Gudanna or kayanna recipe in Kannada | ಗುಡಾನ್ನ ಮಾಡುವ ವಿಧಾನ

Gudanna or kayanna recipe in Kannada | ಗುಡಾನ್ನಮಾಡುವ ವಿಧಾನ

Gudanna video Kannada

ಬೇಕಾಗುವ ಪದಾರ್ಥಗಳು: (ಅಳತೆ ಕಪ್ = 240 ಎಂಎಲ್ )

1. 1/2 ಕಪ್ ಅಕ್ಕಿ
2. 1/2 ಕಪ್ ಪುಡಿ ಮಾಡಿದ ಬೆಲ್ಲ (ರುಚಿಗೆ  ಬದಲಾಯಿಸಿ)
3. 1/2 ಕಪ್ ತೆಂಗಿನ ತುರಿ
4. 1 ಟೇಬಲ್ ಚಮಚ ಒಣ ದ್ರಾಕ್ಷಿ
5. 1 ಟೇಬಲ್ ಚಮಚ ಗೋಡಂಬಿ
6. 1 ಟೇಬಲ್ ಚಮಚ ತುಪ್ಪ
7. 2 ಏಲಕ್ಕಿ
8. 1.25 ಕಪ್ ನೀರು ಅನ್ನಕ್ಕೆ
9. 1 ಕಪ್ ನೀರು ಬೆಲ್ಲ ಕರಗಿಸಲು

ಗುಡಾನ್ನ ಮಾಡುವ ವಿಧಾನ:

1. ಅಕ್ಕಿಯನ್ನು ತೊಳೆದು ಎರಡೂವರೆ ಪಟ್ಟು (1.25 ಕಪ್) ನೀರು ಸೇರಿಸಿ ಬೇಯಿಸಿಕೊಳ್ಳಿ. ಆದರೆ ಅನ್ನ ಮುದ್ದೆಯಾಗದಿರಲಿ. 
2. ಒಂದು ಬಾಣಲೆಯಲ್ಲಿ ದ್ರಾಕ್ಷಿ ಮತ್ತು ಗೋಡಂಬಿಯನ್ನು ಒಂದು ಟೇಬಲ್ ಚಮಚ ತುಪ್ಪದಲ್ಲಿ ಹುರಿದು ತೆಗೆದಿಡಿ.
3. ನಂತರ ಅದೇ ಬಾಣಲೆಗೆ ಬೆಲ್ಲ ಮತ್ತು ನೀರು ಸೇರಿಸಿ, ಕುದಿಸಿ.  (ಬೇಕಾದಲ್ಲಿ ಬೆಲ್ಲ ಕರಗಿದ ಮೇಲೆ ಶೋಧಿಸಿ.) 
4. ನಂತ್ರ ಅದಕ್ಕೆ ಬೇಯಿಸಿದ ಅನ್ನ ಮತ್ತು ಕಾಯಿತುರಿ ಹಾಕಿ. ಮಧ್ಯಮ ಉರಿಯಲ್ಲಿ ಹೆಚ್ಚಿನ ನೀರಿನಂಶ ಹೋಗುವವರೆಗೆ ಮಗುಚಿ.
5. ಕೊನೆಯಲ್ಲಿ ಹುರಿದಿಟ್ಟ ದ್ರಾಕ್ಷಿ, ಗೋಡಂಬಿ ಸೇರಿಸಿ. ಏಲಕ್ಕಿ ಪುಡಿಯನ್ನೂ ಸೇರಿಸಿ. 
6. ಒಮ್ಮೆ ಮಗುಚಿ ಸ್ಟವ್ ಆಫ್ ಮಾಡಿ.  

To see step by step pictures click here (ಹಂತ ಹಂತವಾದ ಚಿತ್ರ ವೀಕ್ಷಿಸಲು ಇಲ್ಲಿ ಕ್ಲಿಕ್ಕಿಸಿ)

Rave uttappa recipe in Kannada | ರವೆ ಉತ್ತಪ್ಪ ಮಾಡುವ ವಿಧಾನ

Rave uttappa recipe in Kannada | ರವೆ ಉತ್ತಪ್ಪ ಮಾಡುವ ವಿಧಾನ 

ಬೇಕಾಗುವ ಪದಾರ್ಥಗಳು: ( ಅಳತೆ ಕಪ್ = 240 ಎಂಎಲ್ )

1. 1 ಕಪ್ ಮೀಡಿಯಂ ರವೆ
2. 0.5 ಕಪ್ ಮೊಸರು (ಸ್ವಲ್ಪ ಹುಳಿ ಇದ್ದರೆ ಒಳ್ಳೆಯದು )
3. 2 ಈರುಳ್ಳಿ
4. 4 ಟೇಬಲ್ ಚಮಚ ಕಡ್ಲೆಕಾಯಿ ಅಥವಾ ಶೇಂಗಾ
5. 1 ಸಣ್ಣದಾಗಿ ಹೆಚ್ಚಿದ ಹಸಿರು ಮೆಣಸಿನಕಾಯಿ
6. 1 ಟೇಬಲ್ ಚಮಚ ಹೆಚ್ಚಿದ ಕೊತ್ತಂಬರಿ ಸೊಪ್ಪು
7. 1 ಟೇಬಲ್ ಚಮಚ ಹೆಚ್ಚಿದ ಕರಿಬೇವು
8. 5 - 6 ಚಮಚ ಎಣ್ಣೆ / ತುಪ್ಪ
9. ಉಪ್ಪು ರುಚಿಗೆ ತಕ್ಕಷ್ಟು

ರವೆ ಉತ್ತಪ್ಪ ಮಾಡುವ ವಿಧಾನ:

