Tomato bath recipe in Kannada | ಈರುಳ್ಳಿ ಬೆಳ್ಳುಳ್ಳಿ ರಹಿತ ಟೊಮೇಟೊ ಬಾತ್ ಮಾಡುವ ವಿಧಾನ

Tomato bath recipe in Kannada | ಈರುಳ್ಳಿ ಬೆಳ್ಳುಳ್ಳಿ ರಹಿತ ಟೊಮೇಟೊ ಬಾತ್ ಮಾಡುವ ವಿಧಾನ 

ಬೇಕಾಗುವ ಪದಾರ್ಥಗಳು:( ಅಳತೆ ಕಪ್ = 240 ಎಂಎಲ್)

1. 1 ಕಪ್ ಸೋನಾ ಮಸೂರಿ ಅಕ್ಕಿ
2. 4 ಟೇಬಲ್ ಚಮಚ ಅಡುಗೆ ಎಣ್ಣೆ 
3. 1/2 ಚಮಚ ಸಾಸಿವೆ 
4. 1 ಟೀಸ್ಪೂನ್ ಉದ್ದಿನ ಬೇಳೆ 
5. 1 ಟೀಸ್ಪೂನ್ ಕಡಲೆಬೇಳೆ 
6. 4 - 5 ಕರಿಬೇವಿನ ಎಲೆ 
7. 4 ಸಣ್ಣದಾಗಿ ಹೆಚ್ಚಿದ ಮಧ್ಯಮ ಗಾತ್ರದ ಟೊಮ್ಯಾಟೊ 
8. 1/2 ಕಪ್ ತೆಂಗಿನ ತುರಿ
9. 1/4 ಟೀಸ್ಪೂನ್ ಅರಶಿನ ಪುಡಿ
10. 1 ಟೇಬಲ್ ಚಮಚ ಸಣ್ಣಗೆ ಹೆಚ್ಚಿದ ಕೊತ್ತಂಬರಿ ಸೊಪ್ಪು
11. ಉಪ್ಪು ರುಚಿಗೆ ತಕ್ಕಷ್ಟು

ಮಸಾಲೆ ಪುಡಿಗೆ ಬೇಕಾಗುವ ಪದಾರ್ಥಗಳು:( ಅಳತೆ ಕಪ್ = 240 ಎಂಎಲ್)

1. 2 - 4 ಕೆಂಪು ಮೆಣಸಿನಕಾಯಿ (ಮಧ್ಯಮ ಖಾರ)
2. 1 ಟೀಸ್ಪೂನ್ ಉದ್ದಿನ ಬೇಳೆ
3. 1 ಟೀಸ್ಪೂನ್ ಕಡಲೆಬೇಳೆ 
4. 2 ಟೀಸ್ಪೂನ್ ಕೊತ್ತಂಬರಿ ಬೀಜ
5. 4 - 5 ಲವಂಗ
6. 1/2 ಬೆರಳುದ್ದ ಚಕ್ಕೆ 
7. 1 ಏಲಕ್ಕಿ
8. ಚಿಟಿಕೆ ಇಂಗು

ಈರುಳ್ಳಿ ಬೆಳ್ಳುಳ್ಳಿ ರಹಿತ ಟೊಮೇಟೊ ಬಾತ್ ಮಾಡುವ ವಿಧಾನ:

1. ಮೊದಲಿಗೆ ಉದುರು ಉದುರಾದ ಅನ್ನ ಮಾಡಿಟ್ಟು ಕೊಳ್ಳಿ. 
2. ಒಂದು ಬಾಣಲೆಯಲ್ಲಿ ಕೆಂಪು ಮೆಣಸಿನಕಾಯಿ, ಉದ್ದಿನ ಬೇಳೆ, ಕಡಲೆಬೇಳೆ, ಕೊತ್ತಂಬರಿ ಬೀಜ, ಲವಂಗ, ಚಕ್ಕೆ, ಏಲಕ್ಕಿ ಮತ್ತು ಇಂಗನ್ನು 1 ಚಮಚ ಎಣ್ಣೆ ಹಾಕಿ ಹುರಿಯಿರಿ. 
3. ಹುರಿದ ಎಲ್ಲ ಪದಾರ್ಥಗಳು ತಣ್ಣಗಾದ ಮೇಲೆ ಪುಡಿ ಮಾಡಿಟ್ಟು ಕೊಳ್ಳಿ. 
4. ನಂತರ 4 ಟೇಬಲ್ ಚಮಚ ಅಡುಗೆ ಎಣ್ಣೆಯನ್ನು ಒಂದು ಬಾಣಲೆಯಲ್ಲಿ ತೆಗೆದುಕೊಂಡು ಬಿಸಿ ಮಾಡಿ. 
5. ಸಾಸಿವೆ, ಉದ್ದಿನ ಬೇಳೆ, ಕಡಲೆಬೇಳೆ ಮತ್ತು ಕರಿಬೇವಿನ ಒಗ್ಗರಣೆ ಮಾಡಿ. 
6. ನಂತರ ಹೆಚ್ಚಿದ ಟೊಮೇಟೊ ಹಾಕಿ
7. ಉಪ್ಪು ಮತ್ತು ಅರಶಿನ ಹಾಕಿ ಟೊಮೇಟೊ ಮುದ್ದೆ ಆಗುವವರೆಗೆ ಬೇಯಿಸಿ. 
8. ನಂತ್ರ ಮಸಾಲೆ ಪುಡಿ ಮತ್ತು ಕಾಯಿ ತುರಿಯನ್ನ ಹಾಕಿ ಚೆನ್ನಾಗಿ ಮಗುಚಿ. ಸ್ಟವ್ ಆಫ್ ಮಾಡಿ. 
9. ಬೇಯಿಸಿಟ್ಟ ಅನ್ನ ಹಾಕಿ ಕಲಸಿ. ಕೊತ್ತಂಬರಿ ಸೊಪ್ಪಿನಿಂದ ಅಲಂಕರಿಸಿ. ಬಿಸಿ ಬಿಸಿಯಾಗಿ ಬಡಿಸಿ.

To see step by step pictures click here (ಹಂತ ಹಂತವಾದ ಚಿತ್ರ ವೀಕ್ಷಿಸಲು ಇಲ್ಲಿ ಕ್ಲಿಕ್ಕಿಸಿ)

Huruli kaalu saaru recipe in Kannada | ಹುರುಳಿ ಕಾಳು ಸಾರು ಮಾಡುವ ವಿಧಾನ

Huruli kaalu saaru recipe in Kannada | ಹುರುಳಿ ಕಾಳು ಸಾರು ಮಾಡುವ ವಿಧಾನ 

ಹುರುಳಿ ಕಾಳು ಸಾರು ವಿಡಿಯೋ

ಬೇಕಾಗುವ ಪದಾರ್ಥಗಳು: (ಅಳತೆ ಕಪ್ = 240ಎಂ ಎಲ್)

1. 1/2 ಕಪ್ ಹುರುಳಿಕಾಳು
2. 1 ಸಣ್ಣ ನೆಲ್ಲಿಕಾಯಿ ಗಾತ್ರದ ಹುಣಸೆ ಹಣ್ಣು (ಅಥವಾ ನಿಮ್ಮ ರುಚಿಗೆ ತಕ್ಕಷ್ಟು)
3. 1 ಸಣ್ಣ ನೆಲ್ಲಿಕಾಯಿ ಗಾತ್ರದ ಬೆಲ್ಲ (ಅಥವಾ ನಿಮ್ಮ ರುಚಿಗೆ ತಕ್ಕಷ್ಟು
4. 2 ಟೀಸ್ಪೂನ್ ಉಪ್ಪು (ಅಥವಾ ನಿಮ್ಮ ರುಚಿಗೆ ತಕ್ಕಷ್ಟು)
5. 1 ಟೇಬಲ್ ಚಮಚ ಹೆಚ್ಚಿದ ಕೊತ್ತಂಬರಿ ಸೊಪ್ಪು

ಮಸಾಲೆಗೆ ಬೇಕಾಗುವ ಪದಾರ್ಥಗಳು:

1. 2 - 4 ಒಣಮೆಣಸಿನಕಾಯಿ
2. 1.5 ಚಮಚ ಕೊತ್ತಂಬರಿ ಬೀಜ ಅಥವಾ ಧನಿಯಾ
3. 1/2 ಟೀಸ್ಪೂನ್ ಜೀರಿಗೆ
4. 7 - 8 ಮೆಂತ್ಯ
5. ಇಂಗು ಒಂದು ಚಿಟಿಕೆ
6. 1/4 ಕಪ್ ತೆಂಗಿನ ತುರಿ
7. 1 ಟೀಸ್ಪೂನ್ ಅಡುಗೆ ಎಣ್ಣೆ

ಒಗ್ಗರಣೆಗೆ ಬೇಕಾಗುವ ಪದಾರ್ಥಗಳು:

1. 1/2 ಚಮಚ ಸಾಸಿವೆ
2. 1/2 ಟೀಸ್ಪೂನ್ ಜೀರಿಗೆ
3. ಇಂಗು ಒಂದು ಚಿಟಿಕೆ ಅಥವಾ ೪ ಎಸಳು ಬೆಳ್ಳುಳ್ಳಿ
4. 5 - 6 ಕರಿಬೇವಿನ ಎಲೆ
5. 2 ಟೀಸ್ಪೂನ್ ಅಡುಗೆ ಎಣ್ಣೆ

ಹುರುಳಿ ಕಾಳು ಸಾರು ಮಾಡುವ ವಿಧಾನ:

