Nellikai saaru recipe in Kannada | ನೆಲ್ಲಿಕಾಯಿ ಸಾರು ಮಾಡುವ ವಿಧಾನ

 

Nellikai saaru recipe in Kannada |ನೆಲ್ಲಿಕಾಯಿ ಸಾರು ಮಾಡುವ ವಿಧಾನ

ನೆಲ್ಲಿಕಾಯಿ ಸಾರು ವಿಡಿಯೋ

ಬೇಕಾಗುವ ಪದಾರ್ಥಗಳು: (ಅಳತೆ ಕಪ್ = 240 ಎಂ ಎಲ್)

1. 2 ನೆಲ್ಲಿಕಾಯಿ 
2. 2 ಟೀಸ್ಪೂನ್ ತೊಗರಿಬೇಳೆ
3. 1 ಟೀಸ್ಪೂನ್ ಉದ್ದಿನಬೇಳೆ
4. 2 ಟೀಸ್ಪೂನ್ ಕೊತ್ತಂಬರಿ ಬೀಜ ಅಥವಾ ಧನಿಯಾ
5. 1/2 ಟೀಸ್ಪೂನ್ ಜೀರಿಗೆ
6. ಸ್ವಲ್ಪ ಕರಿಮೆಣಸು 
7. ಚಿಟಿಕೆ ಮೆಂತ್ಯ
8. ಚಿಟಿಕೆ ಸಾಸಿವೆ
9. 2 - 4 ಹಸಿಮೆಣಸಿನಕಾಯಿ
10. 5 - 6 ಕರಿಬೇವಿನ ಎಲೆ
11. 1/4 ಕಪ್ ತೆಂಗಿನ ತುರಿ
12. 1.5 ಟೀಸ್ಪೂನ್ ಉಪ್ಪು (ಅಥವಾ ನಿಮ್ಮ ರುಚಿಗೆ ತಕ್ಕಷ್ಟು)
13. 1/4 ಟೀಸ್ಪೂನ್ ಅರಿಶಿನ
14. 1 ಟೇಬಲ್ ಚಮಚ ಹೆಚ್ಚಿದ ಕೊತ್ತಂಬರಿ ಸೊಪ್ಪು
15. 1 ಟೀಸ್ಪೂನ್ ಅಡುಗೆ ಎಣ್ಣೆ

ಒಗ್ಗರಣೆಗೆ ಬೇಕಾಗುವ ಪದಾರ್ಥಗಳು:

1. 1/2 ಚಮಚ ಸಾಸಿವೆ
2. 1 ಒಣಮೆಣಸಿನಕಾಯಿ
3. ದೊಡ್ಡ ಚಿಟಿಕೆ ಇಂಗು
4. 5 - 6 ಕರಿಬೇವಿನ ಎಲೆ
5. 1 ಟೇಬಲ್ ಚಮಚ ಎಣ್ಣೆ

 ನೆಲ್ಲಿಕಾಯಿ ಸಾರು ಮಾಡುವ ವಿಧಾನ:

1. ನೆಲ್ಲಿಕಾಯಿಯನ್ನು ತೊಳೆದು ಕತ್ತರಿಸಿ ಬೀಜ ತೆಗೆಯಿರಿ. 
2. ಒಂದು ಬಾಣಲೆಯಲ್ಲಿ ತೊಗರಿಬೇಳೆ, ಉದ್ದಿನಬೇಳೆ, ಕೊತ್ತಂಬರಿ ಬೀಜ, ಜೀರಿಗೆ, ಕರಿಮೆಣಸು ಮೆಂತ್ಯ ಮತ್ತು ಸಾಸಿವೆಯನ್ನು ಒಂದು ಚಮಚ ಎಣ್ಣೆಯಲ್ಲಿ ಹುರಿಯಿರಿ.
3. ಬೇಳೆಗಳು ಕಂದು ಬಣ್ಣ ಬಂದು, ಸುವಾಸನೆ ಬಂದ ಮೇಲೆ ಕತ್ತರಿಸಿದ ಹಸಿಮೆಣಸಿನಕಾಯಿ ಮತ್ತು ಕರಿಬೇವು ಹಾಕಿ ಹುರಿಯಿರಿ. ಸ್ಟವ್ ಆಫ್ ಮಾಡಿ.  
4. ಮಿಕ್ಸಿ ಜಾರಿನಲ್ಲಿ ಕತ್ತರಿಸಿದ ನೆಲ್ಲಿಕಾಯಿ, ತೆಂಗಿನತುರಿ ಮತ್ತು ಹುರಿದ ಪದಾರ್ಥಗಳನ್ನು ಅಗತ್ಯವಿದ್ದಷ್ಟು ನೀರು ಸೇರಿಸಿ ಅರೆಯಿರಿ. 
5. ಅದನ್ನು ಒಂದು ಪಾತ್ರೆಗೆ ಹಾಕಿ, ಅಗತ್ಯವಿದ್ದಷ್ಟು ನೀರು ಸೇರಿಸಿ (ಸುಮಾರು ಅರ್ಧ ಲೀಟರ್)
6. ಉಪ್ಪು ಮತ್ತು ಅರಿಶಿನ ಸೇರಿಸಿ ಕುದಿಸಿ. 
7. ಚೆನ್ನಾಗಿ ಕುದಿಸಿ, ಕೊತ್ತಂಬರಿ ಸೊಪ್ಪು ಸೇರಿಸಿ, ಸ್ಟವ್ ಆಫ್ ಮಾಡಿ. 
8. ಆಮೇಲೆ ಎಣ್ಣೆ, ಸಾಸಿವೆ, ಒಣಮೆಣಸು, ಇಂಗು ಮತ್ತು ಕರಿಬೇವಿನ ಒಗ್ಗರಣೆ ಮಾಡಿ.
9. ಬಿಸಿಯಾದ ಅನ್ನದೊಂದಿಗೆ ಬಡಿಸಿ.

To see step by step pictures click here (ಹಂತ ಹಂತವಾದ ಚಿತ್ರ ವೀಕ್ಷಿಸಲು ಇಲ್ಲಿ ಕ್ಲಿಕ್ಕಿಸಿ)