1. ದೊಡ್ಡ ಬಟ್ಟಲಿನಲ್ಲಿ ರವೆ ತೆಗೆದುಕೊಳ್ಳಿ.
2. ಮೊಸರು ಹಾಕಿ ಕಲಸಿ. 
3. ಅಗತ್ಯವಿದ್ದಷ್ಟು ನೀರು ಸೇರಿಸಿ ಗಟ್ಟಿಯಾದ ದೋಸೆಹಿಟ್ಟಿನ ಹದಕ್ಕೆ ಹಿಟ್ಟನ್ನು ತಯಾರಿಸಿ. ನಾನು ಸುಮಾರು 3/4 ಕಪ್ ನಷ್ಟು ನೀರು ಬಳಸಿದ್ದೇನೆ. 
4. ಚೆನ್ನಾಗಿ ಕಲಸಿ, ಪಕ್ಕಕ್ಕಿಡಿ. 
5. 4 ಟೇಬಲ್ ಚಮಚ ಕಡ್ಲೆಕಾಯಿ ಅಥವಾ ಶೇಂಗಾ ವನ್ನು ಮಧ್ಯಮ ಉರಿಯಲ್ಲಿ ಹುರಿದು, ಸಿಪ್ಪೆ ತೆಗೆದು, ಎರಡು ಭಾಗ ಮಾಡಿಟ್ಟುಕೊಳ್ಳಿ.
6. ಈರುಳ್ಳಿಯನ್ನು ಸಣ್ಣದಾಗಿ ಹೆಚ್ಚಿ, ೧ ಚಮಚ ಎಣ್ಣೆ ಹಾಕಿ, ಹುರಿದುಟ್ಟುಕೊಳ್ಳಿ.
7. ನಂತರ ಹೆಚ್ಚಿದ ಕೊತ್ತಂಬರಿ ಸೊಪ್ಪು, ಕರಿಬೇವು ಮತ್ತು ಉಪ್ಪನ್ನು ತಯಾರಿಸಿದ ಹಿಟ್ಟಿಗೆ ಸೇರಿಸಿ. 
8. ಹುರಿದ ಕಡ್ಲೆಕಾಯಿ ಮತ್ತು ಹುರಿದ ಈರುಳ್ಳಿಯನ್ನೂ ಹಾಕಿ ಚೆನ್ನಾಗಿ ಕಲಸಿ. ಹಿಟ್ಟು ಗಟ್ಟಿಯಾದ ದೋಸೆ ಹಿಟ್ಟಿನಂತಿರಬೇಕು. ಬೇಕಾದಲ್ಲಿ ನೀರು ಸೇರಿಸಿ. 
9. ದೋಸೆ ಕಲ್ಲು ಅಥವಾ ತವ ಬಿಸಿ ಮಾಡಿ. ಒಂದು ಸೌಟು ಹಿಟ್ಟು ಸುರಿದು ಸ್ವಲ್ಪ ಹರಡಿ. ಮುಚ್ಚಳ ಮುಚ್ಚಿ ಬೇಯಿಸಿ. 
10. ಮೇಲಿನಿಂದ ಎಣ್ಣೆ ಅಥವಾ ತುಪ್ಪ ಹಾಕಿ. 
11. ಎರಡೂ ಬದಿ ಕಾಯಿಸಿ. ಕಾಯಿ ಚಟ್ನಿಯೊಂದಿಗೆ ಬಡಿಸಿ.

To see step by step pictures click here (ಹಂತ ಹಂತವಾದ ಚಿತ್ರ ವೀಕ್ಷಿಸಲು ಇಲ್ಲಿ ಕ್ಲಿಕ್ಕಿಸಿ)

Mysuru tomato saaru recipe in Kannada | ಮೈಸೂರು ಟೊಮೇಟೊ ಸಾರು ಮಾಡುವ ವಿಧಾನ

Mysuru tomato saaru recipe in Kannada | ಮೈಸೂರು ಟೊಮೇಟೊ ಸಾರು ಮಾಡುವ ವಿಧಾನ 

ಬೇಕಾಗುವ ಪದಾರ್ಥಗಳು: (ಅಳತೆ ಕಪ್ = 240ಎಂ ಎಲ್)

1. 1/4 ಕಪ್ ತೊಗರಿ ಬೇಳೆ
2. 2 ಟೊಮೇಟೊ
3. ಚಿಟಿಕೆ ಅರಿಶಿನ
4. 1 ಸಣ್ಣ ನೆಲ್ಲಿಕಾಯಿ ಗಾತ್ರದ ಹುಣಸೆ ಹಣ್ಣು (ಅಥವಾ ನಿಮ್ಮ ರುಚಿಗೆ ತಕ್ಕಷ್ಟು)
5. 1 ಸಣ್ಣ ನೆಲ್ಲಿಕಾಯಿ ಗಾತ್ರದ ಬೆಲ್ಲ (ಅಥವಾ ನಿಮ್ಮ ರುಚಿಗೆ ತಕ್ಕಷ್ಟು
6. 2 ಟೀಸ್ಪೂನ್ ಉಪ್ಪು (ಅಥವಾ ನಿಮ್ಮ ರುಚಿಗೆ ತಕ್ಕಷ್ಟು)
7. 1 ಟೇಬಲ್ ಚಮಚ ಹೆಚ್ಚಿದ ಕೊತ್ತಂಬರಿ ಸೊಪ್ಪು

ಮಸಾಲೆಗೆ ಬೇಕಾಗುವ ಪದಾರ್ಥಗಳು:

1. 2 - 4 ಒಣಮೆಣಸಿನಕಾಯಿ
2. 2 ಚಮಚ ಕೊತ್ತಂಬರಿ ಬೀಜ ಅಥವಾ ಧನಿಯಾ
3. 1/2 ಟೀಸ್ಪೂನ್ ಜೀರಿಗೆ
4. ದೊಡ್ಡ ಚಿಟಿಕೆ ಮೆಂತ್ಯ
5. 1/4 ಟೀಸ್ಪೂನ್ ಕರಿಮೆಣಸು ಅಥವಾ ಕಾಳುಮೆಣಸು
6. ಇಂಗು ಒಂದು ಚಿಟಿಕೆ
7. ದೊಡ್ಡ ಚಿಟಿಕೆ ಸಾಸಿವೆ
8. ಸಣ್ಣ ಚೂರು ಚಕ್ಕೆ
9. 4 - 5 ಕರಿಬೇವಿನ ಎಲೆ
10. 1/4 ಕಪ್ ತೆಂಗಿನ ತುರಿ
11. 1 ಟೀಸ್ಪೂನ್ ಅಡುಗೆ ಎಣ್ಣೆ

ಒಗ್ಗರಣೆಗೆ ಬೇಕಾಗುವ ಪದಾರ್ಥಗಳು:

1. 1/2 ಚಮಚ ಸಾಸಿವೆ
2. ಇಂಗು ಒಂದು ಚಿಟಿಕೆ
3. 5 - 6 ಕರಿಬೇವಿನ ಎಲೆ
4. 2 ಟೀಸ್ಪೂನ್ ಅಡುಗೆ ಎಣ್ಣೆ

ಮೈಸೂರು ಟೊಮೇಟೊ ಸಾರು ಮಾಡುವ ವಿಧಾನ:

1. ತೊಗರಿ ಬೇಳೆಯನ್ನು ತೊಳೆದು, ಅಗತ್ಯವಿದ್ದಷ್ಟು ನೀರು, ಚಿಟಿಕೆ ಅರಿಶಿನ ಮತ್ತು ಎರಡು ಹನಿ ಎಣ್ಣೆ ಸೇರಿಸಿ, ಮೆತ್ತಗಾಗುವವರೆಗೆ ಬೇಯಿಸಿ.
2. ನಂತ್ರ ಅದಕ್ಕೆ ಸಣ್ಣಗೆ ಕತ್ತರಿಸಿದ ಟೊಮೇಟೊ ಹಾಕಿ ಮೆತ್ತಗಾಗುವವರೆಗೆ ಬೇಯಿಸಿ. 
3. ಅದೇ ಸಮಯದಲ್ಲಿ ಮಸಾಲೆ ಪದಾರ್ಥಗಳನ್ನು ಹುರಿಯಿರಿ. ಸಾರಿನ ಪುಡಿ ಇದ್ದಲ್ಲಿ ಮಸಾಲೆ ಹುರಿಯಬೇಕಿಲ್ಲ. ನೇರವಾಗಿ ಸಾರಿನ ಪುಡಿಯನ್ನು ತೆಂಗಿನತುರಿಯೊಂದಿಗೆ ಅರೆದರಾಯಿತು.
4. ಕೊನೆಯಲ್ಲಿ ಕರಿಬೇವು ಹಾಕಿ ಹುರಿದು, ತೆಂಗಿನತುರಿಯೊಂದಿಗೆ ಅಗತ್ಯವಿದ್ದಷ್ಟು ನೀರು ಸೇರಿಸಿ ಅರೆಯಿರಿ. 
5. ಅರೆದ ಮಸಾಲೆಯನ್ನು ಬೇಯಿಸಿದ ಬೇಳೆ ಮತ್ತು ಟೊಮ್ಯಾಟೊಗೆ ಹಾಕಿ. 
6. ಉಪ್ಪು, ಬೆಲ್ಲ ಮತ್ತು ಹುಣಿಸೆ ರಸ ಸೇರಿಸಿ. 
7. ಅಗತ್ಯವಿದ್ದಷ್ಟು ನೀರು ಸೇರಿಸಿ ಕುದಿಸಿ. 
8. ಕೊತ್ತಂಬರಿ ಸೊಪ್ಪು ಉದುರಿಸಿ, ಸ್ಟವ್ ಆಫ್ ಮಾಡಿ. 
9. ಒಗ್ಗರಣೆ ಸೌಟು ಬಳಸಿಕೊಂಡು 2 ಚಮಚಎಣ್ಣೆ, 1/2 ಚಮಚ ಸಾಸಿವೆ, ಇಂಗು ಮತ್ತು ಕರಿಬೇವಿನ ಒಗ್ಗರಣೆ ಮಾಡಿ. 
10. ಒಗ್ಗರಣೆಯನ್ನು ಕುದಿಸಿದ ಸಾರಿಗೆ ಹಾಕಿ.  ಬಿಸಿಯಾದ ಅನ್ನದೊಂದಿಗೆ ಬಡಿಸಿ.