1. ಹುರುಳಿಕಾಳನ್ನು ತೊಳೆದು, ಅಗತ್ಯವಿದ್ದಷ್ಟು ನೀರು ಸೇರಿಸಿ, ಮೆತ್ತಗಾಗುವವರೆಗೆ ಬೇಯಿಸಿ. ಕುಕ್ಕರ್ ನಲ್ಲಿ ಬೇಯಿಸಿದಲ್ಲಿ ಉತ್ತಮ. ಹುರುಳಿ ಕಾಳನ್ನು ನೆನೆಸಿ ಅಥವಾ ಮೊಳಕೆ ಬರಿಸಿ ಸಹ ಉಪಯೋಗಿಸಬಹುದು. 
2. ಬೇಯಿಸಿದ ನಂತರ, ಬಸಿದು, ನೀರು ಮತ್ತು ಕಾಳನ್ನು ಬೇರ್ಪಡಿಸಿ. 
3. ಅದೇ ಸಮಯದಲ್ಲಿ ಮಸಾಲೆ ಪದಾರ್ಥಗಳನ್ನು ಹುರಿದು, ತೆಂಗಿನತುರಿಯೊಂದಿಗೆ ಅಗತ್ಯವಿದ್ದಷ್ಟು ನೀರು ಸೇರಿಸಿ ಅರೆಯಿರಿ.
4. ನಂತ್ರ ಸುಮಾರು ಅರ್ಧ ಕಪ್ನಷ್ಟು ಬೇಯಿಸಿದ ಕಾಳನ್ನು ಸೇರಿಸಿ ಪುನಃ ಅರೆಯಿರಿ. 
5. ಅರೆದ ಮಸಾಲೆಯನ್ನು ಬಸಿದ ನೀರಿಗೆ ಹಾಕಿ. 
6. ಉಪ್ಪು, ಬೆಲ್ಲ ಮತ್ತು ಹುಣಿಸೆ ರಸ ಸೇರಿಸಿ. 
7. ಅಗತ್ಯವಿದ್ದಷ್ಟು ನೀರು ಸೇರಿಸಿ ಕುದಿಸಿ. 
8. ಒಗ್ಗರಣೆ ಸೌಟು ಬಳಸಿಕೊಂಡು 2 ಚಮಚಎಣ್ಣೆ, 1/2 ಚಮಚ ಸಾಸಿವೆ, 1/2 ಚಮಚ ಜೀರಿಗೆ, ಇಂಗು (ಅಥವಾ ಜಜ್ಜಿದ ಬೆಳ್ಳುಳ್ಳಿ) ಮತ್ತು ಕರಿಬೇವಿನ ಒಗ್ಗರಣೆ ಮಾಡಿ. 
9. ಒಗ್ಗರಣೆಯನ್ನು ಕುದಿಸಿದ ಸಾರಿಗೆ ಹಾಕಿ.  ಬಿಸಿಯಾದ ಅನ್ನದೊಂದಿಗೆ ಬಡಿಸಿ.

To see step by step pictures click here (ಹಂತ ಹಂತವಾದ ಚಿತ್ರ ವೀಕ್ಷಿಸಲು ಇಲ್ಲಿ ಕ್ಲಿಕ್ಕಿಸಿ)

kadlebele cucumber kosambari recipe in kannada | ಕಡ್ಲೆಬೇಳೆ ಸೌತೆಕಾಯಿ ಕೋಸಂಬರಿ

Kadlebele cucumber kosambari recipe in kannada | ಕಡ್ಲೆಬೇಳೆ ಸೌತೆಕಾಯಿ ಕೋಸಂಬರಿ

ಬೇಕಾಗುವ ಪದಾರ್ಥಗಳು: ( ಅಳತೆ ಕಪ್ = 240 ಎಂಎಲ್ )

1. 4 ಟೇಬಲ್ ಚಮಚ ಕಡ್ಲೆಬೇಳೆ
2. 1/2 ಸಣ್ಣಗೆ ಕೊಚ್ಚಿದ ಸೌತೆಕಾಯಿ
3. 2 ಟೇಬಲ್ ಚಮಚ ತೆಂಗಿನ ತುರಿ
4. 1 ಟೇಬಲ್ ಚಮಚ ಕೊತ್ತಂಬರಿ ಸೊಪ್ಪು (ಬೇಕಾದಲ್ಲಿ)
5. 1/2 ಹಸಿಮೆಣಸಿನಕಾಯಿ (ಬೇಕಾದಲ್ಲಿ)
6. ಉಪ್ಪು ರುಚಿಗೆ ತಕ್ಕಷ್ಟು.

ಒಗ್ಗರಣೆಗೆ ಬೇಕಾಗುವ ಪದಾರ್ಥಗಳು:

1. 1 ಒಣ ಮೆಣಸಿನಕಾಯಿ
2. 1/4 ಟೀಸ್ಪೂನ್ ಸಾಸಿವೆ
3. 1 ಟೀಸ್ಪೂನ್ ಅಡುಗೆ ಎಣ್ಣೆ
4. ಚಿಟಿಕೆ ಇಂಗು

ಮಾಡುವ ವಿಧಾನ:

1. ಕಡ್ಲೆಬೇಳೆಯನ್ನು 2-3 ಗಂಟೆಗಳ ಕಾಲ ನೆನೆಸಿ. ನೆನೆಸುವಾಗ ೧/೪ ಚಮಚದಷ್ಟು ಉಪ್ಪು ಹಾಕಿ ನೆನೆಸಿ. 
2. ಸೌತೆಕಾಯಿಯನ್ನು ಸಣ್ಣಗೆ ಕೊಚ್ಚಿಟ್ಟುಕೊಳ್ಳಿ.
3. ಒಂದು ಬಟ್ಟಲಿನಲ್ಲಿ ನೆನೆಸಿದ ಕಡ್ಲೆಬೇಳೆ, ಕೊಚ್ಚಿದ ಸೌತೆಕಾಯಿ ಮತ್ತು ತೆಂಗಿನ ತುರಿಯನ್ನು ತೆಗೆದು ಕೊಳ್ಳಿ. 
4. ಸ್ವಲ್ಪ ಉಪ್ಪು ಹಾಕಿ. ಬೇಕಾದಲ್ಲಿ ಹಸಿರುಮೆಣಸಿನಕಾಯಿ ಮತ್ತು ಕೊತ್ತಂಬರಿ ಸೊಪ್ಪು ಸೇರಿಸಿ. 
5. ನಂತರ ಒಣ ಮೆಣಸಿನಕಾಯಿ ಮತ್ತು ಸಾಸಿವೆಯ ಒಗ್ಗರಣೆ ಕೊಡಿ. ಚೆನ್ನಾಗಿ ಕಲಸಿ ಬಡಿಸಿ.

To see step by step pictures click here (ಹಂತ ಹಂತವಾದ ಚಿತ್ರ ವೀಕ್ಷಿಸಲು ಇಲ್ಲಿ ಕ್ಲಿಕ್ಕಿಸಿ)

Avalakki unde recipe in Kannada | ಅವಲಕ್ಕಿ ಉಂಡೆ ಮಾಡುವ ವಿಧಾನ

Avalakki unde recipe in Kannada | ಅವಲಕ್ಕಿ ಉಂಡೆ ಮಾಡುವ ವಿಧಾನ 

ಬೇಕಾಗುವ ಪದಾರ್ಥಗಳು: ( ಅಳತೆ ಕಪ್ = 240 ಎಂಎಲ್ )

1. 1 ಕಪ್ ಮೀಡಿಯಂ ಅವಲಕ್ಕಿ 
2. 1/4 ಕಪ್ ಸಕ್ಕರೆ 
3. 1/2 ಕಪ್ ಕೊಬ್ಬರಿ ತುರಿ
4. 2 - 3 ಟೇಬಲ್ ಕುದಿಸಿದ ಹಾಲು
5. 2 ಟೇಬಲ್ ಚಮಚ ತುಪ್ಪ
6. 4 - 5 ಗೋಡಂಬಿ ಚೂರು ಮಾಡಿದ್ದು (ಬೇಕಾದಲ್ಲಿ)
7. 1 ಟೇಬಲ್ ಚಮಚ ಒಣ ದ್ರಾಕ್ಷಿ
8. ಒಂದು ದೊಡ್ಡ ಚಿಟಿಕೆ ಏಲಕ್ಕಿ ಪುಡಿ

ಅವಲಕ್ಕಿ ಉಂಡೆ ಮಾಡುವ ವಿಧಾನ:

1. ಬಾಣಲೆಗೆ ತುಪ್ಪ ಹಾಕಿ ದ್ರಾಕ್ಷಿ ಮತ್ತು ಗೋಡಂಬಿ ಹುರಿದು ಎತ್ತಿಡಿ. 
2. ನಂತರ ಅದೇ ಬಾಣಲೆಗೆ ಅವಲಕ್ಕಿಯನ್ನು ಹಾಕಿ ಸ್ವಲ್ಪ ಕಂದು ಬಣ್ಣಕ್ಕೆ ತಿರುಗುವವರೆಗೆ ಮಧ್ಯಮ ಉರಿಯಲ್ಲಿ ಹುರಿಯಿರಿ. 
3. ನಂತರ ತೆಂಗಿನ ತುರಿಯನ್ನು ಸೇರಿಸಿ ಒಂದು ನಿಮಿಷ ಹುರಿಯಿರಿ. ಬಿಸಿ ಆರಲು ಬಿಡಿ. 
4. ಸಕ್ಕರೆಯನ್ನು ಮಿಕ್ಸಿಯಲ್ಲಿ ಪುಡಿ ಮಾಡಿ. 
5. ಹುರಿದ ಅವಲಕ್ಕಿ ಮತ್ತುಕೊಬ್ಬರಿ ತುರಿಯನ್ನು ಹಾಕಿ ಪುಡಿ ಮಾಡಿ. 
6. ಒಂದು ಬಟ್ಟಲಿಗೆ ಹಾಕಿ. ಏಲಕ್ಕಿ ಪುಡಿ ಮತ್ತು ಹಾಲನ್ನು ಚಿಮುಕಿಸಿ ಚೆನ್ನಾಗಿ ಕಲಸಿ. 
7. ಉಂಡೆಗಳನ್ನು ಮಾಡಿ. ಸವಿದು ಆನಂದಿಸಿ.

