಸಿ ಜಾರಿಗೆ ಹಾಕಿ. 
4. ಕತ್ತರಿಸಿದ ಮರಗೆಣಸು ಸೇರಿಸಿ. 
5. ಕೊತ್ತಂಬರಿ, ಜೀರಿಗೆ, ಕೆಂಪು ಮೆಣಸಿನಕಾಯಿ ಹಾಕಿ, ಅಗತ್ಯವಿದ್ದಷ್ಟು ನೀರು ಸೇರಿಸಿ, ಮಿಕ್ಸರ್ ಗ್ರೈಂಡರ್ ನಲ್ಲಿ ನಯವಾಗಿ ಅರೆಯಿರಿ. 
6. ಅರೆದ ಮೇಲೆ ಒಂದು ಪಾತ್ರೆಗೆ ಹಾಕಿ. ಈಗ ರುಚಿಗೆ ತಕ್ಕಷ್ಟು ಉಪ್ಪು ಸೇರಿಸಿ. ಮತ್ತು ಅಗತ್ಯವಿದ್ದಷ್ಟು ನೀರು ಸೇರಿಸಿ. ಹಿಟ್ಟು ತೆಳುವಾದ ಮಿಲ್ಕ್ ಶೇಕ್ ನಂತಿರಲಿ. 
7. ಹಿಟ್ಟಿಗೆ ಕತ್ತರಿಸಿದ ಕರಿಬೇವು, ಕೊತ್ತಂಬರಿ ಸೊಪ್ಪು ಮತ್ತು ಇಂಗು ಸೇರಿಸಿ. 
8. ದೋಸೆ ಕಲ್ಲು ಅಥವಾ ಹಂಚನ್ನು ಬಿಸಿ ಮಾಡಿ. ಒಂದು ಸೌಟು ದೋಸೆ ಹಿಟ್ಟನ್ನು ಸೌಟಿನಿಂದ ಸುರಿದು ದೋಸೆ ಮಾಡಿ. 
9. ಮುಚ್ಚಳವನ್ನು ಮುಚ್ಚಿ ಬೇಯಿಸಿ. ನಂತರ, ಮೇಲಿನಿಂದ ಎಣ್ಣೆ ಅಥವಾ ತುಪ್ಪ ಹಾಕಿ. ದೋಸೆ ಸಟ್ಟುಗ ಉಪಯೋಗಿಸಿ ದೋಸೆಯನ್ನು ತೆಗೆಯಿರಿ. ಬಿಸಿ ಬಿಸಿ ದೋಸೆಯನ್ನು ಬೆಣ್ಣೆ ಮತ್ತು ಚಟ್ನಿಯೊಂದಿಗೆ ಬಡಿಸಿ. 

To see step by step pictures click here (ಹಂತ ಹಂತವಾದ ಚಿತ್ರ ವೀಕ್ಷಿಸಲು ಇಲ್ಲಿ ಕ್ಲಿಕ್ಕಿಸಿ)

Baby potato snacks recipe in Kannada | ಬೇಬಿ ಪೊಟಾಟೋ ಸ್ನಾಕ್ಸ್ ಮಾಡುವ ವಿಧಾನ

Baby potato snacks recipe in Kannada | ಬೇಬಿ ಪೊಟಾಟೋ ಸ್ನಾಕ್ಸ್ ಮಾಡುವ ವಿಧಾನ

ಬೇಬಿ ಪೊಟಾಟೋ ಸ್ನಾಕ್ಸ್ ಮಾಡುವ ವಿಧಾನ ವಿಡಿಯೋ

ಬೇಕಾಗುವ ಪದಾರ್ಥಗಳು:( ಅಳತೆ ಕಪ್ = 240 ಎಂಎಲ್)