To see step by step pictures click here (ಹಂತ ಹಂತವಾದ ಚಿತ್ರ ವೀಕ್ಷಿಸಲು ಇಲ್ಲಿ ಕ್ಲಿಕ್ಕಿಸಿ)

Hesarukaalu usli recipe in Kannada | ಹೆಸರು ಕಾಳು ಉಸ್ಲಿ ಮಾಡುವ ವಿಧಾನ

Hesarukaalu usli recipe in Kannada | ಹೆಸರು ಕಾಳು ಉಸ್ಲಿ ಮಾಡುವ ವಿಧಾನ

ಬೇಕಾಗುವ ಪದಾರ್ಥಗಳು: ( ಅಳತೆ ಕಪ್ = 240 ಎಂಎಲ್ )

1. 1/2 ಕಪ್ ಹೆಸರು ಕಾಳು
2. 2 ಚಮಚ ಅಡುಗೆ ಎಣ್ಣೆ
3. 1/2 ಟೀಸ್ಪೂನ್ ಸಾಸಿವೆ 
4. 1/2 ಟೀಸ್ಪೂನ್ ಜೀರಿಗೆ
5. ಒಂದು ಚಿಟಿಕೆ ಅರಿಶಿನ ಪುಡಿ
6. ಒಂದು ದೊಡ್ಡ ಚಿಟಿಕೆ ಇಂಗು
7. 4 - 5 ಕರಿಬೇವಿನ ಎಲೆ
8. ಒಂದು ಸಣ್ಣ ಚೂರು ಶುಂಠಿ
9. 1 - 2 ಹಸಿರು ಮೆಣಸಿನಕಾಯಿ ಅಥವಾ ಒಣಮೆಣಸಿನಕಾಯಿ
10. 2 ಟೇಬಲ್ ಚಮಚ ತೆಂಗಿನ ತುರಿ 
11.  1 ಟೇಬಲ್ ಚಮಚ ಕೊತಂಬರಿ ಸೊಪ್ಪು 
12. 1 ಟೀಸ್ಪೂನ್ ಲಿಂಬೆ ರಸ (ಬೇಕಾದಲ್ಲಿ)
13. ಉಪ್ಪು ರುಚಿಗೆ ತಕ್ಕಷ್ಟು.

ಹೆಸರು ಕಾಳು ಉಸ್ಲಿ ಮಾಡುವ ವಿಧಾನ:

1. ಹೆಸರುಕಾಳನ್ನು ನೆನೆಸಿ ಮೊಳಕೆ ಕಟ್ಟಿಸಿಕೊಳ್ಳಿ. 
2. ಬೇಕಾದಷ್ಟು ನೀರು ಹಾಕಿ ಕುಕ್ಕರ್ ನಲ್ಲಿ ಮೆತ್ತಗೆ ಬೇಯಿಸಿಕೊಳ್ಳಿ ಆದರೆ ಮುದ್ದೆಯಾಗುವುದು ಬೇಡ. 
3. ಬೇಯಿಸಿದ ನಂತರ ನೀರು ಬಸಿದು ಪಕ್ಕಕ್ಕಿಡಿ.  ನಾನು ಈ ನೀರಿನಿಂದ ಸಾರು ಮಾಡುತ್ತೇನೆ. 
4. ನಂತರ ಒಂದು ಬಾಣಲೆಯನ್ನು ತೆಗೆದುಕೊಳ್ಳಿ. ಎಣ್ಣೆ ಬಿಸಿ ಮಾಡಿ, ಸಾಸಿವೆ ಮತ್ತು ಜೀರಿಗೆ ಹಾಕಿ. 
5. ಸಾಸಿವೆ ಸಿಡಿದ ಮೇಲೆ ಹಸಿರು ಮೆಣಸಿನಕಾಯಿ, ಅರಿಶಿನ ಪುಡಿ, ಇಂಗು, ಕತ್ತರಿಸಿದ ಶುಂಠಿ ಮತ್ತು ಕರಿಬೇವಿನ ಎಲೆ ಹಾಕಿ ಒಗ್ಗರಣೆ ತಯಾರಿಸಿ. 
6. ಅದಕ್ಕೆ ಬೇಯಿಸಿದ ಹೆಸರುಕಾಳನ್ನು ಹಾಕಿ ಮಗುಚಿ.
7. ಉಪ್ಪು, ತೆಂಗಿನ ತುರಿ ಮತ್ತು ಕೊತಂಬರಿ ಸೊಪ್ಪು ಸೇರಿಸಿ. ಚೆನ್ನಾಗಿ ಮಗುಚಿ ಸ್ಟವ್ ಆಫ್ ಮಾಡಿ. 
8. ಕೊನೆಯಲ್ಲಿ ಬೇಕಾದಲ್ಲಿ ಲಿಂಬೆರಸ ಸೇರಿಸಿ. ಚಹಾದೊಂದಿಗೆ ಆನಂದಿಸಿ.