To see step by step pictures click here (ಹಂತ ಹಂತವಾದ ಚಿತ್ರ ವೀಕ್ಷಿಸಲು ಇಲ್ಲಿ ಕ್ಲಿಕ್ಕಿಸಿ)

Modaka karigadubu recipe in Kannada | ಮೋದಕ ಕರಿಗಡುಬು ಮಾಡುವ ವಿಧಾನ

Modaka karigadubu recipe in Kannada | ಮೋದಕ ಕರಿಗಡುಬು ಮಾಡುವ ವಿಧಾನ 

 ಕಣಕಕ್ಕೆ ಬೇಕಾಗುವ ಪದಾರ್ಥಗಳು: ( ಅಳತೆ ಕಪ್ = 240 ಎಂಎಲ್ )

1. 1/2 ಕಪ್ ಮೈದಾ ಹಿಟ್ಟು 
2. 2 ಟೀಸ್ಪೂನ್ ತುಪ್ಪ 
3. ಚಿಟಿಕೆ ಅರಿಶಿನ
4. ನೀರು ಹಿಟ್ಟು ಕಲಸಲು
5. 1/4 ಟೀಸ್ಪೂನ್ ಉಪ್ಪು

 ಹೂರಣಕ್ಕೆ ಬೇಕಾಗುವ ಪದಾರ್ಥಗಳು: ( ಅಳತೆ ಕಪ್ = 240 ಎಂಎಲ್ )

1. 1/2 ಕಪ್ ತೆಂಗಿನ ತುರಿ
2. 1/4 ಕಪ್ ಸಕ್ಕರೆ
3. 1 ಏಲಕ್ಕಿ

ಮೋದಕ ಕರಿಗಡುಬು ಮಾಡುವ ವಿಧಾನ:

1. ಒಂದು ಬಟ್ಟಲಿನಲ್ಲಿ ಮೈದಾ ಹಿಟ್ಟು, ಅರಿಶಿನ, ತುಪ್ಪ ಮತ್ತು ಉಪ್ಪನ್ನು ತೆಗೆದುಕೊಳ್ಳಿ. 
2. ಚೆನ್ನಾಗಿ ತಿಕ್ಕಿ ಕಲಸಿ. 
3. ನಂತ್ರ ನೀರನ್ನು ಸ್ವಲ್ಪ ಸ್ವಲ್ಪವಾಗಿ ಸೇರಿಸುತ್ತ ಗಟ್ಟಿಯಾದ ಹಿಟ್ಟನ್ನು ಸಿದ್ಧಮಾಡಿ. ಹಿಟ್ಟು ಚಪಾತಿ ಹಿಟ್ಟಿಗಿಂತ ತುಂಬ ಗಟ್ಟಿಯಿರಬೇಕು. ಮುಚ್ಚಿ ೨೦ ನಿಮಿಷ ಪಕ್ಕಕ್ಕಿಡಿ. 
4. ಮಿಕ್ಸಿ ಜಾರಿಗೆ ತೆಂಗಿನ ತುರಿ ಹಾಕಿ ಪುಡಿ ಮಾಡಿಕೊಳ್ಳಿ. 
5. ಅದಕ್ಕೆ ಸಕ್ಕರೆ ಮತ್ತು ಏಲಕ್ಕಿ ಪುಡಿ ಸೇರಿಸಿ, ಮಧ್ಯಮ ಉರಿಯಲ್ಲಿ ನೀರಾರುವವರೆಗೆ ಮಗುಚಿ.  
6. ಈಗ ಕಲಸಿದ ಹಿಟ್ಟನ್ನು ಇನ್ನೊಮ್ಮೆ ಚೆನ್ನಾಗಿ ನಾದಿ, ಒಂದು ಸಣ್ಣ ನೆಲ್ಲಿಕಾಯಿ ಗಾತ್ರದ ಹಿಟ್ಟನ್ನು ತೆಗೆದುಕೊಳ್ಳಿ. 
7. ವೃತ್ತಾಕಾರವಾಗಿ ಲಟ್ಟಿಸಿ. ಸಾಧ್ಯವಾದಷ್ಟು ತೆಳ್ಳಗೆ ಲಟ್ಟಿಸಿ. 
8. ಮಧ್ಯದಲ್ಲಿ ಹೂರಣ ಇಟ್ಟು, ಮೋದಕದಂತೆ ಅಥವಾ ಕರ್ಜಿಕಾಯಿಯಂತೆ ಮಾಡಿ. ಕರಿಗಡುಬು ಕರ್ಜಿಕಾಯಿಗಿಂತ ಸ್ವಲ್ಪ ಚಿಕ್ಕದಾಗಿರುತ್ತದೆ. 
9. ಬಾಣಲೆಯಲ್ಲಿ ಎಣ್ಣೆ ಬಿಸಿ ಮಾಡಿ.
10. ಮೋದಕ ಮತ್ತು ಕರಿಗಡುಬುಗಳನ್ನು ಸಣ್ಣ-ಮಧ್ಯಮ ಉರಿಯಲ್ಲಿ ಸಟ್ಟುಗದಿಂದ ಎಣ್ಣೆ ಹಾರಿಸುತ್ತ ಕಾಯಿಸಿ. ಬಿಸಿ ಆರಿದ ಮೇಲೆ ಗಲಿ ಆಡದ ಡಬ್ಬದಲ್ಲಿ ಹಾಕಿ ಎತ್ತಿಡಿ. 

To see step by step pictures click here (ಹಂತ ಹಂತವಾದ ಚಿತ್ರ ವೀಕ್ಷಿಸಲು ಇಲ್ಲಿ ಕ್ಲಿಕ್ಕಿಸಿ)

Karjikai recipe in Kannada | ಕರ್ಜಿಕಾಯಿ ಮಾಡುವ ವಿಧಾನ

Karjikai recipe in Kannada | ಕರ್ಜಿಕಾಯಿ ಮಾಡುವ ವಿಧಾನ 

 ಕಣಕಕ್ಕೆ ಬೇಕಾಗುವ ಪದಾರ್ಥಗಳು: ( ಅಳತೆ ಕಪ್ = 240 ಎಂಎಲ್ )

1. 1/2 ಕಪ್ ಮೈದಾ ಹಿಟ್ಟು 
2. 1 ಟೇಬಲ್ ಚಮಚ ಚಿರೋಟಿ ರವೆ (ಗರಿ ಗರಿ ಕರ್ಜಿಕಾಯಿ ಬೇಕಾದಲ್ಲಿ)
3. 2 ಟೀಸ್ಪೂನ್ ತುಪ್ಪ 
4. ಚಿಟಿಕೆ ಅರಿಶಿನ
5. ಹಾಲು ಅಥವಾ ನೀರು, ಹಿಟ್ಟು ಕಲಸಲು
6. 1/4 ಟೀಸ್ಪೂನ್ ಉಪ್ಪು

 ಹೂರಣಕ್ಕೆ ಬೇಕಾಗುವ ಪದಾರ್ಥಗಳು: ( ಅಳತೆ ಕಪ್ = 240 ಎಂಎಲ್ )

1. 1/4 ಕಪ್ ತೆಂಗಿನ ತುರಿ
2. 1/4 ಕಪ್ ಹುರಿಗಡಲೆ ಅಥವಾ ಹುರಿದ ಶೇಂಗಾ ಅಥವಾ (ಗೇರುಬೀಜ+ಬಾದಾಮಿ)
3. 1/4 ಕಪ್ ಸಕ್ಕರೆ
4. 1 ಏಲಕ್ಕಿ
5. 2 ಟೀಸ್ಪೂನ್ ಗಸಗಸೆ

ಕರ್ಜಿಕಾಯಿ ಮಾಡುವ ವಿಧಾನ:

1. ಒಂದು ಬಟ್ಟಲಿನಲ್ಲಿ ಮೈದಾ ಹಿಟ್ಟು, ಚಿರೋಟಿ ರವೆ (ಬೇಕಾದಲ್ಲಿ), ಅರಿಶಿನ ಮತ್ತು ಉಪ್ಪನ್ನು ತೆಗೆದುಕೊಳ್ಳಿ. 
2. ಅದಕ್ಕೆ ೨ ಚಮಚ ತುಪ್ಪವನ್ನು ಬಿಸಿ ಮಾಡಿ ಹಾಕಿ. 
3. ಚೆನ್ನಾಗಿ ತಿಕ್ಕಿ ಕಲಸಿ. 
4. ನಂತ್ರ ಹಾಲು ಅಥವಾ ನೀರನ್ನು ಸ್ವಲ್ಪ ಸ್ವಲ್ಪವಾಗಿ ಸೇರಿಸುತ್ತ ಗಟ್ಟಿಯಾದ ಹಿಟ್ಟನ್ನು ಸಿದ್ಧಮಾಡಿ. ಹಿಟ್ಟು ಚಪಾತಿ ಹಿಟ್ಟಿಗಿಂತ ತುಂಬ ಗಟ್ಟಿಯಿರಬೇಕು. ಮುಚ್ಚಿ ೨೦ ನಿಮಿಷ ಪಕ್ಕಕ್ಕಿಡಿ. 
5. ಮಿಕ್ಸಿ ಜಾರಿಗೆ ಹುರಿಗಡಲೆ (ಅಥವಾ ಹುರಿದ ನೆಲಗಡಲೆ), ಸಕ್ಕರೆ ಮತ್ತು ಏಲಕ್ಕಿ ಹಾಕಿ ಸಣ್ಣ ಪುಡಿ ಮಾಡಿ. 
6. ಅದಕ್ಕೆ ಕೊಬ್ಬರಿ ತುರಿ ಮತ್ತು ಗಸಗಸೆ ಸೇರಿಸಿ ಕಲಸಿ ಪಕ್ಕಕ್ಕಿಡಿ. ಹೂರಣ ತಯಾರಾಯಿತು.  
7. ಈಗ ಕಲಸಿದ ಹಿಟ್ಟನ್ನು ಇನ್ನೊಮ್ಮೆ ಚೆನ್ನಾಗಿ ನಾದಿ, ಒಂದು ಸಣ್ಣ ನೆಲ್ಲಿಕಾಯಿ ಗಾತ್ರದ ಹಿಟ್ಟನ್ನು ತೆಗೆದುಕೊಳ್ಳಿ. 
8. ವೃತ್ತಾಕಾರವಾಗಿ ಲಟ್ಟಿಸಿ. ಸಾಧ್ಯವಾದಷ್ಟು ತೆಳ್ಳಗೆ ಲಟ್ಟಿಸಿ. 
9. ಮಧ್ಯದಲ್ಲಿ ಹೂರಣ ಇಟ್ಟು, ಮಡಿಸಿ, ಅಂಚುಗಳನ್ನು ಒತ್ತಿ ಅಂಟಿಸಿ. ಕರ್ಜಿಕಾಯಿ ಅಚ್ಚಿದ್ದರೆ ಸುಲಭ. ನಾನು ಫೋರ್ಕ್ ಬಳಸಿ ಅಂಚನ್ನು ಅಂಟಿಸಿದೆ. ಚೆನ್ನಾಗಿ ಅಂಟಿಸಬೇಕು. ಇಲ್ಲವಾದಲ್ಲಿ ಎಣ್ಣೆಯಲ್ಲಿ ಕಾಯಿಸುವಾಗ ಅಂಚು ಬಿಡಬಹುದು.
10. ಬಾಣಲೆಯಲ್ಲಿ ಎಣ್ಣೆ ಬಿಸಿ ಮಾಡಿ.
11. ಕರ್ಜಿಕಾಯಿಗಳನ್ನು ಸಣ್ಣ ಉರಿಯಲ್ಲಿ ಕಾಯಿಸಿ. ಕಣ್ಣು ಸಟ್ಟುಗದಿಂದ ಎಣ್ಣೆ ಹಾರಿಸುತ್ತ ಕಾಯಿಸಿದಲ್ಲಿ ಕರ್ಜಿಕಾಯಿ ಚೆನ್ನಾಗಿ ಕಾಯುವುದು. 