1. 250gm ಬೇಬಿ ಪೊಟಾಟೋ ಅಥವಾ ಎಳೇ ಆಲೂಗಡ್ಡೆ
2. 1/2 - 1 ಟೀಸ್ಪೂನ್ ಅಚ್ಚ ಖಾರದ ಪುಡಿ 
3. 1 ಟೀಸ್ಪೂನ್ ಧನಿಯಾ ಪುಡಿ 
4. 1/4 ಟೀಸ್ಪೂನ್ ಜೀರಿಗೆ ಪುಡಿ 
5. 1/2 ಟೀಸ್ಪೂನ್ ಚಾಟ್ ಮಸಾಲಾ
6. ಒಂದು ದೊಡ್ಡ ಚಿಟಿಕೆ ಅರಿಶಿನ ಪುಡಿ 
7. ಒಂದು ದೊಡ್ಡ ಚಿಟಿಕೆ ಇಂಗು 
8. ಉಪ್ಪು ರುಚಿಗೆ ತಕ್ಕಷ್ಟು
9. 4 - 5 ಕರಿಬೇವಿನ ಎಲೆ 
10. 1 ಟೇಬಲ್ ಚಮಚ ಅಡುಗೆ ಎಣ್ಣೆ 

ಬೇಬಿ ಪೊಟಾಟೋ ಸ್ನಾಕ್ಸ್ ಮಾಡುವ ವಿಧಾನ:

1. ಬೇಬಿ ಪೊಟಾಟೋವನ್ನು ತೊಳೆದು, ಒಂದು ಕುಕ್ಕರ್ನಲ್ಲಿ ಹಾಕಿ, ಅಗತ್ಯವಿದ್ದಷ್ಟು ನೀರು ಸೇರಿಸಿ, ಬೇಯಿಸಿಕೊಳ್ಳಿ. ಕುಕ್ಕರ್ ನಲ್ಲಿಎರಡು ವಿಷಲ್ ಮಾಡಿದರೆ ಸಾಕು. 
2. ನಂತ್ರ ಸಿಪ್ಪೆ ತೆಗೆದಿಟ್ಟು ಕೊಳ್ಳಿ. 
3. ಒಂದು ಬಾಣಲೆಯಲ್ಲಿ ಎಣ್ಣೆ ಬಿಸಿ ಮಾಡಿ. ಕರಿಬೇವು ಸೇರಿಸಿ. 
4. ಅದಕ್ಕೆ ಸಿಪ್ಪೆ ತೆಗೆದ ಆಲೂಗಡ್ಡೆ ಸೇರಿಸಿ, ಎರಡು ನಿಮಿಷ ಹುರಿಯಿರಿ. 
5. ಆಮೇಲೆ ಅಚ್ಚ ಖಾರದ ಪುಡಿ, ಧನಿಯಾ ಪುಡಿ, ಜೀರಿಗೆ ಪುಡಿ ಮತ್ತು ಚಾಟ್ ಮಸಾಲಾ ಸೇರಿಸಿ. 
6. ಅರಿಶಿನ ಪುಡಿ, ಇಂಗು ಮತ್ತು ಉಪ್ಪನ್ನೂ ಸೇರಿಸಿ. 
7. ಸಣ್ಣ ಉರಿಯಲ್ಲಿ ಒಂದೈದು ನಿಮಿಷ ಮಗುಚಿ. ಸ್ಟವ್ ಆಫ್ ಮಾಡಿ.  ಟೊಮೇಟೊ ಸಾಸ್ ನೊಂದಿಗೆ ಸವಿದು ಆನಂದಿಸಿ. ಅನ್ನ ಅಥವಾ ಚಪಾತಿಯೊಂದಿಗೂ ಬಡಿಸಬಹುದು. 