To see step by step pictures click here (ಹಂತ ಹಂತವಾದ ಚಿತ್ರ ವೀಕ್ಷಿಸಲು ಇಲ್ಲಿ ಕ್ಲಿಕ್ಕಿಸಿ)

Seven cup burfi recipe in Kannada | ಸೆವೆನ್ ಕಪ್ ಬರ್ಫಿ ಮಾಡುವ ವಿಧಾನ

Seven cup burfi recipe in Kannada | ಸೆವೆನ್ ಕಪ್ ಬರ್ಫಿ ಮಾಡುವ ವಿಧಾನ 

ಬೇಕಾಗುವ ಪದಾರ್ಥಗಳು:( ಅಳತೆ ಕಪ್ = 120 ಎಂಎಲ್ )

1. 1 ಕಪ್ ಕಡ್ಲೆಹಿಟ್ಟು
2. 2 - 2.5 ಕಪ್ ಸಕ್ಕರೆ
3. 1 ಕಪ್ ಹಾಲು
4. 1 ಕಪ್ ತುಪ್ಪ
5. 1 ಕಪ್ ತೆಂಗಿನ ತುರಿ

ಸೆವೆನ್ ಕಪ್ ಬರ್ಫಿ ಮಾಡುವ ವಿಧಾನ:

1. ಒಂದು ಟ್ರೇ ಅಥವಾ ತಟ್ಟೆಯನ್ನು ತುಪ್ಪ ಸವರಿ ಇಟ್ಟುಕೊಳ್ಳಿ. 
2. ತೆಂಗಿನ ತುರಿಯನ್ನು ನೀರು ಹಾಕದೆ ಮಿಕ್ಸಿಯಲ್ಲಿ ಪುಡಿ ಮಾಡಿಕೊಳ್ಳಿ. 
3. ಒಂದು ಬಾಣಲೆಯಲ್ಲಿ ಕಡ್ಲೆಹಿಟ್ಟನ್ನು ಹಾಕಿ ಹುರಿಯಲು ಪ್ರಾರಂಭಿಸಿ. 
4. ಮಧ್ಯಮ ಉರಿಯಲ್ಲಿ 4 - 4 ನಿಮಿಷ ಹುರಿದ ನಂತರ ಸಕ್ಕರೆಯನ್ನು ಸೇರಿಸಿ. ಹುರಿಯುವುದನ್ನು ಮುಂದುವರೆಸಿ. 
5. ಕೂಡಲೇ ಪುಡಿ ಮಾಡಿದ ತೆಂಗಿನ ತುರಿಯನ್ನು ಸೇರಿಸಿ. ಹುರಿಯುವುದನ್ನು ಮುಂದುವರೆಸಿ. 
6. ಕೂಡಲೇ ಹಾಲನ್ನು ಸೇರಿಸಿ ಮಧ್ಯಮ ಉರಿಯಲ್ಲಿ ಮಗುಚುವುದನ್ನು ಮುಂದುವರೆಸಿ. 
7. ಕೂಡಲೇ ತುಪ್ಪವನ್ನು ಸೇರಿಸಿ ಮಗುಚುವುದನ್ನು ಮುಂದುವರೆಸಿ. 
8. ಸ್ವಲ್ಪ ಸಮಯದಲ್ಲಿ ಗಟ್ಟಿಯಾಗಲು ಪ್ರಾರಂಭಿಸುತ್ತದೆ. 
9. ಬಾಣಲೆಯ ಬದಿಯನ್ನು ಹೆರಸುತ್ತ ಮಗುಚುವುದನ್ನ ಮುಂದುವರೆಸಿ. 
10. ಕೊನೆಯಲ್ಲಿ ಮಿಶ್ರಣ ತಳ ಬಿಡಲು  ಪ್ರಾರಂಭವಾದಾಗ ಮತ್ತು ಮಿಶ್ರಣ ಸ್ವಲ್ಪ ಬಿಳಿ ಬಣ್ಣಕ್ಕೆ ತಿರುಗಿದಾಗ ಸ್ಟವ್ ಆಫ್ ಮಾಡಿ. 
11. ತುಪ್ಪ ಸವರಿದ ಟ್ರೇ ಗೆ ಹಾಕಿ.
12. ಕೂಡಲೇ ನಿಮಗೆ ಇಷ್ಟವಾದ ಆಕಾರಕ್ಕೆ ತುಪ್ಪ ಹಚ್ಚಿದ ಚಾಕುವಿನಿಂದ ಕತ್ತರಿಸಿ.
13. ಬಿಸಿ ಆರಿದ ಮೇಲೆ ಎಚ್ಚರಿಕೆಯಿಂದ ದೋಸೆ ಸಟ್ಟುಗ ಉಪಯೋಗಿಸಿ ತೆಗೆಯಿರಿ. ರುಚಿಯಾದ ಸೆವೆನ್ ಕಪ್ ಬರ್ಫಿ ಸವಿಯಲು ಸಿದ್ದ.

To see step by step pictures click here (ಹಂತ ಹಂತವಾದ ಚಿತ್ರ ವೀಕ್ಷಿಸಲು ಇಲ್ಲಿ ಕ್ಲಿಕ್ಕಿಸಿ)

Coconut rice recipe in Kannada | ಕೊಕೊನಟ್ ರೈಸ್ ಮಾಡುವ ವಿಧಾನ

Coconut rice recipe in Kannada | ಕೊಕೊನಟ್ ರೈಸ್ ಮಾಡುವ ವಿಧಾನ

ಕೊಕೊನಟ್ ರೈಸ್ ವಿಡಿಯೋ

ಬೇಕಾಗುವ ಪದಾರ್ಥಗಳು: (ಅಳತೆ ಕಪ್ = 240 ಎಂ ಎಲ್)

1. 1 ಕಪ್ ಅಕ್ಕಿ (ಸೋನಾ ಮಸೂರಿ)
2. 1/2 ಕಪ್ ತೆಂಗಿನ ತುರಿ
3. 1/2 ಟೀಸ್ಪೂನ್ ಸಾಸಿವೆ
4. 2 ಟೇಬಲ್ ಸ್ಪೂನ್ ಶೇಂಗಾ / ಕಡಲೆಕಾಯಿ
5. 1 ಟೀಸ್ಪೂನ್ ಉದ್ದಿನ ಬೇಳೆ
6. 1 ಟೀಸ್ಪೂನ್ ಕಡ್ಲೆಬೇಳೆ
7. 1ಹಸಿರು ಮೆಣಸಿನಕಾಯಿ
8. 1 ಒಣ ಮೆಣಸಿನಕಾಯಿ
9. 4 - 5 ಗೋಡಂಬಿ
10. 1/2 ಟೀಸ್ಪೂನ್ ಹೆಚ್ಚಿದ ಶುಂಠಿ
11. ಚಿಟಿಕೆ ಇಂಗು
12. 1 ಟೀಸ್ಪೂನ್ ಉಪ್ಪು (ಅಥವಾ ನಿಮ್ಮ ರುಚಿ ಪ್ರಕಾರ)
13. 1/2 ಟೀಸ್ಪೂನ್ ಸಕ್ಕರೆ
14. 5 - 6 ಕರಿಬೇವಿನ ಎಲೆ
15. 4 ಟೇಬಲ್ ಸ್ಪೂನ್ ತುಪ್ಪ ಅಥವಾ ತೆಂಗಿನ ಎಣ್ಣೆ (ಬೇರೆ ಎಣ್ಣೆಯನ್ನೂ ಉಪಯೋಗಿಸಬಹುದು)

ಕೊಕೊನಟ್ ರೈಸ್ ಮಾಡುವ ವಿಧಾನ:

