Paduvalakai jeerige kootu recipe in Kannada | ಪಡುವಲಕಾಯಿ ಕಲಾಸು ಮಾಡುವ ವಿಧಾನ

Paduvalakai jeerige kootu recipe in Kannada | ಪಡುವಲಕಾಯಿ  ಕಲಾಸು ಮಾಡುವ ವಿಧಾನ

ಪಡುವಲಕಾಯಿ ಕೂಟು ವಿಡಿಯೋ

ಬೇಕಾಗುವ ಪದಾರ್ಥಗಳು: ( ಅಳತೆ ಕಪ್ = 240 ಎಂಎಲ್ )

1. 1 ಸಣ್ಣ ಗಾತ್ರದ ಪಡುವಲಕಾಯಿ 
2. 1 - 2 ಹಸಿರು ಮೆಣಸಿನಕಾಯಿ 
3. ಒಂದು ಚಿಟಿಕೆ ಅರಶಿನ ಪುಡಿ 
4. 1 ನಿಂಬೆ ಗಾತ್ರದ ಬೆಲ್ಲ
5. ಉಪ್ಪು ರುಚಿಗೆ ತಕ್ಕಷ್ಟು

ಅರೆಯಲು ಬೇಕಾಗುವ ಪದಾರ್ಥಗಳು:

1. 1/2 ಕಪ್ ತೆಂಗಿನ ತುರಿ 
2. 2 ಟೀಸ್ಪೂನ್ ಅಕ್ಕಿ
3. 1/2 ಟೀಸ್ಪೂನ್ ಜೀರಿಗೆ 
4. 1 ಹಸಿರುಮೆಣಸಿನಕಾಯಿ (ಬೇಕಾದಲ್ಲಿ)

ಒಗ್ಗರಣೆಗೆ ಬೇಕಾಗುವ ಪದಾರ್ಥಗಳು:

1. 1/2 ಚಮಚ ಸಾಸಿವೆ
2. 1 ಕೆಂಪು ಮೆಣಸಿನಕಾಯಿ
3. 5 - 6 ಕರಿಬೇವಿನ ಎಲೆ
4. 2 ಟೀಸ್ಪೂನ್ ಅಡುಗೆ ಎಣ್ಣೆ

ಪಡುವಲಕಾಯಿ ಅಥವಾ ಪಟ್ಲಕಾಯಿ ಕಲಾಸು ಮಾಡುವ ವಿಧಾನ:

1. ಪಡುವಲಕಾಯಿಯನ್ನು ಹೊರಗಿನ ಸಿಪ್ಪೆ ಹೆರೆಸಿ, ತೊಳೆದು ಸಣ್ಣದಾಗಿ ಕತ್ತರಿಸಿ. ನಡುವಿನ ಬೀಜ ಇರುವ ಭಾಗವನ್ನು ಹಾಕುವುದು ಬೇಡ. 
2. ಕತ್ತರಿಸಿದ ಪಡುವಲಕಾಯಿ, ಅರಶಿನ, ಉಪ್ಪು, ಸೀಳಿದ ಹಸಿರು ಮೆಣಸಿನಕಾಯಿ, ಬೆಲ್ಲ ಮತ್ತು ನೀರು ಹಾಕಿ ಬೇಯಿಸಿ. 
3. ಜೀರಿಗೆ, ತೆಂಗಿನ ತುರಿ ಮತ್ತು ತೊಳೆದ ಅಕ್ಕಿಯನ್ನು ಮಿಕ್ಸಿಯಲ್ಲಿ ಅರೆಯಿರಿ. ಬೇಕಾದಲ್ಲಿ ಒಂದು ಹಸಿರುಮೆಣಸಿನಕಾಯಿ ಸೇರಿಸಬಹುದು. ಆದರೆ ಈ ಸಾಂಬಾರ್ ಕಡಿಮೆ ಖಾರವಿದ್ದು ಸ್ವಲ್ಪ ಸಿಹಿಯಾಗಿದ್ದರೆ ಚೆನ್ನ. 
4. ಬೇಯಿಸಿದ ಪಡುವಲಕಾಯಿಗೆ ಅರೆದ ಮಸಾಲೆ ಹಾಕಿ.
5. ಬೇಕಾದಲ್ಲಿ ಉಪ್ಪು ಮತ್ತು ಬೆಲ್ಲವನ್ನು ಸೇರಿಸಿ. 
6. ಈ ಸಾಂಬಾರ್ ಸ್ವಲ್ಪ ದಪ್ಪ ಇರಬೇಕು. ಒಂದು ಕುದಿ ಕುದಿಸಿ, ಸ್ಟವ್ ಆಫ್ ಮಾಡಿ.
7. ಎಣ್ಣೆ, ಸಾಸಿವೆ, ಕೆಂಪು ಮೆಣಸಿನಕಾಯಿ ಮತ್ತು ಕರಿಬೇವಿನ ಒಗ್ಗರಣೆ ಮಾಡಿ. ಬಿಸಿ ಅನ್ನದೊಂದಿಗೆ ಬಡಿಸಿ.

To see step by step pictures click here (ಹಂತ ಹಂತವಾದ ಚಿತ್ರ ವೀಕ್ಷಿಸಲು ಇಲ್ಲಿ ಕ್ಲಿಕ್ಕಿಸಿ)