To see step by step pictures and to read more click here (ಹಂತ ಹಂತವಾದ ಚಿತ್ರ ವೀಕ್ಷಿಸಲು ಮತ್ತು ಹೆಚ್ಚಿನ ವಿವರಣೆಗೆ ಇಲ್ಲಿ ಕ್ಲಿಕ್ಕಿಸಿ)

Kitchen tips and tricks in kannada | ಅಡುಗೆಮನೆಯ ಉಪಯುಕ್ತ ಸಲಹೆಗಳು

Kitchen tips and tricks in kannada | ಅಡುಗೆಮನೆಯ ಉಪಯುಕ್ತ ಸಲಹೆಗಳು

ಅಡುಗೆಮನೆಯ ಉಪಯುಕ್ತ ಸಲಹೆಗಳು

ಅಡುಗೆಮನೆಯ ಉಪಯುಕ್ತ ಸಲಹೆಗಳು:

1. ಹಸಿರುಮೆಣಸಿನಕಾಯಿಯನ್ನು ಕತ್ತರಿಯಲ್ಲಿ ಕತ್ತರಿಸಿ. ಇದರಿಂದ ಕೈ ಉರಿಯುವುದಿಲ್ಲ. 
2. ನಿಂಬೆ ಹಣ್ಣನ್ನು ಚೆನ್ನಾಗಿ ತಿಕ್ಕಿ, ತೊಳೆದು ಆಮೇಲೆ ರಸ ತೆಗೆದರೆ, ರಸ ತೆಗೆಯಲೂ ಸುಲಭ ಮತ್ತು ಹೆಚ್ಚು ರಸವೂ ಬರುತ್ತದೆ. 
3. ಶುಂಠಿ ಸಿಪ್ಪೆಯನ್ನು ಚಮಚದಲ್ಲಿ ತೆಗೆಯಿರಿ. 
4. ಶುಂಠಿಯನ್ನು ಸಣ್ಣಗೆ ಕತ್ತರಿಸಲು, ತುರಿಯಿರಿ ಅಥವಾ ತೆಳುವಾದ ಚಕ್ರಮಾಡಿಕೊಂಡು ಜಜ್ಜಿ. 
5. ಸಕ್ಕರೆಗೆ ಇರುವೆ ಬರದಿರಲು ನಾಲ್ಕೈದು ಲವಂಗ ಹಾಕಿ ಇಡೀ. 
6. ಈರುಳ್ಳಿ ಭಾಗ ಮಾಡಿ, ಸಿಪ್ಪೆ ತೆಗೆದು, ಒಮ್ಮೆ ನೀರಿನಲ್ಲಿ ತೊಳೆದು, ಆಮೇಲೆ ಕತ್ತರಿಸುವುದರಿಂದ ಕಣ್ಣೀರು ಬರುವುದಿಲ್ಲ. 
7. ಬೆಳ್ಳುಳ್ಳಿ ಗಡ್ಡೆಯನ್ನು ಚೆನ್ನಾಗಿ ಗುದ್ದಿದಲ್ಲಿ ಸಿಪ್ಪೆ ತೆಗೆಯಲು ಸುಲಭವಾಗುತ್ತದೆ (ಮೇಲೆ ಹಾಕಿದ ವಿಡಿಯೋ ನೋಡಿ)
8. ಬೆಳ್ಳುಳ್ಳಿ ಬೇಳೆಯನ್ನು ಬಿಸಿ ನೀರಿಗೆ ಹಾಕಿ, ಒಂದೆರಡು ನಿಮಿಷ ಬಿಟ್ಟರೆ, ಸುಲಭವಾಗಿ ಸಿಪ್ಪೆ ತೆಗೆಯಬಹುದು. 

To see step by step pictures click here (ಹಂತ ಹಂತವಾದ ಚಿತ್ರ ವೀಕ್ಷಿಸಲು ಇಲ್ಲಿ ಕ್ಲಿಕ್ಕಿಸಿ)

Khara mandakki recipe in Kannada | ಖಾರ ಮಂಡಕ್ಕಿ ಮಾಡುವ ವಿಧಾನ

Khara mandakki recipe in Kannada | ಖಾರ ಮಂಡಕ್ಕಿ ಮಾಡುವ ವಿಧಾನ 

ಖಾರ ಮಂಡಕ್ಕಿ ವಿಡಿಯೋ

ಬೇಕಾಗುವ ಪದಾರ್ಥಗಳು: ( ಅಳತೆ ಕಪ್ = 240 ಎಂಎಲ್ )