1. ಒಂದು ಕುಕ್ಕರ್ ನಲ್ಲಿ ಅಕ್ಕಿ ತೊಳೆದು ಅನ್ನ ಮಾಡಿಟ್ಟುಕೊಳ್ಳಿ. ಅನ್ನ ಸ್ವಲ್ಪ ಉದುರುದುರಾಗಿರಲಿ. 
2. ಒಂದು ದೊಡ್ಡ ಬಾಣಲೆಯಲ್ಲಿ ಎಣ್ಣೆ ಬಿಸಿಮಾಡಿ. ಮೊದಲಿಗೆ ಶೇಂಗಾ ಅಥವಾ ಕಡಲೆಕಾಯಿಯನ್ನು ಹಾಕಿ.
3. ಕಡಲೆಕಾಯಿ ಸ್ವಲ್ಪ ಕಾದು ಸಿಡಿಯಲು ಪ್ರಾರಂಭಿಸಿದ ಕೂಡಲೇ ಸಾಸಿವೆ, ಕಡ್ಲೆಬೇಳೆ ಮತ್ತು ಉದ್ದಿನ ಬೇಳೆಯನ್ನು ಸೇರಿಸಿ.
4. ಸಾಸಿವೆ ಸಿಡಿದ ಕೂಡಲೇ ಹಸಿರು ಮೆಣಸಿನಕಾಯಿ, ಒಣಮೆಣಸಿನಕಾಯಿ, ಗೋಡಂಬಿ, ಇಂಗು ಮತ್ತು ಶುಂಠಿ ಸೇರಿಸಿ ಹುರಿಯಿರಿ.
5. ನಂತರ ಕರಿಬೇವಿನ ಎಲೆ ಹಾಕಿ ಹುರಿಯಿರಿ.  
6.  ತೆಂಗಿನ ತುರಿ, ಸಕ್ಕರೆ ಮತ್ತು ಉಪ್ಪು ಹಾಕಿ ಚೆನ್ನಾಗಿ ಕಲಸಿ. ಸ್ಟೋವ್ ಆಫ್ ಮಾಡಿ.
7. ನಂತರ ಬೇಯಿಸಿದ ಅನ್ನ ಸೇರಿಸಿ. 
8. ಒಂದು ಚಪ್ಪಟೆಯಾದ ಸಟ್ಟುಗದಿಂದ ಕಲಸಿ. ಬಿಸಿ-ಬಿಸಿ ಯಾಗಿರುವಾಗಲೇ ಬಡಿಸಿ.

To see step by step pictures click here (ಹಂತ ಹಂತವಾದ ಚಿತ್ರ ವೀಕ್ಷಿಸಲು ಇಲ್ಲಿ ಕ್ಲಿಕ್ಕಿಸಿ)

Gojjavalakki recipe in Kannada | ಗೊಜ್ಜವಲಕ್ಕಿ ಮಾಡುವ ವಿಧಾನ

Gojjavalakki recipe in Kannada | ಗೊಜ್ಜವಲಕ್ಕಿ ಮಾಡುವ ವಿಧಾನ

ಗೊಜ್ಜವಲಕ್ಕಿ ವಿಡಿಯೋ

ಬೇಕಾಗುವ ಪದಾರ್ಥಗಳು: ( ಅಳತೆ ಕಪ್ = 240 ಎಂಎಲ್ )

1. 2 ಕಪ್ ಗಟ್ಟಿ ಅವಲಕ್ಕಿ
2. 1/4 ಕಪ್ ತೆಂಗಿನ ತುರಿ
3. 1 ನೆಲ್ಲಿಕಾಯಿ ಗಾತ್ರದ ಬೆಲ್ಲ
4. 1 ನೆಲ್ಲಿಕಾಯಿ ಗಾತ್ರದ ಹುಣಸೆ ಹಣ್ಣು
5. 1 ಟೇಬಲ್ ಸ್ಪೂನ್ ಸಣ್ಣಗೆ ಹೆಚ್ಚಿದ ಕೊತ್ತಂಬರಿ ಸೊಪ್ಪು
6. 1/4 ಟೀಸ್ಪೂನ್ ಅರಿಶಿನ
7. ಉಪ್ಪು ರುಚಿಗೆ ತಕ್ಕಷ್ಟು.

ಮಸಾಲೆಗೆ ಬೇಕಾಗುವ ಪದಾರ್ಥಗಳು:

1. 2 - 4 ಕೆಂಪು ಮೆಣಸಿನಕಾಯಿ
2. 1.5 ಟೀಸ್ಪೂನ್ ಕೊತ್ತಂಬರಿ ಬೀಜ
3. 1/2 ಟೀಸ್ಪೂನ್ ಜೀರಿಗೆ
4. 7 - 8 ಮೆಂತ್ಯೆ
5. ಚಿಟಿಕೆ ಸಾಸಿವೆ
6. ದೊಡ್ಡ ಚಿಟಿಕೆ ಇಂಗು

ಒಗ್ಗರಣೆಗೆ ಬೇಕಾಗುವ ಪದಾರ್ಥಗಳು:

1. 1 ಒಣ ಮೆಣಸಿನಕಾಯಿ (ಬೇಕಾದಲ್ಲಿ)
2. 1/2 ಟೀಸ್ಪೂನ್ ಸಾಸಿವೆ
3. 2 ಟೇಬಲ್ ಚಮಚ ಕಡಲೇಕಾಯಿ ಅಥವಾ ಶೇಂಗಾ
4. 1 ಟೀಸ್ಪೂನ್ ಉದ್ದಿನ ಬೇಳೆ
5. 1 ಟೀಸ್ಪೂನ್ ಕಡಲೆಬೇಳೆ
6. 7 - 8 ಗೋಡಂಬಿ (ಬೇಕಾದಲ್ಲಿ)
7. 4 - 6 ಕರಿಬೇವಿನ ಎಲೆ
8. 4 ಟೇಬಲ್ ಚಮಚ ಅಡುಗೆ ಎಣ್ಣೆ

ಗೊಜ್ಜವಲಕ್ಕಿ ಮಾಡುವ ವಿಧಾನ:

1. ಒಂದು ಬಟ್ಟಲಿನಲ್ಲಿ ಹುಣಿಸೆಹಣ್ಣನ್ನು ಅರ್ಧ ಕಪ್ ನೀರಿನಲ್ಲಿ ನೆನೆಸಿಡಿ. 
2. ಒಂದು ಬಾಣಲೆಯಲ್ಲಿ ಒಣ ಮೆಣಸಿನಕಾಯಿ, ಕೊತ್ತಂಬರಿ ಬೀಜ, ಜೀರಿಗೆ, ಸಾಸಿವೆ, ಮೆಂತೆ ಮತ್ತು ಇಂಗನ್ನು ಹುರಿದು ಪುಡಿ ಮಾಡಿಟ್ಟುಕೊಳ್ಳಿ. ಬದಲಾಗಿ ರಸಂ ಪೌಡರ್ ಬಳಸಬಹುದು.  
3. ದಪ್ಪ ಅಥವಾ ಗಟ್ಟಿ ಅವಲಕ್ಕಿಯನ್ನು ಮಿಕ್ಸಿ ಜಾರಿನಲ್ಲಿ ದೊಡ್ಡದಾಗಿ ಪುಡಿ ಮಾಡಿ. 
4. ಪುಡಿ ಮಡಿದ ಅವಲಕ್ಕಿಯನ್ನು ಒಂದು ಬಟ್ಟಲಿನಲ್ಲಿ ತೆಗೆದುಕೊಳ್ಳಿ.  ಮತ್ತು ಅದಕ್ಕೆ ಉಪ್ಪು, ಅರಿಶಿನ ಮತ್ತು ಸಿದ್ಧ ಪಡಿಸಿದ ಮಸಾಲೆ ಪುಡಿಯನ್ನು (ಅಥವಾ ರಸಂ ಪೌಡರ್) ಹಾಕಿ. 
5. ನಂತ್ರ ಬೆಲ್ಲ ಮತ್ತು ಹುಣಸೆ ರಸ ಸೇರಿಸಿ. 
6. ಅಗತ್ಯವಿದ್ದಷ್ಟು ನೀರು ಸೇರಿಸಿ ಕಲಸಿ. ನೀರಿನ ಪ್ರಮಾಣ ಅವಲಕ್ಕಿಯ ದಪ್ಪದ ಮೇಲೆ ಬದಲಾಗುತ್ತದೆ. ನಾನು ಸುಮಾರು ಒಂದೂವರೆ ಕಪ್ ನಷ್ಟು ಹಾಕಿದೆ. 
7. ಒಂದು ಬಾಣಲೆಯಲ್ಲಿ ಎಣ್ಣೆ, ಕೆಂಪು ಮೆಣಸಿನಕಾಯಿ, ಸಾಸಿವೆ , ಉದ್ದಿನ ಬೇಳೆ, ಕಡಲೆಬೇಳೆ, ಗೋಡಂಬಿ ಮತ್ತು ಕಡಲೆಕಾಯಿ (ಶೇಂಗಾ) ಬಳಸಿಕೊಂಡು ಒಗ್ಗರಣೆ ಮಾಡಿ. 
8. ನಂತರ ಕರಿಬೇವು ಸೇರಿಸಿ.
9. ಸಿದ್ದಪಡಿಸಿದ ಅವಲಕ್ಕಿ ಮಿಶ್ರಣವನ್ನು ಹಾಕಿ, ಚೆನ್ನಾಗಿ ಕಲಸಿ. 
10. 5 ನಿಮಿಷ ಕಡಿಮೆ ಜ್ವಾಲೆಯಲ್ಲಿ ಬೇಯಿಸಿ. ತುಂಬ ಪುಡಿ ಪುಡಿ ಅಥವಾ ಒಣ ಒಣ ಎನಿಸಿದರೆ ಸ್ವಲ್ಪ ನೀರು ಚಿಮುಕಿಸಿ. 
11. ಕೊನೆಯಲ್ಲಿ ತೆಂಗಿನ ತುರಿ ಮತ್ತು ಹೆಚ್ಚಿದ ಕೊತ್ತಂಬರಿ ಸೊಪ್ಪು ಸೇರಿಸಿ ಕಲಸಿ. ರುಚಿಕರ ಗೊಜ್ಜವಲಕ್ಕಿಯನ್ನು ತಿಂದು ಆನಂದಿಸಿ.

To see step by step pictures click here (ಹಂತ ಹಂತವಾದ ಚಿತ್ರ ವೀಕ್ಷಿಸಲು ಇಲ್ಲಿ ಕ್ಲಿಕ್ಕಿಸಿ)

Uddina bele unde recipe in Kannada | ಉದ್ದಿನ ಬೇಳೆ ಉಂಡೆ ಮಾಡುವ ವಿಧಾನ

Uddina bele unde recipe in Kannada | ಉದ್ದಿನ ಬೇಳೆ ಉಂಡೆ ಮಾಡುವ ವಿಧಾನ 

ಬೇಕಾಗುವ ಪದಾರ್ಥಗಳು: ( ಅಳತೆ ಕಪ್ = 240 ಎಂಎಲ್ )

1. 1 ಕಪ್ ಉದ್ದಿನಬೇಳೆ
2. 1/2 ಕಪ್ ಸಕ್ಕರೆ 
3. 1/4 ಕಪ್ ತುಪ್ಪ
4. 4 ಟೇಬಲ್ ಚಮಚ ಗೋಡಂಬಿ ಚೂರುಗಳು

ಉದ್ದಿನ ಬೇಳೆ ಉಂಡೆ ಮಾಡುವ ವಿಧಾನ:

1. ಗೋಡಂಬಿಯನ್ನು ಚೂರು ಮಾಡಿ ಹುರಿದಿಟ್ಟುಕೊಳ್ಳಿ.
2. ಒಂದು ದಪ್ಪ ತಳದ ಬಾಣಲೆಯಲ್ಲಿ ಉದ್ದಿನ ಬೇಳೆಯನ್ನು ಮಧ್ಯಮ ಉರಿಯಲ್ಲಿ ಕಂದು ಬಣ್ಣ ಬರುವವರೆಗೆ ಹುರಿಯಿರಿ.
3. ಬಿಸಿ ಆರಿದ ಮೇಲೆ ಉದ್ದಿನ ಬೇಳೆಯನ್ನು ಮಿಕ್ಸಿಯಲ್ಲಿ ನುಣ್ಣನೆ ಪುಡಿಮಾಡಿಕೊಳ್ಳಿ. 
4. ನಂತರ ಸಕ್ಕರೆಯನ್ನು ಮಿಕ್ಸಿಯಲ್ಲಿ ಪುಡಿ ಮಾಡಿಟ್ಟುಕೊಳ್ಳಿ. 
5. ಪುಡಿಮಾಡಿದ ಸಕ್ಕರೆ ಮತ್ತು ಉದ್ದಿನ ಬೇಳೆಯನ್ನು ಜರಡಿಯಲ್ಲಿ ಸಾರಣಿಸಿ. 
6. ನಂತರ ಹುರಿದಿಟ್ಟ ಗೋಡಂಬಿ ಸೇರಿಸಿ. ಸ್ವಲ್ಪ ಸ್ವಲ್ಪವೇ ತುಪ್ಪ ಸೇರಿಸುತ್ತ ಚೆನ್ನಾಗಿ ಕಲಸಿ. 
7. ಕೈಯಲ್ಲಿ ಒತ್ತಿ ಉಂಡೆ ಮಾಡಲು ಆಗಬೇಕು. ಅಲ್ಲಿಯವರೆಗೆ ತುಪ್ಪ ಸೇರಿಸಿ ಕಲಸಿ. 
8. ಸ್ವಲ್ಪ ಮಿಶ್ರಣವನ್ನು ತೆಗೆದುಕೊಂಡು ಮುಷ್ಟಿಯಲ್ಲಿ ಉಂಡೆ ಮಾಡಿ. ಹೀಗೆ ಎಲ್ಲ ಉಂಡೆಗಳನ್ನು ಮಾಡಿ ಸವಿದು ಆನಂದಿಸಿ.