To see step by step pictures click here (ಹಂತ ಹಂತವಾದ ಚಿತ್ರ ವೀಕ್ಷಿಸಲು ಇಲ್ಲಿ ಕ್ಲಿಕ್ಕಿಸಿ)

Sabakki payasa recipe in Kannada | ಸಾಬಕ್ಕಿ ಪಾಯಸ ಮಾಡುವ ವಿಧಾನ

Sabakki payasa recipe in Kannada | ಸಾಬಕ್ಕಿ ಪಾಯಸ ಮಾಡುವ ವಿಧಾನ 

ಬೇಕಾಗುವ ಪದಾರ್ಥಗಳು: (ಅಳತೆ ಕಪ್ = 240 ಎಂ ಎಲ್)

1. 1/4 ಕಪ್ ಸಾಬಕ್ಕಿ
2. 2.5 ಕಪ್ ಹಾಲು
3. 1.5 ಕಪ್ ನೀರು
4. 1/4 ಕಪ್ ಸಕ್ಕರೆ
5. 2 ಟೀಸ್ಪೂನ್ ತುಪ್ಪ
6. 5-6 ಗೋಡಂಬಿ
7. 8-10 ಒಣದ್ರಾಕ್ಷಿ
8. ಚಿಟಿಕೆ ಕೇಸರಿ (ಬೇಕಾದಲ್ಲಿ)
9. ಒಂದು ಚಿಟಿಕೆ ಏಲಕ್ಕಿ ಪುಡಿ

ಸಾಬಕ್ಕಿ ಪಾಯಸ ಮಾಡುವ ವಿಧಾನ:

1. ಒಂದು ಪಾತ್ರೆಯಲ್ಲಿ ಸಾಬಕ್ಕಿಯನ್ನು ಅರ್ಧ ಲೋಟ ನೀರಿನಲ್ಲಿ ನೆನೆಸಿಡಿ. 
2. ಇನ್ನೊಂದು ಪಾತ್ರೆಯಲ್ಲಿ ಹಾಲನ್ನು ಕುದಿಯಲು ಇಡಿ. 
3. ಸಾಬಕ್ಕಿ ನೆನೆದ ನಂತರ ಮತ್ತೊಂದು ಪಾತ್ರೆಯಲ್ಲಿ 1 ಕಪ್ ನೀರನ್ನು ಕುದಿಯಲು ಇಡಿ. 
4. ಅದಕ್ಕೆ ನೆನೆಸಿದ ಸಾಬಕ್ಕಿ ಹಾಕಿ. ಆಗಾಗ್ಯೆ ಮಗುಚುತ್ತಾ ಸಣ್ಣ ಉರಿಯಲ್ಲಿ ಬೇಯಿಸಿ. 
5. ಮುಕ್ಕಾಲುವಾಸಿ ಬೆಂದಾಗ ಕುದಿಸಿದ ಹಾಲು ಹಾಕಿ. 
6. ಸಾಬಕ್ಕಿ ಪಾರದರ್ಶಕವಾಗುವವರೆಗೆ ಸಣ್ಣ ಉರಿಯಲ್ಲಿ ಬೇಯಿಸಿ. ಆಗಾಗ್ಯೆ ಮಗುಚುತ್ತಾ ಇರಿ. ಬೇಕಾದಲ್ಲಿ ನೀರು ಅಥವಾ ಹಾಲನ್ನು ಸೇರಿಸಿ.
7. ನಂತರ ಸಕ್ಕರೆ ಸೇರಿಸಿ.  ಗಮನಿಸಿ ಸಕ್ಕರೆ ಹಾಕಿದ ಮೇಲೆ ಸಾಬಕ್ಕಿ ಬೇಯುವುದಿಲ್ಲ. 
8. ಸಕ್ಕರೆ ಕರಗಿದ ಮೇಲೆ ತುಪ್ಪದಲ್ಲಿ ಹುರಿದ ಗೋಡಂಬಿ ಮತ್ತು ಒಣದ್ರಾಕ್ಷಿಯನ್ನು ಸೇರಿಸಿ. ಏಲಕ್ಕಿ ಪುಡಿಯನ್ನು ಸೇರಿಸಿ. ಸ್ಟವ್ ಸ್ಟೋವ್ ಆಫ್ ಮಾಡಿ. 
9. ರುಚಿಕರ ಪಾಯಸವನ್ನು ಬಿಸಿ ಅಥವಾ ತಣ್ಣಗೆ ಸವಿಯಿರಿ.

To see step by step pictures click here (ಹಂತ ಹಂತವಾದ ಚಿತ್ರ ವೀಕ್ಷಿಸಲು ಇಲ್ಲಿ ಕ್ಲಿಕ್ಕಿಸಿ)

Capsicum menaskai recipe in Kannada | ದೊಣ್ಣೆಮೆಣಸು ಮೆಣಸ್ಕಾಯಿ ಮಾಡುವ ವಿಧಾನ

Capsicum menaskai recipe in Kannada | ದೊಣ್ಣೆಮೆಣಸು ಮೆಣಸ್ಕಾಯಿ ಮಾಡುವ ವಿಧಾನ 

ಪದಾರ್ಥಗಳು: ( ಅಳತೆ ಕಪ್ = 240 ಎಂಎಲ್ )

1. 2 ಮಧ್ಯಮ ಗಾತ್ರದ ದೊಣ್ಣೆಮೆಣಸು
2. 4 ಅಂಬಟೆ ಅಥವಾ ಅಮಟೆಕಾಯಿ ಅಥವಾ ನಿಂಬೆ ಗಾತ್ರದ ಹುಣಿಸೇಹಣ್ಣು
3. 1 ಚಿಟಿಕೆ ಅರಿಶಿನ ಪುಡಿ
4. ಬೆಲ್ಲ ದೊಡ್ಡ ನಿಂಬೆಹಣ್ಣಿನ ಗಾತ್ರ
5. 2 ಟೀಸ್ಪೂನ್ ಅಡುಗೆ ಎಣ್ಣೆ
6. ಉಪ್ಪು ರುಚಿಗೆ ತಕ್ಕಷ್ಟು.

ಅರೆಯಲು ಬೇಕಾಗುವ ಪದಾರ್ಥಗಳು - ವಿಧಾನ ೧: ( ಅಳತೆ ಕಪ್ = 240 ಎಂಎಲ್ )

1. 1 ಟೀಸ್ಪೂನ್ ಕೊತ್ತಂಬರಿ ಬೀಜ
2. 3 - 6 ಒಣ ಮೆಣಸಿನಕಾಯಿ
3. 1 ಕಪ್ ತೆಂಗಿನ ತುರಿ
4. 1/4 ಟೀಸ್ಪೂನ್ ಮೆಂತ್ಯ
5. 3 ಟೀಸ್ಪೂನ್ ಎಳ್ಳು
6. 1 ಟೀಸ್ಪೂನ್ ಅಡುಗೆ ಎಣ್ಣೆ

ಅರೆಯಲು ಬೇಕಾಗುವ ಪದಾರ್ಥಗಳು - ವಿಧಾನ ೨: ( ಅಳತೆ ಕಪ್ = 240 ಎಂಎಲ್ )

1. 1 ಟೀಸ್ಪೂನ್ ಉದ್ದಿನ ಬೇಳೆ
2. 3 - 6 ಒಣ ಮೆಣಸಿನಕಾಯಿ
3. 1 ಕಪ್ ತೆಂಗಿನ ತುರಿ
4. 1/4 ಟೀಸ್ಪೂನ್ ಮೆಂತ್ಯ
5. 3 ಟೀಸ್ಪೂನ್ ಎಳ್ಳು
6. 1 ಟೀಸ್ಪೂನ್ ಅಡುಗೆ ಎಣ್ಣೆ

ಒಗ್ಗರಣೆಗೆ ಬೇಕಾಗುವ ಪದಾರ್ಥಗಳು:

1. 1/2 ಟೀಸ್ಪೂನ್ ಸಾಸಿವೆ
2. 1 ಒಣಮೆಣಸಿನಕಾಯಿ (ಬೇಕಾದಲ್ಲಿ)
3. 4 - 5 ಕರಿಬೇವಿನ ಎಲೆ
4. 4 ಟೀಸ್ಪೂನ್ ಅಡುಗೆ ಎಣ್ಣೆ

ದೊಣ್ಣೆಮೆಣಸು ಮೆಣಸ್ಕಾಯಿ ಮಾಡುವ ವಿಧಾನ:

1. ಕ್ಯಾಪ್ಸಿಕಂ ಅಥವಾ ದೊಣ್ಣೆಮೆಣಸನ್ನು ತೊಳೆದು ಸಣ್ಣಗೆ ಕತ್ತರಿಸಿಕೊಳ್ಳಿ. ಅಮಟೆಕಾಯಿಯನ್ನು ಕತ್ತರಿಸಿ. 
2. ಅಮಟೆಕಾಯಿ ಇಲ್ಲವಾದಲ್ಲಿ 1/2 ಕಪ್ ನೀರಿನಲ್ಲಿ ಹುಣಸೆ ಹಣ್ಣನ್ನು ನೆನೆಸಿ ರಸ ತೆಗೆದಿಟ್ಟುಕೊಳ್ಳಿ. 
3. ಒಂದು ಬಾಣಲೆಯನ್ನು ತೆಗೆದುಕೊಂಡು ಅದರಲ್ಲಿ ಎಳ್ಳನ್ನು ಹುರಿದು ತೆಗೆದಿಡಿ. 
4. ನಂತರ ಅದೇ ಬಾಣಲೆಗೆ 1 ಚಮಚ ಎಣ್ಣೆ ಹಾಕಿ. ನಂತರ (ಉದ್ದಿನ ಬೇಳೆ + ಮೆಂತೆ + ಒಣಮೆಣಸು) ಅಥವಾ (ಕೊತ್ತಂಬರಿ ಬೀಜ + ಮೆಂತೆ + ಒಣಮೆಣಸು) ಹಾಕಿ ಮಧ್ಯಮ ಉರಿಯಲ್ಲಿ ಹುರಿದು ತೆಗೆದಿಡಿ. ಉದ್ದಿನಬೇಳೆ ಅಥವಾ ಕೊತ್ತಂಬರಿ ಯಾವುದು ಹಾಕಿದರೂ ರುಚಿ ಅಷ್ಟು ವ್ಯತ್ಯಾಸ ಬರುವುದಿಲ್ಲ. 
5.  ನಂತರ ಅದೇ ಬಾಣಲೆಗೆ 2 ಚಮಚ ಎಣ್ಣೆ ಹಾಕಿ,ಕತ್ತರಿಸಿದ ದೊಣ್ಣೆಮೆಣಸು ಮತ್ತು ಅಮಟೆಕಾಯಿ ಹಾಕಿ, ಒಂದೆರಡು ನಿಮಿಷ ಹುರಿಯಿರಿ. 
6. ನಂತರ ಅರಿಶಿನ, ಉಪ್ಪು, ಬೆಲ್ಲ ಮತ್ತು ನೀರು ಹಾಕಿ. ಹುಣಿಸೆಹಣ್ಣಿನ ರಸ ಹಾಕುವುದಾದಲ್ಲಿ ನೀರು ಹಾಕುವುದು ಬೇಡ. ಮುಚ್ಚಳ ಮುಚ್ಚಿ ಮೆತ್ತಗಾಗುವವರೆಗೆ ಬೇಯಿಸಿ. 
7. ಮಿಕ್ಸಿ ಜಾರ್ಗೆ ತೆಂಗಿನತುರಿ ಮತ್ತು ಹುರಿದ ಪದಾರ್ಥಗಳನ್ನು ಹಾಕಿ ಅರೆಯಿರಿ. 
8. ಬೇಯಿಸಿದ ದೊಣ್ಣೆಮೆಣಸಿಗೆ ಅರೆದ ಮಸಾಲೆ ಸೇರಿಸಿ. ಬೇಕಾದಲ್ಲಿ ಉಪ್ಪು, ಹುಳಿ ಮತ್ತು ಬೆಲ್ಲ ಹೊಂದಿಸಿ. ಬೇಕಾದಷ್ಟು ನೀರು ಸೇರಿಸಿ, ಒಂದು ಕುದಿ ಕುದಿಸಿ.  
9. ನಂತರ ಎಣ್ಣೆ, ಒಣಮೆಣಸು, ಸಾಸಿವೆ ಮತ್ತು ಕರಿಬೇವಿನ ಸೊಪ್ಪಿನ ಒಗ್ಗರಣೆ ಮಾಡಿ. ಅನ್ನ ಅಥವಾ ಚಪಾತಿ ಜೊತೆ ಬಡಿಸಿ.

To see step by step pictures click here (ಹಂತ ಹಂತವಾದ ಚಿತ್ರ ವೀಕ್ಷಿಸಲು ಇಲ್ಲಿ ಕ್ಲಿಕ್ಕಿಸಿ)

Menthe soppu dose recipe in Kannada | ಮೆಂತೆ ಸೊಪ್ಪು ದೋಸೆ ಮಾಡುವ ವಿಧಾನ

Menthe soppu dose recipe in Kannada | ಮೆಂತೆ ಸೊಪ್ಪು ದೋಸೆ ಮಾಡುವ ವಿಧಾನ 

ಬೇಕಾಗುವ ಪದಾರ್ಥಗಳು: ( ಅಳತೆ ಕಪ್ = 240 ಎಂಎಲ್ )

1. 1 ಕಪ್ ದೋಸೆ ಅಕ್ಕಿ
2. 1/2 ಕಟ್ಟು ಅಥವಾ 1.5 ಕಪ್ ಕತ್ತರಿಸಿದ ಮೆಂತೆ ಸೊಪ್ಪು
3. 1/4 ಕಪ್ ತೆಂಗಿನ ತುರಿ
4. 1 ಟೀಸ್ಪೂನ್ ಕೊತ್ತಂಬರಿ ಬೀಜ 
5. 1/2 ಟೀಸ್ಪೂನ್ ಜೀರಿಗೆ 
6. 2 ಕೆಂಪು ಮೆಣಸಿನಕಾಯಿ 
7. ಸಣ್ಣ ಗೋಲಿ ಗಾತ್ರದ ಹುಣಸೆ ಹಣ್ಣು 
8. 1 ಟೀಸ್ಪೂನ್ ಬೆಲ್ಲ (ಬೇಕಾದಲ್ಲಿ) 
9. ಉಪ್ಪು ರುಚಿಗೆ ತಕ್ಕಷ್ಟು

ಮೆಂತೆ ಸೊಪ್ಪು ದೋಸೆ ಮಾಡುವ ವಿಧಾನ:

1. ಮೆಂತೆ ಸೊಪ್ಪನ್ನು ಆಯ್ದು, ತೊಳೆದು, ಸಣ್ಣಗೆ ಕತ್ತರಿಸಿ. 
2. ಅಕ್ಕಿಯನ್ನು ತೊಳೆದು 4 - 5 ಗಂಟೆಗಳ ಕಾಲ ನೀರಿನಲ್ಲಿ ನೆನೆಸಿ.
3. ನಂತರ ನೀರನ್ನು ಬಗ್ಗಿಸಿ, ತೆಂಗಿನ ತುರಿ, ಕೊತ್ತಂಬರಿ ಬೀಜ, ಜೀರಿಗೆ, ಕೆಂಪು ಮೆಣಸಿನಕಾಯಿ, ಬೆಲ್ಲ ಮತ್ತು ಹುಣಸೆ ಹಣ್ಣು ಹಾಕಿ ಮಿಕ್ಸರ್ ಗ್ರೈಂಡರ್ ನಲ್ಲಿ ನಯವಾಗಿ ಅರೆಯಿರಿ. 
4. ಅರೆದ ಮೇಲೆ ಒಂದು ಪಾತ್ರೆಗೆ ಹಾಕಿ. ಈಗ ರುಚಿಗೆ ತಕ್ಕಷ್ಟು ಉಪ್ಪು ಸೇರಿಸಿ. 
5.  ಕತ್ತರಿಸಿದ ಮೆಂತೆ ಸೊಪ್ಪು ಸೇರಿಸಿ ಕಲಸಿ. 
6. ಮತ್ತು ಅಗತ್ಯವಿದ್ದಷ್ಟು ನೀರು ಸೇರಿಸಿ. ಹಿಟ್ಟು ನೀರು ದೋಸೆ ಅಥವಾ ರವೇ ದೋಸೆ ಹಿಟ್ಟಿಗಿಂತ ಸ್ವಲ್ಪ ದಪ್ಪ ಇರಲಿ. 
7. ದೋಸೆ ಕಲ್ಲು ಅಥವಾ ಹಂಚನ್ನು ಬಿಸಿ ಮಾಡಿ. ಒಂದು ಸೌಟು ದೋಸೆ ಹಿಟ್ಟನ್ನು ಸೌಟಿನಿಂದ ಸುರಿದು ದೋಸೆ ಮಾಡಿ. 
8. ಸುಮಾರು 10 ಸೆಕೆಂಡುಗಳ ಕಾಲ ಮುಚ್ಚಳವನ್ನು ಮುಚ್ಚಿ. ನಂತರ ಮುಚ್ಚಳ ತೆರೆದು, ಮೇಲಿನಿಂದ ಎಣ್ಣೆ ಅಥವಾ ತುಪ್ಪ ಹಾಕಿ. 
9. ದೋಸೆಯನ್ನು ಮಗುಚಿ ಇನ್ನೊಂದು ಬದಿ ಕಾಯಿಸಿ. ಬಿಸಿ ಬಿಸಿ ದೋಸೆಯನ್ನು ಬೆಣ್ಣೆ ಮತ್ತು ಚಟ್ನಿಯೊಂದಿಗೆ ಬಡಿಸಿ. 

To see step by step pictures click here (ಹಂತ ಹಂತವಾದ ಚಿತ್ರ ವೀಕ್ಷಿಸಲು ಇಲ್ಲಿ ಕ್ಲಿಕ್ಕಿಸಿ)

Mysore style kodubale recipe in Kannada | ಕೋಡುಬಳೆ ಮಾಡುವ ವಿಧಾನ

Mysore style kodubale recipe in Kannada | ಕೋಡುಬಳೆ ಮಾಡುವ ವಿಧಾನ

ಬೇಕಾಗುವ ಪದಾರ್ಥಗಳು:( ಅಳತೆ ಕಪ್ = 240 ಎಂಎಲ್ )

1. 1 ಕಪ್ ಅಕ್ಕಿ ಹಿಟ್ಟು 
2. 1/4 ಕಪ್ ಹುರಿಗಡಲೆ ಅಥವಾ ಪುಟಾಣಿ
3. 1/4 ಕಪ್ ಚಿರೋಟಿ ರವೇ ಅಥವಾ ಮೈದಾ ಹಿಟ್ಟು
4. 1/4 ಕಪ್ ತೆಂಗಿನ ತುರಿ 
5. 3 - 6 ಕೆಂಪು ಮೆಣಸಿನಕಾಯಿ ಅಥವಾ 1/2 ಟೀಸ್ಪೂನ್ ಅಚ್ಚ ಖಾರದ ಪುಡಿ
6. 1/2 ಟೀಸ್ಪೂನ್ ಓಂಕಾಳು
7. 1 ಟೀಸ್ಪೂನ್ ಉಪ್ಪು (ಅಥವಾ ನಿಮ್ಮ ರುಚಿಗೆ ತಕ್ಕಷ್ಟು)
8. ಒಂದು ದೊಡ್ಡ ಚಿಟಿಕೆ ಇಂಗು
9. 1 ಎಸಳು ಕರಿಬೇವು
10. 2.5 ಟೇಬಲ್ ಚಮಚ ಬಿಸಿ ಎಣ್ಣೆ
11. ಎಣ್ಣೆ ಕೋಡುಬಳೆ ಕಾಯಿಸಲು