1. 200gm ಮಂಡಕ್ಕಿ
2. 3 ಟೇಬಲ್ ಚಮಚ ನೆಲಗಡಲೆ ಅಥವಾ ಶೇಂಗಾ
3. 3 ಟೇಬಲ್ ಚಮಚ ಹುರಿಗಡಲೆ ಅಥವಾ ಕಡಲೆಪಪ್ಪು
4. 1 ಚಮಚ ಸಾಸಿವೆ 
5. 1 ಚಮಚ ಜೀರಿಗೆ
6. 1 ಒಣ ಮೆಣಸಿನಕಾಯಿ
7. 1 - 2 ಹಸಿರು ಮೆಣಸಿನಕಾಯಿ
8. 1 ಟೀಸ್ಪೂನ್ ಕೆಂಪು ಮೆಣಸಿನ ಪುಡಿ (ನಿಮ್ಮ ರುಚಿಗೆ ತಕ್ಕಂತೆ ಬದಲಾಯಿಸಿ) 
9. 1/4 ಟೀಸ್ಪೂನ್ ಅರಿಶಿನ ಪುಡಿ 
10. 5 - 6 ಕರಿಬೇವಿನ ಎಲೆ 
11. 2 ಟೇಬಲ್ ಚಮಚ ಎಣ್ಣೆ
12. 1 ಟೀಸ್ಪೂನ್ ಉಪ್ಪು (ಅಥವಾ ನಿಮ್ಮ ರುಚಿಗೆ ತಕ್ಕಂತೆ)

ಖಾರ ಮಂಡಕ್ಕಿ ಮಾಡುವ ವಿಧಾನ:

1. ಒಂದು ಬಾಣಲೆಯಲ್ಲಿ ಎಣ್ಣೆ ಬಿಸಿ ಮಾಡಿ ನೆಲಗಡಲೆಯನ್ನು ಹುರಿಯಿರಿ. 
2. ಅದಕ್ಕೆ ಸಾಸಿವೆ ಮತ್ತು ಜೀರಿಗೆ ಸೇರಿಸಿ ಹುರಿಯಿರಿ. 
3. ಸಾಸಿವೆ ಸಿಡಿದ ಮೇಲೆ ಒಣಮೆಣಸಿನ ಚೂರು, ಸೀಳಿದ ಹಸಿರುಮೆಣಸು, ಜಜ್ಜಿದ ಬೆಳ್ಳುಳ್ಳಿ ಮತ್ತು  ಕರಿಬೇವನ್ನು ಹಾಕಿ ಹುರಿಯಿರಿ. 
4. ನಂತರ ಹುರಿಗಡಲೆ ಅಥವಾ ಪುಟಾಣಿ ಸೇರಿಸಿ ಹುರಿಯಿರಿ.
5. ಅದಕ್ಕೆ ಕೆಂಪು ಮೆಣಸಿನ ಪುಡಿ, ಅರಿಶಿನ ಮತ್ತು ಉಪ್ಪು ಹಾಕಿ ಮಗುಚಿ.  
6. ನಂತರ ಮಂಡಕ್ಕಿ ಹಾಕಿ ಸಣ್ಣ ಉರಿಯಲ್ಲಿ ಚೆನ್ನಾಗಿ ಮಗುಚಿ. ಬಿಸಿ ಬಿಸಿ ಚಹಾದೊಂದಿಗೆ ಸವಿಯಿರಿ.
7. ಅಥವಾ ಮೇಲಿನಿಂದ ಸಣ್ಣಗೆ ಕತ್ತರಿಸಿದ ಈರುಳ್ಳಿ, ಟೊಮೇಟೊ ಮತ್ತು ಕೊತ್ತಂಬರಿ ಸೊಪ್ಪು ಹಾಕಿ ಸವಿಯಿರಿ. 

