ಶುಕ್ರವಾರ, ಫೆಬ್ರವರಿ 8, 2019

Vanilla mug cake recipe in Kannada | ವೆನಿಲ್ಲಾ ಮಗ್ ಕೇಕ್ ಮಾಡುವ ವಿಧಾನ

Vanilla mug cake recipe in Kannada

Vanilla mug cake recipe in Kannada | ವೆನಿಲ್ಲಾ ಮಗ್ ಕೇಕ್ ಮಾಡುವ ವಿಧಾನ 

ವೆನಿಲ್ಲಾ ಮಗ್ ಕೇಕ್ ವಿಡಿಯೋ

ಬೇಕಾಗುವ ಪದಾರ್ಥಗಳು: (1 ಟೇಬಲ್ ಚಮಚ = 15ಎಂಎಲ್ )

  1. 4  ಟೇಬಲ್ ಚಮಚ ಮೈದಾ ಹಿಟ್ಟು
  2. 3 ಟೇಬಲ್ ಚಮಚ ಸಕ್ಕರೆ 
  3. 1/4 ಟೀಸ್ಪೂನ್ ಬೇಕಿಂಗ್ ಪೌಡರ್
  4. 3 ಟೇಬಲ್ ಚಮಚ ಹಾಲು
  5. 2 ಟೇಬಲ್ ಕರಗಿಸಿದ ಚಮಚ ಬೆಣ್ಣೆ
  6. 1/4 ಟೀಸ್ಪೂನ್ ವೆನಿಲ್ಲಾ ಎಸೆನ್ಸ್ (ನಿಮ್ಮಿಷ್ಟದ ಯಾವುದೇ ಎಸೆನ್ಸ್ ಬಳಸಬಹುದು)

ವೆನಿಲ್ಲಾ ಮಗ್ ಕೇಕ್ ಮಾಡುವ ವಿಧಾನ:

  1. ಒಂದು ಬಟ್ಟಲಿನಲ್ಲಿ ಮೈದಾ ಹಿಟ್ಟು, ಸಕ್ಕರೆ ಮತ್ತು ಬೇಕಿಂಗ್ ಪೌಡರ್ ತೆಗೆದುಕೊಳ್ಳಿ.
  2. ಅದಕ್ಕೆ ಹಾಲು, ಕರಗಿಸಿದ ಬೆಣ್ಣೆ ಮತ್ತು ವೆನಿಲ್ಲಾ ಎಸೆನ್ಸ್ ಹಾಕಿ ಕಲಸಿ. 
  3. ವಿಸ್ಕ್ ಅಥವಾ ಫೋರ್ಕ್ ಸಹಾಯದಿಂದ ಚೆನ್ನಾಗಿ ಮಿಶ್ರ ಮಾಡಿ.
  4. ಅದನ್ನು ಬೆಣ್ಣೆ ಸವರಿದ ಮಗ್ ಗೆ ಹಾಕಿ ಮೈಕ್ರೋವೇವ್ ಓವೆನ್ ನಲ್ಲಿ ಒಂದು ನಿಮಿಷ ಹೈ ಪವರ್ (700w) ನಲ್ಲಿ ಬೇಯಿಸಿ. ಓವೆನ್ ನಿಂದ ಓವೆನ್ ಗೆ ಸಮಯ ಬದಲಾಗಬಹುದು. 
  5. ಒಂದು ಕಡ್ಡಿ ಅಥವಾ ಫೋರ್ಕ್ ನ್ನು ಚುಚ್ಚಿ ಕೇಕ್ ಸಂಪೂರ್ಣ ಬೆಂದಿದೆಯೆಂದು ಖಾತ್ರಿ ಪಡಿಸಿಕೊಳ್ಳಿ. ಚುಚ್ಚಿದ ಕಡ್ಡಿಗೆ ಹಸಿ ಹಿಟ್ಟು ಅಂಟಿರಬಾರದು. 
  6. ಬೇಯಿಸಿದ ಕೇಕ್ ಸ್ವಲ್ಪ ಬಿಸಿ ಆರುವವರೆಗೆ ಕಾಯಿರಿ. ನಂತರ ನಿಮ್ಮಿಷ್ಟದಂತೆ ಅಲಂಕಾರ ಮಾಡಿ ಕೂಡಲೇ ತಿನ್ನಲು ಕೊಡಿ. 
  7. ಈ ಕೇಕ್ ನ್ನು ಸ್ವಲ್ಪ ಹೊತ್ತು ಬಿಟ್ಟು ತಿನ್ನುತ್ತೀರಾದರೆ, ಕೇಕ್ ನ್ನು ಮಗ್ ನಿಂದ ತೆಗೆದು, ಕೇಕ್ ನ ಸುತ್ತಲೂ ಸಕ್ಕರೆ ನೀರನ್ನು ಹಚ್ಚಿ.(ಸಕ್ಕರೆ ನೀರು ಮಾಡಲು, 1 ಚಮಚ ಸಕ್ಕರೆ ಯನ್ನು 2 ಚಮಚ ನೀರಿನಲ್ಲಿ ಕರಗಿಸಿ). ಇಲ್ಲವಾದಲ್ಲಿ ಕೇಕ್ ಸ್ವಲ್ಪ ಗಟ್ಟಿ ಎನಿಸಬಹುದು. 

ಕಾಮೆಂಟ್‌ಗಳಿಲ್ಲ:

ಕಾಮೆಂಟ್‌‌ ಪೋಸ್ಟ್‌ ಮಾಡಿ

Related Posts Plugin for WordPress, Blogger...