ಕೋಡುಬಳೆ ಮಾಡುವ ವಿಧಾನ:

1. ಅಕ್ಕಿ ಹಿಟ್ಟು ಮತ್ತು ಚಿರೋಟಿ ರವೇ (ಅಥವಾ ಮೈದಾ ಹಿಟ್ಟ) ನ್ನು ಒಂದು ಬಾಣಲೆಗೆ ಹಾಕಿ ಸ್ವಲ್ಪ ಬಿಸಿಯಾಗುವವರೆಗೆ ಹುರಿಯಿರಿ.
2. ಹುರಿಗಡಲೆಯನ್ನು ಮಿಕ್ಸಿ ಜಾರಿಗೆ ಹಾಕಿ ಪುಡಿ ಮಾಡಿಕೊಳ್ಳಿ . 
3. ನಂತರ ತೆಂಗಿನ ತುರಿ, ಅಚ್ಚಖಾರದ ಪುಡಿ (ಅಥವಾ ಕೆಂಪು ಮೆಣಸಿನಕಾಯಿ), ಕರಿಬೇವು, ಇಂಗು ಮತ್ತು ಉಪ್ಪನ್ನು ಹಾಕಿ ಪುಡಿ ಮಾಡಿ. 
4. ಪುಡಿಮಾಡಿದ ಮಸಾಲೆಯನ್ನು ಹುರಿದ ಅಕ್ಕಿ ಹಿಟ್ಟು ಮತ್ತು ರವೇ (ಮೈದಾ ಹಿಟ್ಟು) ಇರುವ ಬಾಣಲೆಗೆ ಹಾಕಿ. ಕಲಸಿ. 
5. ನಂತ್ರ 2 ಟೇಬಲ್ ಚಮಚ ಬಿಸಿ ಎಣ್ಣೆಯನ್ನು ಹಾಕಿ, ಚೆನ್ನಾಗಿ ಒತ್ತಿ ಕಲಸಿ. 
6. ಕಲಸಿದ ಹಿಟ್ಟಿಗೆ ಸ್ವಲ್ಪ ಸ್ವಲ್ಪ ನೀರನ್ನು ಹಾಕುತ್ತ ಗಟ್ಟಿಯಾದ ಹಿಟ್ಟನ್ನು ಸಿದ್ಧ ಪಡಿಸಿಕೊಳ್ಳಿ. ಕೋಡುಬಳೆ ಮಾಡುವಷ್ಟು ಮೆತ್ತಗಿದ್ದರೆ ಸಾಕು.
7. ಈಗ ನೆಲ್ಲಿಕಾಯಿ ಗಾತ್ರದ ಹಿಟ್ಟು ತೆಗೆದು ಕೊಂಡು ಬಳೆಗಳನ್ನು ಮಾಡಿ. 
8. ಎಣ್ಣೆ ಬಿಸಿ ಮಾಡಿ ಕೋಡುಬಳೆಗಳನ್ನು ಸಣ್ಣ ಉರಿಯಲ್ಲಿ ಕಾಯಿಸಿ. ಸ್ವರ ಅಥವಾ ಗುಳ್ಳೆಗಳು ನಿಂತ ಮೇಲೆ ತೆಗೆಯಿರಿ. ಪ್ರತಿಸಲ ಕೋಡುಬಳೆ ಕಾಯಿಸುವ ಮೊದಲು ಎಣ್ಣೆ ಬಿಸಿ ಇರಲಿ. ನಂತರ ಸಣ್ಣ ಉರಿಯಲ್ಲಿ ಕಾಯಿಸಿ.

To see step by step pictures click here (ಹಂತ ಹಂತವಾದ ಚಿತ್ರ ವೀಕ್ಷಿಸಲು ಇಲ್ಲಿ ಕ್ಲಿಕ್ಕಿಸಿ)

Shankar poli or thukudi recipe in Kannada | ಶಂಕರ್ ಪೋಳಿ ಅಥವಾ ತುಕುಡಿ ಮಾಡುವ ವಿಧಾನ

Shankar poli or thukudi recipe in Kannada | ಶಂಕರ್ ಪೋಳಿ ಅಥವಾ ತುಕುಡಿ ಮಾಡುವ ವಿಧಾನ 

ಸಿಹಿ ಶಂಕರ್ ಪೋಳಿಗೆ ಬೇಕಾಗುವ ಪದಾರ್ಥಗಳು :( ಅಳತೆ ಕಪ್ = 240 ಎಂಎಲ್ )

1. 1 ಕಪ್ ಮೈದಾ ಹಿಟ್ಟು 
2. 1 ಟೀಸ್ಪೂನ್ ತುಪ್ಪ
3. 1/2 ಟೀಸ್ಪೂನ್ ಸಕ್ಕರೆ (ರುಚಿಗೆ ತಕ್ಕಂತೆ ಬದಲಾಯಿಸಿ)
4. ಉಪ್ಪು ರುಚಿಗೆ ತಕ್ಕಷ್ಟು
5. ಕರಿಯಲು ಎಣ್ಣೆ

ಖಾರ ಶಂಕರ್ ಪೋಳಿಗೆ ಬೇಕಾಗುವ ಪದಾರ್ಥಗಳು :( ಅಳತೆ ಕಪ್ = 240 ಎಂಎಲ್ )

1. 1 ಕಪ್ ಮೈದಾ ಹಿಟ್ಟು 
2. 1 ಟೀಸ್ಪೂನ್ ತುಪ್ಪ
3. 1/2 ಚಮಚ ಅಚ್ಚ ಖಾರದ ಪುಡಿ
4. ಉಪ್ಪು ರುಚಿಗೆ ತಕ್ಕಷ್ಟು
5. ಕರಿಯಲು ಎಣ್ಣೆ

ಶಂಕರ್ ಪೋಳಿ ಮಾಡುವ ವಿಧಾನ:

1. ಮೈದಾ ಹಿಟ್ಟನ್ನು ಜರಡಿ ಹಿಡಿದು, ಒಂದು ಪಾತ್ರೆಯಲ್ಲಿ ತೆಗೆದು ಕೊಳ್ಳಿ. 
2. ಬಿಸಿ ತುಪ್ಪ ಹಾಕಿ ಚೆನ್ನಾಗಿ ಕಲಸಿ.
3. ನಂತರ ಸಿಹಿ ಬೇಕಾದಲ್ಲಿ ಉಪ್ಪು ಮತ್ತು ಸಕ್ಕರೆ, ಖಾರ ಬೇಕಾದಲ್ಲಿ ಉಪ್ಪು ಮತ್ತು ಅಚ್ಚ ಖಾರದ ಪುಡಿ ಸೇರಿಸಿ. 
4. ಅಗತ್ಯವಿದ್ದಷ್ಟು ನೀರನ್ನು ಸ್ವಲ್ಪ ಸ್ವಲ್ಪವಾಗಿ ಸೇರಿಸುತ್ತ ಗಟ್ಟಿಯಾಗಿ ಕಲಸಿ. ಚಪಾತಿ ಹಿಟ್ಟಿಗಿಂತ ತುಂಬ ಗಟ್ಟಿಯಿರಬೇಕು. ಗರಿಗರಿಯಾದ ಶಂಕರಪೋಳಿ ಮಾಡಲು ಗಟ್ಟಿಯಾದ ಹಿಟ್ಟು ಕಲಸುವುದು ತುಂಬ ಮುಖ್ಯ. 
5. ದೊಡ್ಡ ನಿಂಬೆ ಹಣ್ಣಿನ ಗಾತ್ರದ ಉಂಡೆ ತೆಗೆದು ಕೊಂಡು ಲಟ್ಟಿಸಿ.
6. ವಜ್ರಕಾರವಾಗಿ ಕತ್ತರಿಸಿ. 
7. ಬಿಸಿಯಾದ ಎಣ್ಣೆಯಲ್ಲಿ ಹಾಕಿ ಸಣ್ಣ ಮಧ್ಯಮ ಉರಿಯಲ್ಲಿ ಕಾಯಿಸಿ. 
8. ಸ್ವರ ಅಥವಾ ಗುಳ್ಳೆಗಳು ನಿಂತ ಮೇಲೆ ತೆಗೆದು, ಬಿಸಿ ಆರಿದ ಮೇಲೆ ಸವಿದು ಆನಂದಿಸಿ. 

To see step by step pictures click here (ಹಂತ ಹಂತವಾದ ಚಿತ್ರ ವೀಕ್ಷಿಸಲು ಇಲ್ಲಿ ಕ್ಲಿಕ್ಕಿಸಿ)

Bellulli chitranna recipe in Kannada | ಬೆಳ್ಳುಳ್ಳಿ ಚಿತ್ರಾನ್ನ ಮಾಡುವ ವಿಧಾನ

Bellulli chitranna recipe in Kannada | ಬೆಳ್ಳುಳ್ಳಿ ಚಿತ್ರಾನ್ನ ಮಾಡುವ ವಿಧಾನ 

ಬೇಕಾಗುವ ಪದಾರ್ಥಗಳು: (ಅಳತೆ ಕಪ್ = 240 ಎಂ ಎಲ್)

1. 1 ಕಪ್ ಅಕ್ಕಿ (ಸೋನಾ ಮಸೂರಿ)
2. 1/4 ಕಪ್ ತೆಂಗಿನ ತುರಿ
3. 1 ಮಧ್ಯಮ ಗಾತ್ರದ ಬೆಳ್ಳುಳ್ಳಿ
4. 1 - 2 ಹಸಿರು ಮೆಣಸಿನಕಾಯಿ
5. 1/2 ಟೀಸ್ಪೂನ್ ಸಾಸಿವೆ
6. 2 ಟೇಬಲ್ ಸ್ಪೂನ್ ಶೇಂಗಾ / ಕಡಲೆಕಾಯಿ
7. 1 ಟೀಸ್ಪೂನ್ ಉದ್ದಿನ ಬೇಳೆ
8. 1 ಟೀಸ್ಪೂನ್ ಕಡ್ಲೆಬೇಳೆ
9. 1 ಟೀಸ್ಪೂನ್ ಉಪ್ಪು (ಅಥವಾ ನಿಮ್ಮ ರುಚಿ ಪ್ರಕಾರ)
10. 5 - 6 ಕರಿಬೇವಿನ ಎಲೆ
11. 2 ಟೀ ಚಮಚ ಸಣ್ಣಗೆ ಹೆಚ್ಚಿದ ಕೊತ್ತಂಬರಿ ಸೊಪ್ಪು
12. 1/4 ಟೀಸ್ಪೂನ್ ಅರಿಶಿನ ಪುಡಿ
13. 2 ಟೀಸ್ಪೂನ್ ನಿಂಬೆರಸ (ಬೇಕಾದಲ್ಲಿ)
14. 4 ಟೇಬಲ್ ಸ್ಪೂನ್ ಅಡುಗೆ ಎಣ್ಣೆ