To see step by step pictures click here (ಹಂತ ಹಂತವಾದ ಚಿತ್ರ ವೀಕ್ಷಿಸಲು ಇಲ್ಲಿ ಕ್ಲಿಕ್ಕಿಸಿ)

Nimbe gojju recipe in Kannada | ನಿಂಬೆ ಗೊಜ್ಜು ಮಾಡುವ ವಿಧಾನ

Nimbe gojju recipe in Kannada | ನಿಂಬೆ ಗೊಜ್ಜು ಮಾಡುವ ವಿಧಾನ 

ಬೇಕಾಗುವ ಪದಾರ್ಥಗಳು (ವಿಧಾನ 1): (ಅಳತೆ ಕಪ್ = 240 ಎಂಎಲ್ )

1. 1 ಕಪ್ ತೆಂಗಿನ ತುರಿ 
2. 1/2 ನಿಂಬೆ ಹಣ್ಣಿನ ರಸ
3. 1 - 2 ಖಾರದ ಹಸಿರು ಮೆಣಸಿನಕಾಯಿ 
4. ಉಪ್ಪು ರುಚಿಗೆ ತಕ್ಕಷ್ಟು

ಒಗ್ಗರಣೆಗೆ ಬೇಕಾಗುವ ಪದಾರ್ಥಗಳು:

1. 2 ಟಿಸ್ಪೂನ್ ಎಣ್ಣೆ 
2. 4 ಕರಿಬೇವಿನ ಎಲೆ
3. 1/2 ಟಿಸ್ಪೂನ್ ಸಾಸಿವೆ 
4. 1/2 ಟಿಸ್ಪೂನ್ ಅರಿಶಿನ
5. ಒಂದು ಒಣ ಮೆಣಸು
6. ಒಂದು ಚಿಟಿಕೆ ಇಂಗು

ನಿಂಬೆ ಗೊಜ್ಜು ಮಾಡುವ ವಿಧಾನ:

1. ಮಿಕ್ಸಿ ಜಾರಿಗೆ ತೆಂಗಿನ ತುರಿ ಹಾಕಿ ಅಗತ್ಯವಿದ್ದಷ್ಟು ನೀರು ಸೇರಿಸಿ, ನುಣ್ಣನೆ ಅರೆಯಿರಿ. 
2. ಅದಕ್ಕೆ  ಹಸಿರುಮೆಣಸಿನ ಕಾಯಿ ಮತ್ತು ಉಪ್ಪು ಸೇರಿಸಿ ಪುನಃ ಅರೆಯಿರಿ. 
3. ಒಂದು ಬಟ್ಟಲಿಗೆ ತೆಗೆದು, ನಿಂಬೆ ರಸ ಸೇರಿಸಿ ಕಲಸಿ. 
4. ಎಣ್ಣೆ, ಸಾಸಿವೆ, ಕರಿಬೇವು, ಒಣ ಮೆಣಸು, ಅರಿಶಿನ ಮತ್ತು ಇಂಗಿನ ಒಗ್ಗರಣೆ ಕೊಡಿ. 
5. ಚೆನ್ನಾಗಿ ಕಲಸಿ ಬಿಸಿ ಅನ್ನದೊಂದಿಗೆ ಬಡಿಸಿ.

To see step by step pictures click here (ಹಂತ ಹಂತವಾದ ಚಿತ್ರ ವೀಕ್ಷಿಸಲು ಇಲ್ಲಿ ಕ್ಲಿಕ್ಕಿಸಿ)

Nuggekai palya recipe in Kannada | ನುಗ್ಗೆಕಾಯಿ ಪಲ್ಯ ಮಾಡುವ ವಿಧಾನ

Nuggekai palya recipe in Kannada | ನುಗ್ಗೆಕಾಯಿ ಪಲ್ಯ ಮಾಡುವ ವಿಧಾನ 

ನುಗ್ಗೆಕಾಯಿ ಪಲ್ಯ ವಿಡಿಯೋ

ಬೇಕಾಗುವ ಪದಾರ್ಥಗಳು: ( ಅಳತೆ ಕಪ್ = 240 ಎಂಎಲ್ )