To see step by step pictures click here (ಹಂತ ಹಂತವಾದ ಚಿತ್ರ ವೀಕ್ಷಿಸಲು ಇಲ್ಲಿ ಕ್ಲಿಕ್ಕಿಸಿ)

chana masala recipe in Kannada | ಚನಾ ಮಸಾಲಾ ಮಾಡುವ ವಿಧಾನ

Chana masala recipe in Kannada | ಚನಾ ಮಸಾಲಾ ಮಾಡುವ ವಿಧಾನ 

ಬೇಕಾಗುವ ಪದಾರ್ಥಗಳು: ( ಅಳತೆ ಕಪ್ = 240 ಎಂಎಲ್ )

1. 1/2 ಕಪ್ ಕಾಬುಲ್ ಕಡ್ಲೆ
2.  1 ಈರುಳ್ಳಿ ಸಣ್ಣಗೆ ಹೆಚ್ಚಿದ್ದು
3. 2 ಟೊಮೇಟೊ ಸಣ್ಣಗೆ ಹೆಚ್ಚಿದ್ದು
4.  1/2 ಟೀಸ್ಪೂನ್ ಜೀರಿಗೆ
5. 1 ಪುಲಾವ್ ಅಥವಾ ದಾಲ್ಚಿನ್ನಿ ಎಲೆ
6. 1 ಟೀಸ್ಪೂನ್ ಶುಂಠಿ ಬೆಳ್ಳುಳ್ಳಿ ಪೇಸ್ಟ್ (ಅಥವಾ ಸಣ್ಣಗೆ ಹೆಚ್ಚಿದ್ದು)
7.  1/2 ಟೀಸ್ಪೂನ್ ಅಚ್ಚಖಾರದ ಪುಡಿ
8.  1/4 ಟೀಸ್ಪೂನ್ ಗರಂ ಮಸಾಲಾ
9.  1 ಟೀಸ್ಪೂನ್ ಕೊತ್ತಂಬರಿ ಅಥವಾ ಧನಿಯಾ ಪುಡಿ 
10. 1/4 ಟೀಸ್ಪೂನ್ ಜೀರಿಗೆ ಪುಡಿ 
11. 1/4 ಟೀಸ್ಪೂನ್ ಅರಿಶಿನ ಪುಡಿ 
12. 1/4 ಟೀಸ್ಪೂನ್ ಮಾವಿನಕಾಯಿ ಪುಡಿ 
13. 1 ಟೇಬಲ್ ಚಮಚ ಕಸೂರಿ ಮೇಥಿ ಅಥವಾ ಒಣಗಿದ ಮೆಂತೆ ಸೊಪ್ಪು  (ಬೇಕಾದಲ್ಲಿ) 
14. 1 ಟೇಬಲ್ ಚಮಚ ಅಡುಗೆ ಎಣ್ಣೆ 
15. 1 ಟೇಬಲ್ ಚಮಚ ಬೆಣ್ಣೆ
16. ಉಪ್ಪು ರುಚಿಗೆ ತಕ್ಕಷ್ಟು

ಚನಾ ಮಸಾಲಾ ಮಾಡುವ ವಿಧಾನ:

1. ಕಾಬುಲ್ ಕಡ್ಲೆಯನ್ನು 5 - 6 ಘಂಟೆಗಳ ಕಾಲ ನೆನೆಸಿ.
2. ಒಂದು ಕುಕ್ಕರ್ ನಲ್ಲಿ ಎಣ್ಣೆ ಬಿಸಿ ಮಾಡಿ. ಅದಕ್ಕೆ ಜೀರಿಗೆ ಮತ್ತು ದಾಲ್ಚಿನ್ನಿ ಎಲೆ ಹಾಕಿ. 
3. ಜೀರಿಗೆ ಸಿಡಿದ ಮೇಲೆ ಸಣ್ಣಗೆ ಕತ್ತರಿಸಿದ ಈರುಳ್ಳಿ ಸೇರಿಸಿ ಮೆತ್ತಗಾಗುವವರೆಗೆ ಹುರಿಯಿರಿ.
4.  ನಂತರ ಸಣ್ಣಗೆ ಕತ್ತರಿಸಿದ ಟೊಮೇಟೊ ಸೇರಿಸಿ ಹುರಿಯಿರಿ.
5. ನಂತರ ಅದಕ್ಕೆ ಅಚ್ಚಖಾರದ ಪುಡಿ, ಗರಂ ಮಸಾಲಾ, ಕೊತ್ತಂಬರಿ ಅಥವಾ ಧನಿಯಾ ಪುಡಿ, ಜೀರಿಗೆ ಪುಡಿ ಮತ್ತು ಮಾವಿನಕಾಯಿ ಪುಡಿ ಹಾಕಿ ಮಗುಚಿ. 
6. ಆಮೇಲೆ ಉಪ್ಪು ಮತ್ತು ಅರಿಶಿನ ಹಾಕಿ ಟೊಮೇಟೊ ಮೆತ್ತಗಾಗುವವರೆಗೆ ಹುರಿಯಿರಿ. 
7. ಅದಕ್ಕೆ ನೆನೆಸಿದ ಕಡ್ಲೆಯನ್ನು ಹಾಕಿ.
8. 2 ಕಪ್ ನೀರು ಮತ್ತು ಕಸೂರಿ ಮೇಥಿ ಹಾಕಿ. 
9. ಮುಚ್ಚಳ ಮುಚ್ಚಿ ಕಡ್ಲೆ ಮೆತ್ತಗಾಗುವವರೆಗೆ ಬೇಯಿಸಿ. ನಾನು 2 - 2 - 2 ರಂತೆ ಮೂರು ಬಾರಿ ವಿಷಲ್ ಮಾಡಿದೆ. 
10. ಕುಕ್ಕರ್ ನ ಒತ್ತಡ ಕಡಿಮೆ ಆದಮೇಲೆ ಸಟ್ಟುಗದ ಹಿಂಭಾಗ ಉಪಯೋಗಿಸಿ ಸ್ವಲ್ಪ ಕಡ್ಲೆಯನ್ನು ಮಸೆಯಿರಿ ಅಥವಾ ಮ್ಯಾಶ್ ಮಾಡಿ .
11. ಸ್ವಲ್ಪ ಹೊತ್ತು ಕುದಿಸಿ ಸ್ಟವ್ ಆಫ್ ಮಾಡಿ. ಕೊನೆಯಲ್ಲಿ ಬೆಣ್ಣೆ ಹಾಕಿ ಮಗುಚಿ. ಚಪಾತಿ ಅಥವಾ ಪೂರಿಯೊಂದಿಗೆ ಬಡಿಸಿ.

To see step by step pictures click here (ಹಂತ ಹಂತವಾದ ಚಿತ್ರ ವೀಕ್ಷಿಸಲು ಇಲ್ಲಿ ಕ್ಲಿಕ್ಕಿಸಿ)

Menasina saaru recipe in Kannada | ಮೆಣಸಿನ ಸಾರು ಮಾಡುವ ವಿಧಾನ

Menasina saaru recipe in Kannada | ಮೆಣಸಿನ ಸಾರು ಮಾಡುವ ವಿಧಾನ 

ಬೇಕಾಗುವ ಪದಾರ್ಥಗಳು: (ಅಳತೆ ಕಪ್ = 240ಎಂ ಎಲ್)

1. 1/4 ಕಪ್ ತೊಗರಿಬೇಳೆ
2. 2 ಮಧ್ಯಮ ಗಾತ್ರದ ಟೊಮೇಟೊ
3. 1 ನೆಲ್ಲಿಕಾಯಿ ಗಾತ್ರದ ಹುಣಸೆ ಹಣ್ಣು (ಅಥವಾ ನಿಮ್ಮ ರುಚಿಗೆ ತಕ್ಕಷ್ಟು)
4. 1.5 ಚಮಚ ಕೊತ್ತಂಬರಿ ಅಥವಾ ಧನಿಯಾ ಪುಡಿ
5. 1/2 ಟೀಸ್ಪೂನ್ ಜೀರಿಗೆ ಪುಡಿ
6. 1 ಟೀಸ್ಪೂನ್ ಕರಿಮೆಣಸಿನ ಪುಡಿ
7. 2 ಟೀಸ್ಪೂನ್ ಉಪ್ಪು (ಅಥವಾ ನಿಮ್ಮ ರುಚಿಗೆ ತಕ್ಕಷ್ಟು)