ಬೆಳ್ಳುಳ್ಳಿ ಚಿತ್ರಾನ್ನ ಮಾಡುವ ವಿಧಾನ:

1. ಒಂದು ಕುಕ್ಕರ್ ನಲ್ಲಿ ಅಕ್ಕಿ ತೊಳೆದು ಅನ್ನ ಮಾಡಿಟ್ಟುಕೊಳ್ಳಿ. ಅನ್ನ ಸ್ವಲ್ಪ ಉದುರುದುರಾಗಿರಲಿ. 
2. ಬೆಳ್ಳುಳ್ಳಿ ಸಿಪ್ಪೆ ತೆಗೆದು ಸಣ್ಣಗೆ ಕತ್ತರಿಸಿಕೊಳ್ಳಿ. ಬೇಕಾದಲ್ಲಿ ಜಜ್ಜಿಯೂ ಹಾಕಬಹುದು. 
3. ಒಂದು ದೊಡ್ಡ ಬಾಣಲೆಯಲ್ಲಿ ಎಣ್ಣೆ ಬಿಸಿಮಾಡಿ. ಮೊದಲಿಗೆ ಶೇಂಗಾ ಅಥವಾ ಕಡಲೆಕಾಯಿಯನ್ನು ಹಾಕಿ.
4. ಕಡಲೆಕಾಯಿ ಸ್ವಲ್ಪ ಕಾದು ಸಿಡಿಯಲು ಪ್ರಾರಂಭಿಸಿದ ಕೂಡಲೇ ಸಾಸಿವೆ, ಕಡ್ಲೆಬೇಳೆ ಮತ್ತು ಉದ್ದಿನ ಬೇಳೆಯನ್ನು ಸೇರಿಸಿ.
5. ಸಾಸಿವೆ ಸಿಡಿದ ಕೂಡಲೇ ಹಸಿರು ಮೆಣಸಿನಕಾಯಿ ಮತ್ತು ಕರಿಬೇವು ಸೇರಿಸಿ ಹುರಿಯಿರಿ.
6. ನಂತರ ಸಣ್ಣಗೆ ಕತ್ತರಿಸಿದ ಬೆಳ್ಳುಳ್ಳಿ ಹಾಕಿ ಹುರಿಯಿರಿ.  
7.  ತೆಂಗಿನ ತುರಿ ಮತ್ತು ಅರಿಶಿನ ಪುಡಿ ಹಾಕಿ ಚೆನ್ನಾಗಿ ಕಲಸಿ. ಸ್ಟೋವ್ ಆಫ್ ಮಾಡಿ.
8. ನಂತರ ಬೇಯಿಸಿದ ಅನ್ನ, ಹೆಚ್ಚಿದ ಕೊತ್ತಂಬರಿ ಸೊಪ್ಪು ಮತ್ತು ಉಪ್ಪು ಸೇರಿಸಿ. 
9. ಬೇಕಾದಲ್ಲಿ ನಿಂಬೆರಸ ಸೇರಿಸಿ. 
10. ಒಂದು ಚಪ್ಪಟೆಯಾದ ಸಟ್ಟುಗದಿಂದ ಕಲಸಿ. ಬಿಸಿ-ಬಿಸಿ ಯಾಗಿರುವಾಗಲೇ ಬಡಿಸಿ.

To see step by step pictures click here (ಹಂತ ಹಂತವಾದ ಚಿತ್ರ ವೀಕ್ಷಿಸಲು ಇಲ್ಲಿ ಕ್ಲಿಕ್ಕಿಸಿ)

Pudina coconut chutney recipe in Kannada | ಪುದಿನ ತೆಂಗಿನಕಾಯಿ ಚಟ್ನಿ ಮಾಡುವ ವಿಧಾನ

Pudina coconut chutney recipe in Kannada | ಪುದಿನ ತೆಂಗಿನಕಾಯಿ ಚಟ್ನಿ ಮಾಡುವ ವಿಧಾನ 

ಬೇಕಾಗುವ ಪದಾರ್ಥಗಳು:( ಅಳತೆ ಕಪ್ = 240 ಎಂಎಲ್ )

1. 1 ಕಪ್ ತೆಂಗಿನ ತುರಿ 
2. 2 - 4 ಹಸಿರು ಮೆಣಸಿನಕಾಯಿ 
3. ಒಂದು ಸಣ್ಣ ಹಿಡಿ ಪುದಿನ ಸೊಪ್ಪು
4. ಸ್ವಲ್ಪ ಹುಣಿಸೆ ಹಣ್ಣು 
5. ಉಪ್ಪು ರುಚಿಗೆ ತಕ್ಕಷ್ಟು

ಒಗ್ಗರಣೆಗೆ ಬೇಕಾಗುವ ಪದಾರ್ಥಗಳು:

1. 1 ಟಿಸ್ಪೂನ್ ಎಣ್ಣೆ 
2. 4 ಕರಿಬೇವಿನ ಎಲೆ
3. 1/4 ಟಿಸ್ಪೂನ್ ಸಾಸಿವೆ 
4. ಒಂದು ಒಣ ಮೆಣಸು
5. ಒಂದು ಚಿಟಿಕೆ ಇಂಗು

ಪುದಿನ ತೆಂಗಿನಕಾಯಿ ಚಟ್ನಿ ಮಾಡುವ ವಿಧಾನ:

1. ಮಿಕ್ಸಿ ಜಾರಿಗೆ ತೆಂಗಿನ ತುರಿ, ಹುಣಿಸೆ ಹಣ್ಣು, ಹಸಿರುಮೆಣಸಿನ ಕಾಯಿ, ಪುದಿನ ಸೊಪ್ಪು ಮತ್ತು ಉಪ್ಪು ಹಾಕಿ. 
2. ಅಗತ್ಯವಿದ್ದಷ್ಟು ನೀರು ಸೇರಿಸಿ ನುಣ್ಣನೆ ಅರೆಯಿರಿ.
3. ಒಂದು ಬಟ್ಟಲಿಗೆ ತೆಗೆದು, ಸಾಸಿವೆ, ಕರಿಬೇವು, ಒಣ ಮೆಣಸು ಮತ್ತು ಇಂಗಿನ ಒಗ್ಗರಣೆ ಕೊಡಿ. ದೋಸೆ ಅಥವಾ ಇಡ್ಲಿಯೊಂದಿಗೆ ಬಡಿಸಿ.

To see step by step pictures click here (ಹಂತ ಹಂತವಾದ ಚಿತ್ರ ವೀಕ್ಷಿಸಲು ಇಲ್ಲಿ ಕ್ಲಿಕ್ಕಿಸಿ)

Menthe dose recipe in Kannada | ಮೆಂತೆ ದೋಸೆ ಮಾಡುವ ವಿಧಾನ

Menthe dose recipe in Kannada | ಮೆಂತೆ ದೋಸೆ ಮಾಡುವ ವಿಧಾನ 

ಮೆಂತೆ ದೋಸೆ ವಿಡಿಯೋ

ಬೇಕಾಗುವ ಪದಾರ್ಥಗಳು (ಅಳತೆ ಕಪ್ = 240 ಎಂಎಲ್ ):

1. 2 ಕಪ್ ದೋಸೆ ಅಕ್ಕಿ
2. 4 - 6 ಟೀಸ್ಪೂನ್ ಮೆಂತ್ಯ
3. ಎಣ್ಣೆ ದೋಸೆ ಮಾಡಲು
4. ಉಪ್ಪು ರುಚಿಗೆ ತಕ್ಕಷ್ಟು.

ಮೆಂತೆ ದೋಸೆ ಮಾಡುವ ವಿಧಾನ:

1. ಅಕ್ಕಿ  ಮತ್ತು ಮೆಂತೆಯನ್ನು ತೊಳೆದು 5-6 ಗಂಟೆಗಳ ಕಾಲ ನೆನೆಯಲು ಬಿಡಿ.
2. ನೆನೆಸಿದ ನಂತರ ಅಕ್ಕಿ ಮತ್ತು ಮೆಂತೆಯನ್ನು ಬೇಕಾದಷ್ಟು ನೀರು ಸೇರಿಸಿ, ನುಣ್ಣನೆ ಅರೆದು ಒಂದು ಪಾತ್ರೆಗೆ ಹಾಕಿ.
3. ಹಿಟ್ಟನ್ನು ಚೆನ್ನಾಗಿ ಕಲಸಿ, ಮುಚ್ಚಳವನ್ನು ಮುಚ್ಚಿ, 8-10 ಘಂಟೆ ಕಾಲ ಹಿಟ್ಟು ಹುದುಗಲು ಬಿಡಿ. ಗಮನಿಸಿ, ಉದ್ದಿನ ದೋಸೆಯಂತೆ ಹಿಟ್ಟು ಮೇಲೆ ಬರುವುದಿಲ್ಲ. ಹಿಟ್ಟು ಸರಿಯಾಗಿ ಹುದುಗದಿದ್ದರೆ ದೋಸೆ ಕಹಿಯಾಗುವುದು. 
4. ಹುದುಗಿದ ನಂತರ ಹಿಟ್ಟಿಗೆ ರುಚಿಗೆ ತಕ್ಕಷ್ಟು ಉಪ್ಪು ಸೇರಿಸಿ ಚೆನ್ನಾಗಿ ಕಲಸಿ. ಹಿಟ್ಟು ಉದ್ದಿನ ದೋಸೆಗಿಂತ ಸ್ವಲ್ಪ ತೆಳುವಾಗಿರಲಿ.
5. ದೋಸೆ ಹೆಂಚನ್ನು ಬಿಸಿಮಾಡಿ. ಎಣ್ಣೆ ಹಚ್ಚಿ, ಹಿಟ್ಟು ಸುರಿದು, ವೃತ್ತಾಕಾರದ ರೀತಿಯಲ್ಲಿ ದೋಸೆ ಹಿಟ್ಟನ್ನು ಹರಡಿ, ಮುಚ್ಚಳವನ್ನು ಮುಚ್ಚಿ .
6. 5 ಸೆಕೆಂಡುಗಳ ನಂತರ ಮುಚ್ಚಳವನ್ನು ತೆಗೆದು, ಎಣ್ಣೆ ಅಥವಾ ತುಪ್ಪ ಹಾಕಿ. ದೋಸೆ ಒಂದು ಬದಿ ಕಾಯಿಸಿದರೆ ಸಾಕು. ತೆಂಗಿನಕಾಯಿ ಚಟ್ನಿ ಅಥವಾ ಸಾಂಬಾರ್ ನೊಂದಿಗೆ ಬಡಿಸಿರಿ. ತುಪ್ಪ ಮತ್ತು ಸಕ್ಕರೆಯೊಂದಿಗೂ ಸವಿಯಬಹುದು.