1. 3 - 4 ನುಗ್ಗೆ ಕಾಯಿ
2. 1 ಕತ್ತರಿಸಿದ ಈರುಳ್ಳಿ 
3. 1 ಕತ್ತರಿಸಿದ ಟೊಮೇಟೊ 
4.  1/2 ಟೀಸ್ಪೂನ್  ಸಾಸಿವೆ
5.  1/2 ಟೀಸ್ಪೂನ್ ಜೀರಿಗೆ
6. 7 - 8 ಕರಿಬೇವು
7.  1/2 - 1 ಟೀಸ್ಪೂನ್ ಕೆಂಪು ಮೆಣಸಿನಕಾಯಿ ಪುಡಿ
8.  1 ಟೀಸ್ಪೂನ್ ಕೊತ್ತಂಬರಿ ಅಥವಾ ಧನಿಯಾ ಪುಡಿ 
9. 1/4 ಟೀಸ್ಪೂನ್ ಅರಿಶಿನ ಪುಡಿ 
10. ದೊಡ್ಡ ಚಿಟಿಕೆ ಇಂಗು
11. 1/4 ಕಪ್ ತೆಂಗಿನತುರಿ
12. 1 ಟೇಬಲ್ ಚಮಚ ಅಡುಗೆ ಎಣ್ಣೆ 
13. ಉಪ್ಪು ರುಚಿಗೆ ತಕ್ಕಷ್ಟು

ನುಗ್ಗೆಕಾಯಿ ಪಲ್ಯ ಮಾಡುವ ವಿಧಾನ:

1. ಒಂದು ಬಾಣಲೆಯಲ್ಲಿ ಎಣ್ಣೆ ಬಿಸಿ ಮಾಡಿ. ಸಾಸಿವೆ ಮತ್ತು ಜೀರಿಗೆ ಒಗ್ಗರಣೆ ಮಾಡಿ. 
2. ಸಾಸಿವೆ ಸಿಡಿದ ಮೇಲೆ ಕರಿಬೇವು ಮತ್ತು ಸಣ್ಣಗೆ ಕತ್ತರಿಸಿದ ಈರುಳ್ಳಿ ಹಾಕಿ ಹುರಿಯಿರಿ. 
3. ಆಮೇಲೆ ಸಣ್ಣಗೆ ಕತ್ತರಿಸಿದ ಟೊಮೇಟೊ ಹಾಕಿ ಬಾಡಿಸಿ. 
4. ಅದಕ್ಕೆ ಕೆಂಪು ಮೆಣಸಿನಕಾಯಿ ಪುಡಿ, ಕೊತ್ತಂಬರಿ ಅಥವಾ ಧನಿಯಾ ಪುಡಿ ಮತ್ತು ಇಂಗು ಹಾಕಿ ಮಗುಚಿ.
5. ಆಮೇಲೆ ಕತ್ತರಿಸಿದ ನುಗ್ಗೆಕಾಯಿಯನ್ನು ಹಾಕಿ.
6. ರುಚಿಗೆ ತಕ್ಕಷ್ಟು ಉಪ್ಪು ಸೇರಿಸಿ. 
7. 1/2 ಕಪ್ ನೀರು ಹಾಕಿ ನುಗ್ಗೆಕಾಯಿ ಮೆತ್ತಗಾಗುವವರೆಗೆ  ಬೇಯಿಸಿ. ಒಂದು ಹತ್ತು ನಿಮಿಷ ಸಾಕಾಗುತ್ತದೆ.  
8. ಕೊನೆಯಲ್ಲಿ ತೆಂಗಿನತುರಿ ಹಾಕಿ ಮಗುಚಿ.
9. ಸ್ಟವ್ ಆಫ್ ಮಾಡಿ. ಅನ್ನದೊಂದಿಗೆ ಬಡಿಸಿ.

To see step by step pictures click here (ಹಂತ ಹಂತವಾದ ಚಿತ್ರ ವೀಕ್ಷಿಸಲು ಇಲ್ಲಿ ಕ್ಲಿಕ್ಕಿಸಿ)