How to store tamarind in Kannada | ಹುಣಿಸೇಹಣ್ಣು ಶೇಖರಿಸುವ ವಿಧಾನ

How to store tamarind in Kannada | ಹುಣಿಸೇಹಣ್ಣು ಶೇಖರಿಸುವ ವಿಧಾನ

ಹುಣಿಸೇಹಣ್ಣು ಪೇಸ್ಟ್ ವಿಡಿಯೋ

ಬೇಕಾಗುವ ಪದಾರ್ಥಗಳು:( ಅಳತೆ ಕಪ್ = 240 ಎಂಎಲ್ )

1. ಅರ್ಧ ಕೆಜಿ ಹುಣಿಸೆಹಣ್ಣು
2. ಅರ್ಧ ಕಪ್ ಉಪ್ಪು
3. ಅಗತ್ಯವಿದ್ದಷ್ಟು ನೀರು

ಹುಣಿಸೇಹಣ್ಣು ಶೇಖರಿಸುವ ವಿಧಾನ:

1. ಹುಣಿಸೆಹಣ್ಣನ್ನು ನೀರಿನಲ್ಲಿ ಎರಡು ಘಂಟೆಗಳ ಕಾಲ ನೆನೆಸಿಡಿ.
2. ನಂತರ ಚೆನ್ನಾಗಿ ಹಿಸುಕಿ. 
3. ದೊಡ್ಡ ಕಣ್ಣಿರುವ ಪಾತ್ರೆ ಅಥವಾ ಪ್ಲೇಟ್ ನಲ್ಲಿ ಸೋಸಿ, ಗಟ್ಟಿಯಾದ ಹುಣಿಸೆರಸ ತೆಗೆದಿಟ್ಟುಕೊಳ್ಳಿ. 
4. ಸೋಸುವಾಗ ಸೌಟು ಮತ್ತು ಸ್ವಲ್ಪ ನೀರು ಬಳಸಿದಲ್ಲಿ ಸುಲಭವಾಗಿ ಆಗುವುದು. 
5. ನಂತರ ಆ ಹುಣಿಸೆ ಪೇಸ್ಟ್ ಅನ್ನು ಒಂದು ಬಾಣಲೆಗೆ ಹಾಕಿ, ಕುದಿಯಲು ಇಡಿ. 
6. ಕುದಿಯುವಾಗ ಅರ್ಧ ಕಪ್ ಉಪ್ಪು ಸೇರಿಸಿ. 
7. ಕುದಿಯಲು ಪ್ರಾರಂಭವಾದ ಮೇಲೆ, ಉರಿ ಕಡಿಮೆ ಮಾಡಿ. 
8. ಹುಣಿಸೆರಸ ಗಟ್ಟಿಯಾಗುವವರೆಗೆ ಅಥವಾ ಸಿಡಿಯಲು ಪ್ರಾರಂಭವಾಗುವವರೆಗೆ ಕುದಿಸಿ. ಸುಮಾರು ಇಪ್ಪತ್ತು ನಿಮಿಷ ಬೇಕಾಯಿತು ನನಗೆ. 
9. ಸ್ಟವ್ ಆಫ್ ಮಾಡಿ, ಬಿಸಿ ಆರಿದ ಮೇಲೆ ಡಬ್ಬದಲ್ಲಿ ತುಂಬಿಸಿ, ಫ್ರಿಡ್ಜ್ನಲ್ಲಿಡಿ. 6 - 7 ತಿಂಗಳು ಕೆಡುವುದಿಲ್ಲ. 
10. ಹೊರಗೆ ಇಡುವುದಾದಲ್ಲಿ ಇನ್ನು ಸ್ವಲ್ಪ ಗಟ್ಟಿ ಪೇಸ್ಟ್ ಮಾಡಬೇಕಾಗುವುದು. 

To see step by step pictures click here (ಹಂತ ಹಂತವಾದ ಚಿತ್ರ ವೀಕ್ಷಿಸಲು ಇಲ್ಲಿ ಕ್ಲಿಕ್ಕಿಸಿ)