To see step by step pictures click here (ಹಂತ ಹಂತವಾದ ಚಿತ್ರ ವೀಕ್ಷಿಸಲು ಇಲ್ಲಿ ಕ್ಲಿಕ್ಕಿಸಿ)

Hayagreeva recipe in Kannada | ಹಯಗ್ರೀವ ಅಥವಾ ಹೂರಣ ಮಾಡುವ ವಿಧಾನ

Hayagreeva recipe in Kannada | ಹಯಗ್ರೀವ ಅಥವಾ ಹೂರಣ ಮಾಡುವ ವಿಧಾನ

ಬೇಕಾಗುವ ಪದಾರ್ಥಗಳು: (ಅಳತೆ ಕಪ್ = 240 ಎಂಎಲ್ )

1. 1/2 ಕಪ್ ಕಡ್ಲೆಬೇಳೆ
2. 1/2 ಕಪ್ ಪುಡಿ ಮಾಡಿದ ಬೆಲ್ಲ (ರುಚಿಗೆ  ಬದಲಾಯಿಸಿ)
3. 2 ಟೇಬಲ್ ಚಮಚ ತೆಂಗಿನ ತುರಿ (ಬೇಕಾದಲ್ಲಿ)
4. 1 ಟೇಬಲ್ ಚಮಚ ಒಣ ದ್ರಾಕ್ಷಿ
5. 1 ಟೇಬಲ್ ಚಮಚ ಗೋಡಂಬಿ
6. 1 ಏಲಕ್ಕಿ

ಹಯಗ್ರೀವ ಅಥವಾ ಹೂರಣ ಮಾಡುವ ವಿಧಾನ:

1. ಹೂರಣ ತಯಾರಿಸಲು ಬೇಳೆಯನ್ನು ತೊಳೆದು ಎರಡು ಪಟ್ಟು ನೀರು ಸೇರಿಸಿ ಮೆತ್ತಗೆ ಬೇಯಿಸಿಕೊಳ್ಳಿ, 3 - 4 ವಿಷಲ್ ಮಾಡಿದರೆ ಸಾಕು. 
2. ಬೇಕಾದಲ್ಲಿ ಬೇಯಿಸಿದ ಬೇಳೆಯ ನೀರು ಬಸಿದು ತೆಗೆಯಿರಿ. ಈ ನೀರನ್ನು ಸಾರು ಮಾಡಲು ಉಪಯೋಗಿಸಬಹುದು. ನಾನು ನೀರು ತೆಗೆಯಲಿಲ್ಲ. 
3. ಬೇಯಿಸಿದ ಬೇಳೆಗೆ, ತೆಂಗಿನ ತುರಿ, ಏಲಕ್ಕಿ ಮತ್ತು ಪುಡಿಮಾಡಿದ ಬೆಲ್ಲವನ್ನು ಹಾಕಿ ಮಧ್ಯಮ ಉರಿಯಲ್ಲಿ ಮಗುಚುತ್ತಾ ಇರಿ. 
4. ಮೊದಲಿಗೆ ಸ್ವಲ್ಪ ನೀರಾಗಿ, ಆಮೇಲೆ ಗಟ್ಟಿಯಾಗುತ್ತದೆ. ಹೆಚ್ಚಿನ ನೀರಿನಂಶ ಹೋಗುವವರೆಗೆ ಮಗುಚಿ. ತುಂಬ ಗಟ್ಟಿ ಮಾಡುವುದು ಬೇಡ ಏಕೆಂದರೆ ತಣ್ಣಗಾದ ಮೇಲೆ ಗಟ್ಟಿಯಾಗುತ್ತದೆ. 
5. ಕೊನೆಯಲ್ಲಿ ತುಪ್ಪ ಬಿಸಿ ಮಾಡಿ, ದ್ರಾಕ್ಷಿ, ಗೋಡಂಬಿ ಹುರಿದು ಸೇರಿಸಿ. ಒಮ್ಮೆ ಮಗುಚಿ ಸ್ಟವ್ ಆಫ್ ಮಾಡಿ.  

To see step by step pictures click here (ಹಂತ ಹಂತವಾದ ಚಿತ್ರ ವೀಕ್ಷಿಸಲು ಇಲ್ಲಿ ಕ್ಲಿಕ್ಕಿಸಿ)

Gorikai palya recipe in Kannada | ಗೋರಿಕಾಯಿ ಪಲ್ಯ ಮಾಡುವ ವಿಧಾನ

Gorikai palya recipe in Kannada | ಗೋರಿಕಾಯಿ ಪಲ್ಯ ಮಾಡುವ ವಿಧಾನ 

ಬೇಕಾಗುವ ಪದಾರ್ಥಗಳು: ( ಅಳತೆ ಕಪ್ = 240 ಎಂಎಲ್ )

1. 1/4 ಕೆಜಿ ಗೋರಿಕಾಯಿ
2. 1/2 ಟೀಸ್ಪೂನ್ ಸಾಸಿವೆ
3. 1 ಟೀಸ್ಪೂನ್ ಉದ್ದಿನ ಬೇಳೆ
4. 1 ಟೀಸ್ಪೂನ್ ಕಡ್ಲೆ ಬೇಳೆ
5. 4 - 6 ಟೀಸ್ಪೂನ್ ಅಡುಗೆ ಎಣ್ಣೆ
6. 1 ಒಣ ಮೆಣಸಿನಕಾಯಿ (ಬೇಕಾದಲ್ಲಿ)
7. 1 ದೊಡ್ಡ ಚಿಟಿಕೆ ಅರಿಶಿನ ಪುಡಿ
8. 1 ದೊಡ್ಡ ಚಿಟಿಕೆ ಇಂಗು
9. 4 - 5 ಕರಿಬೇವಿನ ಎಲೆ
10. ಸಣ್ಣ ನೆಲ್ಲಿಕಾಯಿ ಗಾತ್ರದ ಬೆಲ್ಲ
11. ಸಣ್ಣ ಗೋಲಿಗಾತ್ರದ ಹುಣಿಸೇಹಣ್ಣು
12. ಉಪ್ಪು ರುಚಿಗೆ ತಕ್ಕಷ್ಟು
13. 2 ಟೇಬಲ್ ಚಮಚ ಕೊತ್ತಂಬರಿ ಸೊಪ್ಪು
14. 1/4 ಕಪ್ ನೀರು

ಅರೆಯಲು ಬೇಕಾಗುವ ಪದಾರ್ಥಗಳು:

1. 1/2 ಕಪ್ ತೆಂಗಿನ ತುರಿ
2. 2 - 4 ಒಣ ಮೆಣಸಿನ ಕಾಯಿ
3. 1/2 ಟೀಸ್ಪೂನ್ ಸಾಸಿವೆ

ಗೋರಿಕಾಯಿ ಪಲ್ಯ ಮಾಡುವ ವಿಧಾನ:

1. ಗೋರಿಕಾಯಿಯನ್ನು ತೊಳೆದು, ಕತ್ತರಿಸಿ.
2. ಒಂದು ಬಾಣಲೆಯಲ್ಲಿ ಎಣ್ಣೆ ಬಿಸಿ ಮಾಡಿ. ಸಾಸಿವೆ, ಉದ್ದಿನಬೇಳೆ ಮತ್ತು ಕಡ್ಲೆಬೇಳೆ ಹಾಕಿ. 
3. ಸಾಸಿವೆ ಸಿಡಿದ ಕೂಡಲೇ ಅರಶಿನ, ಇಂಗು, ಒಣ ಮೆಣಸಿನಕಾಯಿ ಮತ್ತು ಕರಿಬೇವಿನ ಎಲೆ ಹಾಕಿ ಒಗ್ಗರಣೆ ತಯಾರಿಸಿಕೊಳ್ಳಿ. 
4. ಅದಕ್ಕೆ ಕತ್ತರಿಸಿದ ಗೋರಿಕಾಯಿ ಹಾಕಿ. 
5. ಉಪ್ಪು, ಹುಣಿಸೆರಸ ಮತ್ತು ಬೆಲ್ಲ ಹಾಕಿ ಮಗುಚಿ.
6. 1/4 ಕಪ್ ನೀರು ಹಾಕಿ, ಮುಚ್ಚಳ ಮುಚ್ಚಿ ಮೆತ್ತಗಾಗುವವರೆಗೆ ಬೇಯಿಸಿ. 
7. ಅದೇ ಸಮಯದಲ್ಲಿ ಒಂದು ಮಿಕ್ಸಿ ಜಾರ್ ನಲ್ಲಿ ತೆಂಗಿನ ತುರಿ, 1/4 ಚಮಚ ಸಾಸಿವೆ ಮತ್ತು ಒಣ ಮೆಣಸು ಹಾಕಿ, ನೀರು ಹಾಕದೆ ಪುಡಿ ಮಾಡಿ. 
8. ಪುಡಿ ಮಾಡಿದ ಮಸಾಲೆ ಯನ್ನು ಬೇಯುತ್ತಿರುವ ಗೋರಿಕಾಯಿಗೆ ಹಾಕಿ. 
9. ಚೆನ್ನಾಗಿ ಮಗುಚಿ ಸ್ಟೋವ್ ಆಫ್ ಮಾಡಿ. ಚಪಾತಿ ಅಥವಾ ಬಿಸಿ ಅನ್ನದೊಂದಿಗೆ ಬಡಿಸಿ.

To see step by step pictures click here (ಹಂತ ಹಂತವಾದ ಚಿತ್ರ ವೀಕ್ಷಿಸಲು ಇಲ್ಲಿ ಕ್ಲಿಕ್ಕಿಸಿ)