ಒಗ್ಗರಣೆಗೆ ಬೇಕಾಗುವ ಪದಾರ್ಥಗಳು:

1. 1/2 ಚಮಚ ಸಾಸಿವೆ
2. ಇಂಗು ಒಂದು ಚಿಟಿಕೆ 
3. 4 ಎಸಳು ಬೆಳ್ಳುಳ್ಳಿ ಜಜ್ಜಿದ್ದು
4. 5 - 6 ಕರಿಬೇವಿನ ಎಲೆ
5. 2 ಟೀಸ್ಪೂನ್ ಅಡುಗೆ ಎಣ್ಣೆ

ಮೆಣಸಿನ ಸಾರು ಮಾಡುವ ವಿಧಾನ:

1. ತೊಗರಿಬೇಳೆಯನ್ನು ತೊಳೆದು, ಚಿಟಿಕೆ ಅರಿಶಿನ ಮತ್ತು ಎರಡು ಹನಿ ಎಣ್ಣೆ ಹಾಕಿ ಬೇಯಿಸಿ. 
2. ನಂತರ ಅದಕ್ಕೆ ಎರಡು ಭಾಗ ಮಾಡಿದ ಟೊಮೇಟೊ ಹಾಕಿ ಬೇಯಿಸಿ. 
3. ಟೊಮೇಟೊ ಸಿಪ್ಪೆ ತೆಗೆದು, ಬೇಳೆ ಮತ್ತು ಟೊಮ್ಯಾಟೊವನ್ನು ಚೆನ್ನಾಗಿ ಹಿಸುಕಿ. 
4. ಅಗತ್ಯವಿದ್ದಷ್ಟು ನೀರು ಸೇರಿಸಿ. ಸ್ಟವ್ ಮೇಲೆ ಕುದಿಯಲು ಇಡೀ. 
5. ಉಪ್ಪು ಮತ್ತು ಹುಣಿಸೆರಸ ಸೇರಿಸಿ.  
6. ಕೊನೆಯಲ್ಲಿ ಧನಿಯಾ ಪುಡಿ, ಜೀರಿಗೆ ಪುಡಿ ಮತ್ತು ಕರಿಮೆಣಸಿನ ಪುಡಿ ಸೇರಿಸಿ. 
7. ಚೆನ್ನಾಗಿ ಮಗುಚಿ, ಒಂದು ಕುದಿ ಕುದಿಸಿ. 
8. ಒಗ್ಗರಣೆ ಸೌಟು ಬಳಸಿಕೊಂಡು 2 ಚಮಚಎಣ್ಣೆ, 1/2 ಚಮಚ ಸಾಸಿವೆ, ಇಂಗು, ಜಜ್ಜಿದ ಬೆಳ್ಳುಳ್ಳಿ ಮತ್ತು ಕರಿಬೇವಿನ ಒಗ್ಗರಣೆ ಮಾಡಿ. 
9. ಒಗ್ಗರಣೆಯನ್ನು ಕುದಿಸಿದ ಸಾರಿಗೆ ಹಾಕಿ.  ಬಿಸಿಯಾದ ಅನ್ನದೊಂದಿಗೆ ಬಡಿಸಿ.

To see step by step pictures click here (ಹಂತ ಹಂತವಾದ ಚಿತ್ರ ವೀಕ್ಷಿಸಲು ಇಲ್ಲಿ ಕ್ಲಿಕ್ಕಿಸಿ)

Heerekai bonda or bajji recipe in Kannada | ಹೀರೆಕಾಯಿ ಬೋಂಡಾ ಮಾಡುವ ವಿಧಾನ

Heerekai bonda or bajji recipe in Kannada | ಹೀರೆಕಾಯಿ ಬೋಂಡಾ ಮಾಡುವ ವಿಧಾನ

ಬೇಕಾಗುವ ಪದಾರ್ಥಗಳು:( ಅಳತೆ ಕಪ್ = 240 ಎಂಎಲ್ )

1. 1.5 ಕಪ್ ಕಡ್ಲೆಹಿಟ್ಟು
2. 1/4 ಕಪ್ ಅಕ್ಕಿಹಿಟ್ಟು
3. 1 ಹೀರೆಕಾಯಿ
4. 1/2 - 1 ಟೀಸ್ಪೂನ್ ಅಚ್ಚ ಖಾರದ ಪುಡಿ
5. ಒಂದು ಸಣ್ಣ ಚಿಟಿಕೆ ಅಡುಗೆ ಸೋಡಾ
6. ಒಂದು ದೊಡ್ಡ ಚಿಟಿಕೆ ಇಂಗು
7. ಎಣ್ಣೆ ಬಜ್ಜಿ ಕಾಯಿಸಲು
8. ಉಪ್ಪು ರುಚಿಗೆ ತಕ್ಕಷ್ಟು.

ಹೀರೆಕಾಯಿ ಬೋಂಡಾ ಮಾಡುವ ವಿಧಾನ:

1. ಹೀರೇಕಾಯಿಯನ್ನು ತೊಳೆದು, ಸಿಪ್ಪೆ ತೆಗೆದು, ತೆಳುವಾದ ಗಾಲಿಗಳಾಗಿ ಕತ್ತರಿಸಿಕೊಳ್ಳಿ. 
2. ಒಂದು ಪಾತ್ರೆಯಲ್ಲಿ ಕಡ್ಲೆಹಿಟ್ಟು, ಅಕ್ಕಿ ಹಿಟ್ಟು, ಅಚ್ಚಖಾರದ ಪುಡಿ, ಇಂಗು, ಸೋಡಾ ಮತ್ತು ಉಪ್ಪನ್ನು ತೆಗೆದುಕೊಳ್ಳಿ. 
3. ಅಗತ್ಯವಿದ್ದಷ್ಟು ನೀರು ಸೇರಿಸಿ ದೋಸೆ ಹಿಟ್ಟಿನ ಹದಕ್ಕೆ ಕಲಸಿಕೊಳ್ಳಿ.
4. ಒಂದು ಬಾಣಲೆಯಲ್ಲಿ ಎಣ್ಣೆ ಬಿಸಿಮಾಡಿ. 
5. ಕತ್ತರಿಸಿದ ಹೀರೆಕಾಯಿಯನ್ನು ಸಿದ್ಧ ಪಡಿಸಿದ ಹಿಟ್ಟಿನಲ್ಲಿ ಅದ್ದಿ ಬಿಸಿ ಎಣ್ಣೆಯಲ್ಲಿ ಕಾಯಿಸಿ. 
6. ಬಿಸಿ ಬಿಸಿ ಬಜ್ಜಿ ಅಥವಾ ಬೋಂಡಾವನ್ನು ಸವಿಯಿರಿ.

To see step by step pictures click here (ಹಂತ ಹಂತವಾದ ಚಿತ್ರ ವೀಕ್ಷಿಸಲು ಇಲ್ಲಿ ಕ್ಲಿಕ್ಕಿಸಿ)